Árásir og einelti kalla á róttæka mótspyrnu

„Við höfum auðvitað verið að vinna hörðum höndum að lausn þessa máls og koma því á endastað. Það tókst um áramótin" segir Steingrímur J. Sigfússon.

Og hann getur trútt um talað, kallrassgatið.

En ekki er sopið Icesave-kálið þó í ríkisstjórnarausuna sé komið og búið að skammta á diskinn hjá forsetanum.

Eitt af því sem Steingrímur og Álfheiður, og búrtíkur þeirra, voru hvað harðhentust við í Icesavemálinu voru þeirra eigið samflokksfólk. Framganga þessara vesalinga í þeim efnum var með slíkum endemum, að furðulegt má heita, að þeir sem urðu fyrir árásum og einelti Svavarsistanna, skuli ekki enn hafa gengið hreinlega á dyr. Það er eins og Steingrímur geri sér engan veginn grein fyrir, að með vinnubrögðum sínum gagnvart stórum hluta þingflokks VG og fjölda almennra flokksfélaga, hafi hann grafið svo illilega undan eigin flokki og sundrað honum, að þar grói ekki um heilt á næstunni, jafnvel aldrei. Hann virðist heldur ekki gera sér grein fyrir, að fólk er farið að ræða saman í fullri alvöru hvernig best sé að bregðast við árásunum og eineltinu. Það eru nefnilega, sem betur fer, ekki allir félagar í VG tilbúnir  að láta svavarsvædda flokksforystu og búrtíkur hennar traðka endalaust á sér með hótunum og baknagi.

Og hvernig sem Icesavesamningnum á eftir að vegna á Bessastöðum, þá á hægrivængstubburinn í VG, með Svavar, Álfheiði og Steingrím í broddi fylkingar, eftir að finna ærlega fyrir vinstri armi flokksins, sósíalistunum, á næstunni.   

Ekki algert klukkutíma- eða dagaspursmál

Karlremburnar klæmast við konur á netinu

Það er ljótt hjá InDefence-körlunum, ef þeir eru farnir að senda Ólínu Þorvarðardóttur tölvupóst, uppfullan af skítugum orðaleppum og rakalausum svívirðingum. Mér leikur hugur á hvað blessaðar jakkafatakarlremburnar voru að klæmast við frú Ólínu, - við verðum að vita í smáatriðum hve langt þeir hafa gengið í ósómanum.

Nú, svo getur líka verið að hinir óskammfeilnu tölvupóstar séu ekki frá InDefence, heldur frá ungum jabnaðarmönnum, eða geðvondum framsóknarmönnum, eða púkastóðinu í Heimdalli. Það má andskotinn vita hvaðan allir þessir tölvupóstar koma nú orðið. En Guð forði okkur frá því að það hafi verið Ólína sjálf sendi þennan dónalega fjöldapóst í allar áttir. Sem betur fer fæ ég engann fjöldapóst nema frá kaupahéðnum sem vilja óðir og uppvægir selja mér víagra á @visir.is. Það eru mjög viðbjóðslegir póstar, sem sýna fremur en allt annað forkastanlegar ranghugmyndir sendenda um mig. 

Kannast ekki við fjöldapóst

Hvort er róttækara, að vega mann eða yfirvega?

Hvernig í skrattanum ætli sé farið að því að ,,yfirvega" mál, eins og frú Elín Norðgren hyggst gera varðandi graðkvikindið Tígur Woods, sem á að heita eiginmaður hennar? Ég þykist skilja hvað það er að ræða mál af yfirvegun og hugsa sitt ráð af yfirvegun. En gagnvart því að yfirvega mál er ég alveg mát, þrátt fyrir að ég sé löggiltur vigtarmaður. En máske er þetta málfar í grein mbl.is um Elínu á skíðum í Frakklandi, skylt sögninni á vega, þ.e.a.s. drepa eða myrða. Ef svo er, þá vona ég að jafn prúð stúlka og geðug, hafi ekki í hyggju að vega Tígurinn, jafnvel yfirvega hann, sem er væntanlega mun róttækari slátrun en venjuleg aflífun.

