Ástralía og andfætlingar ekki til

Þarna er ekkesen kattólikkunum rétt lýst; segja upp viðskiptum við Símann útaf gamalli páfavillu varðandi gang himintunglana. Miðað við þetta mergjaða útspil kattólikkana eru þeir líklega enn þeirrar skoðunar að jörðins sé flöt eins og pönnukaka og sólin og stjörnurnar snúist kringum hana eins og skopparakringlur. Þá má gera ráð fyrir að kattólikkarnir neiti því alfarið að Ástralía sé til og kenningin um tilvist andfætlinga sé frá Djöflinum komin.

Ljóta hottintottaliðið þessir bévítis kattólikkar.

Segja upp viðskiptum við Símann

Íslenskan kanadindil í varaformanninn

Ég held að Barakkur Óbama ætti ekki að leita langt yfir skammt að varaforsetaefni. Svo vel vill til, að hér á landi úir og grúir af fullboðlegum kanadindlum sem vel koma til greina í varaforsetann með Barakki, nægir það að nefna skörugleg stjórnmálaskáld á borð við Ingibjörgu Sólrúnu Gísladóttur, Sigurð Kára Kristjánsson, Björn Inga Hrafnsson og Ágúst Óláf Ágústsson. Þess utan er Styrmir Gunnarsson á lausu, semog Halldór Ásgrímsson og Davíð Oddsson.

Obama leitar að varaforsetaefni

Með blóðbragð í kjaftinum

Sko strákinn Óbama, hann ætlar að styðja ísraelsmenn, verði hann forseti, til að halda áfram að berja á palestínumönnum, öðruvísi er ekki hægt að skilja drenginn. Og auðvitað ætlar hann að hindra með öllum ráðum að íranar smíði sér kjarnorkuvopn, þannig að dágóðar blóðsúthellingar koma vel til greina frá sjónarhóli Baracks litla. Allt hljómar þetta hjal kunnuglega og gæti allt eins hafa komið útúr trantinum á Georgi Bush eða skjátunni Kondomlessu, vinkonu formanns Samfylkingarinnar.

Meðfylgjandi mynd sýnir hund nokkurn míga á skilti merkt Georgi Bush. Ætli sé ekki best að leyfa honum að míga líka á samsvarandi skilti frá Baracki og Hillarýju? -Jú ég held það. 

Obama heitir Ísrael stuðningi

Makleg málgjöld

Svo skulu þessi þrifahjú ekki láta sér koma til hugar hér eftir að fara óvirðulegum orðum um herra Ásgeir Þór Davíðsson, þau hafa fengið sín makleg málagjöld fyrir óhróðurinn og óvitaskapinn. Herra Ásgeiri Þór Davíðssyni byrjar fyrst og síðast loflega umræða en en ekki dylgjur og dáraskapur.

Ummæli í Ísafold dæmd ómerk

Kókaín: eiturlyf ríka og fína fólksins

Það vill svo einkennilega til, að þeir sem neyta kókaíns verða í langflestum tilfellum að kaupa það. Kókaín er dýrt stöff, enda hefur það löngum verið kallað hressingarlyf ríka fólksins. Á Íslandi brúkar peningaliðið kókaín af kappi, einkum um helgar, og verður til muna ríkara í anda meðan áhrifin vara. Því miður gerist það stundum, að stöku einstaklingar úr hinu undurfagra og hressa peningalið pissa gjörsamlega út í kókanautn sinni, verða hálf eða al galnir í höfðinu, en það gerir svo sem ekkert til því það koma bara aðrir nýríkir aligeltir og fylla skörð þeirra sem húrra inná Klepp eða í gröfina. 

Tatum O'Neal staðin að kókaínkaupum

Konupungar og gýgjarpussur

Samkvæmt mínum lærdómi, heitir sæbjúga það er sagt er frá í meðfylgjandi frétt ,,konupungur," sem er fallegt og viðeigandi nafn á þessu klígjulega óféti. Hvernig teprulegu fólki hefur flogið í hug að fara að kalla konupunginn ,,brimbút" er mér gjörsamlega hulið, en ekki er það fallegt.

Og fyrst ég er farinn að tjá mig um konupunga, get ég ómögulega stillt mig um að nefna annað sjókvikindi, bleikt og ræxnislegt, líklega af sæfíflaætt, sem heitir á venjulegu mannamáli, ,,gýgjarpussa." Sem betur fer veit ég ekki hvað gýgjarpussan heitir á teprulegu háskólamannamáli, en það hlýtur að vera eitthvað hlálegt. Það skal tekið fram, að gýgjarpussan þykir hið mesta óæti og það svo mjög að ekki einusinni kínverjum, og öðrum villuþjóðum af sama tagi, dettur ekki í hug að leggja hana sér til munns.

Góð veiði á sæbjúga

Þegar Þórður togarasjómaður andaðist - minningarbrot

Ég held maður muni eftir honum Þórði hérna sáluga sem bjó lengst af í litlu kjallaraherbergi fyrir ofan slippinn. Hann var ærið drykkfelldur karlfjandinn, en stundaði þó sjóinn ágætlega, svona yfirleitt; var reyndar eftirsóttur til starfa á gömlu síðutogurunum og vertíðabátum suður með sjó. En hann var hryllilega blautur, blessaður maðurinn, og sást eiginlega aldrei með fast land undir fótum öðruvísi en pöddufullur með eina svartadauða eða hvannarót í buxnastrengnum. Ósjaldan hafði Þórður á orði hve lífsbaráttan væri auðveldari ef úthöfin væru full af áfengi í stað saltvatns sem væri gjörsamlega óhæft til drykkjar. Ójá, oft var sagt um Þórð: ,,Hann drekkur allt sem rennur nema þakrennur og sírennur," og mátti útaf fyrir sig til sanns vegar færa því karlinn var síður en svo vandfýsinn drukk.

En svo fannst Þórður sjómaður dauður einn daginn. Karlanginn hafði víst verið staurblankur og ekkert til á pelanum þegar hann hafði rekist fyrir tilviljun á flösku sem á stóð ,,salmíaksspíritus" í bílskúr nágrannans. Þórður dró auðvitað þá ályktun að þarna væri um heiðarlegan spíritus að ræða og hvolfdi honum í sig með bros á vör. Lauk þar ævi Þórðar togarasjómanns á miðju bílskúrsgólfi með hálfa flösku af salmíksspíra við hliðina á sér. Er það mál mann, að þar hafi Þórður heitinn innbyrt öflugasta afréttara sem um getur en beðið lægri hlut.    

Helgistund á sjómannadegi