Fantastuð á Birni Vali; hvað gerir hann næst?

Helvítis fantastuð er á honum Birni Vali þessa dagana: Ekki er nóg með að hann vilji að ákæran á höndur mótmælendunum verði dregin til baka, heldur heimtar þingkurfurinn að fyrningarleiðin í kvótamálunum verði dregin til baka og henni fleygt beint strik útí hafsauga. Pilturinn er nefnilega þingmaður bæði VG og LÍÚ.

Nú spyr maður í forundran: hvað verður næst hjá Birni Vali? Mun hann leggja til að skýrsla Rannsóknarnefndar Alþingis, upp á níu bindi, verði dregin til baka? Hver veit. En hann væri vís með að reyna draga Svavar, fyrrum Sendiherra Davíðs og Halldórs, aftur inn á Alþingi. Það væri aldeilis býhnykkur fyrir land og þjóð, tækist honum það.

Af Savari Sendiherra er það að frétta, að hann situr flesta daga bullsveittur við símann og hringir út og austur í liðsmenn VG og leggur þeim línuna í innanflokksátökunum í flokknum, í þessháttar hefur hann æfinguna. Í fyrradag varð honum á að hringja í skakkt númer og lenti á frú Ingveldi, eiginkonu Kolbeins okkar Kolbeinssonar. Þar kom Sendiherrann, eins og vænta mátti, ekki að tómum kofunum. Frú Ingveldur hélt sem sé, að þetta væri einhver dónakall sem ætlaði að gera narr að henni og sagði Sendiherranum að gá að sér, annars hefði hún uppá honum og hespaði hann saman með haus við tær. Hinn þaulæfði sendiráðsfrömuður varð klumsa við þessari óvæntu árás, svo frú Ingveldur gat bætt við í hranalegum tón, að nóg væri fyrir sig að burðast með ódáminn Kolbein Kolbeinsson svo ekki bættist ofaná þann kross klígjandi smjaðurröfl í ókunnugum kallaskröttum.

Vill að ákæra verði dregin til baka

Yfirvaldið og undirsátarnir

Eftirfarandi pistill er eftir Ögmund Jónasson:

,,Sannast sagna hélt ég að flestir sæju að skortur á gagnsæi og lýðræði ættu drjúgan þátt í efnahagshruninu. Hjarðhegðun hefur líka verið nefnd og tvíburasystir hennar, forræðishyggjan. Hvarvetna þar sem fólk kemur saman til að ræða nýútkomna rannsóknarskýrslu ber þetta hæst.
Ekki þó hjá öllum. Ekki hjá starfshópi forsætisráðuneytisins sem í lok síðustu viku skilaði tillögum til ríkisstjórnarinnar um breytta og bætta stjórnsýslu með hliðsjón af efnahagshruninu og lærdómum sem af því hafa verið dregnir. Í skýrslu hópsins er vissulega sitthvað ágætt að finna.

Vilja styrkja yfirvaldið

En ekki er  mikið að finna um leiðir til að komast hjá hjarðhegðun og  forræðishyggju  eða hvernig megi auka gagnsæi og lýðræði hjá hinu opinbera. Þvert á móti er talað um að þörf sé á að „skerpa á forystuhlutverki forsætisráðherra í ríkisstjórn" ; aðrir ráðherrar eigi að sitja „í skjóli" hans og megi ekki orka tvímælis hverjum  beri  „að knýja á um ábyrgð þeirra eða afsögn þegar ástæða þykir til." Nefndin virðist ekki vera í vafa um að allt hnígi þarna í sömu átt, yfirvald beri að styrkja.
Aðrar leiðir hygg ég að séu vænlegri til að veita ráðherrum nauðsynlegt aðhald. Það er einfaldlega að  gera þá ábyrgari gangvart þinginu og þingið ábyrgara gagnvart þeim.

