Skátafélagið ,,Göfgin" að verki

Það liggur líka fyrir að allir piltarnir sem yfirheyrðir hafa verið eru meðlimir í skátafélagiu ,,Göfgin" sem leggur mikla stund á heilnæma útivist. Fyrir fimmtíu árum stóð ,,Göfgin" fyrir umfangsmiklum sauðaþjófnaði á afréttum sunnanlands þegar félagið hafði þar bækistöð í rúma tvo mánuðu að sumarlagi. Í framhaldi af því var reynt að uppræta skátafélagið ,,Göfgina" en sú tilraun mistóks með öllu. Hin síðari ár hefur ,,Göfgin" lagt töluverða rækt við brennslu á sinu og náð góðum árangri.

Mikið tjón í sinubrunum

Styðja ævinlega ofbeldi hers og lögreglu

Auðvitað sá Birgir frjálhyggjuskrjóður Ármannsson ekkert athugavert við djöflaganginn í lögreglunni við Rauðavatn í síðustu viku. Það vill þannig til að íhaldsviðrini allra landa eru afskaplega mikil stuðingsþý ofbeldis, sem framkvæmt er af hersveitum og lögreglu og fátt þrá þeir heitar en að sjá andófsmenn dingla í snörunni.   

Allsherjarnefnd fundaði um mótmæli

Staðið á öndinni af vellíðan

Ekkert skil ég í afhverju jafn blíðlyndur drengur og Rónaldó knattspyrnukappi frá Brasilíu skuli hafa farið að slást við klæðskiptingana í stað þess að leyfa þeim að gera sér glatt í geði. Hann hefði orðið maður að meiri hefði hann hunskast til að fara úr buxunum og skónum og giljað klæðskiptingana, alla sem einn, þar til þeir hefðu staðið á öndinn af vellíðan. 

Ronaldo í útistöðum við klæðskiptinga

Presturinn ætti að bannfæra skoffínið Óbama

Helvítis skoffín er þessi Óbama að svíkja sóknarprestinn sinn. Slíkan djöfulskap fremja aðeins guðníðingar og þrælmenni.

Fyrir nokkrum árum gerðist það í sókn einni hér á landi, að óþrifagemlingur nokkur afsagði sálusorgara sinn útaf kvennamálum. Þeir höfðu semsé báðir verið að eltast við sömu kerlinguna í nokkra mánuði og var lengi óljóst hvor þeirra hefði að lokum betur í þeirri viðureign. Til að flækja málið enn betur þá voru meðlimir þessarar kynlegu þrenningar allir í hjónabandi með öðru fólki. En þá fyrst tók í hnjúkana þegar óþrifagemlingurinn kom að prestinum og kvensniptinni í skrúðhúsinu í kirkjunni í heldur svona klæðafáu ástandi og ástúðlegu. Skipti engum togum að óþrifagemlingurinn varð svo afbrýgðisamur, að hann sagði sóknarpresti sínum að fara til andskotans og afsagði hann síðan opinberlega. Presturinn svaraði að bragði með því að bannfæra keppinaut sinn og við það situr. Það sama á sóknarprestur Óbama að gera, það er, að bannfæra hann til eilífðarnóns.   

Obama snýr baki við prestinum sínum

Árás hægriaflanna kallar á stíð

Það hefði auðvitað verið afar óviturlegt fyrir hjúkrunarfræðinga að taka í helbláa ,,sáttarhönd" frjálshyggjuvillidýranna í Sjálfstæðisflokknum og Samfylkingunni. 

Það færi betur, ef almenningur í landinu færi að dæmi hjúkrunarfræðinga og lemdi hvenær sem færi gefst á þessa óhugnarlegu ræningjakrumlu. 

Það liggur fyrir að gróðahyggjuvitfirringarnir og frjálshyggjuapakettirnir vilja ólmir breyta heilbrigðisþjónustunni í ræningjabæli. Slíka glæpamennsku verður að stöðva með öllum tiltækum ráðum því hún felur í sér alvarlega aðför að alþýðu manna.

Fyrst að hækkun á olíu kom á stað skæruhernaði, þá ætti árás hægriaflanna á heilbrigðiskerfið að kalla á stríð. Oft var þörf, en nú er brýn nauðsyn á að draga blóðugar tennurnar úr skoltum frjálshyggjuúlfana áður en þeir gera meiri óskunda af sér.  

Forstjóri LSH: Mikil vonbrigði

Slæst þjóðargersemið í för með Bush ?

Ó, hvað ég vona innilega til Guðs Almáttugs, að þjóðargersemið Ingibjörg Sólrún sláist í för með Georgi Bush til Ísrael, Egyptaland og Sádí-Arabíu um miðjan maí næstkomandi. Ekki væri verra þó Gjeir okkar hérna Ho Haaarde sæi sér fært að fara með líka. Í Sádí-Arabíu gætu þau hitt nána ættingja Osama bin Laden, en ættingjar Osama eru miklir vinir Bush-fjölskyldunnar. Ef að þjóðargersemið og Gjeir okkar hérna kæmust í þessa ferð með Bush myndi það auka líkurnar á kjöri Íslands í Öryggisráð Sameinuðu þjóðanna.

