Korpuforeldar á dæmalausum villigötum

Það er víst áreiðnalegt, að þessir bannsettir korpuskólaforeldrar hafa ekki hugmynd um, að á misjöfnu þrífast börnin best. Það er náttúrlega dæmalaust rugl, að börnin hafi fundið fyrir einhverjum óþægindum eftir að hafa verið send til náms í Korpuskóla, þó svo einhverjum grillufangaranum hafi hugkvæmst að úrskurða hann heilsuspillandi. Óþægindin sem börnin hafa fundið fyrir, hafi þau fundið fyrir einhverju, er slakt uppeldi með tölvulátum, teiknimyndum og skyndibitafæði. Ef korpuforeldrarnir stæðu sig í framkvæmd á normal uppeldi myndu krakkarnir koma eldsprækir úr Korpuskóla á hverjum einasta degi og hlakka til næsta skóladags.

Fundað um Korpuskóla

Nafnbótin ,,klámstjarna" - hvað þarf til?

Hvað ætli ein kona þurfi að hafa til brunns að bera til að vera titluð ,,klámstjarna" á virðulegum vefmiðli eins og mbl.is? Er það fjöldi hlutverka í klámfengnum uppákomum sem gerir fólk að stjörnum á þessu sviði, eða ráða óvenjugóðir leiklistarhæfileikar þar einhverju um? Það væri allavega nógu fróðlegt að fá góðan og vel útlistaðan sannaleika um, hvað felst í því að verðskulda nafnbótina ,,klámstjarna."

En hvað sem öðru líður, þá er heillandi til að vita, að stúlkan Jenna klámstjarna, hafi glímt við ófrjósemi í fyrri samböndum, og við því hafi Tító kærastinn brugðist með því að barna hana vel og vandlega, enda er Tító öflugur drengur svo sem sjá má á fréttarmyndinni. 

Ófrísk klámstjarna

Vesír vistaður horni - Guði sé lof

Svo er góðum vættum fyrir að þakka, að Eggert Magnússon er kominn út í horn, hvað afskifti af fótbolta sertir, og verður væntanlega í því horni til frambúðar. Þó verður að segjast, að það var dámsamleg sjón, að sjá karlskarfinn þegar búið var að dubba hann uppí einhverskonar forstjóra West Ham. En þeim dýrðardögum lauk furðu fljótt og einn daginn var hinn íslenski knattspyrnuvesír horfinn af vettvangi og hefur ekki sést síðan, nema hvað talið er að hann sé vistaður í áðurnefndu horni. 

Eiður Smári: Ákvörðunin kom að ofan

Eru mammonskútarnir fórnarlömb brenglaðra sadistaræfla ?

Hananú, eru ekki nema litlu íslensku mammonskútarnir, sem hafa tugi miljóna í laun á mánuði, búnir að finna út að ódámarnir í alþjóðlegu matsfyrirtækjunum séu illvíg sadistakvikindi sem hafi sérlegt dálæti á að finna brengluðum hvötum sínum útrás á íslenskum fármála- og bankaséníum.

Nú er ekki nema eðlilegt að spurt sé, hvort umræddur kvalalosti matsgripana sé af kynferðislegum rótum runninn eða hvort einskær illmennska ráði för. Þessari áleitnu spurningu verður að svara áður en lengra er haldið því heill og hamingja íslensku bankana er undir því komin eftir hvaða grein hegningarlaganna alþjóðlegu matsþrjótarnir verða meðhöndlaðir fyrir dómstólunum.

„Matsfyrirtæki pynta íslenska banka"

Útglennt og klæðalaus

Henni var nær, stelpuandskotanum, að láta ekki fyrrum unnusta sinn taka af sér soramyndir, útglenntri og klæðalausri. Það er annars makalaust hvað fólki dettur í hug, nú til dags, til að gera sé til ævarandi forsmánar. Og leki fyrrum unnustinn berrassínumyndum af Önnu inná netið getur hún sjálfri sér um kennt - varla hefur hún verið neydd til að sitja fyrir hjá honum í dónalegu ástandi. Svo virðist sem þessi fyrrum unnustanefna sé bölvuð glæpakind að upplagi fyrst hann tók þátt í fjármálahneyksli. Hann er sennilega uppfullur af afbrotagenum og munar eflaust ekki um að dæla klámfengnum myndum af fyrrverandi unnustu sinni inná netið. En hvernig ætli það sé: Á Anna þá ekki í fórum sínum samsvarandi myndefni af sínum gamla kunningja, Raffaelló, og svarað honum með þeim í sömu mynt á netinu?

Óttast að djarfar myndir af sér leki á netið

Hugrakkur maður og huglausar bleyður

Það þarf mikið hugrekki til að skera höfuðið af ferðafélaga sínum og leggja hann sér til munns í viðurvist fjölda fólks. Þá er það ekki síður merki hugrekkis, að biðja auðmjúklega um að verða aflífaður. Þetta tvennt hefur nú einn og sami maður afrekað á ótrúlega fáum dögum. Ekki hafa ódrættirnir Bush og Blair beðið um að láta lóga sér, þrátt fyrir að hafa sent fjölda æskumanna til að slátra ókunnugu fólki í fjarlægum löndum sem þeim kemur ekkert við. Ójá, ólíkt hafast þeir oftast að, karlauminginn hann Jón og hann séra Jón.

