En Össur karlskepnan gleymir grundvallaratriðinu

Það er ljótt ef fjölmiðlar eru orðnir svo illa dannaðir og úrkynjaðir að þeir geta ekki einusinni birt góðar fréttir af Össuri okkar hérna Skarphéðinssyni. Það er erfitt fyrir athyglisveikar persónur að fá á tilfinninguna að allir séu búinir að gleyma þeim eða engum þyki neitt í þær varið.

En Össur karlskepnan gleymir einu atrið varðandi sjálfann sig og fúlmennsku fjölmiðlalarfa. Og þar er ekki minna en um grundvallaratriða að ræða, sem felst í þeirri hrollvekjandi staðreynd fyrir Össur, að þjóðin vill helst af öllu að hann segi af sér ráðherraembætti og hverfi fyrir fullt og allt úr stjórnmálum ásamt öðrum þrjótum sem verma ráðherrastóla með heitum rössum sínum.

Aumingja kallinn hann Össur að lenda í svona ógæfu. Hann á samúð mína alla, svona upp að vissu marki. 

Össur: Eftirtektarverð hjarðhegðun fjölmiðla

Heiðarlegur maður eða frjálshyggjukapítalisti ?

Það liggur í augum uppi hvað fulla kallinum á Selfossi gekk til með því að sparka upp hurðinni á kránni og leika síðan sama leik við heimahúsið. Vaflaust braut hann sér leið inn á kránna til að fá sér brjóstbirtu sér til gleðiauka og inn í heimahúsið vildi hann fara til að leggja sig; hvíla lúin bein og njóta vímunnar af kráarölinu. En því miður var hin fróma fyrirætlun kallsins eyðilögð með smásálarlegum og óvinveittum viðbrögðum samborgara hans, lögregluárás, handtöku og fangelsi.

Svo má vel vera að þarna hafi venjulegur frjálshyggjukapítalisti verið á ferð þeirra erinda að mótmæla því að kráin væri lokuð og dyr heimahússins læstar þegar hann ætlaði þar inn. Og hvaða afrek hann ætlaði sér að starfa að inni í heimahúsinu er ekki gott að vita, en sem kunnugt er dettur frjálshyggjukapítalistum sitthvað í hug þegar þeir eru í stuði.

Sparkaði upp tveimur hurðum

Morðingi orðinn að andhetju !!!?

Hvenær ætli orðið ,,andhetja" hafi farið að merkja morðingi, glæpamaður og ofbeldismaður?

Ég get að minnsta kosti ekki ímyndað mér að illmennið og morðinginn William Zantzinger hafi nokkurn tímann verið hetja nokkru tagi í huga Bobs Dylans, ekki einusinni andhetja.

Andhetja Dylans látin

Þegar Gunnólfur skipstjóri var rassskelltur af sínum eigin hásetum

Mörgum er enn í fersku minni sá annálað útgerðarmaður og skipstjóri, Gunnólfur Gunnólfsson, sem þekktur var um allt land á sinni tíð sökum óvenju lítilla hæfileika við að fanga fisk í veiðarfæri. Hásetum Gunnólf líkaði að vonum stórilla við stöðugann aflabrest vertíð eftir vertíð. Svo var það einhverju sinni, þegar vertarvertíð stóð sem hæst, að hásetarnir gripu Gunnólf skipstjóra þegar hann var að klöngrast um borð í róður og rassskelltu hann eins og hvert annað krakkaskrípi eða hund og sögðu honum að andskotast í land, hann væri hvort eð er búinn að eyðileggja vertíðina fyrir þeim. Að svo búnu köstuðu hásetarnir skipstjóranum upp á bryggju og réru skipstjóralausir það sem eftir lifði vertíðar og farnaðist vel.

90 manns fyrir utan Sólvang

Varð hórnum að bráð og Stóridómur aflagður

Allt virðist benda til þess að hægriskrukkan Rachida Dati hafi orðið bölvuðum ekkisens hórnum að bráð. Hún hefur sem maður segir, runnið óvart inní lostaástand og látið undan hodsins fýsn með heldur óheppielgum afleiðingum. Að dómsmálaráðherra Frakklans skuli ekki geta feðrað krakkann sinn bendir til lauslætis og drósarlífernis, ef ekki einhvers þaðan af verra. En máske er bara venjulegur umrenningur eða strætisróni faðir krakkarytjunnar, en þessháttar má náttúrlega ekki fréttast. En heppin er frú R. Dati að hafa ekki verið uppi á Íslandi þá Stóridómur var og hét.

