Eiturplöntur og illgresi á haugana í vor

Ef svo fer að milljónir trjáplantna verða keyrðar á haugana í vor er best að láta nokkra stjórnmálaflokka fylgja með og moka síðan vel og vandlega yfir allt saman. Stjórnmálaflokkarnir eru eins og kunnugt er kjörlendi fyrir eiturplötur og illgresi sem sjúga til sín næringu sem öðrum er ætluð og bera vonda ávexti sem seint flokkast undir boðlega fæðu.

Samtrygging flokkseigendafélaga stjórnmálaflokkanna er staðreynd. Þessi samtrygging er gulltrygging fyrir spillingu, andlýðræði og skeytingarleysi á öllum sviðum.

Það er mikil þörf á að samtrygging flokkseigendafélaganna verði rannsökuð ofan í kjölinn, tjöldunum svipt frá svo almenningu fái séð, svart á hvítu, hverskonar fásinna núverandi stjórnmálaflokkar eru í raun og veru.

Það er ennfremur ljóst að almenningur lítur í æ meiri mæli til þess að öflugt byltingarsinnað afl rísi uppúr grasrótinni. Sem betur fer eru teikn á loft að slíkt sé að gerast þessa dagana.

Milljón trjáplöntur á haugana

Grunsamlegt og skuggalegt

Alltaf setur að manni hroll þegar fregnir berast af rígfullorðnum einstaklingum, sem bjóðast til að gæta barna hjá ókunnugu fólki. Það segir sig sjálft að slíkt býður hættunni heim. Anna Hathaway er afar grunsamlegt kvendi, svo ekki sé meira sagt, og vís til að afvegaleiða telpurnar Barrakks og konu hans. Einnig er stórfelld hætta á að hún geri sér lítið fyrir og dragi Barrakk sjálfann á tálar og fái hann til að gera ýmsa ósiðsamlega hluti sem forsetar eiga ekki að gera.

Nú verða bandaríkjamenn að sýna hollustu við þjóð sína og koma í veg fyrir að háskakvendinu Önnu Hathaway takist að leggja heimilislífið í Hvíta húsinu í rúst með öfugsnúnum tiltektum. 

Vill passa forsetadæturnar

Járnplötuvals með undirliggjandi lostabruna

Mikið skelfing líkar mér alltaf vel við sönglög sem heita ,,Vornótt" og ,,Undir regnboganum" eða eitthvað þessháttar, jafnvel þó ég hafi aldrei heyrt þau. Það gladdi mig því ósegjanlega þegar ég sá á mbl.is að lögin sem unnu í kvöld heita einmitt ,,Vornótt" og ,,Undir regnboganum."

Og þó svo ég hafi ekki heyrt umrædd sigurlög, þá segir mér svo hugur að ,,Vornótt" sé klassískur járnplötuvals í skagfirskum sveiflustíl með sverrisstormskersívafi. Textinn við ,,Vornótt" er áreiðanlega, ef mér skjöplast ekki úr hófi fram, mildur afmorskveðskapur með undirliggjandi lostabruna og öllu sem honum heyrir til. Ég vona að ,,Undir regnboganum" sé saminn af þeirr sönnu íþrótt sem einkennir lausann keðjuhlekk sem slæst ótt og títt uppí aurbretti bifreiðar. Enda er mér sagt af kunnugum að svo sé. Svo rammt kvað að hjá heimildarmanni mínum, að kötturinn hljóp hvæsandi undir rúm og hundurinn fór að spangóla eins og frá honum hefði hvarflað allt vit meðan söngurinn ,,Undir regnboganum" frussaðist útúr sjónvarpstækinu.

Það þarf sannarlega ekki að hafa fleiri orð um svo sigurstranglegar tónsmíðar.

Lögin sem komust áfram

Líka kemur sú fordild fram

,,Iðrun var ekki til á Snæfellsnesi, heldur stælur og þjark. Þó skal ekki dul á það dregin, að þetta fólk stundaði altarisgöngur." Svo mælir séra Árni Þórarinsson í ævisögu sinni um sóknarbörn sín. Miðað við viðtal við herra Gjeir Haaarde, sem mbl.is vitnar til, hefði nefndur Gjeir fallið eins og flís við rass inní söfnuð séra Árna.

