Dómsmálaráðherra hugsanlegt fórnarlamb nauðgara?

Aldrei hef ég lesið eins voðalegt bréf og það sem Fémínístfélag Íslands sendi Birni Bjarnasyni dómsmálaráðherra og hæstaréttardómurum í dag eða gær. Að tala um Björn Bjarnason, Jón Steinar Gunnlaugsson og Ólaf Börk Þorvaldssons sem hugsanleg fórnarlömb nauðgunar er hryllilegra en nokkur orð geta lýst. Það mætti halda að fémínístar Íslands hafi dregið upp mynd fyrir hugskotsjónum sínum, áður en þær rituðu bréfið, af dómsmálaráðherra í klóm forherts nauðgara. Það þarf óvenju svívirðilegt og purrkunarlaust hugarflug til að setja sér slíkann hroða fyrir sjónir. Þér að segja.

Það kæmi heldur ekki á óvart þó dómsmálaráðherra svaraði þessari fólskulegu árás með því að leggja fram frumvarp til laga á næstu dögum þar sem kveðið á um að Fémínístafélag Íslands verði leyst upp og bannað um aldur og ævi. 

„Ég vona að þér verði aldrei nauðgað“

Margrét Sigríður í skaflinum

Já, - það féllu fáein sjókorn í Ólafsvík í nótt. Þessi snjókorn voru þó svo fá að ekki myndaðist nema einn lítilfjörlegur skafl úr þeim. Mun það vera eini skaflinn á gjörvöllu Snæfellsnesi eins og stendur. Það telst því hreint með ólíkindum, að þeirri frómu konu, Margréti Sigríði, skuli í morgunsárið hafa tekist að þefa þessa snjóhrúgu uppi, aka inní hana og festa þar bifreið sína svo vel og vandlega að stórvirk snjóruðningstæki þurfti til að ná henni úr skaflinum. Er nú um fátt annað talað í Ólafsvík en þennan einstæða atburð og hafa slyngustu stærðfræðingar hér vestra reiknað út, að líkurnar á svona uppákomu séu einn á móti trilljón billjónum. Má því ljóst vera, að hér er um stórmerkilegt kraftaverk að ræða, hreinustu fróðárundur.

Svo sem sjá má myndinni með fréttinni, ók ég sjálfur framhjá vettvangi á bifreið minni, sem er álíka há til kviðsins og vambsíð rotta, og komst leiðar minnar eins og um hásumar væri.

Ófærð í Ólafsvík

Þvagleki með harmsögulegu ívafi

Eins og einhverjir eflaust muna, fékk Kolbeinn, vinur okkar allra, þá flugu í höfuðið fyrirvaralaust, að hann væri kominn með þvagleka. Hann brást við ósómanum með því að vefja tusku utanum brandinn á  sér og plastpoka þar yfir sem hann festi með teygjum. Ekki vogaði Kolbeinn sér að segja frú Ingveldi eiginkonu sinni frá meinsemdinni því hann var staðráðinn í að bera harm sinn í hljóði einsamall.

Svo gerðist það eina nóttina þá Kolbeinn svaf, að frú Ingveldur uppdagaði útbúnað bónda síns. Ekki þarf að orðlengja að frú Ingveldi fór strax að gruna eitt og annað. Fyrst og fremst flaug henni þó í hug að karlálftin væri kominn með alnæmi og fór að velta fyrir sér í smáatriðum hvernig það hefði gerst. Svo hljóp hún felmtri slegin fram á baðherbergi og þó sér hátt og lágt uppúr spritti til að freista þess að drepa niður hugsanlega alnæmisvírusa á sjálfri sér. Að svo búnu lagðist hún til hvílu í stofusófanum og grét til morguns.    

Ört minnkandi áhorf á Gott kvöld

Kattarláfujafningur úr rústunum

Ósköp var það nú hugljúft af viðskipta- og hagspekingunum okkar að brasa efnahagslegann kattarláfujafning fyrir strandkapteininn Gjeir Haaarde. Og ekki virðist hafa staðið á hr. Haaarde að taka, af mestu blíðu og viðhöfn, við gumsinu. Verði honum að góðu, karlrassinum.

 

Viðskipta- og hagfræðingar afhenda stjórnvöldum tillögur

Hýenur og nagdýraplágur

Árásin á RÚV er að sjálfsögðu hluti af langtíma aðgerðaáætlun Sjálfstæðisflokksins í anda frjálshyggjunnar. Nú kann einhver að ætla að með hruni títtnefndar frjálshyggju væru aðgerðir áhangenda þeirrar stefnu úr sögunni. En það er öðru nær, talsmenn græðgisvæðingar, fjármálaglæpamennsku og peningageðsýki eru hvergi nærri hættir; þeir eru á sveimi, eins og soltnar hýenur, kringum efnahagsrústirnar sem þeir skópu með framferði sínu; þeir naga rætur velferðar- mennta- og heilbrigðiskerfis látlaust eins og rottufaraldur; þeir reyna af fremsta megni að sá talíbönskum ómennskufræjum hugsjóna sinna hvar sem þeir geta því við komið og svífast einskis í þeim efnum.

Þegar því er haldið fram að mótmæli og reiði almennings síðustu vikur beinist eingöngu að ríkisstjórn, seðlabanka, fjármálaeftirliti og bankastjórum, er það mikill misskilningur. Reiði almennings og mótmæli beinast ekki hvað síst af þeirri hugmyndafræði sem komið hefur öllu í kalda kol hér á landi og öllu því hyski sem að henni standa.

Fólkið vill ekki bara ríkisstjórnina og Davíð burt - það vill alsherjarhreingerningu, þar sem óþrifum eins og Páli útvarpsstjóra, prófessor Hannesi Hólmsteini og öðrum slíkum verði sópað beinustu leið útí hafsauga. 

Óréttlætanleg ofurlaun

Bauður karlrassinn skreið skjálfandi undir borð

Ljóti hortitturinn þessi Davíð Oddsson. Ekki þorir hann til dyra þegar gestir banka uppá hjá honum. Honum hlýtur að líða illa í samviskunni, - eða hvað? Mér er sagt að karlrassinn hafi gerst svo blauður, þegar gestirnir bönkuðu uppá í dag, að hann hafi skriðið eins og felmtraður fressköttur undir borð og skolfið þar í óratíma.

En auðvitað kemur að því, að það verður barist í bænum um brauð handa sveltandi verkalýð. Það er óumflýjanlegt, - nema Sökudólgarnir láti sér segjast í tíma og láti sig hverfa úr augsýn landa sinna. 

Réðust inn í Seðlabankann

Loksins, loksins, loksins ...

Loksins er farið að örla á einhverju sem kalla mætti vitglóru hjá þjóðinni. Loksins er jarðbundinn stjórnmálaflokkur, sem hefur mannvit og einurð að leiðarljósi, orðinn stærsti flokkur þjóðarinnar samkvæmt skoðannakönnun. Loksins hefur þjóðin viðurkennt að varnaðarorð Steingríms J. og Ögmundar gegnum gjövallann frjálshyggjudansinn voru sönn og ábyrg.

Það er því ekki að undra þó sjálfstæðismenn og ýmis annarra flokka kvikindi séu dauðhrædd við kosningar því þessi endemi eru uggandi um framtíð sína við kétkatlana.

Þegar kosið verður í vor, má ætla að fylgi VG hafi aukist til muna frá Capasent Gallup könnuinni í dag. Engum þarf að koma á óvart þó sú aukning verði í kringum 20%.

VG stærsti flokkurinn