Sækýr eru viðsjárverðar skepnur sem full þörf er á að marka eins og lömb

Það hefir lengi verið lenska að bændur marki sauðfé sitt og hross til þess þeir þekki kvikindi sín aftur og minni hætta sé á að aðrir bændur láti freistast og steli þeim. Færri sögum fer aftur á móti af bændur hafi markað nautpening sinn, hvurnig sem á því kann að standa. Nú kemur í ljós, að Trumpur bústólpi í Norður-Amríku hefir markað sækýr sínar á sinn hátt, en hann er sjálfur nautgripur og veit því hvernig haga skal merkingum á sækúm.

Á Íslandi hefir orðið vart við sækýr og stendur öllum alminnilegum mönnum stuggur af þeim bölvuðu ófreskjum. Sækýrnar eru nefnilega í sumum tilfellum karlkyns og eiga það til að lokka venjulega kýr til sín út í sjó til að nauðga þeim. Af þessháttar andstyggð eru því miður allt of margar sögur. Afkvæmi sækúatudda og venjulegrar íslenskrar beljukúar er það viðurstyggilega óbermi nykur, sem er stórhættuleg skepna svo sem dæmin sanna. Já. 

Svo eru líka dæmi um að sækýr hafi fíflað landgriðung út í til sín til samræðis. Að Bakka í Ytri-Hrunsmannahreppi bjó á síðustu öld þarfanaut sveitarinnar. Þetta var óhemju kraftmikill og ljónfjörugur graddi, sem bölvaði hátt um nætur svo heimilisfólk gat illa sogið fyrir háreysti tuddans. Svo gerist það eins haustnótt, að sækýr er komin í flæðarmálið og öskrar ákaflega. Þetta heyrir griðungurinn og ærist gersamlega, slítur sig lausan og brýtur sér leið út úr fjósinu og hleypur þegar til sjávar. Skiptir aungvum togum, að þar í fjöruborðinu giljar tuddinn sækúna með þeim tilþrifum sem lengi verða í minnum höfð og á annála hafa verið skráð. Upp úr þessu varð þarfanaut bændanna í hreppnum aldeilis fram úr hófi geggjað og hljóp á fjöll eins og sauðfé. Þar uppi framdi nautið hina ljótustu glæpi sem hægt er að hugsa sér, en betur skal sagt frá þeim ósköpum síðar. 

Nafn forsetans krafsað á friðað dýr

Fáein vel valin orð um lýðræði, spillingarskítafýlu og ,,nútíma sósíalisma".

Svo læstar fréttir eru slæmar fyrir lýðræðið. Hið sama má segja um dauðan hund, hann vekur aungvann með með innantómu gelti meir. Þjóðin og lýðræðið eru mun betur sett með læstar fréttir Stassion tú, sem aunginn sér eða heyrir; nóg er samt af áróðursmaskínum auðvaldshersins á Vesturlöndum. Og ef á fréttastofu Ríkisútvarpsins starfar ólýgið, heiðarlegt og óhlutdrægt fólk skiptir það engu máli fyrir þá fréttastofu þó Stöð 2. læsi öllum sínum fréttum og kjaftabulli.

En að öðru og mun skemmtilegra efni: Á síðastliðnum sólarhring átti ég eftirfarandi orðaskipti við félaga Þórberg Torfason frá Hala í Suðursveit um heimilisvin VG, Ögmundar Drífu, Katrínar og Gunnars Smára, hana Höllu Gunnarsdóttur bitlingaþega:

Þórbergur Torfason: Jóhannes Ragnarsson! Hvaða Halla tróð sér sem aðstoðarmaður inní Forsætisráðuneytið? Þú þarft að fletta upp í Öldinni sem leið til að finna eitthvað samræmi orða þinna núna félagi. Það dugir ekki að vera bæði gamall, grár og gugginn þegar nútíma Sísíalismi er gagnrýndur. Halla var aðstoðarmaður Ögmundar meðan hann gegndi ráðherrastöðu. Hún hefur aldrei verið í Forsætisráðuneytinu nema í kaffi hjá Sigmundi kannske. Hún er hins vega framkvæmdastjóri ASÍ í dag sem er aðeins annað mál.

