Illmenni sem kallaði konur tudda ráðinn útvarpsstjóri

Æææijá, aungvan þarf að undra þókt konugarminum hafi brugðið og hin kéllíngin hafi verið soooo samála, þegar þær fréttu að til stæði að dubba þeirra bestmand í Ráðhúsinu upp í að verða útvarpsstjóri. Næsta áfall þeirra verður þegar Stenngrímur Johoð verður gerður ríxlögreglustjóri. En, jæja, veslings konan heldur að með ráðningu Stebba Eiríks verði hún og Vígadís stallkona hennar verði gjörðar með öllu útlægar úr frétta- og kjaftatímum Ríkisútvarpsins. En það er nú allt í lagi.

Nú þegar er kominn upp orðrómur um að Stefán þessi sé blendinn í trúnni, hann sé sérsaltaður sambreyskingur úr forðatunnum Íhalds, Krata og Framsóknar, þ.e. feðraveldisins, enda sé þefurinn eftir því. Þegar þannig er í pottinn búið þá mega hlaupastelpur og Wintrisingar gá að sér, því ráðning útvarpsstjóra að þessu sinni er liður í áætlun um að einangra það fólk, beita það málfrelsishömlum og viðskiptabanni.

Það liggur nú ljóst fyrir, að frá bæjardyrum Vigdísar Hauks og Kolbrúnar, sem Sjálfstæðisflokkurinn losaði sig við, þá er Stefán útvarpsstjóri hið verta illmenni, fólskur og ruddafenginn. Meðal annars ku hann hafa líkt þeim Vigdísi og Kolbrúnu við karlkyns nautgripi, kallað þær tudda og þar fram eftir götunum. Þetta sorglega orðbragð Stefáns er ótvíræð sönnun fyrir kvenhatri og kvenfyrirlitningu. Á hinum efsta degi verður Stefáni ef til vill talið til tekna að hafa uppnefnt óvinkonur sínar eftir leiðinlegu fyrirbæri úr dýraríkinu. Ekki ætti þurfa að taka fram, að veslings konurnar, sem hér koma við sögu, fengu báðar hjartastyrkjandi í dag og liggja nú afvelta í bælum sínum með kalda bakstra á enninu og yfrum kviðarholið.

„Mér er nú bara smá brugðið“

Þungbær sorg Grindjána eftir misheppnaða heimsókn sérfræðings að sunnan

Nei, sonalagað gengur ekki. Það síðasta sem við þurfum á þessum erfiðu tímum eru úrtölumenn. Úrtölumönnum, sem gjöra sér far um að tala niður væntingar fólks og gjöra enn minna úr spennu þess og lífsgleði. Auðvitað átti þessi farísei og fræðimaður að sunnan að fullyrða á grindjánafundinum að gosið byrjaði annaðhvort í kvöld elligar í fyrramálið. Neinei, hann lætur sig hafa að hreyta framan í fullt hús af Grindjánum, að ,,eldgos sé ekki það líklegasta í stöðunni"! Þetta er ekkert skárra en þegar Mjási bróðir hans vildi ekki lækka vextina í Seðlabankanum og sektaði Samherjana; ja, sá fékk nú að fjúka út í buskann, drengurinn sá, - alveg eins og vígahnöttur á himins bláum boga. 

Ég er mest hissa á að Stjörnusýslumaðurinn Stones hafi ekki tekið þennan volaða fræðimann að sunnan fastan á staðnum og boðið undirsátum sínum að fara með hann á afvikinn stað og loka hann þar inni. Svei mé þá ef Stjörnusýslumanninum er ekki farið að förlast, kominn með elliglöp og værðarsjúkdóm. Kanski, úr því sem komið er, væri best að gera hann strax að útvarpsstjóra á Ríxútvarpinu og vera ekki að bíða með það úr hófi fram.