Ráðherrar ábyrgir gagnvart þingi

Þannig tel ég að það eigi að vera opinn og eðlilegur framgangsmáti að þingið taki störf ráðherra til skoðunar og samþykki traust eða vantraust á þá eftir atvikum.  Þetta á við þegar ráðherra hefur að mati þingsins orðið á í messunni.  Einnig vakna spurningar þegar ágreiningur rís innan ríkisstjórnar.  Ef ráðherra er á skjön við ríkisstjórnarviljann en ekki þingmeirihlutann má spyrja hvort eðlilegra sé að hann lúti vilja forsætisráðherrans og víki eða þingmeirihlutans og sitji.
Þessi álitamál eru sem áður segir afgreidd í starfshópi ríkisstjórnarinnar á þann veg að forræði forsætisráðherra eigi að efla. Þetta þarf að ræða miklu betur en gert er í skýrslunni því  einfalt er málið ekki.
Sama gildir um staðhæfingar sem fram eru settar um breytingar á Stjórnarráðinu. Þar er margt sagt sem þarf alla vega miklu meiri skoðunar við. Þá vil ég einnig nefna afstöðuna til stjórnunar almennt.
Hrunverjarnir töluðu einsog við munum mikið um hina miklu stjórnendur sem allt áttu að vita og kunna. Allir voru þeir á alls kyns hvatalaunum og bónusum. Aðrir áttu að hlýða leiðsögn þeirra - vafningalaust.  Á Alþingi voru sömu formúlur uppi. Laun og hlunnindi voru aukin við ráðherra og stjórnendur, því á þá áttu aðrir að geta reitt sig.

Meiriháttar og minniháttar

Nú hefur komið á daginn að heppilegra  hefði verið að virkja marga en ekki fáa, lýðræðið en ekki einræðið. Hvað skyldi starfshópurinn segja um þetta? Jú, talað er fyrir fagmennsku við ráðningar, sérstaklega á stjórnendum. En einmitt þar - hjá foringjunum er staðnæmst því tekið er fram að „þróa þurfi áherslur í starfsmannamálum þannig að hún (stjórnsýslan) veiti stjórnendum hæfilega umbun og aðhald." Hvað með aðra starfsmenn? Eru það bara stjórnendur sem eiga að fá umbun fyrir vel unnin störf? Svolítið minnir þetta á gamalt frumvarp Sjálfstæðisflokksins frá árinu 1996 þar sem talað var um „meiri háttar" og "minniháttar" starfsmenn í stjórnsýslunni!
Allt á þetta að vera liðin tíð. En nú þarf að ræða ábendingar starfshópsins. Þær eru  umræðugrunnur en ekki forskrift fyrir framtíðina."

350 milljóna sparnaður

Samfylkingunni getur orðið hált á aðförinni að Jóni Bjarnasyni

Það dylst víst engum, sem til þekkir, að Samfylkingin er á fullu í aðför að Jóni Bjarnasyni vegna einarðrar andstöðu hans við aðildarumsóknina að ESB. Skiptir þá engu máli sú staðreynd að Jón Bjarnason hefur staðið sig mjög vel í þeim málaflokkum er undir hann heyra og mun betur en nokkur ráðherra Samfylkingarinnar getur státað af. Og það skulu samfylkingarskoffínin vita, að þeim getur orðið verulega hált á að reyna að bola Jóni útúr ríkisstjórninni.

Þá er einnig að renna upp fyrir æ fleirum, að Samfylkingin er ekki stjórntækur flokkur sem aðili að vinstristjórn. Bæði er, að Samfylkingin er hreinn hægriflokkur, klassísk auðvaldshækja eins og krataflokkar jafnan eru, og svo hitt að þessi aumi flokkur er brennimerktur ábyrgð af hruninu í bak og fyrir. Það er til dæmis ekki ásættanlegt, að hrunaráðherrarnir Jóhanna Sigurðardóttir, Össur Skarphéðinsson og Kristján Möller sitji í ríkisstjórn, þau eiga, öll sem eitt, að segja af sér ráðherradómi ekki síðar en fyrir hádegi á morgun.

