Eiturpöddur af Mugabetegund

Ég er ansi hræddur um að það hafi verið verulega illur verknaður að reka Pál vin okkar Ramses úr landi og þá jafnvel í opinn dauðann. Hvað hvatir liggja þar að baki er ómögulegt að segja um, en þær eru heldur betur af verri endanum, svo mikið er víst. Ef þörf er á að reka einhvern eða einhverja úr landi hefði verið hyggilegra að byrja á réttum enda; við eigum nóg af fjárglæframönnum og auðvaldseiturpöddum, andlegum bræðrum Mugabe forseta, sem þjóðfélagið gæti sem best verið án. Svo mikið er víst, að Páll Ramses er milljón sinnum betri og saklausari maður en umræddar eiturpöddur og sem því nemur æskilegri þjóðfélagsþegn á Íslandi. 

Fjölskyldu fleygt úr landi

Hlaðið undir íhaldsrassinn á þeirri skapstilltu

Það er alveg sama hvað Mogginn og Sjálfstæðisflokkurinn reyna að hlaða undir íhaldsrassinn á hinni skapstilltu Hönnu Birnu, hún mun skíttapa í næstu borgarstjórnarkosningum. Tími Sjálfstæðisflokksins er nefnilega liðinn og aðeins tímaspursmál hvenær honum verður kastað fyrir fullt og fast oní mógöfina til Framsóknarmaddömunnar.

Konur ánægðari með Hönnu Birnu

Andsetnir piltar úr alræmdum samtökum

Grunur leikur á að mennirnir, ef menn skyldi kalla, sem ollu hættulegum skemmdum á fallturni Fjölskyldu- og húsdýragarðsins og gengu berserksgang á Náttúrutónleikum í Laugardag um síðustu helgi, séu frjálshyggjupiltar úr hinum alræmdu samtökum, Heimdallur. Alkunna er, að svona drengir eru einlægt haldir mjög illum öndum, sem láta iðulega á sér kræla þegar umhverfisvernd og sósíalisma ber á góma, og eru þá til alls líklegir. Það er auðvitað algjör fjarstæða að svo andsetnir skrípalingar, sem heimdellingar eru, fái að koma nálægt þar sem stórtónleikar til verndar náttúrunni eru haldnir; þessháttar værukærð býður aðeins hættunni heim, eins og sannaðist svo vel í Laugardalnum um síðustu helgi.

Að lokum legg ég til að Heimdallur verði lagður í rúst, sem og ríkisreknir frjálshyggjuskarfar.

Gengu berserksgang í Laugardal

Ég íhuga að tilkynna framboð mitt

Fyrst það árar svona andskoti vel hjá VG í skoðanakönnunum þessa dagana hefi ég ákveðið að leggjast undir feld og íhuga að fara í framboð fyrir minn ástkæra flokk. Að sjálfsögðu hafa hundruðir manna haft samband við mig upp á síðkastið og hvatt mig til að sækjast eftir öruggu þingsæti við næstu alþingiskosningar. Þegar ég skríð undan feldinum aftur mun ég fyrst tilkynna stuðningsmönnum mínum, sem eru ófáir, og síðan þjóð minni um ákvörðun mína, sem mjög líklega verður jákvæð og alþýðu manna mikið gleðiefni.

Stuðningur við ríkisstjórnina minnkar

Útbreiddur misskilningur að málningarkast sé ekki við hæfi

Ég er nú á því, að Magú þessi Sædal hafi bara haft gott af því að málningu hafi verið kastað á heimili hans. Það er útbreiddur misskilningur, að svona velheppnað málningarkast sé dónaskapur sem stafi af illu innræti og slæmu uppeldi þess er kastar málningunni. Þvert á móti ber athæfið vitni um einbeitta sköpunargáfu og einlægan tjáningarvilja. Ég man eftir miklum sómahjónum sem lentu í því að bröndóttri skipamálningu var skvett í lítravís innum eldhúsgluggan hjá þeim er þau sátu ásamt börnum sínum og aldraðrir móður húsbóndans að kvöldverði. Skipti engum togum, að eftir þetta atvik fóru þessi hjón loksins að haga sér eins og siðað fólk, sem og krakkaskrattarnir þeirra og aldraða móðirin sem svo sannarlega var ekki barnanna best. Að minnsta kosti sannaðist á umræddum hjónum og skylduliði þeirra, að fátt er svo með öllu íllt að ekki boði nokkuð gott. 

Málningu kastað á heimili byggingarfulltrúa