 

Elin á skíðum í Frakklandi

Búrtíkin gjammar fyrir húsbændur sína

Skipstjórinn góðkunni, Björn Valur Gíslason, skipti eins og kunnugt er um starfsvettvang síðastliðið vor og hefur nú haslað sér völl sem búrtík Álfheiðar Inga, Steingríms J. og Svavarsfjölskyldunnar í VG. Síðan þá hefur vegur Björns Vals sem búrtíkur vaxið hratt og er nú svo komið að hann er á engann hátt síðri búrtík en Árni Þór, verðlaunapeningurinn sá. Og víst er um það, að búrtíkurnar góðu spara húsbændum sínum mörg sporin. Steingrímur þarf t.d. ekki að segja annað en ,,urdanbíttann," þá stökkur Björn Valur af stað geltandi og spangólandi eins og baskervillhundur, tilbúinn að reka hvern sem á vegi hans verður fyrir björg eða éta þá ella. Sama er að segja um Árna Þór: Þegar Álfheiður og Swandees siga honum á Liljurnar, Mósesdóttur og Grétarsdóttur, og Ásmund Einar dalabónda, rýkur hann samstundis í hælana á þeim eins og hvefsinn hvolpur. En verst er, að bráðum mun hann bíta aðeins of fast og þá mun verða drepið í honum með einhverjum skóhælnum eins og sígarettustubbi.

Já, það er óborganlegt að eiga góðar búrtíkur ef hafa skal hemil á óþekkum flokkssauðum.

Segir forsetann taka undarlegan pól í hæðina

Óhugnarlega karllægur fundur á Bessastöðum

Hún er heldur óhugnarleg myndin sem tekin var á Bessastöðum í morgun af fundi forsetans með fulltrúm samtakanna InDefence; öðrumegin við borðið sátu átta karlar en engin kona, hinumegin sat forsetinn einn, en hann er sem kunnugt er fjarri því að vera kona, hann er ekki einusinni kerlíng, hvað þá meir.

Nú, fyrst engin kona var í InDefence-hópnum, má ljóst vera, að þar er á ferðinni afar kvenfjandsamlegur félagsskapur, sem gefur skít í reynsluheim kvenna og gjörvalla kynjafræðina. Þessir ódámar eru, ef að líkum lætur, á móti kvenprestum, þingkonum, kvenréttindum og lesbíum. Og satt að segja er ég stórhneykslaður á forseta lýðveldisins að hleypa þessum helvítis kallapúngum, kvenmannslausum, inn til sín til skrafs og ráðagerða. Það mun fljótlega renna upp fyrir landsmönnum, að andstaðan við Icesave-samninginn er karlrembupólitík í sinni viðurstyggilegustu mynd, og þegar það gerist mun siðlátt fólk hafa höndur í hári InDefence-púnganna og kasta þeim á haf út, ásamt Bjarna Ben og Sigmundi Davíð hinum syfjaða.   

Fundi lokið á Bessastöðum

Sértrúarsöfnuður á ferð?

