Sjúkraskrárnar úti í bæ

Ekki hafði ég gert mér grein fyrir að þessi undarlegu fyrirbæri sem kalla sig ,,sjálfstætt starfandi sérfræðinga" í læknisfræði létu vinna sjúkraskrár sjúklinga sinna úti í bæ. Og nú ætlar semsagt sjálfur Landspítalinn að taka sömu vinnubrögð upp eftir hinum sérfróðu peningageðsjúklinum í læknastétt. Ef fram fer sem horfir munu blessuð sanngjörnu tryggingafélögin okkar taka að sér ritun sjúkraskrá landsmanna. Það eru áreiðanlega mörg brillíant hagræðingartækifæri fólgin í þessháttar fyrirkomulagi. Enda er um að gera að græðgisvæða sjúkdómaatvinnuveginn sem allra-allra mest. 

Sjúkraskrár ritaðar úti í bæ

Klámfengin kvenpersóna

Hvern fjandann á það að þýða hjá einum skitnum yfirstéttarfémínísta af úrkynjaðri kóngafjölskyldu að taka sér fyrir hendur að lesa upp klámsögur yfir fólki? Og ekki kvu innihald lestursins hafa verið neinn guðsorðaflaumur á sparifötum, heldur var þar á ferð fullkominn brútal viðbjóður af síðustu sort.

Prinsessan las erótísk ævintýr

Saung þann hefur engi maður heyrt slíkan

,,Ég mun ekki greina frá söng Garðars Hólm með samanburði við þá menn aðra sem kunna að hafa súngið í höllum Þalíu dísar viðsvegar um heim, hvorki í Teatro Colon, Kussnacht, Péturskirkju (eða var það kanski Sánktipétursborg) né hjá Múhameð ben Alí. En saung eins og þann sem ég varð áheyrsla í hinni ónafnkunnustu allra höfuðkirkna hefur engi maður heyrt slíkan; og ég hygg fár mundi hafa orið samur eftir ef heyrt hefði, enda voru þau eyru dauf sem hann var ætlaður" ...

... ,,Og svo gengu þessi hljóð nærri mér, að ég sá mér þann kost vænstan að troða orgelskrjóðinn af öllum lífs og sálar kröftum til að taka yfir þennan saung eða að minnstakosti hamla á móti honum í von um að ég bærist af" ... Brekkukotsannáll, bls 296, HKL

Hamraborgin nötraði

Skilningleysi hlandaula

Það er varla von til að hlandaular á borð við bandaríkjastjórn skilji nokkurn skapaðan hlut bréfum stórmenna eins og félaga Fídel. Þess utan væri nær fyrir nefnda hlandaula að hugleiða lýðræðið á sínunum heimaslóðum. Eða hvernig er hægt að kalla tveggjaflokka einræði stórfyrirtækja og annarra fjármangnsafla lýðræði ?

Hvíta húsið: Kastróbréfið „athyglisvert“

Áflog skerpa ástina ... stundum

Ójá, það kemur óskjaldan fyrir að kastast í kekki millum sambýlisfólks á bestu bæjum. Við skulum ekki fárast yfir því, því síður hneykslast. Stundum skerpa svona áflog ástina og þá er vel. En auðvitað var ástæðulaust fyrir karlinn að vera undir áhrifum eiturlyfja við þetta gullna tækifæri ...

Umsátur í Mosfellsdal

Af femínistanum Ingveldi

Eftir að frú Ingveldur gjörðist fémínísti fór hún að kúga Kolbein eiginmann sinn af tvíelleftum eldmóði. Fyrst í stað ætlaði Kolbeinn að hreyfa andmælum, standa uppi í hárinu á konu sinni, en komst fljótlega að því, að það væri óðs manns æði, jafnvel lífshættulegt. Hann tók því til bragðs, að láta af öllum kenjum og undirgangast ísma frú Ingveldar möglunarlaust. Í staðinn varð hann undarlegur í höfðinu; hjólaði á ljósastaura á leið í vinnuna, fór að pissa í kopp á nóttinni, og ganga að garðyrkjustörfum á lóðinni íklæddur bláum bómullarslopp og grænum gúmmístígvélum sem náðu honum upp á miðja kálfa, en skjannahvítir spóaleggirnir milli slopps og stígvéla gáfu síðan þessum búningi þá dýpt og yfirbragð sem honum bar. En frú Ingveldi var andskotans sama þó bóndi hennar væri orðinn undarlega utangátta í seinni tíð og inní sig vaxinn. Mestu máli skipti, að hann var orðinn meðfærilegur og játaði fémínísma hennar mjúkt og stafastlega - að minnsta kosti í orði. 

