Glæsileg hornkerling

Svo er að sjá, að hin samfylkingarlærða framsóknarsál, Guðmundur Steingrímsson, hafi hlotnast sú náð, að gegna embætti hornkerlingar Framsóknarflokksins, en það embætti vísar til, að sá sem því gegnir eigi yfirhúskarlsstöðu flokksins vísa. Þar með er viðbúið að slöttólfurinn Sígmúnd Davíð fái ekki að kemba hærurnar lengi, sem talsmaður Halldórs og Finns.

Þess má geta, að afi og faðir Gvendar Steingríms gengdu báðir embætti hornkerlingar á sínum tíma og uppskáru báðir yfirhúskarlsstöðu úr hendi sjálfrar Framsóknarmaddömunnar. En þar sem Maddaman er önduð verður Gvendur trúlega að taka við sínum framtíðarvegtyllum flokksins úr lúkunum á Halldóri Ásgríms og/eða Finni Ingólfssyni athafnaskáldi.

Fundi fjárlaganefndar lokið

Leyndarpukrari fer af hjörunum

Hann er sannarlega kyndugur dvergurinn, sem Halldóri Ásgrímssyni, Finni Ingólfs og Ólafi bónda á Miðhrauni, hugkvæmdist að gera að yfirhúskarli Framsóknarfjóssins. Auðvitað er dvergurinn Sígmúnd Davíð, aðeins leppur fyrir sér æðri menn, svo engin þarf að taka greyið alvarlega því hann er ekki fullmektugur talsmaður gömlu Maddömunnar, sem sögur herma að hafi andast leynilega í síðustu viku.

Nú er komið á daginn að Sígmúnd litli hefur tekið fullan þátt í leyndarpukrinu, sem hann hefur verið að gagnrýna uppá síðkastið. Allir leynipóstarnir og þöggunarsneplarnir hafa verið á sínum stað í möppu vesalings drengsins í marga mánuði, án þess að honum hafi þótt nokkuð athugavert við umræddra pappíra. En svo loks þegar leyniplögginn úr möppunni eru lekin útá netið, fer Sígmúnd framsókarleppur umsvifalaust af hjörunum með þeim hvalablæstri og bægslagangi, sem engan veginn fer svo sléttgreiddum unglingi.   

Var kunnugt um bréfaskiptin

Allt vinstristjórninni að þakka

Núnú, fréttin af minni áhrifum kreppunnar hér á landi en við var búist, hlýtur að koma eins og fúl skvetta úr hlandkoppi framaní óaldarlýð Sjálfstæðisflokks og Framsóknar og mola í leiðinni móðursýkislegan og mökkruglaðan málflutning þeirra.

Það dylst náttúrulega engum sæmilega sanngjörnum og vitibornum manni, að þessi ,,minni samdráttur" er einungis núverandi ríkisstjórn að þakka. Ekkert í þessa átt hefði verið mögulegt ef þjóðin hefði verið svo ólánssöm kjósa sönnu hrunaflokka, sem kenna sig við sjálfstæði og framsókn, yfir sig.

Kreppan vægari en búist var við

Meðalgreindarvísitalan hækkaði um 50%

Þegar Höskuldur Þórhallsson og Birgitta Jónsdóttir, sem sögð eru alþingismenn, skakklöppuðust á dyr af fundi fjárlaganefndar í morgun, hækkaði meðalgreindarvístalan við fundarborð nefndarinnar um heil 50% og sátu þó eftir nokkrir nefndarmenn með vægast sagt dapurlega lága greindarvísitölu.

Það fer að verða mjög aðkallandi, að þjóðin hætti að kjósa mjög heimska einstaklinga til að sinna löggjafarstörfum og ráðherraembættum. Ef fer sem horfir verður Alþingi Íslendinga bráðlega eitt alsherjar stórhlægilegt vitfirringahæli, ef það er þá þegar ekki orðið það. Þá er almælt, að aldrei hafi eins margir leiðinlegir, húmorslausir, þingmenn setið samtímis á Alþingi en einmitt nú. Þegar heimska og húmorsleysi fara saman með yfirgnæfandi hætti á einum vinnustað, er skamt að bíða endalokanna.