Iðrun er ekki til á ríkisstjórnarheimilinu, heldur útúrsnúningar og óskammfeilni. Iðrun er heldur ekki til innan flokksforustu Sjálfstæðisflokks, Framsóknarflokks og Samfylkingar, aðeins spilling og samtrygging. Þó skal ekki dul á það dregin, að þetta fólk stundaði tíðar altarisgöngur í musteri Mammons og hafði yfir helgislepjulegar setningar um frjálsan markað, frjálst flæði fjármagns, hagvöxt og góðæri.

Og ekki er fyrir að synja að séra Hallgrímur sálugi í Saurbæ á Hvalfjarðarströnd hafi verið forspár maður og séð fram í tímann enda var hann kraftaskáld. Það er t.d. ekki annað að sjá en hann hafi haft ríkisstjórnir síðustu 17 ára í huga þegar hann orti:

Ábatavon og vinahót

verkin dylja, þó séu ljót.

Líka kemur sú fordild fram,

sem forsvarað getur Barabam.

Geir: Árið verður mjög erfitt

Fjölmenni við banabeð hinnar háöldruðu Maddömu

Fjöldi húskarla og griðkvenna hefur nú safnast saman kringum banabeð hinnar háöldruðu Framsóknarmaddömu. Gamla konan er sem fyrr rænulítil og talar óráð ef henni hrökkva orð af vör. Þó tókst henni í dag að stynja upp tilskipun um að þeir sem saman eru komnir heiðruðu húskarlinn Guðna Ágústsson með áköfum lófaslætti. Ekki stóð á húskörlum og griðkonum Maddömunnar að reka upp öskur Guðna til heiðurs og minnast þannig með skönuði þeirra góðu tíma þegar þau misþyrmdu Guðna uppá hvern dag þá er hann annaðist verkstjórn í Framsóknarfjósi gömlu Maddömunnar.

Banalega Framsóknarmaddömunnar er orðin löng og ströng, og er mála sannast að hún þráir af heilum hug þá ljúfu stund er hún fær að hverfa af þessum heimi. Henni sjálfri er fullkunnugt, þrátt fyrir hláleg elliglöp af ýmsu tagi, um þá nöturlegu staðreynd, að fram til þessa hefur enginn unnið sitt dauðastríð, og allra síst að muni hún sjálf vinna slaginn við manninn með ljáinn. En þessari staðreynd hafa húskarlar og griðkonur Maddömunnar ekki áttað sig á enn sem komið er og halda af landskunnri heimsku sinni og bjánaskap að kerlingarhróinu fari að batna hvað úr hverju og verði aftur að stæltri ungkerlingu með fjósaskít undir nöglunum.    

Guðni Ágústsson heiðraður

Ástþór á Grunstein´s Hospital

Úti í Evrópu hefur um árabil starfað læknir, dr. Grunstein að nafni, sem hefur sérhæft sig með mjög góðum árangri í sjúkdómum líkum þeim er Ástþór Magnússon og hans sálufélagar eru haldnir. Aðferðin sem dr. Grunstein notar til að koma sjúklingum sínum til heilsu er einföld, ódýr og skilvirk og árangurinn nær 100%.

Meginþemað í meðferð dr. Grunsteins er eitthvað á þessa leið: 1. Alger svelta í þrjá daga, aðeins einn tebolli kvölds og morgna ásamt aspiríni til þess að svita sjúklinginn. 2. Stórir kínínskammtar. 3. Stólpípa tvisvar á dag með einum lítra af volgu vatni. 4. Hellt í þá laxerolíu ásamt sápuvatni og glussa. 5. Sveipaðir lökum, vættum köldu vatni. Einnig hefur dr. Grunstein notað uppsölumixtúrur á hina veiku með áhrifaríkum árangri.

Nú er svo komið, þó þjóðin sé orðin skuldug uppfyrir haus, að ekki verður lengur undan því vikist að efna til samskota svo hægt verði að senda Ástþór Magnússon og hans vini, ef einhverjir eru, til lækninga á Grunstein´s Hospital. Það er ekki lengur hægt að horfa uppá manninn kveljast svona voðalega án þess að koma honum til hjálpar. 

Fjöldi manns á Austurvelli

Þjóðin vill ekki sáttmála við Gjeir og Ingibjörgu

Skúli Helgason framkvæmdastjóri Samfylkingarinnar segir að ríkisstjórnin verði að gera nýjan sáttmála við þjóðina með uppstokkun í Seðlabankanum og Fjármálaeftirlitinu ásamt breytingum á ríkisstjórninni.