Að  öllu óbreyttu, eru fá rök og léttvæg fyrir því að VG sitji mikið lengur í ríkisstjórn með Safylkingunni.  

 

 

Ríkisstjórnin fundar enn

Bankaflengur 2008

Í síðustu viku kynnti sá merki uppfinningamaður og hugsuður, Arinbjörn Arinbjörnsson, nýtt tæki sem hann hefur hannað frá grunni og kallast Bankaflengur 2008. Þar um um að ræða díeselknúða kaghýðingarvél, sem getur afgreitt að lágmarki fimm velsvera bankaforstjóra á klukkustund. Arinbjörn hefur boðið dómsmálaráðuneytinu á Íslandi að kaupa fyrstu vélina á verulega góðum kjörum og mun ráðuneytið fá vélina til reynslu strax eftir helgina. Ef hún reynist vel verða kaup á henni lögð fyrir ríkisstjórnina um leið og notkun hennar leiðir til jákvæðrar niðurstöðu.

Bankaflengur 2008 er í lögun og stærð ekki ósvipuð hestakerru og liggur færiband í gegn, en inní vélarhúsinu eru spaðar og úðunartæki fyrir kalt vatn og saltpækil. Hönnuður vélarinnar fullyrðir, að ósamstarsfúsir peningapervertar verði eins og endurfæddir eftir tvær til þrjár reisur gegnum vélina og vilji ekki heyra á annað minnst en að fá að ljóstra upp öllum glæpum sem þeir vita til að framdir hafa verið svo langt aftur í tímann sem óskað er.

Sigurður Einarsson verður yfirheyrður

Herfilegur misskilningur í höfði réttvísinnar

Ósköp er nú alltaf ömurlegt þegar lögreglan fer að skipta sér af prívat fjölskyldumálum saklausra einstaklinga. Það getur varla talist glæpur þegar maður reynir að rækta samband sitt við fyrrverandi eiginkonu og sambýlismann hennar eins og raunin var þarna á Selfossi í nótt. Maðurinn ætlaði að færa fyrrum einkavífi sínu blóm og konfektkassa og sambýlismanninum konnjakksflösku og síðan stóð til að hefja uppbyggjandi spjall um mannleg samskipti, fjölskuyldutengsl, gagnkvæma ástúð og náungakærleik. En einhvernveginn í ósköpunum komst stjörnusýslumaðurinn Stones í Árnessýslu að fyrirætlun eiginmannsins fyrrverandi og lét menn sína handtaka hann og varpa í dýflissuna eins og hverju öðru kaupþingsfóli. En svona getur lífið oft verið miskunarlaust og góður ásetningur orðið að herfilegum misskilningi í höfði réttvísinnar.

Svo er aftur spurning um, hvað stjörnusýslumaðurinn Stones myndi taka til bragðs ef hann frétti af því að Mick Jagger og Keith Richard væru blindfullir og útúrdópaðir að brjótast inn á aðalfund kvenfélagsins á Selfossi og hefðu auðsjánlega ekkert kristilegt í huga varðandi kvenfélagskonurnar. Myndi hann siga varðsveit sinni á piltana eða líta framferði þeirra sem listrænan gjörning sem yrði að hafa sinn gang?

Reyndi að brjótast inn til fyrrverandi

Allsherjar svartnættisblakkát í Framsóknarfjósinu

Þeir gerast nú gamlaðir og kalkaðir úr hófi fram um þessar mundir helstu ráðsmenn og húskarlar gömlu Framsóknarmaddömunnar. Kveður orðið svo rammt að þessum krankleik nefndra heiðursmanna að þeir muna ekki einusinni sína mestu dýrðardaga, þegar þeir kveiktu elda að mesta góðæri gjörvallrar íslandssögunnar, fyrir og eftir aldamótin 2000. Það er eins og fortíðin sé hulin þykkri þoku, svo hvergi sér á kennileiti, hjá þessum körlum, og í sumum tilfellum er ekki annað að sjá en eitt allsherjar svartnættisblakkát ráði ríkjum þegar kemur að góðærinu mikla, einkavæðingunni, gjafakvótanum og ,,sölunni" á ríkisbönkunum.