Ef Íslensku þjóðinni er í mun, að komast útúr vandamálum sínum, á hún að setja sósíalíska byltingu á dagskrá, ekki síðar en strax. Sósíalísk bylting er eina færa leiðin til að losa þjóðina við hinn gjörspillta kapítalisma og vandræðagemlinga hans.

Upp með byltinguna, kæru félagar, og göngum milli bols og höfuðs á úrkynjaðri yfirstétt stjórnmálamanna, atvinnurekendavalds og fjársýsluglæpamanna !!!  

Óvissa um samkomulagið

Hvaða bordel verður vinsælast?

Það eina sem er spennandi við þessa loftslagsráðstefnu í Kaupmannahöfn, er í hvað bordel Íslensku fulltrúarnir fara oftast á meðan ráðstefnunni stendur. Einhversstaðar rakst ég á, að starfsstúlkur bordelanna í Höfn ætli að gera það frítt fyrir ráðstefnugesti, svo það er alltílagi fyrir okkar fólk að skvetta ærlega úr klaufunum, af því að spilling er ekki spilling fyrr en hún er farin kosta skattborgarana beinharða pééénínga ...

Kveðst bjartsýnn

Burt með Egil Helgason af RÚV

Fuss og svei, það koma nákvæmlega ekkert fram hjá þessum Rogeri Boyes, sem fjölmargir Íslendingar hafa ekki gert sér grein fyrir frá því löngu fyrir hrun. Þeir sem ekki hafa gert sér grein fyrir því sem Boyes var að mala, er sjúkt fólk í alvarlegri afneitun. Annars minnti Boyle einna mest á smjörlíkisklessu, svo ófrumlegur sem hann var í sjónvarpinu með Agla vini sínum.

Það er alveg dæmalaust hvað 101-geltinum Agli Helgasyni tekst að draga mikið af sjálfumglöðu undanrennuliði í þetta yfirborðskennda og útvatnaða silfur sitt. Reyndar er um of að tala um ,,mikið af sjálfumglöðu undanrennuliði" því satt best að segja er þetta mestu leyti sama fólkið upp aftur og aftur sem kemur í þáttinn, þá aðallega fólk sem einhverntímann hefur fengið þá hlálegu grillu í hausinn, að það sé svo undur gáfað, þrátt fyrir að hafa í hæsta lagi meðal gripsvit. En auðvitað draga gestirn dám af gestgjafanum, nema hvað.

Ég er kominn á þá skoðun, að RÚV ætti að afþakka starfsframlag Egils Helgasonar frá og með deginum í dag, þar eð stofnunin hefur sengin efni á að hafa fólk á fóðrum, sem engu skilar öðru en yfirborðsmennsku, froðu og kjaftæði. 

Boyes: Of mikil áhersla á ál

Eitt stökkbreytt tilfelli á Íslandi - sjúklingurinn líklega látinn

Eins og greint var frá fyrir skömmu stökkbreyttist svínsflensuveiran þegar hún blandaðist framsóknarvírusnum illvíga í kroppi þeirrar karlægu dækju, Framsóknarmaddömunnar. Síðan upp komst um tilvikið, hefur Maddaman verið í strangri sóttkví í súrheysturni áföstum Framsóknarfjósinu. Nú hafa lausafregnir borist af því að sú gamla sé þegar dauð, enda hafa fjósdvergar hennar á þingi borið þess glögg merki síðustu daga, að þeir hafi tapað því litla sem fyrir var af glóru milli eyrna þeirra.  

