Frímann leikari lítillega skrámaður eða hérumbil dauður?

Þær eru bæði fróðlegar og skemmtilegar fréttirnar af heilsufari Frímanns leikara eftir að hann þeysti á bifreið sinni útí skurð eins og drukkinn Íslendingur. Meiðsl Frímanns ku spanna allan skalann, allt frá fáeinum skrámum uppí þá herfilegu útreið sem einugis Maðurinn með ljáinn kann að meta. Af fréttasendingum að dæma, mætti ætla að fjölmiðlar hafi sammælst um að gera sem mest stólpagrín að óförum Frímanns leikara, og lesendum þá líka í leiðinni. Allt um það, þá vona ég að Frímann hafi meiðst sem minnst og hann eigi eftir að leika mörg hlutverk enn, því hann er sannarlega frábær leikari, það verður aldrei af honum skafið.

Gerði að gamni sínu við björgunarmenn

Ópíum fyrir fólkið, tvíburagot og glasaenglar

Fyrir allmörgum árum síðan kvað vinur minn Karl Marx uppúr með að trúarbrögðin væru ópíum fyrir fólkið og fékk heldur bágt fyrir hjá hinni sanntrúuðu borgarastétt, sem vildi náttúrlega ekki kannast við að nota trúarbrögðin sem kúgunatæki til að halda almúganum niðri. Síðan hefur mikið vatn runnið til sjávar og varla finnst sá maður í dag sem reynir að bera á móti því að félagi Marx hafi ekki haft nokkuð til síns máls við þær aðstæður sem þá voru uppi. Afturá mótu hefur borgarastéttin ekki gefist uppá að búa til meira og fjölbreyttara ópíum ofaní lýðinn til að lama hann og afvegaleiða. Eitt af þessum geðslegu ópíumum er linnulaus fréttaflutningur af þeim frægu og ríku, vandamálum þeirra og skemmtunum, úrkynjun og drykkjulátum, flottræfilshætti og glæsimennsku, og svo framvegis í einum graut. Þetta gerir borgarastéttin til að leiða lægri stéttirnar inní heim óraunhæfra drauma og lama dómgreind þeirra. Því hvaða gagn gerir það alþýðu heimsins að fylgjast í spenningi með tvíburagoti Angelínu Jólí og frumsýningu þessara glasaengla á netinu?

Tvíburar „frumsýndir" á netinu

Staðfest að Angelína lagðist með Pútín

Ekki kemur mér á óvart þó drenghróið líkist rússanum Pútín endar er hann undan honum og engum öðrum. Það er vitað að frá barnæsku hefur Vladímír Pútin verið frábærlega slóttugur og komið víða við. Hann veit til dæmis uppá hár hvernig kvikmyndaleikonur skulu legnar með fyrirtaksárangri, svo sem sjá má á litla Pútín sem skaust úr kviði Angelínu Jólí þann 12. júlí 2008.

Á þessari stundu minnist ég allt í einu Málhildar Másdóttur, en hún eignaðist líka tvíbura eins og Angelína. Og Málhildi varð ekki skotskuld úr að fá ungunum sínum tveimur eina sjö feður. Og það sem meira er: Tvíburarnir líkjast feðrum sínum sjö svo mikið að undrun sætir þrátt fyrir að þeir séu svo að segja allir sinn úr hvorri áttinni. 

Segir soninn hafa líkst Pútín

Söng 13 þúsundir í rot

Nú berast þær óhugnarlegu fréttir um sveitir landsins, að rúmlega 13 þúsund manns hafi reynt að yfirgnæfa og þagga niðrí Árna Johnsen í gærkvöldi, en án árangurs. Árni gerði sér nefnilega hægt um vik og stóðst áhlaupið með miklum glæsibrag, snöri taflinu sér í hag og söng 13 þúsundin í rot án teljandi erfiðleika. Með þessu afreki hefur Árni sannað, að hann er enginn slepjuhöktari eins og til dæmis snobbpoppsveitin Stöðmenn, sem söng sitt síðasta í Húsdýragarðinum í gærkvöldi, landsmönnum til sérlegar ánægju. Stöðmenn eru nú geymdir í geitastíunni í Húsdýragarðinum og verða þar til frambúðar. En Árni Johnsen sko, hann er minn maður ...

Stærsti kór Íslandssögunnar

Fjallaskauða foringinn

Þegar ég frétti í kærkveldi af löngu tímabæru andláti bögubósans Solzhenítsýn austrí Rússíá flaug mér umsvifalaust í hug eftirfarandi vísa:

Fjallaskauða foringinn,

fantur nauðagrófur.