·
Jóhannes Ragnarsson svarar: Þórbergur Torfason. Jæja karlinn, þú veist þetta allt, enda ekki gamall og grár. Ég leyfi mér hinsvegar að hressa örlitið upp á þig með þessu hér: https://www.dv.is/.../halla-gunnarsdottir-radin-radgjafi.../
Þarna kemur nefnilega fram að Halla vinkona þín var ráðin sem ,,ráðgjafi" forsætisráðherra, Katrínar Jakobsdóttur. Enn fremur kemur fram að Halla hafi aðsetur í forsætisráðuneytinu og hefji störf 1. mars 2018. Ég bý því miður ekki yfir nægilegum gáfum til að kunna skil á hver munur er á aðstoðarmanni og ráðgjafa forsætisráðherra. Það veit heldur enginn við hvað Halla þessi aðstoðaði Ögmund, ég held hann viti það ekki sjálfur enn þann dag í dag. En allt um það þá er römm spillingarfýla af öllu þessu aðstoðarmanna og ráðgjafastandi ráðherra, og eru þá sífelldar ráðningar VG-ráðherra á Höllu Gunnarsdóttur ekki undanskilin. En auðséð er samt á öllu, að ráðgjöfum þessum og aðstoðarmönnum eru ekki greidd laun úr vösum ráðherra. Og yfir hverju er Halla framkvæmdastjóri hjá ASÍ? Það væri fróðlegt að fá nánari útlistun á því. Og hvað hvað ætli Drífa láti, meðal annarra, fátækt verkafólk borga þessum ,,framkvæmdastjóra", vinkonu sinni, í laun á mánuði? Og eitt til viðbótar: Hvað er ,,nútíma Sísíalismi"? Ef til vill er þetta misritun, innsláttarvilla, hjá þér og þarna eigi standa ,,nútíma sósíalismi". Ef þarna er átt við nútíma sósíalisma, þá getur þú eflaust frætt mig og fleiri um hver munurinn er á ,,nútíma sósíalisma" og ,,gamaldags sósíalisma", því ef nútíma sósíalismi er til þá er væntanlega eitthvað til sem hægt er að kalla gamaldags sósíalisma. Mér finnst reyndar ég hafi heyrt einhvern óm af tali um ,,nútíma sosialisma" áður, jafnvel fyrir áratugum síðan.
Meira af þessu máli á Facebook-síðu Vilhjálms Birgissonar verkalýðsforingja á Akranesi.

Fleira var það nú ekki að sinni, góðar stundir.

Læstar fréttir slæm tíðindi fyrir lýðræðið

Stórmerk og nýrri en ný forgangsröðun tekin í notkun

Hér er aldeilis um stórmerkan áfanga að ræða. Nú skal bólusett og bólusett, sprautað og sprautað, allt þar til bölvaður seggurinn Kóvíð Nítjándi liggur steindauður. Svo er víst búið að forgangsraða í bólusetninguna upp á nýtt. Í hinni nýju og bráðnauðsynlegu forgangsröðun fer fremst gamla flokkseigendaklíkan úr Alþýðubandalaginu, en sú væna klíka heitir i dag Flokkseigendafélag VG og á öll hlutabréfin í Vinstrihreyfingunni grænu framboði, sem telst víst vera stjórnmálaflokkur eða eitthvað soleiðis.

Það verur gaman að sjá þegar Swandeesý segir við flokkseigendur sína: ,,upp með höndur og niður með brækur" og rekur sprautuna á kaf í afturendann á Flokkseigendafélaginu, nánar til tekið í blágörnina á hinu veleðla félagi, og dælir það útúrfullt af kóvíðsdrepandi upplausn. Þá held ég nú hárin fari að rísa á höfðinu á honum Stenngimi okkar Johoð. Þegar bóluefnið verður farið að virka á Flokkseigendafélagið er forgangsröðin náttúrulega komin að sægreifunum, því ekki megum við við að missa einn einasta þeirra úr þessari kóvíðsdrullu. Þannig verður haldi áfram koll af kolli allar elítur hafa verið sprautaðar, en þá verður bólusetningunum líka hætt og Swandeesý og þau hin í ríkisstjórninni geta snúið sér óskipt að því að gefa vildarvinum banka, ýta hressilega við hagvextinum og samkeppninni og halda galadansleik í salnum hans Ásmundar. 