Látum nú vera hvað hinum ljóngáfaða jabbnaðarmanni Skúla Helgasyni framkvæmdastjóra Samfylkingarinnar dettur í hug.

Hinsvegar hefur þjóðin akkúrat engann áhuga á að gera sáttmála af neinu tagi við núverandi ríkisstjórn. Þjóðin vill þessi endemi burt með húð og héri og vonast til að sjá þau aldrei meir.

Fásinna í hrossalækningadúr eins og framkvæmdastjóri Samfylkingarinnar fimbulfambar um er kostulegt innlegg. Þjóðin frábiður sér slíkar sjónhverfingar.

Skúli Helgason: Krafa um breytingar á rétt á sér

Viðskiptagreiningarnámskeiðið í Valhöll

- Þú, helvítis aumingi þinn, mælti hinn frækni fémínísti, frú Ingveldur við Kolbein mann sinn, - skalt eiga mig á fæti ef þú getur ekki skaffað betur. Ég þarf að eiga almennileg föt ef ég á að geta látið sjá mig innanum annað fólk af minni stétt á viðskiptagreiningarnámskeiðinu í Valhöll. Svo skaltu, hundurinn þinn, drullast til að endurnýja reinsróverinn og kadilakkinn strax á morgun. Það er till skammar að láta sjá sig þessum helvítis druslum deginum lengur. Heldur þú, fanen gale mæ, að ég sé einhver íslandsmand?

Um kvöldið grét Kolbeinn Kolbeinsson sig í svefn. Daginn eftir stóðu nýr reinsróver og nýr kadílakk fyrir framan tvöfalda bílskrúinn við heimili frú Ingveldar og Kolbeins Kolbeinssonar. 

Launamisréttið bitnar á körlum

Viðeigandi minnisvarðar, krunk í hröfnum og hvæs drauga

Hálfköruð byggingarafrek eru mjög viðeigandi minnisvarðar um heimsku og græðgi hinnar úrkynjuðu kapítalísku valdastéttar á Íslandi sem komin er að fótum fram. Mest töfrandi í þeim flokki er sönghöllinn mikla við Reykjavíkurhöfn þar sem krunk í hröfnum og hvæs drauga verða ein sungin um alla eilífð, ef að líkum lætur.

Táknmynd góðæris eða kreppu

Grímklæddir paurar ASÍ og atvinnurekenda

Hvaða paurar eru það á vegum atvinnurekenda og skrifstofusjakalalýðsins innan vébanda ASÍ sem telja sig þess umkomna að moka 75 milljörðum með gjörspilltum klónum útúr lífeyrissjóðunum til að hlaupa undir bagga með sérvöldum atvinnurekendum og fjárglæfrakvikindum sem eru með allt á hælunum? Finnst þessu liði alveg sjálfsagt að vaða í sjóði sem það á ekki nokkurn skapaðan hlut í og stela þar öllu steini léttara þegar þeim sýnist? Gera þessar nafnlausu og grímklæddu persónur úr skúmaskotum atvinurekenda og ASÍ sér enga grein fyrir að þjóðin er búin að fá margfallt meira en nóg af ránsherferðum auðvaldsins um landið þvert og endilangt? Eru þær ekki með á nótunum að meirihluti þjóðarinnar vill umfram allt brjótast undan oki gjörspilltrar valdastéttar og er tilbúin að fórna miklu til að svo megi verða?

Það er sorglegra en tárum taki, að snillingarnir sem tekið hefa að sér að leiða samtök launafólks á almennum markaði skuli vera svo sljóir og samdauna valdaklíkunni, sem leitt hefur þjóðina út í verstu ógöngur sem um getur, að þeim ekki einusinni flökri við að taka þátt í, ásamt atvinnurekendum og ríkisvaldinu, að ráðast á lífeyrissparnað verkafólks án þess að tala við kóng eða prest. Hverskonar einginlega andskotans skepnur eru þetta, að ég ekki segi glæpamenn? 

Það verður að flýta byltingunni eins og hægt er svo hægt verði að koma í veg fyrir frekari gripdeildir og óhæfuverk yfirstéttarskrílsins.

75 milljarða fjárfestingargeta