Því verr duga heimskra manna ráð er þau koma fleiri saman

Á kerlingunum átta sem vöfruðu eins og höfuðsóttargemlingar útí óvissuna fjarri mannabyggðum, sannast átakanlega, að því verr duga heimskra manna ráð er þau koma fleiri saman. Og gönguferð kvennanna fór auðvitað eins og til var stofanað: Þær urðu rammvilltar við Sveinstind, gengu þar í hringi og skröfuðu um hve Sveinstindur væri lögulegri er tindar karla þeirra. Þegar björgunarsveitarmenn höfðu loks uppá þeim eftir harða leit, runnu þær eins og fjárhópur ofaní Kiðagil og földu sig þar í hellisskútum, þaðan sem björgunarsveitarmenn máttu draga þær út á hárinu og koma þeim þannig við illan leik til byggða. Í framhaldi af þessu óhuggulega ferðalagi kerlingagarmanna verður Alþingi að semja lög, strax á haustdögum, sem banna lausagöngu kvenfólks á heiðum og óbyggðum uppi.  

Fannst heill á húfi

Hefnigjörn illfiski og blóðþyrst

Ég er nú einhvernvegin svoleiðis þenkjandi yfir hinni óhugnarlegu veiðifrétt af Skorradalsvatni, að þar hafi eitthvert viðarmeira kvikindi en bleikja bitið á krók veiðimannana. Ekki hefur það þó verið mannætuhákarl því þá hefði hann étið veiðarana með hraði og sennilega líka þá sem ýttu úr vör til að bjarga þeim. Þá er harðla ólíklegt að hvalfiskar séu á svamli um vötn Borgarfjarðar, né heldur selir. Er þá ekki nema ein trúverðug skepna eftir, sem skýrt getur svo þungan drátt uppúr Skorradalsvatni: Semsé skrímsli af þeirri ætt sem fásénust eru til vatna á þessum helmingi jarðar. En svo er sagt um slík óféti, að þau séu hefnigjörn í garð þeirra sem stetja í þau veiðarfæri og láti einskis ófreistað að ná sér harkalega niðri á þeim ólánsmönnum. Eru af þessháttar íllsku vatnaskímsla til nokkrar sögur svo ægilegar og blóði drifnar, að engin orð fá lýst.     

Gúmmíbáti hvolfdi á Skorradalsvatni

Stuðningsmenn fánýtis og mannhaturs

Stríð og hernaðarvafstur er að sjálfsögðu ein samfelld nauðgun. Það versta er að þessum hroðalega viðbjóði er stjórnað af ráðamönnum heimsins, sem sýnir, svo ekki verður um villst, hvað mannkynið er hörmulega stutt á veg komið í andlegum þroska. Aldrei fæ ég skilið hversvegna í andskotanum stendur á því að almenningur skuli ekki fyrir löngu hafa losað sig við fyrirkomulag sem gerir ráð fyrir hernaðarumsvifum og styrjöldum. Og sannarlega er það fólk brjóstumkennanlegt, sem ljáir hernaðarhyggjunni skilyrðislausan stuðning sinn, vitsmuni og krafta. Meira að segja hér uppi á Íslandi er urmull af fólki, sem hefur orðið hernaðarhyggjunni og stríðsæsingu að bráð og er öldungis óviðræðuhæft þegar slík mál ber á góma og virðist ganga fyrirvaralaust af vitinu ef því er bent á þennan einkennilega sálarbrest sinn og fánýti og mannhatur hernaðarplágunar.  

29% kvenhermanna nauðgað

Þegar jarðneskum umsvifum lýkur ...

Það verður gaman að sjá þegar Hreiðar Már og Bjarni Ármanns fara að reyna að troða sér inní Hymmnaríki; þá þýðir víst lítið fyrir þá að draga upp bólgið leðurseðlaveski, hlutabréf eða annan löggiltan skjalapappír og ætla að kaupa sig inn. Það er nefnilega skráð á ennþá löggiltari skjalapappír en Hreiðar og Bjarni hafa í fórum sínum, að auðveldara er úlfalda að skríða í gegnum nálarauga en ríkum manni að komast inní Hymmnaríki. Það má því búast við að þeim félögum verði vísað í verri staðinn þegar jarðneskum umsvifum þeirra líkur - en þar er svo sem varla verra en annarsstaðar fyrir annáluð fjármálaséní fyrst húsbóndinn á Hymmnum vill ekkert með þá og snilld þeirra hafa.

Með 62 milljónir á mánuði

Varð hórnum að bráð - þó góðlegur sé

Það er hörmulegt til þess að vita, að jafn góðlegur drengur og Matthías Broderick skuli hafa orðið hórnum að bráð. Ég vona bara svo sannarlega, að Matthías sé ekki af þeirri tegund manna sem segir við konur að loknum ástarfundi: ,,Svo máttu fara, fjandans til bara, allt þegar búið er." Því ef drengurinn er þannig innréttaður ætti Sara Jessika að losa sig við hann strax, helst útum glugga á tíundu hæð. 

Sarah Jessica í opnu hjónabandi

Stórhýsi eru ævinlega beint á móti bröggum

,,En í stórhýsinu beint á móti  (stórhýsi eru ævinlega beint á móti bröggum) var hins vegar fagnað fæðingu frelsarans með steiktri jólagæs og kartöflumúsi. Einar Magan stórkaupmaður settist sæll að borði eftir mikla jólasölu. Í bragganum ríkti myrkur." (Tómas Jónsson Metsölubók, eftir Guðberg Bergsson)

Hvað sem líður myndasmíði Júlíu Staples, á sex mánaða styrk frá American-Skandinavina Foudation, þá mun henni aldrei auðnast að festa filmur eins hnitmiðaða mynd af stéttarandstæðum og Guðbergi Bergssyni tekst í fáum orðum í tilvitnuninni hér að ofan.

Á síðustu árum hefur stéttarmunur aukist gífurlega á Íslandi, sem í framtíðinni mun leiða af sér stéttarátök. Og handan við hornið bíður byltingin, nær en auðvaldsbelgina og arðræningjana grunar. 

 

Hús ríkra og fátækra á Íslandi

Vondar fréttir og góðar fréttir

Þæru eru heldur nöturlegar og fráhrindi fjölmiðlafréttirnar þessa dagana, þrátt fyrir mikið sólfar og hlýindi. Ekki er nóg með að skattayfirvöld hafi ráðist af fáheyrðu oforsi á borgara landsins, fyrst og fremst þá betri, heldur er Öskur Sckarp genginn af göflunum, gróði bankana fer hríðlækkandi og fólk ber varla við lengur að setjast alsgáð undir stýri. Þó tekur steininn úr þegar leikurinn berst út fyrir landsteinana þar sem lífsglaðir æskumenn láta sér ekki duga minna en að skera hausinn af ferðafélögum sínum í strætisvögnum eða spaðbrytja kærustur sínar niður í ferðatöskur rétt eins og þeir séu að verka þær í saltket.

Í framhaldi af þeim firnum sem lýst er hér að ofan, fer ég fram á að fjölmiðlar hætti skvetta framan í okkur vondum fréttum eins og hlandi úr næturgagni og fari þess í stað að flytja okkur meira af góðum tíðindum af Britney Spears, ungfrú París Hilton og Árna Johnsen.

Fundu stúlkulík í ferðatösku