En öðru og geðslegra málefni: Það kom vel á vondan í morgun, þegar í ljós kom að Kolbeinn Kolbeinsson hafði notað nóttina og nætursvefninn til að míga í rúmið. Þetta var hræðilegt. Frú Ingveldur hrökk upp, hlandblaut á annarri síðunni, og fannst eins og hún væri að drukkna, eins og segir í dægurlagatextanum. Hún var svo ógnar felmstfull er hún reif upp glyrnunnar, að hún sparkaði Kolbeini eiginmanni sínum strax fram úr bælinu. Svo öflugt var sparkið, að Kolbeinn kastaðist á ofninn og fékk blóðnasir og hruflaðist á hægri augabrún svo blóðið lagaði niður í augað. Þá var nú öldin önnur þegar frú Ingveldur sjálf gekk sigri hrósandi að rúmbálki Máríu Borgargagns og Indriða Handreðs, hvar þau hrutu hrotum réttlátra, lyfti öðru lærinu, því er að bælinu snöri, og mé lystilega yfir hjónin.

Þáttaskil í faraldrinum fyrir sumarið

Eftirsótt starf

Afar merkilegt star er nú laust til umsóknar, sjálft embætti forsetaritara. Þetta er frábærlega vel launað starf, sem felst í því rita embættisbréf fyrir forsetann, ef svo illa hagaði til að þjóðin hefði kosið sér óskrifandi og ólæsan forseta. Fráfarandi forsetaritari var ráðinn vegna kunningjatengsla hans við séra Ólaf Ragnar Grímsson, fyrrum forseta, en kunningjatengsl þessi voru tilkomin vegna þess að þeir voru samherjar í baktjaldamakki og valdabaráttu í Alþýðubandalaginu sáluga. 

En nú er sem sé núverandi forsetaritari, skáldmennissonurinn og krataeðlisþingmannsbróðirinn og Thorsarinn, að hrökklast úr embætti, enda séra Ólafur Ragnar orðinn landlaus og utangátta. Sem betur fer hugsa margir sér gott til glóðarinnar og hafa nú þegar sextíu manns sókt um að fá vinnu við að skrifa bréf fyrir forseta sem ekki kann að skrifa. Allt eru þetta valinkunnir sæmdarmenn og sæmdarkonur. Nema hvað? Mannvalið er hreint stórkostlegt og stórbrotið. Meðal umsækjenda er til dæmis þjóðskáldið Davíð Stefánsson frá Fagraskógi, sem og fræðimaðurinn, rithöfundurinn og skáldið Sigurður Nordal. En þessir tveir hljóta að teljast líklegastir til að hreppa hnossið.

Svo eru þarna umsækjendur sem hafa fátt eitt til brunns að bera annað er krataeðlið, það er meira að segja óvíst að þeir giljagaurar kunni að draga til stafs. Á lista umsækjenda er nefnilega að finna nöfn þeirra háæruverðugu manna Glúms Jónsbaldvinshaníbalssonar og hr. Guy Burgess, er áður gegndi starfi framkvæmdastjóra hjá krataeðlinu í Samfylkingunni en hann er því til viðbótar maður hinnar burtstokknu Rósu VG. Svo er að sjá að kona Stjána söngs, Sigurjóna (með títuprjóna), hafi líka sókt um skrifarastarfið, en hún er dóttir krataeðlismaddömunnar Rannveigar frá Ísafirði. Þannig mætti lengi telja upp skarann allan af öndvegisfólki, sem tilbúið er að fórna sér fyrir starf sem útheimtir samkvæmisklæðnað hvunndags, sæmilega skriftarkunnáttu og eru ekki fótrakir. Og þar sem þetta er hlý innivinna, ef vinnu skyldi kalla, þá er eftir geysimiklu að sækjast.

60 sóttu um embætti forsetaritara

Við þekkjum þessar telpur sem hrundu niður Móskarðshnjúka í gær

Það voru þær frú Ingveldur og Máría Borgargagn sem fóru ansi flatt í Móskarðshnjúkum í gær. En okkar í milli sagt vóru þær heldur en ekki dauðadrukknar þegar misstu fótavist á svellinu og húrruðu eins og styggar eftirlegukindur niður hnjúkinn og í klessu. Þær voru áberandi ölvaðar, bévítis skjáturnar, þegar þær lögðu á fjallið, og bættu sífellt meira á sig eftir sem ofar dró. En í Móskarðshnjúkum keyrði um þverbak og þær misstu fótanna. Þegar þær lágu í sinni klessu eftir hrapið við rætur Móskarðshnjúka var önnur flaskan brotin, en þær löptu úr þeirri sem heil lifði þar til þyrilflugan kom og sókti þær.

