Eiður ætti að berja Ræjkarð vel og vandlega

Ljóta skepnan þessi Fránki Ræjkarð að velja ekki okkar mann á móti Real Madrid, enda töpuðu Barscilónu menn eins og þeir áttu skilið. Væri ég Eiður Smári myndi ég taka Ræjkarð þennan umskipting og lúberja hann vel og vandlega til að svonalagað endurtæki sig ekki aftur.

Real Madrid sigraði - Eiður úti í kuldanum

Sannleikurinn um litlu stúlkuna með eldspýturnar

Það kannast víst flestir við söguna af ,,litlu stúlkunni með eldspýturnar." En þeir eru áreiðanlega færri sem vita að í raun og sann var þessi litla stúlka, sem fólk hefur vorkennt skefjalaust og fellt tár yfir, forhertur brennuvargur sem hafð mörg ódæði á samviskunni. Frumraun iðju hennar var þegar hún kveikti í hænsnakofa frú Groth sem bjó í næstu götu. Að sjálfsögðu drápust allar hænurnar í eldsvoðanum. En því miður hljóp eldurinn líka í  íbúðarhús frú Groth sem brann til kaldra kola. Næst bar litla stúlkan niður með eldspýturnar við bakdyrnar á verslun herra von Cryplingstein kjötkaupmanns og fór þar allt á sömu leið og hjá frú Groth. Þermur mánuðum síðar brunnu fimm fjölskyldur inn þegar húsaröð fuðraði upp í Herbertssonstrasse. Þá var röðin komin að Kapitalbanka sem var í eigu Mannheim greifa. Í kjöfar bankabrunans var var Mannheim greifi tekinn fastur, grunaður um íkveikju og tryggingasvik. En hátindi ferils síns náði litla stúlkan með eldspýturnar þegar hún bar eld að dómkirkju borgarinnar sem skíðlogaði stafnana á milli í heilan sólarhring. Kvöldið atarna þegar hún var að norpa á stéttinni í Slésvíkurstræti, og frá er sagt í grátlegu sögunni, hafði hún ekkert fallegra í huga en að bíða eftir að fólkinu fækkaði á götunum svo hún gæti kynt upp svo um munaði í stærstu jólagjafaverslun borgarinnar. Þá loks tók Drottinn Almáttugur í taumana og sló ,,Litlu Stúlkuna Með Eldspýturnar" með fimbulkulda svo hún fraus í hel á augabragði. Daginn eftir kom svo í ljós að ,,litla stúlkan " var alls engin lítil stúlka heldur dvergvaxin kerling í gerfi lítillar stúlku með eldspýtur í loppunum.   

Að vera sjálfstæðismaður, aðstoðarmaður og sonur eru fullkomin rök

Hvaða bölvað ekkesens röfl er nú í krataeignunum; það vita nú allir hvernig þeir eru ! Ég get með góðri samvisku svarið að það mun ekki vefjast eitt andartak fyrir Árna Matthýsenn, þeim guðsblessaða og frábæra dýralækni að rökstyðja val sitt á Þorsteini Davíðssyni til héraðsdómarastarfa. Rökin eru augljós og skotheld: Þorsteinn litli Davíðsson er sjálfstæðismaður, aðstoðarmaður Björns Bjarnasonar kirkjumálaráðherra og sonur Davíðs Oddssonar. Svo einfalt er það nú. Og ef þetta eru ekki gild rök þá er allt rökleysa. Svo verða hlandsveinarnir á kratakamrinum að bara að japla á sinni spillingu fyrir sig svo óspilltir sem þeir eru, eða hitt þá heldur !

Árni segist munu skila ítarlegum rökstuðningi

Fékk jólakveðju í andlitið

Það er naumast jólakveðjan sem maðurinn í Keflavík fékk frá náunga sínum í gærkvöldi. Fyrr má nú gagn gera en að reka samborgara sínum glas, í kveðjuskyni, af heljarafli fyrir nasirnar svo að úr varð 30 spora svöðusár. Svonalagað gerum við aldrei hér á Snæfellsnesi, þrátt fyrir að séra Árni segði að vér værum vont fólk. 

Sleginn með glasi í andlitið

Jafnréttissinnað rán

Það góða við ránið á Litlu kaffistofunni er að þar voru karl og kona að verki; semsé fullt jafnræði á milli kynja, en séð frá vissu sjónarhorni eru þessháttar rán mikið betra en hreint karllægt rán. Það er meir en gleðilegt að sjá og lifa allar þessar framfarir í jafnréttismálinu. Svo er bara að vona að karlinn og konan skipti ránfengnum hnífjafn á milli sín og fullkomni þar með staf sitt.

Rán á Litlu kaffistofunni

Heybrækurnar í Sjálfstæðisflokknum

Þetta er einhver misskilningur með að Alkæjeta hafi áformað hryjuverk á trúarhátíð múslima. Samkvæmt áreiðanlegustu heimildum voru það samtökinn Sjálfstæðisflokkurinn sem áformaði þetta slag en guggnaði þegar á hólminn var komið enda eru Sjálfstæðismenn hinar mestu heybrækur. 

