Ekki batnar Birni og uxi fór til Englands

Ekki batnar Birni enn ... og ríkisstjórnin komin í stríð við vörubílstjóra á sama tíma og hún er að rembast við að komast inn í Öryggisráð Sameinuðu þjóðanna. Að maður minnist nú ekki á fíflaflandur herra Haaarde og Ingibjargar Sólrúnar út um víðan völl þeirra erinda að reyna koma inn í massíva hausa erlendra höfðingsmenna, að þau og þeirra aftaníossar hafi svo einstaklega margt til málanna að leggja til eflingar heimsfriðarins.

Og ekki eru þessi dáindishjú fyrr komin heim úr friðarferðum sínum en þáu eru farin að hreyta skít í vörubifreiðarstjóra með lítt duldum hótunum um að þeir skuli hafa verra af, ef þeir saumi ekki fyrir andskotans trantinn á sér og hætti að stöðva bíla sína á miðjum strætum.

Ég sé ekki betur en málshátturinn ,,uxi fór til Englands og kom aftur naut" sannist rækilega á hinum ráðherravæddu friðflytjendum, sem virðist blóðlanga í slagsmál og stríð við alþýðuna í sínu eigin landi.   

Mótmælin fóru úr böndunum

Velti sér nakinni uppúr sinuruddanum á sumardaginn fyrsta

Nú er vor í lofti og bændur farnir að slá; fuglar syngja á húsþökum og kettir pissa í sandkassa barnanna.

Auk þess þekki ég konu nokkra, Wilhelmínu Guðbjörnsdóttur að nafni, sem ruglaðist eitt sinn á jónsmessunótt og kvöldi sumardagsins fyrsta. Hún tók sig sem sé til og velti sér nauðaberrassaðri, fyrir allra augum, uppúr sinuruddanum á lóðinni fyrir framan húsið heima hjá sér að kvöldi sumardagsins fyrsta og óskaði sér í leiðinni að hún fengi 5 rétta í lottóinu næsta laugardag. Aðvitað fékk hún ekki nema 2 rétta, af því að maður fær ekki óskir sínar uppfylltar nema þeirra sé óskað á jónsmessunótt. Eftir þetta varð kerlingarrörið eitthvað skrýtin í höfðinu og var loks tekin úr umferð og sett á geðveikrahæli í Reykjavík.  

Vor í lofti

Mun létta áhyggjum af Berglindi Jóhannesdóttur dagmóður

Hinn ástsæli veiðiköttur, Brandur, er ákaflega vandætin persóna og lætur ekki bjóða sér hvað sem er. Meðal annars leggur hann sér aldrei rottur til munns, þó að þær séu í sjáfu sér ágæt og bætiefnarík fæða. En þó Brandur forakti nagdýraket af hugsjón og ástríðu er hann þeim mun sólgnari í að granda þessháttar skepnum sér til gamans. Oftar en nokkrum sinnum hefi ég séð hann dauðrota rottur með því að slá þær með loppunni einni. Þá hefi ég séð hann grafa út músarholu, sem lauk með því, að hann myrti heila músafjölskyldu, sem hafðist við í innri enda holunnar, á snöggu augabragði.

Í nótt, aðfaranótt sumardagsins fyrsta, kom Brandur heim með litskrúðugan stokkandarstegg sem hann hafði vegið á tjarnarbakka hér í grendinni. Á eftir ætlum við Brandur að reyta stegginn og steikja því okkur þykir þessháttar skepna ljúffengari steikt en hrá.

Á meðan við félagarnir verkum stokkandarherrann, ætla ég að segja Brandi mínum frá aðsteðjandi rottuplágu í nágrenni Réttarholtsvegar. Ef vel liggur á honum er ég viss um að hann býðst til að létta öllum áhyggjum af Berglindi Jóhannesdóttur dagmóður með því að skreppa suður og stráfella öll nagdýr sem fyrirfinnast við Réttarholtsveg og í nágrenni hans. 

Rottur í Réttarholti

Misgáningur á hvalveiðum

Það mun hafa verið seint á sjöunda áratugnum, að hvalveiðiskipið Haugur RE 585 lét úr höfn í Keflavík, og var stefnan sett laust austan við Skipaskaga. Á útstíminu var glatt á hjalla enda var Bakkus með í ferð semog nokkrar undurkátar kvenpersónur. Þegar komið var útí miðjan Faxaflóa fór svo heldur betur að lyftast brúnin á Harðbak skipstjóra því gegnum myrkur og gleðivímu sá hann hvar stórhveli bylti sér í sjóskorpunni. Hann hafði því hröð handtök og skaut hvaldýrið umsvifalaust með skutulbyssunni. Skutullinn hitti í mark og vel það því hann gekk í gegnum stjórnborðsbyrðinginn á lúgarnum á m/b Lárusi Pálssyni, 8 rúmlesta dekkuðum súðbyrðingi sem lá þar yfir línu, og staðnæmdist í þilinu bakborðsmeginn.