Eins og búast mátti við, hafa hin landsfrægu helgarsamkvæmi að heimili frú Ingveldar og Kolbeins verið með daufara móti frá upphafi kóðvíðs nítjánda og til dagsins í dag. Í fyrrakveld sátu þau tíu í helgarsamkvæminu, öll drullufull og hálf sona dópuð í ofanálag. Um kveldmatarleytið var Brynjar Vondalykt lagstur; hann lá á grúfu í forstofunni með buxurnar dregnar niður fyrir þjóhnappa. Undir morgun lágu svo allir í vímuroti að heimilinu, nema frú Ingveldur og Máría Borgargagn. Þær höfðu ornað sér hvor með annarri í hjónabælinu frá því seinnipart nætur. Þegar til kom og morgun var genginn í garð kom í ljós að þær gátu ekki sofnað og því síður sofið.

Það varð því að samkomulagi millum hinna rosknu telpna að fá sér frískt loft, helst af öllu fjallaloft. Og þær óku heldur fáklæddar undir kuldagallanum inn í Kollafjörð, blindfullar, og bifreið þeirra sikksakkaði um stræti og torg uns numið var staðar undir Esjufjalli. Þar stigu þær út héldu á brattann. Sem fyrr segir voru telpurnar asskoti eitthvað rykaðar á göngunni, augun glær og fnykurinn af þeim grunsamlegur. Á hjalla nokkrum hátt upp í hlíðinni gjörðu þær stans á för sinni, stilltu sér upp og sungu svo hátt að tindar Esju gnötruðu og selirnir í Kollafjarðarsjó tóku andköf og lögðu á flótta. Lagið sem þær sungu var heldur ekki af verri endanum: ,,Lífið er lotterí" heitir það víst. En þá kom að síðasta erindinu renndu þær kuldagallanum frá nekt sinni og glenntu sig upp á gátt framan í heiminn. Hrafnarnir stóðu álengdar og blygðuðu sín fyrir hönd söngkvennana. En svo komust þær á Móskarðshjúkinn, vóðu þar strax út á uppbóginn svellglotta og steyptust undir eins niður hnjúkinn og þaðan niður í miðja Esjuhlíð og lágu þar um hríð hér um bil dauðar. Þá var kuldagallinn Borgargagnsins fyllst af snjó, sem fráflaksandi gallinn hafði sopið inn í sig á niðurleiðinni. Svo kom þyrilvængjan og náði í telpurnar og þar með var gamanið úti. Bíngó.  

Talið að hálka hafi valdið slysinu

Hvern fjárann á fraukenin við með ,,skynsemi" og ,,samkeppni?"

Hvað er svona skynsamlegt við að taka Ríkisútvarpið af auglýsingamarkaði? Auðvitað á litla frauken Alfredósína ekki eitt einasta skynsamlegt svar við því enda er slíkt svar ekki til. Hinsvegar efast enginn um að daman atarna, sem sem er langömmubarn gömlu Framsóknarmaddömunnar, geti ofið endalausa mærðarvoð um málið, án þess þó að færa fram rök fyrir kjaftæðinu í sér. Svo bætir hún gráu ofan á þann kolvarta þvætting, að hvarf ,,fréttastofu" Stöðvar 2. úr mannheimum sé vont fyrir ,,samkeppnina!" Með leyfi að spyrja, æruverðuga frú, hvaða andskotans samkeppni eru þér að muldra um? Ég er handviss um að þér getið með aungvu móti svarað því heldur. Vonandi er fraukan ekki að gefa í skyn að hún ætli sér að gjöra Ísland að opinberu vitfirringahæli, til athlægis öllum sæmilega þenkjandi mönnum.

Annars er orðið samkeppni geðlæknisfræðilegt hugtak, en sem kunnugt er þá mun þetta orð, ,,samkeppni", vera heiti á alvarlegri tegund af geðbilun, sem geðlæknisfræðinni hefir því miður ekki enn tekist að finna ásættanlega lækningu við. Í guðfræði Mammóns skipar kvillinn samkeppni stóran sess, ásamt hinni ósýnilegu hönd markaðarins, hagvextinum og framleiðslukapphlaupinu, sem einnig er mjög slæm geðveiki, sem guðfræðingar Mammóns reyna hvað þeir geta að færa í búning hinnar dularfullu ræpu, sem það kallar ,,hagfræði." Ojbara!