Einkavinarán í undirbúningi ?

 „Við þetta er nákvæmlega ekkert að athuga," segir Geir H. Haarde, forsætisráðherra um stofnun nýs dótturfélags Landsvirkjunar, Landsvirkjun Power. Fyrirtækinu er m.a. ætlað að taka þátt í orkutengdum útrásarverkefnum. 

„Það er athyglisvert að þessum gjörningi er hampað sem hluta af og beinlínis vísað til stjórnarsáttmála ríkisstjórnarinnar. Það helsta sem þar kemur fram varðandi orkumál er að „tímabært“ sé að „leysa úr læðingi krafta einkaframtaksins svo að íslensk sérþekking og hugvit fái notið sín til fulls í útrás orkufyrirtækja.“ Ber að túlka þetta svo að til standi að hleypa einkafjármagninu inn í framkvæmdir hér innan lands einnig, þar eð LV Power virðist jöfnum höndum eiga að annast verkefni hérlendis og erlendis?" segir í ályktun VG þar sem varað er sterklega við þessum áformum.

 

Ekkert athugavert við félag

Ámælisvert klæðleysi kvenna

Það er naumast hvað þær gera víðreist þessar fáklæddu konur.

Núorðið geta smábörn, hvað þá stærri börn, varla snúið sér við öðruvísi en klæðlitlar og jafnvel klæðalausar kerlingar af hinu og þessu tagi blasi við augum þeirra. En hvað þessar skjátur eru að vilja á einhverju leikjaneti fyrir börn er mér gjörsamlega hulið; svoleiðis framferði minnir mig einnahelst á perrakalla sem hlaupa um að kvöldlagi í síðfrökkum einum fata í þeim tilgangi að fletta frá sér framaní grandalaust fólk.

Ef fram fer sem horfir, og þessi óheillaþróun fær að grassera mótspyrnulaust, líður ekki á löngu að sá dagur renni upp, að kvenfólk hætti alfarið brúka fatnað af neinu tagi.

Satt að segja fer um mig hrollur við tilhugsunina að sjá nakin lúxuskvendi allrahanda vaða um götur og grundir í skafrenningi og hörkufrosti. Megi Almættið forða oss frá þessháttar hroða ...  

Fáklæddar konur á vefjum tengdum Leikjaneti

Vinstrimenn út á göturnar á Íslandi

Það hlýtur að koma að því að íslenskir vinstrimenn fari út á göturnar og jafni rækilega um kapítalistahænsnin sem eru langt komin með að stela öllu nýtilegu til sjós og lands og hafa auk þess þrengt að lýðræðinu eins og kostur er. Þegar kemur að því að alþingi götunnar tekur til starfa, kemur í ljós hverjir eru raunverulegir vinstrimenn og hverjir ekki. En allt um það, fólk er byrjað að fá meir en upp í háls ... 

Mótmæltu „eftirlitsríki“

Sneri hákarl úr hálsliðnum með berum höndum

Eins og flestum mun kunnugt er einungis á færi ofurmenna að slást við hákarla og sleppa lifandi hrá slíkum hildarleik. Það verður því að teljast all snöfurmannlegt af sundmanninum Scott Wright, að sleppa frá sínum hákarli með því að gefa honum á kjaftinn. Ísmaðurinn ógurlegi, Sigurður P. fyrrum nágranni minn, hefur þó náð lengst allra í bardögum við hákarla. En eins og sumir eflaust muna, vakti Sigurður athygli gjörvallrar heimsbyggaðrinnar þegar hann snöri hákarl, sem hann átti í blóðugum átökum við, úr hálsliðnum eins og þúfutittling. Þegar hákarlinn var dauður kom í ljós að banamaður hans var ósár með öllu og hefir aunginn maður gert betur í handalögmálum við þetta grimmasta óargadýr undirdjúpanna.

„Hélt að þetta væri mitt síðasta“