En það er þungbært að vera sérfræðingur að sunnan og þurfa að hafa vit fyrir sjóurum og saltfiskskéllíngum, sem búin eru að spenna sig upp í eitthvert æði, vilja fútt og fjör og gos, beint í rassgatið. Enda bárust fregnir af því fyrir kveldmat, að fræðingurinn að sunnan, sem hagaði sér illa í íþróttahúsinu í Grindavík í dag, hafi komist naumlega undan brjáluðum múgnum á flótta, eftir að Grindjánum varð ljóst að mannfjandinn fitjaði bara upp á trýnið vildi ekki spá gosi og spáði engu gosi. Nú sitja Grindjánar hnípnir heim hjá sér með tár á kinn, en vonir og væntingar fokin út í veður og vind. Og þeir sem voru búnir að bollaleggja so mikið um hvurnig þeir gætu grætt sem mesta pénínga á gosinu. En ekki er samt öll nótt úti enn, því vaski sveinar af húsi og kynþætti Grindjána eru búnir að verða sér úti um nokkur tonn, sumir segja fimmtíu aðrir áttatíu eða hundrað, af dínímíti og ætla sér að sprengja það þar sem landrisið er hvað mest við Þorbjörninn og freista þess að koma alminnilegu eldsumbrotum af stað.

Eldgos ekki það líklegasta í stöðunni

Þau verða blessunarlega kveðin niður á næstu dögum, - þökk sé Solveigu og Amríku-Vidda

Þá er blessunarlega komið það því að Dagur og Líf og hinir últra-frjálshyggjudárarnir í meirihluta borgarstjórnarinnar í Reykjavík verði kveðin niður í eitt skipti fyrir öll. Farið hefir fé betra. Reykjavík er hvort eð er ónýt eftir þessa þorpara. Það verður bara að gæta þess að ganga vel frá þessu spillingarliði þar sem það verður ekki til óþrifa. 

Og nú er komið upp enn eitt svæsið hneykslismál innan(já og að utan líka)Ráðhúss Reykjavíkur. Það sást semsé til háttsetts borgarfulltrúa míga út um glugga Ráðhússins um hábjartan dag, og það vóru meðal annars saklaus börn sem sáu ósóman. Börnunum var öllum veitt áfallahjálp, en svo verður að bíða og sjá hvurnig þeim farnast, en þetta lítur illa út. Þetta er ekki í fyrsta sinn sem háttsettur borgarfulltrúi gjörist sekur um hlandvesen á almannafæri.

Það er ekki lengra síðan en í fyrra, að borgarfulltrúi, háttsettur og með kinnalit og smurðar varir, sem borgarfulltrúinn beitir alltaf fram á við, sást hlandvot úti á víðavangi í grennd við Ráðhúsið. Buxur borgarfulltrúans, bláleitar, voru blautar frá lífbeinsstað og niður á knjákoll hægra megin, og öllum þókti auðsætt hvað hent hefði fulltrúann og ennfremur að fullkomin skömm væri að því að halda úti öðru eins gerpi á fóðrum hjá borgarbúum. Og nú er svo komið, að Reykvíkingar eru farnir að siga grimmum hundum á borgarfulltúa sína, því þeir vilja ekki eiga á hættu að þetta skelfilega fólk geri eitthvað af sér ef ekki er stuggað við því. Því er gott til að vita að Solveig Eflingar ætli að eyða fáeinum mínútum af dýrmætum tíma sínum að kveða Dag og það fólk allt niður eins og drauga.  

Verkfallsboðun Eflingar afhent

Tímabær umfjöllun fjölmiðla, sem hefir lyft hugum landsmanna á blessunarríkt flug

Þetta tímabæra stagl fjölmiðla, síðustu klukkustundir, um landris hefir beint hugsun þjóðarinnar að holdrisi og ristruflunum í þrengri merkingu þeirra orða. Kerling ein í Grindavík lét hafa eftir sér í morgun, að hún hefði miklar og sannarlegar áhyggjur af karlinum sínum, hann væri illa truflaður neðan nafla og hún nú komin á fremsta hlunn með að skella undan honum við tækifæri áður en eitthvað íllt eða enn þá verra gerðist.