En auðvitað vill Alfredósína gera allt hvað hún getur til að sleikja sig upp við Sjálfstæðisflokkinn, halda honum góðum og uppskera dulítinn bitling fyrir að gelda Ríkisútvarpið og kæfa það í affallinu frá kömrunum í Valhöllu. Svo vill svo skemmtilega til, að þókt Framsóknarfjósið standi út í móum, enn þann dag í dag, eins og niðurníddur endurómur frá miðöldum, þá hefir Framsóknarmaddaman herbergi á leigu í kjallara höfuðbólsins, Valhöllu, fyrir Alfredósínu, Sig-inga og fleiri nautgripi úr Framsóknarfjósinu. Í næsta herbergi við heldur svo krataeðlisjukkið til, svo meðvirkt böðlum Sjálfstæðisflokksins að við sjálft liggur að gamla Framsóknarmaddaman gubbi í kjöltu sína að ólýsanlegu ógeði á þrælslund og géðkrabba og geðvillu krataeðlisins. Þannig er nú ástandið í dag á Íslandi. 

Skynsamlegast að taka RÚV af auglýsingamarkaði

Eru golþorskarnir svona heimskir, eða bara sérlega óheiðarlegir og óærlegir?

Ja, svo demmórattarnir í USA eru að bræða með sér að kæra Trumpið fyrir landráð og þá væntanlega föðurlandssvik líka. Karlfjósið er sem sé grunað um að hafa atta óargalýð á þinghús þeirra í USA með að markmiði að reka þingmennin út og ræna völunum fyrir Trumpið. Þetta þykir mörgum vel af sér vikið og dásama Sjálfstæðisflokksmenn, vestanhafs og austan, glæsilegt einkaframtak Tumpsins á lokuðum sellufundum. 

Fyrir stinnum áratug keyrðu Sjálfstæðisflokkurinn og krataeðlisflokkarnir Ísland fram af hengifluginu. Allrahanda innistæður fólks, sem lágu inni á fjárgæfrareikningum í bönkum, þynntust margir mjög af þjófsvöldum, fyrirtæki fuku á hausinn og sigldi hraðbyrir til Helvítis, en bankastjórnendurnir lögðu umsvifalaust á flótta, og sumir ekki aldeilis með tvær höndur tómar. En áfram héldu Sjálfstæðisflokkurinn og krataeðlisflokkurinn, sem hann notaði fyrir hækju um þær mundir, að stjórna, settu Hrunlög og létu í hvívetna eins og Hrunið kæmi þeim algerlega á óvart, þrátt fyrir að þeir hefði vitað í ein þrjú ár hvurt stefndi og ekki væri með nokkru móti hægt að koma í veg fyrir Hrun.

Það var undir þessum kringumstæðum sem íslenskt almúgafólk lagði leið sína niður að Alþingishúsi til að reyna að koma því inn í trénaðan hausinn á ríkisstjórnarflokkunum að þeir ættu að pilla sig frá völdum og boðað væri til alþingiskosninga. En, ónei, Sjálfstæðisflokkurinn og krataeðlisflokkurinn Samfylking þóktust ekkert skilja og sátu sem fastast í óþökk kjósenda. Það var ekki fyrr enn múgurinn neyddi krataeðlisflokkinn Samfylkingu með valdi upp að vegg, að hún gafst upp og gaf sig örlögunum á vald. Það er minnisstætt, að forsætisráðherra Hrunsins kallaði fólkið fyrir framan Alþingishúsið skríl. Þá þókti mörgum stungin tólgin og stórt upp í sig tekið. Síðar var sami forsætisráðhera Hrunsins dæmdur fyrir afglöp og slóðaskap af Landsdómi og svaraði þessi sérkennilegi forsætisráðherra Hrunsins dómnum með hroka og reif kjaft eins og slordóni. Þessu ágæta erindi alþýðu manna við ráðamenn og Alþingi haustið 2008 og fram á 2009 líkja golþorskar Sjálfstæðisflokksins nú við innrás heimskra og heilaþveginna fasista Trumpsins inn í þinghúsið í Washington! Eru þessir dæmalausu golþorskar svona andskoti vitlausir að líkja þessum tveimur gjörólíku hlutum saman eða eru þeir bara fram úr hófi óheiðarlegir og óærlegir kauðar sem leika sér að því og eru því vanir, að umgangast sannleikann eins og hvurn annann hundaskít? Vér höllumst að sjálfsögðu að hinu síðarnefnda.    