Barnsfæðing vekur umtal í Frakklandi

Komst í tæri við smitbera af Suðurnesjum

Siðastliðna nótt lagðist Kolbeinn, vinur okkar allra, í verulega slæma skituveiki. Að sögn frú Ingveldar, eiginkonu Kolbeins, renna veikindi bónda hennar stoðum undir þá kenningu, að Kolbeinn hafi komist í tæri við smitbera af Suðrnesjum á þeim tveimur sólarhringum sem hann var drukkinn í ársbyrjun og kom ekki heim til sín. Ekki hefur enn tekist að fá neina vitneskju um hvar Kolbeinn hélt sig þessa tvo sólarhringa, en hann sjálfur ber við minnisleysi, algjöru blakkáti í ætt við kjarnorkuvetur. Þá hafa sokkar hans, nærbuxur og bindi ekki enn komið í leitirnar. Undir kvöld sagði frú Ingveldur, að sér kæmi ekki á óvart þó Kolbeinn hefði verið misnotaður kynferðislega þann tíma sem hann var horfinn. Ingveldur er jafnframt grunuð um að hafa beitt eiginmann sinn líkamlegu ofbeldi síðustu daga.

Læknarnir lagstir í pest

Skemmdarverk vandræðagemlinga og grillufangara

Djöfulsins glæpamenn eru þessi ófyrirleitnu frjálshyggjuviðrini. Þau ætla ekki að láta staðar numið þó að hugmyndafræði þeirra sé hrunin til grunna með hroðalegum afleiðingum.

Um leið og postulinn Guðlaugur Þór kvaðst ákveðinn í að færa allar skurðlækningar frá St. Jósefsspítala til Keflavíkur birtist bæjarstjóranefnan í Reykjanesbæ, kunnur frjálshyggjugöltur, og segir mikilvægt að Reykjanesbær taki við allri heilbrigðisþjónustu í bænum til að afhenda hana útrásarvíkingnum og peningageðsjúklingnum Róberti Wessmann til að græða á. Hverskonar djöfulsins vinnubrögð eru þetta og framkoma?

Oft var þörf, en nú er nauðsyn, að stoppa glæpahyskið af með góðu eða illu. Það er ekki hægt að horfa uppá vandræðagemlinga og grillufangara vinna samfelld skemmdarverk á öllum sviðum þjóðlífsins.

Bærinn vill verja sjúkrahúsið

Framsóknarvírusinn herjar á útlendinga

Ég hefi nú fengið óyggjandi staðfestingu á því sem mig grunaði: semsé að hinir útlensku slagsmálahundar í Lönguhlíðinni séu einmitt þeir hinir sömu útlendingar og gengu í Framsóknarflokkinn nú eftir áramótin. Það má ljóst vera að blessaðir mennirnir hafa, allir sem einn, smitast af þeim skæða framsóknarvírus sem veldur m.a. sundurlyndi, flokkadráttum, klíkumyndun, sálsýki og geggjun. Vesalings útlendingarnir hafa afskaplega lítið mótefni í sér gegn svo illskæðum vírusi og er því ekki að undra að frá þeim hafi hvarflað vit eftir að sóttin hafði lagst á þá af fullum þunga. Í ljósi atburðanna í Lönguhlíð í gærkvöldi, getur Landlæknisembættið ekki skorast lengur undan að sprauta alla einstaklinga sem eru af erlendu bergi brotnir við framsóknarvírusnum, annars er stórfelld hætta á að hér blossi upp borgarastríð af verra taginu.

Hópslagsmál í Lönguhlíð

Hvæsandi villidýr í teinóttum jakkafötum

Það hefur verið skemmtileg sjón að sjá bankafurstaskrílinn á teinóttu jakkafötunum, helblánn í framan af íllsku, hvæsa og urra eins og villdýr framan í starfsmenn Fjármálaeftirlitsins. Og auðvitað lyppaðist Fjármálaeftirlitið niður andspænis þeim teinóttu og varð að gjalli enda hafa strengjabrúðurnar í stjórnarráðinu eflaust staði eins og klettar í hafinu með sínum mönnum í bönkunum gegn smáfuglunum í Fjármálaeftirlitinu. Að sjálfsögðu.

„Rauðir í framan af reiði“

Fallinn í kynferðislega ónáð

Enn á ný hefur kær vinur okkar, Kolbeinn Kolbeinsson, fallið í kynferðislega ónáð hjá frú Ingveldi eiginkonu sinni. Tildrög málsins eru þau, að Kolbeinn hvarf að heiman frá sér á gamlárskvöld og skilaði sér ekki heim fyrr en að kvöldi annars í nýári, þá allnokkuð þrekaður og hafði, af einhverjum óútskýranlegum ástæðum, týnt sokkum sínum, nærbuxum og bindi. Grunar frú Ingveldi að Kolbeinn hafi jafnvel framið sóðalegt hjúskaparbrot, að sér forspurðri, meðan hann var fjær, en Kolbeinn neitar öllum ásökunum í þá veru, og liggur því mikil spenna í loftinu á heimili þeirra hjóna.

Sögulegur hádegisverður