Þarfaþing fyrir þjófa og nauðgara

Það var mikið að vísindindaskarfarnir drulluðust loks til að finna upp brúklegan hulinshjálm. Ég er viss um, að í framtíðinni munu margir gefa aleiguna til að komast yfir þessháttar þarfaþing, ekki síst þjófar og nauðgarar sem sjá fram á betri tíð og blóm í haga með tilkomu svo göfugs tækis sem hulinshjálmur er. Þá er líklegt að fjárglæframenn, sem og aðrir góðir og gegnir kapítalískir græðgissjúklingar í jakkafötum, komi til með að nýta sér hina nýju tækni sem hlýtur meðal annars að nýtast vel þegar péníngar eru þvegnir.

Vísindamenn segjast skrefi nær hulinshjálmi

Enginn veit hvað átt hefur fyrr en misst hefur

Enginn veit hvað átt hefur fyrr en misst hefur. Þessi sígildu orð rifjast nú upp meðan Rússar eru í óðaönn að hella sprengjum yfir frændur sína í Georgíu. Ekki þarf að orðlegnja, að svonalagað hefði ekki gerst meðan Sovétríkin voru og hétu, allrasíst þegar sá góði Jósef Stalín var við stjórnvölinn enda var hann sjálfur frá Georgíu. Við skulum ekki gleyma því, börnin mín, að mikilmennið Jósef Stalín er einhver mesti velgjörðarmaður alls mannkyns, en það var hans verk fyrst og fremst, að viðurstyggilegi fylgifiskur kapítalismans, nasisminn, var kveðinn niður í heimsyrjöldinni síðari og óskabarn auðjöfra heimsins og herganaframleiðenda, Adólf sálugi Hitler, hrökklaðist frá völdum.

Rússar gera árás á Gori

Blóðug stríðsfól fullkomna hræsnina

Jæja já, telja glæpajurtirnar í Wasington sig þess umkomnar að gagnrýna stríðslæti Rússa í Georgíu? Svo er borið á borð fyrir fólk, líklega til að fullkomna hræsnina og heimskuna, að Georgíumenn hafi beðið Bandarísku stríðsfólin, blóðug upp fyrir axlir, að koma til skjalanna og miðla málum, stilla til friðar! Þvílík geðslegheit hljóma eins og að mannýgu nauti væri sleppt lausu á leikvelli fullum af börnum til að koma í veg fyrir að krakkarnir færu að slást.  

Bandaríkjamenn aðvara Rússa

Hálfköruð mörk geta ráðið úrslitum - eða hvað?

Fyrst að Snorri Steinn skoraði ,,heil" 12 mörk, eins og sagt er á mbl.is, þá geri ég ráð fyrir að hægt sé að skora hálf mörk eða jafnvel enn minni brot úr marki, til dæmis: ,,Ólafur Stefánsson stóð sig mjög illa í leiknum og skoraði einungis einn sjöunda úr marki (1/7) og var loks tekinn útaf og sendur í sturtu." Reyndar er ég orðinn svo forvitinn um málefnið, að ég er staðráðinn í að rífa mig upp um miðja nótt, næst þegar Íslendingar eiga leik í Kína, til að sjá hvernig hálfköruð mörk eru skoruð því það held ég sé aldeilis sjón að sjá.

Ísland lagði Rússland

Það er eðlilegt að fífl stundi fíflalæti

Mikið djöfull eru Íslensk stjónvöld bíræfin að planta einhverjum taðskegglingi, sem þau af gengdarlausri fávísi sinni kalla ,,fulltrúa" sinn, niður í yfirherstjórn glæpaklíkunnar NATÓ. Er þessum svokölluðu stjórnvöldum ekki sjálfrátt? Hafa þau enga sómatilfinningu? Finnst þeim sérdeilis nauðsynlegt, að niðurlægja land og þjóð með þessum hætti? Og fyrir hverjum fjandanum eru Íslensku stjórnvöldin alltaf að verja sig? Það ofur eðlilegt að fífl stundi fíflagang og fíflalæti, en það er helst til langt seilst þegar ríkisstjórn heillar þjóðar leyfir sér þann munað að taka þátt í þessháttar ömurlegum skringilegheitum. ÍSLAND ÚR NATÓ !!!

 

Arnór fulltrúi Íslands hjá yfirherstjórn NATO

Heilagt tákn þjóðarinnar smánað og útskitið í auglýsingarskyni

Frá mínum bæjardyrum séð, er þetta brókarkennda fánamál eitt hið alvarlegasta og óhugnarlegasta sem upp hefur komið frá stofnun lýðveldis á Íslandi. Til að milda viðurstyggðina, gerir mbl.is heiðarlega tilraun til að gera hlut forsætisráðherra sem minnstan með því að fullyrða að ekki sé vitað til að hann hafi lagt blessun sína yfir gjörninginn.