Jæjajá, og eru þeir nú farnir að kveikja í litlum sveitakirkjum langt utana alfaraleiðar? Ósköp er nú eitthvað lítill mannsbragur af þessháttar. Eða var Krýsuvíkurkirkja máske í útrás, sem verðskuldaði svona meðferð? Ég veit svo sem ekkert um það. Svo getur líka vel verið að kirkjan hafi ekki brunnið af völdum hryðjuverkamanna. Hver veit nema sértrúarsöfnuður hafi læðst í litla guðshúsið í skjóli nætur til að efla trú sína með bænagjörð og messusöng og misst í leiðinni niður logandi sígarettustubb? Svona sértrúarsöfnuðir eru til alls líklegir, einkum ef Bakkus konungur er með í för í líki alkóhóls og ólöglegra fíkniefna. Mannlausar kirkjur langt út í sveit eru nefnilega kjörið húsnæði til helgihalds í nafni áðurnefnds Bakkusar. Enhverju sinni smugu Arinbjörn Arinbjörnsson og hans kammeratar sér inní mannlaust frystihús til að komast hjá því að blóta Bakkurs frelsara sinn undir beru lofti. Það var íka eins og við manninn mælt: Tveimur klukkustundum eftir að sértrúarsöfuður Arinbjarnar hóf helgihald sitt, stóð frystihúsið í björtu báli. Þannig var nú það. 

Krýsuvíkurkirkja brann í nótt

Andstyggileg neikvæðni til orðuveitinga er þjóðarskömm

Aldrei hefi ég skilið þessa endalausu neikvæðni í fólki útí orðuveitingar forsetans. Það er minn skilningur, að þumbaralega afstaða stjórnist eingöngu af öfundsýki og einhverju ólagi á kynfærunum. Þó skal ég fúslega játa, að nafnið ,,fálkaorða" er í hæsta máta óviðurkvæmilegt heiti á orðunni góðu og kemur þar tvennt til: Fyrir það fyrsta hefir það aldrei þótt góð meðmæli með nokkrum manni, að hann væri fálkalegur og í annan stað er fálkinn, sá grimmlyndi vargfugl, einkennistákn Sjálfstæðisflokksins, sem er að sönnu ekki síðra vargfygli er fálkinn sjálfur og fúlsar ekki við að éta rjúpur og aðra smáfugla þegar vel viðrar til veiða. Hin íslenska álkuorða væri strax mikið skárra nafn þó ekki sé það beint densilegt.

Í ljósi ofanritaðra raka, legg ég til í fullri einlægni, að ,,fálkaorðan" verði lögð niður en í stað hennar verði tekin upp ,,Hin íslenska Heiðarleikaorða," sem einungis verði hengd utaní heiðarlegt fólk en ekki ræningjalýð, dusilmenni og uppþornaða náttúruleysingja.

Samhliða því að fálkaorðan verði lögð niður með lögum frá Alþingi, fái Sjálfstæðisflokkurinn sömu afgreiðslu.

Tíu fengu fálkaorðu

Blessaður unginn með sprunginn punginn

Það verður ljóta andskotans uppákoman, ef félagi Ólafur Ragnar lætur slag standa og harðneitar að skrifa undir Icesaveguðspjall Jóhönnu og hans Steingríms okkar hérna frá Gunnarsstöðum í Þistilfirði (ekki á Langanesi). Ef það gerist mun ríkisstjórnin líkjast manni þeim er stökk útum glugga af annarri hæð og lenti klofvega á grindverki fyir neðan. Á þeim manni sprakk pungurinn í tættlur og öll hans fjöruga náttúra fjaraði út á sömu stundu. Eftir slysið var heldur ekki sjón að sjá manngarminn því ekki tókst með nokkru móti að rétta úr honum og mátti hann eftir það skjögra um í keng uppá einar 60-65 gráður. Þessi maður gat ekki afborið ástand sitt til lengdar og drekkti sér á hörmulegan hátt og við illan leik í baðkarinu heima hjá sér.

Ég get ekki með nokkru móti ímyndað mér, að félagi Ólafur Ragnar, eftirlæti Sjálfstæðisflokksins, vilji hafa það á samviskunni, að eins fari fyrir hreinræktuðu vinstrisjórninni og manninum stökk útum gluggann á annarri hæð. Enda ku karlinn nú þegar vera farinn að brýna penna sína og blýanta til að geta klórað sitt virðulega nafn undir Icesaveguðspjallið til að forða stórslysi og allir verði  ánæggðir.

Áskorun afhent í fyrramálið