Já, það er dapurt um að litast í Framsóknarfjósinu nú um stundir: Maddaman dauð, Halldór og Finnur flúnir útí minnisleysið ásamt griðkonunni Valgerði. Í stað þeirra hanga hálfholdgaðar og hálffiðraðar strengjabrúður yfir fjóshaugnum, sem stjórnað er af hinum minnislausu, kaupfélagsstjóranum í Skagafirði og Ólafi útvegsbónda á Miðhrauni. Og í nótt mun önnur súparstjarnan úr framsóknarbankanum Kaupþingi hvíla lúin bein á Litla-Hrauni.

 

Kannast ekki við handstýringu

Bregðumst ljúfum landa okkar til hjálpar

Það var nú algjör óþarfi hjá þeim þarna í Havillandsbanka, raunar sannkallað óþokkabragð, að reka strákgreyið hann Magnús úr starfi, þó svo hann hafi lent í Hverfissteininum eins og hver annar góðkunningi lögreglunnar og farið þaðan á Hraunið. Þessir helvítis havillandsþorparar hefðu auðveldlega getað litið þannig á að pilturinn væri í heilsubótarmeðferð heima hjá sér á Íslandi.

Það hafa margir góðir og gengir menn dvalist á Hverfisgötunni, Skólavörðustígnum, Litla-Hrauni og Kvíabryggju án þess að missa vinnuna. Þessvegna eigum við Íslendingar að bregðast ljúfum landa okkar til hjálpar og krefjast þess að óþokkarnir í Havillandsbanka dragi uppsögn Magnúsar Guðmundssonar til baka, strax, annars skuli þeir eiga okkur á fæti.  

Magnús leystur frá störfum

Hrunverjinn Hanna Birna í pungaprófsháskólanum

Það kemur ekki á óvart þó nemendunum við pungaprófsháskólann í Reykjavík þykji hrunverjinn Hanna Birna hafa staðið sig best í hænsnahoppinu í pungaprófsháskólanum þeirra í hádeginu í dag. En sem kunnugt er, þá er umræddur pungaprófsháskóli, sem á að heita einkarekið fyrirtæki, holdgetið afkvæmi frjálshyggjuvitfirringana í Sjálfstæðisflokknum og traustvekjandi og nauðsynlegur eftir því og rekinn fyrir skattfé almennings í þokkabót. Hanna Birna var nú hér á árum áður þjónustustúlka hjá Kjartani Gunnarssyni í Valhöll og stóð sig svo vel á þeim vettvangi, að Kjartani og hans nótum þótti upplagt að senda hana í borgarpólitíkina. Framan af var Hanna Birna oft fengin til að taka þátt í umræðuþáttum í útvarpi og sjónvarpi þar sem viðmælendur hennar gerðu sér að leik, sem frægt varð, að hleypa henni upp; laða fram geðvonsku hennar, hroka og öfga. Svo ætlast sjálfstæðismenn til, að þessi hrunadís njóti trausts borgarbúa sem borgarstjóri! Ja, þvílíkir andskotans apakettir.

Jón Gnarr og Hanna Birna best

Sómalískir sjóræningjar og íslenskir stéttarbræður þeirra

Miðað við að íslenskir sjóræningjar hertóku heila fiskveiðilögsögu, þá er rán þeirra sómalísku á einu rússnesku olíuskipi hreinn hégómi og barnaskapur. Og hvað svo sem sómalísku sjóræningjarnir reyna að láta ljós sitt skína varðandi ránsskap, komast þeir aldrei með tærnar þar sem íslenskir stéttarbræður þeirra hafa hælana. 

Sómalískir sjóræningjar hertóku flutningaskip

Líknarbelgs við ljótan skjá

Viðeigandi húsgangur: Líknarbelgs við ljótan skjá lyppar kelling rám. Grallarann hún grenjar á með grautarask á hnjám.

Spá Íslandi úrslitasæti