Ný tilfelli stökkbreytingar

Heimdallarar enn á ferð

Ef mér skjöplast ekki því meir, þá hafa eru ungu karlmennin fjögur, sem fóru ránshendi um skóla í Reykjavík í nótt, af heimdellingategundinn alræmdu. Þessi grey hafa alist uppí þeirri vissu, að fátt sé göfugra en að ræna sameignum landsmanna, hvar og hvenær höndum verði yfir komið. Með því móti, telja heimdallarar, að þeir öðlist með tíð og tíma þá sæmd, að fá að leggjast á ríkisspenann og verða miklir menn, jafnvel alþingismenn og ráðherrar og tapa loks í forsetakosningum fyrir einhverjum skítugum kommúnista.

Sumir eru þeirrrar skoðunuar að heimdellinga beri að uppræta með öllum ráðum. Því er ég ekki sammála. Maður lógar ekki hundinum sínum þó hann bíti blaðberann við og við. Heimdellinga eigum við að varðveita eins og draugasögurnar okkar og jólasveinana, en ekki veitast að þeim, þó hvimleiðir séu, eins og vargfugli og dýrbítum.

Brotist inn í tvo skóla

Þokkaleg frammistaða atarna

Það er þrifalegur andskoti, eða hitt þá heldur, ef það er rétt að Bandaríkjamenn hafi enga hugmynd um hvar fjölskylduvinur þeirra, Ósama bin Laden, er niðurkominn og hafi ekki vitað það í fjölda ára. Svona skítlega frammistaða er náttúrulega ekki boðleg umheiminum, hvað þá kaldastríðshrjáðum móhíkönum á Íslandi, sem hafa um áratugaskeið verið amrískari en allt sem amerískt er, svo sem sjá má á þjökuðum andlitssvip Björns okkar hérna Bjarnasonar.

En líklega er bölvaður þrjóturinn hann Ósami dauður fyrir löngu og sestur að í hymmnaríki með Allah vini sínum, Múhameð spámanni og Rónaldi Reagan. En þó má vera að kallskrattinn tóri einhversstaðar við íllt atlæti og og enn verri heilsu eins og Framsóknarmaddaman hér uppá hrundu Íslandi.

Ekkert vitað um Bin Laden

Gaurinn sem giljar kvenpéníng vorn

Og Stúfur þorði ekki að fækka fötum í Jarðböðunum í Mývatnssveit!!! Nú þykir mér Bleik brugðið. Ég man þá tíð þegar Stúfur hljóp berrassaður um sveitir með stóran hóp af brjáluðum bændum á eftir sér, sem gjarnan vildu hafa höndur í hári Stúfs og hengja hann, því að í þeirra augum var þessi geðugi jólajúði algjört ódó og hjónadjöfull.

Og aldrei hefur Giljagaur verið smærri í sniðum en bróðir hans Stúfur, m.a.s. heldur stærri, ef eitthvað er. Kvensamari jólasveinn hefir aldrei verið uppi frá því jólasveinaöld hófst en einmitt hann Giljagaur. Eins og gefur að skilja, hafa húsfreyjur landsins alið Giljagaur fjöldann allann af börnum, sem öll eiga það sameiginlegt, að vera rangt feðruð, því engin kona hefur, fram að þessu, viljað kenna þessum frjósama og kynsæla jólasveini krakka. Hinsvegar vefst ekki fyrir glöggum mönnum að þekkja afkvæmi Giljagaurs frá öðru fólki. Hinir fróðu menn uppástanda, að synir og dætur Giljagaurs hafi leikið ófá stórhlutverk í októberhruninu fræga á Íslandi í fyrra. -Á ávöxtunum skulu þér þekkja hinar örgu kúlulánagrýlur og þá útsmognu æseifböðla: Allt er það hyski meira eða minna undan gaunum sem giljar kvenpéníng vorn, sagði einn virtasti og frómasti ættfræðingur landsins við mig á dögunum. 

Jólasveinar fóru í Jarðböðin