Þegar Harðbaki skipsstjóra varð ljóst, að hér var einhver misgáningur á ferð og stórhvelið sem hann hugði var einungis lítilfjörlegur fiskibátur, sem á sínum tíma var smíðaður úr furu í Hafnarfirði, sendi hann menn um borð í m/b Lárus Pálsson og lét þá handtaka skipverjana, tvo að tölu, og færa þá nauðuga um borð í Haug RE þar sem þeim var misþyrmt og nauðgað af svo kostulegri snilld að til fullkominnar stórhörmungar mátti telja. Að því loknu var mönnunum kastað eins og kartöflupokum um borð í m/b Lárus Pálsson og tóku þeir strax til vað að draga línu sína því þeim þótti sér ekki til setunnar búið. Kómu þeir í land í Reykjavík undir kvöld daginn eftir harða útivist og var fas þeirra í öllu keimlíkt því sem gerist hjá geðbiluðu fólki, jafnvel brjáluðu.   

Ósammála um hvalveiðar

Ætla aka yfir arftaka Arafats

Hvar sem Mammútur Abba fer þar er stríðsógn á næstu grösum. Nú eru það íslenskir vöruflutningabifreiðarstjórar sem hafa tekið að sér að skelka karltuskuna. Það verður aldeilis saga til næsta bæjar ef hinir stríðsglöðu bílstjórar ná að kremja arftaka sjálfs Yessers Arafats undir níðþungum hjólum trukka sinna.

Bílstjórar stefna að Bessastöðum

Skemmtun í Bolungarvík

Mikið eiga bolvíkingar gott að geta leyft sér skemmtun á borð við meirihlutaslit í bæjarstjórn. Það er alltaf hátíð í bæ þegar meirihluti splundrast og allt fer á tjá og tundur með tilheyrandi illindum þar sem bæjarfulltrúar eru rakkaðir niður eftir öllum kúnstarinnar reglum. Sprengimeistarinn í Bolugarvík ber að sjálfsögðu samstafsmönnum sínum á brýn óheilindi og annan óþrifnað sem leitt hafi til rifrildis og trúnaðarbrests. Að nýsprungum meirihluta áttu aðild, annarsvegar skemmtilegur stjórnmálaflokkur sem heitir A-listi, Afl til áhrifa og K-listi, sem er ekki síður skemmtilegur og ég held að heiti Karlar á kvennafari, eða eitthvað svoleiðis.  

Meirihlutasamstarfi slitið í Bolungarvík

Leiksoppur frjálshyggjubarna og braskaralýðs

Það er afskaplega óraunhæft, að maður ekki segi barnalegt, hjá félaga Ögmundi, ef hann býst í raun og veru við að hann fái svör af einhverju viti við spurningum sem hann leggur fyrir forsætisráðherrann Gjeir Ho Haaarde.

Allra síst kemur þó til mála að forsætisráðherranum komi til hugar, að svara heiðarlega og sannleikanum samkvæmt þegar hann er inntur eftir glæpsamlegu einkavæðingarpukri, sem virðist vera í gangi í heilbrigðiskerfinu að undirlagi Sjálfstæðisflokksins.

Og það sem verra er: Samfylkingin virðist staðráðin í að styðja Sjáfstæðisflokkinn með ráðum og dáð í gera heilbrigðiskerfið að leiksoppi frjálshyggjubarna og braskaralýðs; og það sama er uppi á teningnum varðandi menntakerfið. 

Og meðan ég man. Var það ekki um núverandi ríkisstjórn sem Bólu-Hjálmar sagði: ,,Eru þar flestir aumingjar, en illgjarnir þeir sem betur mega." ?    

Ekki endilega besta hugmyndin að breyta Landspítala í hlutafélag

Bráðlega birtast gapastokkar á Selfossi

Ekki kæmi mér á óvart þó stjörnusýslumaðurinn Stones léti bráðlega setja upp gapastokka á Selfossi til að hneppa borgarana í. 

Látnir tína upp plastpoka

Lögreglugúlag á Selfossi

Hverkonar andskotans afskiptasemi er þetta í kórdrengjum sýslumannsins Stones á Selfossi? Hversvegna í ósköpunum má rólegheitafólk, sem ekki gerir flugu mein, ekki reykja sér fáein hasskorn við kertaljós og fallega tónlist án þess að útsendarar yfirvaldsins hleypi ekki öllu í bál og brand?

Ég segi fyrir mig, að ég er farinn að dauðvorkenna fólkinu í gjörvallri Árnessýlu fyrir að þurfa að lifa við slíkt lögregluríki og raun ber vitni. Þetta er ekkert betra en í Gúlagi Sovétríkjanna undir Stalín sáluga. Ég er svo hneykslaður að því verður ekki með orðum lýst.

En myndi stjórnusýslumaurinn Stones siga undirsátum sínum eins og grimmum hundum á Mick Jagger og Keith Richard ef að þeir sætu á einhverju götuhorninu á Selfossi með logandi í kannabispípum sínum? 

Lögreglan leysti upp fíkniefnapartí

Launkommúnískur ódámur

Ekki eru þær góðar fréttirnar sem berast frá Paragvæ þennan morguninn. Aumingja fólkið að þurfa að lenda í svona löguðu. Það væri svo sem dásamlegt og blessað fyrir paragvæja að kjósa sér uppgjafa kaþólskan byskub fyrir forseta ef ekki væri um að ræða sannkallaðan úlf í sauðargæru; launkommúnískan illræðismann sem blótar Marx og Lenín á laun en þykist á yfirborðinu vera hjartaheinn fátækravinur, örlítið vinstramegin við miðju. Það verður eflaust verðugt verkefni fyrir CIA að fylgjast með gjörðum hins unirförula kommúnista Fernandó Lúgó næstu misserin.

Biskup kjörinn forseti Paragvæ