Austrí Þoll-lákshöfn hefir komist upp um mannaumingja, sem langtímum saman hefir átt við argvítugt risvandamál, það er að segja, að hann hefir þjáðst af sokallaðri standpínu og ekkert virðist geta líknað honum í þeim efnum. Sá máður hefir nú verið dæmdur í kynleiðréttingu svo hinu hryllilega ástandi hans sloti. En á Höfn í Hornafirði lifir kvenmaður með óhugguleg holdris. Það er ekki holdris eins og þekkist hjá kallmönnum, heldur hefir henni vaxið nokkurskonar tindur, ekki ólíkur fuglsgoggi að sjá, og stendur þessi óskapnaður blísperrtur út í loftið millum herðablaða hennar. Ekki þora læknar að fjarlægja þennan kynlega gogg af frúnni, því þeir telja hana ekki lifa það af vegna þess að hann sé beintengdur öllum helstu líffærum hennar, þar með töldum heilanum.

So eru aftur aðrir menn sem falla í ómegin í hvurt skipti sem holdris lætur á sér kræla hjá þeim. Þessi krankleikur er heldur hvimleiður því hann getur átt sér stað við erfiðar og óyfirstíganlegar aðstæður. Bóndi í einn í Fljótu, er haldinn var þessum kvilla, ók á dráttavél sinni út í skurð af því að það leið yfir hann er hann fékk uppáfallandi holdris á traktornum þegar hann var að slóðadraga að vori til. Sem betur fer slasaðist bóndinn ekki mjög mikil, en útaf þessu atviki fór hann að skamma sín svo mikið að hann þorði ekki að láta sjá sig á almannafæri í björtu. Það varð auðvitað að fara með manninn suður á Klepp og þar hefir hefir hann víst haldið sig síðan og er hafður þar með þeim órólegustu.

Landris nálgast þrjá sentimetra

Grindjánar hafa fengið Frelsarann endurborinn til að takast á við Pokurinn unir Þorbirninum

Þá er búið að mynda bæjarstjórann með Stjörnusýslumanninum Stones og þar með eru Grindjánar hólpnir. Þeir þurfa því ekki að horfa upp á eldgos inni á lóðum hjá sér né horfa á eftir Þorbirninum sínum þjóta í loftköstum á haf út. Eftir þessa glæsilegu frammistöðu getur ekkert komið í veg fyrir að Stjörnusýslumaðurinn Stones verði gerður að útvarpsstjóra hjá Ríkisútvarpinu.

Í birtingu í morgun klifruðu bæjarstjóri þeirra Grindjána og Stjörnusýslumaðurinn tindilfættir eins og hænur upp á Þorbjörninn með gjallarhorn í farteskinu. Og þá upp var komið öskruðu þeir yfir Grindjánana bænum og loforðum, sem lauk með því að múgurinn féll fram og vegsamaði þessa óvæntu þjóna Drotins á fjallinu. Þessi stund var mikið evangélíum og Girndjánar féllust í faðma og sögðu að vissulega væri bæjarstjórnn guðlegrar náttúru, en Stjörnusýslumaðurinn Stones væri honum meiri því hann væri Frelsarinn endurborinn.

Það að Grindjánar hafi gjört Stjörnusýslumanninn að hinum smurða Frelsara þykir einsýnt að þeir kastað gamla Frelsaranum fyrir björg, en það gjörðu þeir einmitt. Grindjánar sögðu nefnilega svo hvurjir við aðra að gamli Frelsarinn væri orðinn sljór, grár og gugginn, húðlatur og hyskinn og hefði aungvan áhuga á Grindjánum umfram aðra menn. Meðal annarra synda hafði Frelsarinn látið undir höfuð leggjast sporna landrisi og kvikusöfnun undir Þorbirninum og látið erkipauranum, Djöflinum frá Helvíti, það eftir að hrekkja Grindjána með eldgosi og eyðileggingu Þorbjarnarins, Bláa lónsins, Grindjánahafnar og Orkuveitunnar. En nú hefir sjálfur Drotinn Hymmnasjóli sent þjón sinn, Stjörnusýslumanninn Stones, af hymmnum ofan til að frelsa Grindjána frá Krísuvíkurbjargi suðrá Rosmhvalanes. Því skal heldur ekki gleymt hér, að helgiathafnir sínar með heimamönnum kallar hinn heilagi Stjörnusýslumaður ,,stöðufundi" og heyri heimiliskettir í Grindjánavík minnst á ,,stöðufund" eiga þeir þegar í stað að hlaupa í einu rykskýi til athafnarinnar.  

