Andstyggileg neikvæðni til orðuveitinga er þjóðarskömm

Aldrei hefi ég skilið þessa endalausu neikvæðni í fólki útí orðuveitingar forsetans. Það er minn skilningur, að þumbaralega afstaða stjórnist eingöngu af öfundsýki og einhverju ólagi á kynfærunum. Þó skal ég fúslega játa, að nafnið ,,fálkaorða" er í hæsta máta óviðurkvæmilegt heiti á orðunni góðu og kemur þar tvennt til: Fyrir það fyrsta hefir það aldrei þótt góð meðmæli með nokkrum manni, að hann væri fálkalegur og í annan stað er fálkinn, sá grimmlyndi vargfugl, einkennistákn Sjálfstæðisflokksins, sem er að sönnu ekki síðra vargfygli er fálkinn sjálfur og fúlsar ekki við að éta rjúpur og aðra smáfugla þegar vel viðrar til veiða. Hin íslenska álkuorða væri strax mikið skárra nafn þó ekki sé það beint densilegt.

Í ljósi ofanritaðra raka, legg ég til í fullri einlægni, að ,,fálkaorðan" verði lögð niður en í stað hennar verði tekin upp ,,Hin íslenska Heiðarleikaorða," sem einungis verði hengd utaní heiðarlegt fólk en ekki ræningjalýð, dusilmenni og uppþornaða náttúruleysingja.

Samhliða því að fálkaorðan verði lögð niður með lögum frá Alþingi, fái Sjálfstæðisflokkurinn sömu afgreiðslu.

Tíu fengu fálkaorðu

Athugasemdir

[Baldur Hermannsson, 2.1.2010 kl. 01:25]

Slæm hugmynd.

[Magnús Jónsson, 2.1.2010 kl. 01:49]

Jóhannes: þeir einu sem kæmu til greina væru þá hvítvoðungar, stórskuldugir fjárglæframen ef ríkistjórnin nær sínu fram í Icesave....eða hvað :-) 

[Jóhannes Ragnarsson, 2.1.2010 kl. 11:05]

Það væri nú ekki svo slæmt, að tekinn væri upp sá siður að næla stórriddarakrossum í bleyjur kornabarna. Með fjárglæframenn á að fara á þveröfugan hátt: Þá skal hengja á krossa eins og gert var við ræningja fyrir Miðjarðarhafsbotni fyrir 2000 árum.

En ekki botna ég nokkurn skapaðan hlut í því að Baldri Hermanns þyki hugmyndin um ,,heiðarleikaorðuna" slæm. En hann á áreiðanlega eftir að endurskoða þessa afstöðu sína, ef ég þekki hann rétt.