Það virðist nú samt sem áður allt benda til þess, að forsætisráðherra hafi lagt blessun sína yfir að Íslenski fáninn, heilagt tákn þjóðarinnar, sé smánaður og útskitinn í  nærbuxnalíki að frumkvæði Vódafóns. Ef rétt reynist geta fangelsisyfirvöld, strax farið að taka frá fangaklefa til eins árs fyrir forsætisráðherra og vikapilta Vódafóns. Það gefur augaleið, að Björn Bjarnason verður, nauðugur viljugur, að blanda sér í þetta alvarlega mál og kæra það til dómstóla. Geri hann það ekki skoðast hann samsekur og þar með verður að taka frá fangaklefa fyrir hann líka.

Nærbuxur í fánalitum

Þetta er stepluveiðibíllinn hans Valla Krumpaða !!!

Svei mér þá, ef þetta er ekki abelsínuguli bíllinn sem Valla Krumpaða gekk sem best að veiða stelpurnar í hérna áður og fyrr. Það var alveg stórmerkilegur andskoti hvað gálurnar sópuðust að þessum óhrjálega skrjóð, því varla var það eigandinn sem þær sóttu í, jafn ólánlegur og grettin og hann hefur alla tíð verið - auk þess sem Valli Krumpaði var ávallt illa lyktandi á sínum ungdómsárum og er það eflaust en ef einhver nennti að þefa af dýrinu. Svo einn góðan veðurdag var abelsínuguli bíllinn horfinn, búið að stela honum, og eigandinn sí-grátandi í margar vikur á eftir. Það þarf varla að taka fram, að eftir að Valli glataði bifreiðinni hefur honum aldrei lánast að komast í tæri við kvenmann; komist hann nær stúlku en í þriggja metra fjarlægð tekur viðkomandi kvenpeningur óðar til fótanna, sem er útaf fyrir sig skiljanlegt þegar slíkur óþrifagöltur og Valli Krumpaði á í hlut. En góðu fréttirnar eru tvímælalaust þær, að abelsínuguli bíllinn hans Valgeirs Aðalsteinssonar Krumpaða er kominn í leitirnar, andvana að vísu og lappalaus.

 

Vann verðlaun í ljósmyndakeppni SÞ

Blásnáðinn fór á drengjaheimili en móðirin á geðveikrahæli

Ég man eftir konu nokkurri, ég held hún hafi verið frá Selfossi eða eitthvað svoleiðis, sem var svo óheppin, að eigin mati, að eignast kolsvartan dreng. Og þar sem henni líkaði ekki við litarhátt þess stutta fór hún með hann til húðlækna, sem úrskurðuðu að pilturinn væri með ósvikna blámannshúð og við því væri ekkert að gera. Þessi ósköp fengu svo á blessaða konuna, að hún var flutt á geðveikrahæli en blásnáðanum komið fyrir á drengjaheimili. Hefði snyrtivörufyrirtækið L´Oreal verið komið til skjalanna með húðlýsingarefnið, sem þeir dældu í söngkonuna Bæjónsí, um það leiti sem áðurnefndur blásnáði fæddist hefði móðir hans ekki verið í neinum vanda stödd. En það þýðir víst ekkert að fást um það lengur, enda er svarti drengurinn frá Selfossi orðinn fullorðinn maður og var, síðast þegar ég frétti, kominn í framboð til forseta Bandaríkjanna. 

Húðin á Beyonce lýst?

Meðan miljarðaþjófar ganga lausir

Það veldur mér sannarlega óbærilegri sorg, að fjámálastjórinn skuli ekki hafa náð að fjárdraga nema 9,2 milljónir, sem er náttúrlega upphæð sem enginn ætti að láta sér til hugar koma að gera rellu útaf. Hefði maðurinn nælt sér í að minnsta kosti 920 milljónir væri ástæða til að gleðjast eilítið. En að gera fjaðrafok útaf skitum 9,2 milljónum er öldungis fráleitt og ósmekklegt meðan milljarðaþjófar ganga lausir með sigurbros á vör. 

Dró sér 9,2 milljónir

Hálffiðraður þúfutittlingur gerir í bólið sitt

Alveg er magnað þegar hálffirðair þúfutittlingar eins og Stívín þessi Tyler telja sig þess umkomna að segja tröllasögur af sjálfum sér, ,,láta allt flakka" eins og ámátlegum aumingjum er tamt að kalla þvættinginn í sér. Það má vel vera að Stívín þessi sé löngu orðinn fullkomlega geðveikur af einhverju eiturjukki sem hann hefur látið ofaní sig, en að hann hafi lent í merkilegum uppákomum er náttúrlega hreinn uppspuni, móðursýki og vísvitandi óheiðarleiki. Hefði þessi ómerkilegi stagkálfur verið, til dæmis með mér til sjós í gamladaga, hefði hann kanske frá einhverju bitastæðu að segja, það er að segja ef hann hefði þá ekki alltaf verið sleginn niður á fyrstu flösku eins og Geiri heitinn, sem strandaði mótorbátnum Brandi í aftakablíðu vorið 1968.  

„Sláandi sögur af ólifnaði“