Grindvíkingar þurfa að vera við öllu búnir

Nú verður að kenna börnum á leikskólum að syngja kvikmyndasaungva frú Guðnadóttur

Helvíti er hún nú seig þessi Hildur, hryllilega ólseig. En það er allt í lagi. Nú er hún búin vina fullt af keppnum og í kveld kórónaði hún og toppaði allt með því vinna þarna þessi Gramms-verðlaun. Í fyrramálið hefst svo alvaran þegar háskólamenntaðir leik-skolakennarar fara að kenna börnunum að kyrja melódíur Hildar. Ófaglærða starfsfólkið á leikskólunum, ætli þeir séu ekki kallaðir leiðbeinendur og leik-skolaliðar, eru mestan part laglaus eintök og margar ljótar sögur sagðar af saungkennslu þeirra, sem birtust einna helst á þann hátt að krakkasmánirnar komu organdi og veinandi heim í þerri fullvissu, að óhljóðin í þeim væri saungur.

Svo eru ófaglærðu barnapíurnar að fara í verkfall þannig að þær fá vart ráðrúm á næstunni til að spilla saungelskum börnum, og er það vel. Frú Ingveldur setti eitt sinn, að vísu fyrir löngu síðan, á stofn merkan leikskóla sem hún kallaði Skallastefnuna og var mjög frumleg stofnun. Börnin sem sóktu Skallastefnuna urði fljótlega geðbiluð af fræðum frú Ingveldar og fimm ára drengur, áður hugljúfur glókollur, sókti haglabyssu föður síns og skaut heimilishundinn, úr báðum hlaupunum í einu; honum hafði sinnast við hundfjandann út af brauðsneið sem drengurinn hugist eta, en rakkinn hafði orðið fyrri til og gleypt brauðsneiðina. Talið var að þetta morð hafi átt rætur sínar að rekja til náms drengsins í Skallastefnunni. Skömmu síðar var Skallastefnunni lokað og börnin fóru á vergang.

Já, leikskólaliðar og leiðbeinendur í Reykjavík gætu svo sem alveg tekið kvikmyndasöngva frú H. Guðnadóttur upp á saungskrá sína og trallað þá byltingarsamkomum og kröfugöngum á næstu vikum, mánuðum og misserum. Samninganefnd Dags og hinna Samfylkingarhróanna mundi bráðna og hrökkva upp af standinum og skíta í buxurnar, ef leik-skolaliðar færu allt í einu að urra kvikmyndavers hins margverðlaunaða tónskálds á miðjum samningafundi.
En mér er andskotans alveg sama hvort þessi frú fær verðlaun eða ekki fyrir að hafa klambrað saman ískrandi óhljóðum.  

Hildur hreppti Grammy-verðlaunin

Nei, nú dugar aunginn hundaskítsvæll herra bæjarstjóri

Nú dugar aunginn hundaskítsvæll herra bæjarstjóri. Nú skuluð þér allir falla fram við fótskör meistarans, Stjörnusýslumannsins Stones, sem mun vissulega bænheyra yður og troða tappa niður í gosgíginn og stífla hann þar til að Djöfullinn íllskuflár, sem þar kyndir undir í eigin persónu mun leggja á flótta, brenndur og beyglaður. Það eru ekki allir sem búa svo vel að eiga Stjörnusýslumann, bráðum ríxlögreglustjóra, ef Gwöð Sjálfstæðisflokksins leyfir.

Vér biðjum þess, bogin í hnjám og riðandi, að Djöfullinn nái ekki yfirhöndinni og skjóta Stjörnusýslumanninum út í heiðríkjuna. Því miður eru dæmi um þessháttar klámspark af hálfu Pokursins. Hann tók stýrið úr sambandi í bardagavél hans hátignar, Trumps, svo að hún æddi rakleitt út úr gufuhvolfinu og er nú að fullri ferð með bardagamenn Trumpsins og stefnir í átt að stjörnunni Síríusi; það held verði hræðsla meðal Síríuspauranna þegar stríðsmenn hinnar stóru Amríku vaða út úr loftfleyi sínu og gjöra alminnilegt strandhögg þar á Síríusi.