Leggja ákæru á hendur Trump fyrir þingið

Peningasuga í líkanarmeðferð fyrir óþrifagemlinga

Hafi braskarastubbarnir á Stöð tvö, (Stassion túú) haldið að þeir væru að gefa svokallaða ,,fréttatíma" þá hefir það altént verið fjaraska lítilfjörleg gjöf og aum. Svo aum raunar, að ekki er við hæfi að þakka ,,gjöfina." Og nú hafa hinir miklu kaupsýslumenn troði fréttatímanum sínum langt upp í blágörnina á sér og þar verður hún vel geymd það til stöðin þeirra verður tekin til gjaldþrotaskipta.

Allt er þetta gott og blessað og framtak þeirra á Stassion túú, að læsa ,,fréttatíma" Stassionarinnar til frambúðar guðsþakkarverð, svo ekki sé dýpra tekið í árinni. Og afskaplega gleðilegt að sjá, að þessi alræmda stöðvarvitleysa sé loks komin á líknandi meðferð. Það gefur oss vonir um að Stöð 2. muni innan skamms sálast úr uppgerð.

Þegar Stöð 2. verður dauð mun ugglaust aunginn ómaka sig við að skrifa minningargrein um kvikindið. Enda einskis að minnast, allra síst einhvers jákvæðs fyrir samfélagið. Vitanlega verður Stöð 2. urðuð utangarðs,án yfirsöngs. En á legsteininn, sem einhverjir þroskalitlir og innantómir vandræðagemsar munu kannski kasta ofan á hræið, verður áreiðanlega ritað: ,,Hér undir liggur óþrifagarmurinn Stöð 2. sem átti það eitt erindi við Íslendinga að sjúga út úr þeim pénínga fyrir ekkert."   

„Ekki stætt á að gefa fréttatímann“

Undarlega mikill stuðningur er við vafasama, ónýta og kjánalega stjórnmálaflokka

Stuðningur fólks við Sjálfstæðisflokkinn er nær allur byggður á hrapalegu misskilningi og skorti á dýpri hugsun. Að einn fjórði landsmanna sé ávalt reiðubúinn að greiða þessari óhrjálegu flokksnefnu atkvæði sitt er í aðra röndina hlægilegt, en í hina afar sorglegt. Sjálfstæðisflokkurinn er heldur ekki stjórnmálaflokkur í þeim skilningi sem flestir leggja í það orð, heldur eru þetta skipulögð samtök vafasamra einstaklinga, yfirgangshunda og manna og kvenna sem virða eignarétt annarra en sjálfra sín ósköp léttvægan.

Nú, þá vekur velgjandi stuðningur tíu til fimmtán prósent kjósenda við hóparæksni á borð við Samfylkingu, Pírata, VG, Framsókn, Miðflokk og Viðreisn óhug. Nefndir flokkar eiga það allir meira og minna sameiginlegt að vera ekki það sem þeir segjast vera; allir eru þeir meira eða minna nýfrjálshyggjuskotnir auðvaldsflokkar og að því leyti sverjast þeir allir í bræðralag við hinn óhugnanlega Sjálfstæðisflokk. Þessi hlutföll í fylgi stjórnmálaflokkanna á Íslandi munu því miður lítið breytast meðan kjósendaskjáturnar ná ekki upp í að skilja hvað er hvað í pólitíkinni, því ef þær gerðu sér grein fyrir hvað fyrrnefndar flokkstofnanir standa fyrir mundi fylgi Sjálfstæðisflokksins hrapa niður fyrir fimm prósentin, óþurftarfyrirbrigði eins og Viðreisn, Píratar og Miðflokkur kæmust ekki á blað og kúnstugar flokksleysur eins og Samfylking, Framsókn og VG mættu þakka fyrir að fá fylgi sem nægði til að fá einn fulltrúa kjörinn á Alþingi.