Og sem ég er að hugleiða Bush-ferðalagið til Austurlanda nær, heyri ég óforvandis milda og gáfulega rödd Markúsar Arnar Antonnssonar hljóma á öldum ljósvakans. Samstundis flaug mér í hug að þar talaði maðurinn sem leyst getur borgarstjóraöngþveiti Sjálfstæðisflokksins þegar Ólafur F. verður settur af við hátíðlega athöfn á næsta ári.

Bush ætlar til Miðausturlanda

Þar hafa skátar verið að verki

Þokkalegt uppátæki atarna, að leggja eld að íverustöðum fólks. Ég hefi heyrt þess getið að grenjaskyttur eigi það til, þegar þeim er farið að leiðast þófið, að skvetta olíu eða bensíni inní heimili rebba og kveikja svo í öllu saman. En mér segir samt hugur um, að ekki hafi það verið tófubani sem kynnti elda við Hraunbæ 4-6 í nótt.

Ef mér skjöplast ekki því meir, þá hafa skátar verið þarna að verki, en sem kunnugt er lætur sú tegund helst á sér kræla kringum sumardaginn fyrsta og 17. júní. Góður kunningi minn og kona hans (sem ekki er kunningi minn) máttu sætta sig við þá frekju og yfirgang, síðast liðið sumar, að flokkur skáta gerði innrás á heimili þeirra og rændi þar öllu matarkyns, að meðtöldum fjórum bjórkössum og sex viskíflöskum. Matinn og áfengið átu skátarnir og drukku úti á lóð þeirra hjóna meðfram því að troða niður alla blómarækt þeirra, rífa upp hríslur og 7 metra hátt tré felldu skátarnir með öxi að hætti skógarhöggsmanna til forna. 

Eldur lagður að íbúðarhúsi

Þegar Brandur Jón sló lögregluþjóninn

Það hefir aldrei verið farsælt að kýla lögregluþjóna í andlitið. Einusinni henti það kunningja minn, Brand Jón Jónsson, að koma að konu sinni í örmum annars manns. Auðvitað fyrtist Brandur Jón við og sló manninn þéttingsfast í andlitið svo nef hans og framtönnur brotnuðu í spón. Svo kom í ljós að maður þessi var lögregluþjónn á vakt enda lá embættisbúningur hans við fótagaflinn á hjónarúmi Brands Jóns og konu hans og húfan lá á náttborðinu. Ekki þarf að orðlegngja, að lögregluþjónninn kærði Brand Jón og fékk hann dæmdan til þriggja ára óskilorðsbundinnar fangelsisvistar. Því segi ég: Það borgar sig aldrei að berja lögregluþjón, jafnvel þó hann sé að fikta við konu sem honum kemur ekkert við.

Ráðist á lögregluþjón

Reiði Guðs og Ríkisstjórnarinnar

Ósköp er karlanginn orðinn hörundssár og móðgunargjarn, enda aldraður og lúinn eftir áratuga kaldastríðsvindgang. Gömlu fólki byrjar að senda fallega pósta og hugljúfa, en ekki illhryssingslegan ruddaskap.

Arnór Jónsson, sá er staðið hefir í bréfaskrifum við Björn gamla, kann að mínu viti ekki mannasiði til fullnustu og trúlega illa upp alinn í þokkabót, er samkvæmt öllum sólarmerkjum öldungis ófær um að skrifa bréf til dómsmálaráðherra, hvað þá annarra. Þann mann ætti að svipta öllum skriffærum allt frá blýantsstúfum uppí tölvur. Já, og láta stjörnusýslumanninn Stones hneppa manninn í gapastokk, almúganum til varnaðar, sérílagi vörubifreiðarstjórum sem kallað hafa yfir sig reiði Guðs og Ríkisstjórnarinnar.

„Gerðu þjóðini greiða og skjótu þig"

Harðvítugir skátar

Það er alltaf upplífgandi að heyra sögur af skátum. Einusinni setti flokkur skáta sig niður uppi í Borgrafirði og tóku strax til óspilltra málanna. Fyrsta daginn drápu þeir þrjú lömb með skátahnífunum sínum og steiktu þau á teini yfir varðeldinum um kvöldið. Um nóttina skiptu skátarnir sér niður í nokkra hópa, sem fóru í ránsferðir um sveitina og varð vel til fanga. Einn hópurinn lagði eld að sveitabæ sem á vegi þeirra varð, annar hópur gjöreyðilagði þrjár dráttarvélar í ferð sinni og sá þriðji málaði heilan kúahóp í haga með úðabrúsum, svo eitthvað sé nefnt.

Daginn eftir tóku borgfirskir bændur sig saman og gerðu aðför að skátunum, sem vörðu sig með kjafti og klóm. Að lokum höfðu bændur þó betur enda voru þeir vopnaðir lurkum og heyhvíslum. Sagt er að orgin í skátunum, þegar bændurnir voru að pína þá, hafi heyrst vestur á Mýrar og uppá Kjalarnes. 

Hátíðarhöld hjá skátum