Bað um að verða drepinn

Ólögmæt bannfæring kanske, en ekki ósanngjörn

Jæja, þá hefur maður gengið undir manns hönd til að bjarga Gvendi bæjarfulltúa á Áftanesi undan bannfæringu. Svona geta dæmin gengið giftusamlega upp ef kippt er í rétta spotta á réttum stöðum. Hinsvegar var ekki ósanngjarnt af Stjána forseta að bannfæra Gvend sínum tíma þar eð Sjálfstæðismenn á Álftanesi voru á þeim punkti gjörsamlega gengnir af göflunum, meira að segja farnir að tala tungum, bölva uppúr svefni og sniðganga sannleikann meira en góðu hófi gengdi í ræðu og riti. Þegar þessháttar aðstæður eru uppi verður náttúrlega að taka í taumana og freista þess að koma hinum tunglsjúku niður á jörðina, jafnvel þó þeir séu Sjálfstæðismenn.

En nú hefur Gvendur Gjé Gunnars verið endurreitur að hluta af sjálfri Ríkisstjórninni, þar sem samgönguráðaherra var brúkaður sem einskonar lækninga- eða tramsmiðill  

Vítur á bæjarfulltrúa ólögmætar

Bubur og Útvarps-Páll spangólandi á gúmmískipi

Það hefur verið dýrleg sjón að sjá súpertöffarann Bub Morteins og Útvarps-Pál spangólandi á hnjánum um borð í vélarvana gúmmítuðrunni við Bakkafjöru í gærmorgun. Ég er ekki einusinni viss um að Bubur hafi munað eftir að spangóla upp ljóðmæli sitt, ,,Við munum öll, við munum öll, DEYJA" eins og hann gerði svo skemmtillega á kjaddnorkuplötu sinni forðum daga. Og ekki hefur Útvarps-Páll getað treyst á útvarpsjeppann þann hinn nauðsynlega þegar neyðin var stærst um borð í gúmmískipinu.

„Þetta var bara smá pus!"

Rigitig godt knald verður að reiðarslagi

Ég hefi lengi verið afar hræddur um að fólk kynni að freistast til að fá sér rigtig godt knald í gufubaði þar sem þessháttar óábyrgt framferði gæti haft hræðilegar afleiðingar í för með sér. Nú er komið á daginn að illar grunsemdir mínar um þetta spurmál eiga við fullar röksemdir að styðjast. Að framansögðu ætti engum að koma á óvart þó hin heimsku hjón, Davíð Dukk eitthvað og kerling hans, hafi verið hætt komin þegar þau féllu í holdlega freistingu í gufubaði, sem lauk með því að kerlingin andaðist hér um bil af reiðarslagi við uppátækið þegar hæst stóð í stönginni. Annað heimskt fólk ætti að láta sér brotlendingu Davíðs og Teu sér að kenningu verða og láta aldrei undan fryggðartilhneigingum sínum þegar sjóðheit gufa er annarsvegar. Þá á fólk heldur aldrei að láta eftir sér að míga í gufubaði því það hefir pirrandi áhrif á aðra sem í baðinu eru.  

Ástaratlot í gufubaði enduðu með yfirliði

Frægasti tannagnjóstur landsins, Kristín Ólafsdóttir

Eftir þessa voluðu verslunarmannahelgi er eiginkonan Kristín Ólafsdóttir tvímælalaust orðin frægasti tannagnjóstur landsins þar eð tannverkur hennar er orðinn að ágætu fjömiðlaefni. Ekki virðist tannpína Kristínar Ólafsdóttur ætla að verða tannlæknum til framdráttar því þeir voru allir sem einn fjarverandi með sínar líknandi sprautur og tengur þegar neyðin var stærst. Þó er skömm eiginmannsins, Valdimars Guðjónssonar, þó enn meiri en tannlæknanna því hann lét undir höfuð leggjast að draga hina hryllilegu tönn úr gómi konu sinnar.

Þá var nú annað uppi á teningnum um borð í Tálknfirðingi BA 325 sumarið 1972. En þá dró Ársæll Egilsson skipstjóri tönn úr einum háseta sinna án deyfilyfja af nokkru tagi. Meðan á tanndrættinum stóð glumdu öskrin og óhljóðin í hásetanum stafnana á milli svo okkur hinum rann jökulkalt vatn milli skinns og hörunds. Loks þögnuðu hljóðin og hásetinn kom skjörandi niður stigan ofan úr brú, en Ársæll skipstjóri fylgdi honum úr hlaði með blóðuga töngina í annarri hendinni og skipaði honum háum rómi að koma sér hið snarasta útá dekk. 

Þjáðist af tannpínu alla helgina