Áformuðu árásir á trúarhátíð

Sóleyjarisminn ríður VG-röftum til falls.

 Sóley Tómasdóttir

,,Róttækur femínisti sem ætlar að bjarga heiminum. Ritari Vinstrihreyfingarinnar græns framboðs, formaður mannréttindanefndar, fulltrúi í menningar og ferðamálaráði og varaborgarfulltrúi."

Það er ekki amalegt fyrir VG að hafa snillinginn Sóleyju Tómasdóttur í framvarðarsveit sinni. En þrátt fyrir óumdeilanlega snilld sína er mér samt samt gjörsamlega hulin ráðgáta hvernig það kom til að þessi valkyrja var gerð að ritara VG því hæfileikar hennar og snilld eru ekki þess eðlis að þeir geti komið stjórnmálaflokki að öðrum notum en neikvæðum.

Nú er það svo, að með framgöngu sinni hefur Sóleyju og hennar fylgiliði tekist á undraskömmum tíma að koma slíku óorði á VG að varla verður við unað lengur af öðrum forustumönnum flokksins, nema þeir séu samskonar andlegir fátæklingar og Ritarinn makalausi.

Það þýðir semsé ekki meir fyrir félaga Ögmund Jónasson, formann þingflokks VG og Steingrím J. flokksformann að gera minnstu tilraun til að reyna að verja hinn sérkennilega sóleyjarisma, sem riðið hefur húsum á VG-bænum í alltof langan tíma eins og kaþólskur miðaldadraugur. Lyfti nefndir herramenn svo sem litlafingri til stuðnings þessum blábjánum lenda þeir með flokkinn úti í því kviksyndi þar sem hvergi kennir botns og engi á afturkvæmt úr - sem væri svosem ágætt útaf fyrir sig og sennilega nauðsynlegt skref í að endurreisa róttæka vinstristefnu á Íslandi, sósíalisma.

En hvað sem öðru líður, hlýtur að vera freistandi fyrir Steingrím og Ögmund að taka höndum saman um að úthýsa yfirstéttarfémínísmanum og öllu því rugli sem honum fylgir úr VG og reka Ritarann bráðgáfaða og aðra sóleyjarista úr flokknum.  

Ósáttir við jólakort femínista

Pokaprestar og labbakútar

Það er víst kunnara en frá þurfi að segja, að á Alþingi íslendinga er fjöldinn allur af óraunverulegum þingmönnum, þ.e. þingmönnum sem sannarlega hafa náð kjöri en eru ekki starfinu vaxnir. Þessa lítilsigldu pokapresta er að finna í öllum þingflokkum. Svo rammt kveður að þessari óáran, að í sumum þingflokkum eru labbakútar af þessu tagi í góðum meirihluta þ.e. vel yfir fimmtíu prósent.   

„Óraunverulegur“ þingmaður

Jólakötturinn át fimm manna fjölskyldu í fyrrinótt

Þau stórtíðindi urðu í Hafnarfirði í fyrrinótt að hinn nafnkunni Jólaköttur át fimm manna fjölskyldu inni í íbúð þeirra á fjórðu hæð í fjölbýlishúsi. Þegar upp komst um ódæðið var meidýraeyði bæjarins gert viðvart og kom hann óðar á vettvang. Eftir að meindýraeyðirinn, ásamt lögregluþjóni, hófu leit að óargadýrinu hefur ekkert til þeirra spurst þrátt fyrir mikla leit fjölmargra björgunarsveitarmanna. Afturámóti sást til Jólakattarinns í kvöld hvar hann las sig upp vegg á höfuðstöðvum eins mesta fjármálafyrirtækis landsins. Er hald manna að ætlun hans hafi verið að ná sér í lyktarsýnishorn af forstjórum fyrirtækisins og aðaleigendum svo hann geti þefað þá uppi úti í bæ. Hér áður fyrr nægði þessari bleikálóttu skepnu að éta óþekk börn á jólaföstunni, en nú virðist Jólakötturinn vera að færa sig uppá skaptið því ekki er annað að sjá en en hann sé farinn að hafi uppi útispjót með að veiða sér vel holdgaða kapítalista til átu. - Og er það vel.   

Pútím og ónáttúrubesefinn Bush

Það getur varla verið rétt haft eftir Pútím að ónáttúrubesefinn Georg Dobbilijú Bush sé ,,áreiðanlegur samstarfsaðili og heiðursmaður." Ef þetta er raunveruleg skoðun Pútíms er ljóst að vitsmunir hans eru ekki meiri en gerist og gengur meðal nautgripa. Hinsvegar fer Pútím nær raunveruleikanum þegar hann ámálgar að svo virðist sem valdaklíkan í Bandaríkjunum hafi um langan aldur reynt eftir föngum að innræta sínu fólki að í öðrum löndum búi samansafn af fábjánum og glæpamönnum. Það er semsé engin lygi að yfir vötnum USA svífur fasismi af ekki beint geðugu tagi og reyndar svo ískyggilegur að óhætt er að leyfa sér kalla hann alvarlega meinsemd í heimslíkamanum. 

Dregin upp mynd af Rússum „nýkomnum niður úr trjánum“