Aftur á móti eru það flokkarnir sem hafna neðstir í umræddri skoðanakönnun ,,MMR" sem ættu skilið mun meira fylgi en þar kemur fram. Ef Sósíalistaflokkur Íslands ber gæfu til að vinna úr sínum málefnum af hugsjón og skynsemi og nær að girða fyrir aðgang lukkuriddara að framboðslistum sínum ætti hann að geta náð miklu fylgi, um og yfir þrjátíu prósent í fyrstu umferð. Flokkur fólksins á fulltrúa á þingi, en hefur ekki fengið athygli kjósenda að verðleikum. Að vísu sá Flokkur fólksins á eftir tveimur þingmönnum, illa popúlískum lukkuriddurum og vandræðamönnum, yfir til Miðflokksins, en það var frekar happdrættisvinningur lítils flokk en ekki tap. Satt best að segja væri eðlilegt að Flokkur fólksins hefði fimmtán til tuttugu prósenta fylgi, bæði í skoðanakönnunum og kosningum. 

Sjálfstæðisflokkurinn stærstur en fylgið dalar

Samkeppni er siðblind geðveiki og ætti að meðhöndlast sem slík

Bölvuð ekkisins glæpaart er þetta hjá kaupsýslumönnunum í Byko. Maður hefði haldið þetta væru heiðarlegir menn og stunduðu samkeppni að fullum krafti og eirðu aungvu fyrr en annaðhvort þeir eða hinir lægju í valnum með hroðalegt gjaldþrot á bakinu, sem alltaf kemur í hlut smælingjanna að borga, ef ekki í drápsvöxtum hjá bankanum þá með vaxtavöxtum, veldisvöxtum og dráttarvöxtum, sem riðið hafa mörgum manninum að fullu.

Sumir, einkum heimskir menn og giftingaróðar kerlur, halda að samkeppni sé sama og heilbrigði, enda slá gosarnir oft um sig með því að tala afar virðulega um ,,heilbrigða samkeppni." Hinsvegar er ekkert til sem heitir ,,heilbrigð samkeppni" vegna þess að samkeppni er í sjálfu sér veik, fárveik. Þegar betur er að gáð fellur samkeppni undir geðveiki og er heilsufarsmál. Þess vegna ætti að taka hvurn þann, er leggst svo lágt að mæra samkeppni og líkja henni við heilbrigði og hollustu, til rannsóknar af geðlæknum til að ganga úr skugga um hvört viðkomandi samkeppniselskari kunni að vera samfélagshættulegur og ætti því ekki að ganga laus.

Eitt sinn komst Máría Borgargagn á snoðir um, að eiginmaður hennar, Indriði Handreður, við Brynjar Vondulykt um ástir hennar og ástarathafnir. Vondalyktin sagði að þetta væri heilbrigð og hressandi samkeppni, en Handreðurinn maldaði í móinn og kvaðst ekki þola neinum að ká í sína ektakvinnu. Í framhaldi af þessu ákvað Máría Borgargagn að hafa njósn af ferðum manns síns, vítt og breitt innan höfuðborgarsvæðisins. Í tvo daga fylgdi hún ferðum Handreðsins, en þá stóð hún hann að verki. Hún kom sem sé þar að, sem Indriði Handreður var lagstur með Kolbeini Kolbeinssyni sem kona væri. Strax eftir uppgötvun sína hélt Máría Borgargagn á fund Brynjars Vondulyktar og falbauð honum sjálfa sig til skyndiásta. En þá kom í ljós að ekki var með felldu hjá Vondulyktinni. Hann lá í rúminu, dauða nær en lífi, því hann hafði fengið illan blóðtappa í leyndarlim sinn eftir náið samneyti við fyrrnefndan Indriða Handreð. Sagðist Vondulyktinni svo frá að Indriði Handreður hefði látið öllum illum látum, sem lauk með því að blóðtappi á hinum viðkvæma og leynda stað var óumflýjanlegur. Sagðist Brynjar Vondalykt geta útvegað Borgargagninu pístólu, sem afi hans í sveitinni hafði notað til að fella sauðfénað, ef henni langaði til að fella eiginmann sinn og sorasvínskvikindið hann Kolbein, en Borgargagnið lofaði að hugsa málið. Og hún er enn að hugsa málið. 

Byko sektað um 400 milljónir króna