Er nú dauður afi minn,

Oddur sauðaþjófur.

Solzhenitsyn látinn

Þegar Drottinn vildi frelsa kýrnar

Þetta atvik ættu Norðmenn og fleiri að taka alvarlega og láta sér að kenningu verða. Það er engum vafa undirorpið, að þarna hefur Drottinn Alsherjar verið að verki til að sýna fólki hvaða álit hann hefur á aksturíþróttum. En auðvitað mun sauðheimskur skríllinn ekki skilja vilja Drottins fremur en endranær og halda áfram að vafra áfram í villu og svíma eins og blindar mýs í búrskáp. Ég held maður muni þegar Faðir Andanna vilda frelsa kýr landsins úr fjósunum. Þá sendi hann eldingar á fjósin svo að rafmagn hljóp í brynningartækin og kýrnar steidrápust. En mannkynið var ekki af baki dottið og sneri á Drottinn með því að setja eldingarvara á fjósin. Þar með stóð Drottinn uppi ráðalaus og varð ekkert ágengt meir í þeirri hugsjón sinni að frelsa kýrnar úr ánauð bænda sem farnir vorur að sjúga úr þeim mjólkina með vélum. 

Tugir slösuðust þegar eldingu laust niður

Slepju- og snobbpopphljómsveitin Stöðmenn

Ekki veitir af að rigni duglega á slepjuhljómsveitina Stöðmenn, jafn roðhænsnisleg og hún er orðin. Satt að segja er leitun á byggðu bóli að öðrum eins leiðindaflokki og Stöðmönnum, sem skarta þó  með uppsnúnum Miðborgarstjóra í broddi fylkingar, vel studdum af þjóðleikhússtjórakarli. Til samans brugga og grenja svo þessir kynjakarlar uppveðrað snobbpopp, sem fyrir löngu hefur gengið fram af öllu venjulegu fólki með heilbrigða skynsemi. 

Regnið setur svip á tónleika

Gamla Hilton ætti að snúa hann úr hálsliðnum

Ég held sú gamla Kata Hilton, móðir Parísar, ætti ekkert að vera að ómaka sig við að senda Jóni Makkein dauðmáttlausar bloggsendingar. Nær væri móður Parísar að hafa uppi á karlfjandanum og snúa hann úr hálsliðnum eins og gæsarstegg. Það yrði umsvifalaust álitið sem eitt guðsblessunarvert framtak og lóð á vogarskál friðar í heiminum.

Móðir Paris Hilton skammar John McCain

Náttúruleysishátíðin Ein Með Öllum

Já, það er annað ástandið á stórskemmtuninni ,,Ein með öllum" á Akureyri en bölvaðri lostahátíðinni í Vestmannaeyjum. Á Akureyri er andi náttúruleysisins alsráðandi og kerlingarnar klæddar í svellþykkar prjónabrækur sem geta með engu móti togað niðrum sig, þó vilji væri fyrir hendi, nema náttúrlega þessi eina sem er með öllum; sú stúlka er heldur ekkert blávatn því hún blés ekkki einsusinni úr nös á áttunda tímanum í morgun. Það er vel við hæfi að Akureyringar haldi náttúruleysishátíð jafn vitanáttúrulausir sem þeir eru árið um kring. 

Rólegheit á Akureyri

Samræðishugsjónin grúfði sig eins og eiturský yfir dalinn

"Nóttin í nótt var „öllu erfiðari“ en í fyrrinótt, en þó gekk allt stóráfallalaust, segir framkvæmdastjóri þjóðhátíðarnefndar."

Hann getur trútt um talað þessi volaða framkvæmdastjórnanefna og hælt sér af því að mannfall hafi verið með minna móti á ,,Þjóðhátíð." Hinsvegar segja mér sannorðir menn og vandaðir, að skjaldan hafi jafn mikil samfarahugsjón vokað yfir Herjólfsdal og síðast liðna nótt; nefnd hugsjón hafi bókstaflega legið í loftinu og grúft sig yfir dalinn eins og eiturský. Enda hafi afleiðingarnar ekki látið á sér standa; allt niðrí börn og unglinga hafi legið og staðið í ótrúlegustu samræðismyndum um víðan völl svo ekki varð þverfótað fyrir. Svo lætur fólk sér ekki muna um að kalla þetta endemis ,,live show" þjóðhátíð og fjölskyduskemmtun og annað í þeim dúr.

Meðfylgjandi mynd er af stoltum þjóðhátíðargesti, um það bil fimm mínútun eftir að honum tókst að ljúka sér af með vinkonu sinni inni á almenningssalerni.  

Metfjöldi á þjóðhátíð