Steingrímur J. grípur til sinna ráða

Það ætti engan að undra þó Steingrímur J. reyni að grípa til sinna ráða, þegar ljóst er orðið að íslensku ríkisstjórninni er um megn að krafla sig útúr efnahagsvandanaum á annan hátt en fórna sjálfstæði landsins á altari hrægamma auðvaldsins í Alþjóða gjaldeyrissjóðnum.

Ég er viss um, að almenningi hugnast margfalt betur að fá aðstoð frá hinum Norðurlöndunum, ekki síst Noregi, fremur en að liggja í svaðinu fyrir fótum Alþjóða gjaleyrissjóðsins.

Ef það er rétt sem Steingrímur segir, að íslens stjórnvöld hafi ekki leitað eftir aðstoð á Norðurlöndum, þá er það ekki minna en mjög ámælisverður slóðaskapur eða eitthvað þaðan af verra.

Steingrímur J: Biðlar til norskra stjórnvalda

Skilyrði saurlifnaðarmanns fyrir stóru láni

Og svo ætla íslensk stjórnvöld að taka stórt peningalán hjá stofun sem hefur annan eins graðnagla og saurlifnaðarmann og hr. Strauss-Kahn í forsvari fyrir sig. Svona karlar eru vísir til að setja sem skilyrði fyrir lánveitingunni, að þeir fái óheftan aðgang að öllu íslensku kvenfólki sem þeim lystir, annars verði lánið ekki veitt. 

Því miður eru stjórnvöldin á Íslandi svo illa ráðvillt og lík höfuðsóttargemlingum, að þau væru meir en líkleg til að ganga að skilmálum hr. Strauss-Kahn. 

Það ætti að vera nóg að íslendingar hafi tapað öllum aurunum sínum í gjárglæfrar svo ekki bætist við að kvenþjóð vor sé sett að veði fyrir láni frá ólifnaðarskepnunni Dóminikk Strauss-Kahn

Framkvæmdastjóri IMF sætir rannsókn

Það getur enginn flúið sjálfan sig

Það virist ganga sæmilega að telja þjóðinni trú um, að innganga í ESB sé aldeilis brillíant flóttaleið undan yfirstandandi efnahagshremmingum og Sjálfstæðisflokknum.

Hinsvegar er málið ekki svona einfalt, vegna þess að enginn getur flúið sjálfan sig, hvert á land sem hann fer. Meira að segja innan ESB myndi flóttamaðurinn finna sjálfan sig fyrir.

 

70% vilja þjóðaratkvæðagreiðslu um ESB

Helber þvættingur

Ísland varð fyrir happi í dag á vettvangi Sameinuðu þjóðanna, ekki auðmýkingu. Allt tal um annað er helber þvættingur andlega sljórra vesalinga eða illgjarnra varmenna og öfugugga.

En ef allt væri með felldu ættu dagar Ingibjargar Sólrúnar á ráðherrastóli að vera taldir, sem og flestra kunningja hennar í ríkisstjórninni. 

Segja Ísland hafi orðið fyrir auðmýkingu

Leikbrúður í fangi búktalara

Það held ég sé geðugur andskoti, eða hitt þá heldur, að velja sér það hlutverk í lífinu að vera ,,talsmaður" stórfyrirtækis, ríkra feðga eða afdankaðrar ríkisstofnunar.

Það hefur varla farið fram hjá neinum, að blaða- og fréttamenn hafa í ríkum mæli tekið að sér hin ókræsileg hlutverk ,,talsmanna" hinna og þessara kláðagemlinga. Um metnað þessa fólks þarf vart að fjölyrða, hann er áreiðanlega uppi í Borgarfirði eins og botninn úr tunnu Bakkabræðra.

,,Við höldum ótrauð áfram," segir Erna Indriðadóttir, sem eitt sinn naut virðingar sem fréttamaður Ríkissjónvarpsins, en er nú innantóm málpípa fyrirtækis af alúmíníumauðvaldsstandi. Hún segir meira að segja ,,við" þegar hún kvakar í nafni Alcoa, rétt eins og hún sé stóreigandi og burðarás í þessu álbræðslufyrirbæri.