Sennilega væri hyggilegast fyrir bæjarstjóra Grindjána að taka strax til fótanna og bjarga sér með snarræði undan undan yfirvofandi ketilsprengingu undir Þorbirninum. Og víst er um, að strax á fyrstu mínútum gosins mun Bláa Lónið heyra sögunni til því að mun fyllast á augabragði af hraunkviku, gaseitri og blásýrublandinni ösku, sem mikið er af undir Þorbirninum. En það gæti sett strik í reikninginn hjá herra bæjarstjóranum ef hann mundi í ógáti hlaupa beint í flasið á Stjörnusýslumanninum Stones, sem kominn væri á vettvang. Þér getið svo getið yður til um hvernig Stjörnusýslumaðurinn mundi handfjatla bæjarstjórann ef það gerðist.  

Óvissan veldur áhyggjum og kvíða

Nú eiga Grindjánar allt sitt undir Stjörnusýslumanninum Stones

Þannig að gosið á að bíða þar til á morgun eftir að Grindjánar hafa fundað. Hann er mikill maður, lögreglustjórinn á Suðurnesjum, sjálfur Stjörnusýslumaðurinn Stones, sem brátt verður krýndur ríxlögreglustjóri, að vera þvílíkur kraftaverkafýr að náttúruöflin hlýða honum eins og þægir hundar. Svo mun hitna í kolunum eftir að Stjörnusýslumaðurinn blæs í lúðurinn og fjallið Þorbjörn springur tafarlaust í tætlur og allir Grindjánarnir leggja á flótta. Það má ætla að þetta verði mikið sjónarspil og mun ríða á að tilkynna öllum Dalvíkingum, sem staddir eru  á landinu, um atburðinn svo þeir fari nú reynslunni ríkari heim aftur.

En svo ég líti mér nær, þá höfum við á útnesi Snæfellsness einn jargansmikinn jökul, frægan í bak og fyrir og undir honum kvað vera óhugnanlega mikið af allskonar kvikum, eitruðum og baneitruðum, og gríðarsterkt sprengiefni á við fleiri hundruð kjarnorkuvítisvélar. Gamall þulur hér á Snæfellsnesi hefir spáð, að þegar allt fer af stað undir Jökli þá muni það byrja með æðisgengnu sprengigosi, sem aunginn Stjörnusýslumaður ræður við, og Snæfellsjökull trúlega þeytast í einu lagi út í Faxaflóa og valda flóðbylgju sem mundi gera út af við 101 Reykjavík.

Það verður fróðlegt að sjá á hlaupin hjá Stjörnusýslumanninum  í lúðrasveitarbúningnum þegar hann fer að berjast við náttúruöflin og sjálfan Djöfulinn, því sá dári er að kynda undir Þorbirni og hyggur sé gott til glóðarinnar að hirða allan fiskikvótann af Grindíjánunum og gjöra lögtak í flugvellinum á Miðnesheiði, því Djöfullinn er snjall kvótamaður og stórfyrirtækjarekandi. Þetta er allsendis dálaglegt ástand, en fyrst og fremst góð upphitun fyrir Stjörnusýslumanninn Stones áður en hann gjörist ríxlögreglustjóri og þar með enn meira stórmenni en hann hefir nokkru sinni verið.

  

Óvissustig vegna kvikusöfnunar undir Þorbirni

Merhryssu- og tæfulætin í hámarki og byltingin að búa um sig í næsta leik-skola

Jahh skohh, sjáið snígilinn hann Nonna. Og Solla að komast í verkfall. Nú er bara að vona að hún komist til heilsu aftur eftir hryssu- og tæfulætin sem voru að þjaka hana og trylla um daginn. Og mér er sagt að Amríku-Viddi á kontórnum sé lagstur í bómullarkassann á háskólalóðinni og það sé verið að dæla háskólalegnu efrimillistéttar súrefni á fullu inn í kassann hjá honum. En úti sitja Þröstur hagfræðingur og Þráinn, ja, ég veit ekki hvað, kolbrjálaðir og bryðja grjót eins og náungarnir sem voru eitt sinn á vitfirringahælinu.

Fleira gott er spilunum á þessum indæla drotinsdegi og ber þar hæst gambítur Ögmundar á kvótakerfið, Samherjana og Stenngrím Johoð. Þá má nefna stórsókn Sosialstaflokks Gunnsa Smára, sem sópar að sér fylgi þessa dagana. Já, drengir mínir, þetta sagði ég ukkur, að byltingin væri handan við hornið eins og venjulega. So er VG-ið dáið inn í Sjálfstæðisflokkinn, það kvað vera þokkafélagsskapur; það hafa nefnilega einhverjir óþokkar og mannorðsmorðingjar verið að gera sér að leik að halda því fram að Sjálfstæðisflokkurinn sé rakið glæpafélag en á móti kemur að Stenngrímur og Swbbóslektið er ekki beinlínis vant að vinum.

Allt er þetta svo meir en gott og blessað og byltingin byrjuð á leiksko-lanum. Það er alltaf best að byrja neðst í aldursröðinni þegar gjöra skal revólúsjón, svo maður sletti soldið eins og Bandaríka-Solla þegar hún er að rita hugvekjurnar sínar. Nú, ekki þarf að örvænt um að Solveig haldi ekki dampi og beri upp á menn og hunda að þeir séu géðveikir af kvenfyrirlitningu, feðraveldisnazisma og karlrembuperraskap. Við vonum það besta, sem er auðvitað að Solveig og Amríku-Viddi hreki Dag og Líf, vinkonu Solveigar, og fleiri kúnstuga borgarspámenn út í Reykjavíkurtjörn og pissi á eftir þeim að hryssusið. Já, elskurnar, ,,aldreigi var því víst um eflingarleikskólann spáð að ættjörðin frelsaðist þar." ,,Í leik-skola er gaman, þar gogga allir saman, bæði úti og inni en aungvum líður vel. Þið ættuð bara að vita, að byltingin er skita og við ætlum æra Dag í leik-skolanum hér. Tja ... 

 

 

Engir svikarar við lífskjarasamninginn

Árátta í að birta langar runur af fólki með áfengiseitrun

Aldrei fæ ég nokkurn botn í áráttu netmiðlanna að birta langar runur af fylliríismyndum af vínhneygðu ólánsfólki. Ætli þetta eigi að vera tilbrigði við hina glæstu hugmynd Jónasar frá Hriflu, sem var bæði í senn faðir og móðir gömlu Framsóknarmaddömunnar, þess efnis að bráðnauðsynlegt væri að taka umsvif drykkjurútanna upp á kvikmyndavél og skikka þá síðan til að horfa á sjálfa sig á hvíta tjaldinu í kvikmyndahúsi. Svipaðri hugmynd skaut upp í kollinn á Sigmundi Davíð, en hann lagði hana síðan alfarið á hilluna eftir drykkjulætin á Klaustri, sem hún Bára tók upp og sýndi allri þjóðinni.

En fylliríismyndatökumenn fjölmiðlanna hafa sérstaka aðferð við að festa hina ölvuðu á filmu. Þeir stilla þeim upp, tveimur til fjórum í einu, og smella af; þetta er mjög líkt því þegar ófremdardólgar eru leiddir fyrir aftökusveit og skotnir eins og hundar. Svo eru nöfn raftanna tíunduð fyrir neðan myndirnar, þeim til háborinnar skammar og háðungar.

Þegar Félag kvenna í atvinnulífinu hélt tryllta brennivínsveislu á dögunum var myndasmiður viðstaddur og tók myndir. Á sumum myndanna eru vesælar konur, kófdrukknar og haldnar greinilegri áfengiseitrun, með eitthvað í glösum sem er á litinn eins og þvag. Það leiðir hugann að því hvort verið geti að fólk sé látið drekka hland í sona veislum þegar það er orðið of ölvað að mati áfengisveitandans; eða er það máski partur af skemmtaninni að plata hálfrænulaust fólk til að staupa sig á migu? En sem betur fer vóru allir myndasmiðir á bak og burt þegar sló í alvarlega brýnu milli kvenna í svallveislu Félags kvenna í atvinnulífinu, en þar slóst frú Ingveldur berhent við sex framsóknarkerlur, allar blindfullur, og hafði betur; daginn eftir sendi frú Ingveldur kerlunum sex skilaboð upp á sjúkrahúsið þar sem þær lágu og spurði hvort þær vildu fleiri högg á andskotans trýnin, eins og hún orðaði erindi sitt. 

Kvenskörungar skemmtu sér á FKA-hátíðinni