En mikið ósköp held ég samt að það sé ömurlegt að vera eins og skælglottandi brúða, af holdi og blóði, í fanginu búktalara sem lætur mann þvaðra í fjölmiðla það sem honum lystir. Konni, leikbrúðan hans Baldurs sáluga búktalara, var skemmtileg þó hún væri búin til úr einhverju pjátri. Það sama verður ekki sagt um fólk sem lætur stórfyrirtæki, ríka feðga eða afdankaða ríkisstofnun tala í gegnum sig eins og viljalaust verkfæri. 

„Höldum ótrauð áfram“

Vesalings konan Kristín

Vesalings konan Kristín A. Árnadóttir. Hún er einn þeirra örfáu íslendinga sem eru vonsviknir útaf öryggisrásflengingunni í dag. 99% íslendinga eru hins vegar hæst ánægðir með niðurstöðuna.

Niðurstaðan mikil vonbrigði

Hún skapar sinn eigin höfuðbana

Borgarastéttin skapar fyrst og fremst sinn eigin höfuðbana. Fall hennar er jafn óhjákvæmilegt og sigur öreigalýðsins.

Kommúnisminn bannar engum að afla sér þjóðfélagslegra afurða. Hann bannar þeim aðeins að afla sér þeirra með því að undiroka vinnu annarra.

Kommúnistar hirða ekki um að leyna skoðunum sínum og ætlunum. Þeir lýsa því yfir afdráttarlaust, að takmarki þeirra verði því aðeins náð, að allri þjóðfélagsskipan verði steypt af stóli með valdi. Lofum hinum drottnandi stéttum að skjálfa fyrir kommúnistabyltingu. Þar hafa öreigarnir engu að týna nema hlekkjunum. Þeir eiga heilan heim að vinna.

Öreigar allra landa sameinist!

Karl Marx og Friðrik Engels

Auðmagnið selst vel í kreppunni

Vikapiltur auðvaldsins

Hann hefur löngum þótt fyrirtaks hlaupatík fyrir auðvaldið hann Ásmundur Stefánsson. Meðan hann dindlaðist sem yfirskrifstofusjakali ASÍ tókst honum að draga samtök launafólks niður á það skítaplan sem þau veltast enn í, hálfdauð og heillum horfin.

Eftir að hafa búverkað á ASÍ kontórnum hvarf þessi lævísi sáttasemjari inn í hringiðu auðvalds og arðráns í bankakerfinu. Endur fæddist loks um síðir sem ríkissáttasemjari!

Og nú er Ásmundur semsagt orðin opinber leigusnati Gjeirs Haaarde frjálshyggjuspekúlants.

Skítt veri það allt og sví því! 

Ásmundur Stefánsson til starfa fyrir forsætisráðherra

Glæsileg Guðs blessun

Það skoðast sem mikil Guðs blessun að Ísland varð heimaskítsmát í kjörinu í öryggisráð Sameinuðu þjóðanna. Við losnum þá við að verða okkur til skammar á þeim vettvangi.

Úr því sem komið er þýðir ekki að harma aurana sem fóru í þessa einkennilegu hugdettu ráðamanna þjóðarinnar. Auðvaldið okkar er komið á hliðina hvort eð er, svo okkur munar ekki um nokkra tugi, eða hundruð, miljóna til eða frá úr því sem komið er.

Hinsvegar er það umhugsunarefni hvaða þjóðir voru svo nautheimskar að greiða Íslandi atkvæði öryggisráðskosningunni. Mér er næst að halda að umræddar þjóðir hafi verið að gera narr að okkur. Eða kosið Ísland með þí hugarfari, að fíflinu skuli á foraðið etja.

Ísland náði ekki kjöri

Tvöfalt heimsmet

Það er eitt og annað sem gerist í henni veröld.

Fyrir nokkrum dögum síðan missti frjálshyggjan af sér allar spjarirnar á einu bretti og má nú una því að standa berrössuðu úti á víðavangi fyrir augliti heimsbyggðarinnar. Það er nú heldur en ekki sjón að sjá!

Og ekki er síðra að virða fyrir sér útrásarhænsnin, ófiðruð og stéllaus.

En skemmilegast er þó að horfa á stjónmálamennina, sem hleyptu frjálshyggjuminkunum út úr búrinu, og neita svo að segja af sér fyrir tiltækið. Þessháttar framgangsmáti er varla minna en tvöfalt heimsmet.

Neyddi dreng til að fara í sturtu