Og hann sló honum við miðstöðvarofninn - en það hefði séra Ólafur átt að gera líka

Mikil þó djöfulsins hörmung er þessi pípuhattasamkoma félaga Ólafs Ragnars í Hörpunni. Þetta vemmilega gáfumannasvall virðist hafa verið einhverskonar árshátíð hræsninnar og minnir einna helst á stórfundi nornanna með Sathani á Blokksfjalli í Þýskalandi eða hátti uppi á Blákulla í Svíaríki, þar sem hápunktur hátíðarinnar er þegar nornirnar heilsa upp á Erki-Djöfulinn með því að kyssa hann á beran rassinn. Öll er pípuhattaveisla séra Ólafs Ragnars í múgfirringarstíl, þar sem fína fólkið rís eins og apakettir upp á afturlappirnar og vitna um loftslag, sem það hefir ekkert vit á, græna gróðavegi og sjálfbærar auðvaldsblekkingar.

Svo er að sjá, að séra Ólafur hafi boðið borðalögðum og gullsnúruðum ofursta úr hernaðarvél NATO upp á svið til sín, svo ofurstinn gæti sýnt þingheimi hvað hann er glæsilegur í einkennisbúningnum sínum. Vitanlega hefir ofurstinn hafið innreið sína upp á svið Hörpunnar með því að þrýsta kossi á afturenda séra Ólafs, annað er óhugsandi. Í þessum svifum verður mér hugsað til Snæfellingsins knáa, Pétur Hoffmanns Salómonssonar, þegar hann bauð fjögurra snúru foringja á stríðsárunum heim til sín að Bröttugötu í Reykjavík. Þessum manni sló Pétur, eftir að hafa rifið af honum öll fötin, við miðstöðvarofninn svo að hann lá í öngviti á herbergisgólfinu. Þegar herlögreglan bar hinn fallna á börum út í bifreið breska hersins kastaði Hoffmann rifnum fataleppum ofan á hann með engri virðingu, en skó foringjans seldi hann sem herfang fyrir tíu krónur.

Og ekki stóð á NATO-ofurstanum að fara að troða illsakir við Kínverja um leið og hann var sestur við hlið séra Ólafs uppi á svið. Hins vegar eru Kínverjar gáfaðir menn og svo vel vildi til að kínverski sendiherrann á Íslandi var úti í sal og svaraði uxanum frá NATO fullum hálsi þannig að hann steinhélt kjafti lengi á eftir. En mikið hefði nú verið viðkunnanlegar af hálfu séra Ólafs að fara að dæmi Pétur heitins Hoffmanns og þrífa til ofurstans og slá honum við ræðupúltið á sviðinu og tæta síðan utan af honum snúrurnar, jakkann og nærbuxurnar. Þá hefði verið gaman að vera Íslendingur.  

„Það mátti heyra saumnál detta“

Líf og fjör í framboðsmálum Samfylkingarinnar

Jú, það er mikil eftirspurn í formennsku og varformennsku Samfylkingarinnar nú um stundir. Um skeið hefir framboð Kvikuprinsessunnar í formanninn legið fyrir og þá eru Gwöndur Járni og Heiða Leiða heldur en ekki svag fyrir varformannsembættinu, sem er mikið embætti og erilsamt. Þá er og vitað um þó nokkra gríðarlega þungavigtaraðílja sem eru að íhuga framboð til formanns eða varaformanns Samfylkingarinnar eftir að hafa tekið við fjöld samtala og áskoranna um að bjóða sig fram.

Til dæmis er lagt hart að Sighvati Björgvinssyni að gerast formaður og er búist við tilkynningu hans um framboð á hverri stundu. Þá eru Ingibjörg Sólrún að hugsa sig um vegna fjölmargra samtala og samtala æstra stuðningsmanna sinna. Þetta er sem sé allt á fúllswíng hjá Samfylkingareignunum og framinn bíður gullsleginn handan við hornið. Það er víst líka kominn tími til að skipta um jafning í pottinum, þessi sem í honum er er orðinn svo andskoti úldinn og grængulur. 

Og á sama hátt og komið er í tísku að byggja gömul hús í stað nýrra, þá er bara vel viðeigandi hjá nýfrjálshyggjujafningsmönnum Samfylkingarinnar að elda gamla og margnýtta jafningssósu í lýðskrumsskyni, enda er lýðskrum og sýndarmennska krataeðlinu í blóð borið. En fleiri frambjóðendur hanga á formennskuspýtunni. Frá handanheimum berast þau tíðindi að kaldastríðskratar vilji koma sínum manni að, en hópur framliðinna krataeðlisdrauga tilkynntu um áhuga sinn á málefninu á miðilsfundi í vikunni og kröfðust þess að núlifandi kratadindlar hefðu upp á særingamanni til að vekja einhvern valinkunnan krataskrögg upp frá dauðum. En svo eru líka minni spámenn, eins og Jóhanna Sigurðardóttir, sem vissulega er ekki spámannlega vaxin, Steinunn Valdís og Eiríkur Bergmann, hann er svo gáfaður, farin að hugsa sér til hreyfings.  Já, þvagprestar og þolendur í krataeðlisforinni, það er mikill uppgangur í Samfylkingunni þessi dægrin og hafið hugfast sperrileggirnir ykkar, að það sem gengur upp gengur bráðlega aftur niður. 

Guðmundur Árni sækist eftir varaformannsstólnum

Fjörugur prinskongur leiddur á fund frú Ingveldar og Kolbeins

Hann Hákon? Með í bakpokanum? Auðvitað brennivín og kannski smávegis af hjápartækjum ástarlífsins, því sona prinskongar þurfa alltaf utanaðkomandi örvun þegar kemur að lostastandi. Eitt sinn át ónefndur kongur á Norðurlöndum heila glás af víagratöflum, ein tólf stykki eða svo í einum gúlsopa og fór hamförum á eftir. Framganga konsgsins atarna var með slíkum ósköpum, að það hefir enginn þorað að segja frá hvað gerðist, hvað þá skrásetja athæfi kongsins, sem var allt í senn óguðlegt, blygðunarlaust og svívirðilegt á alla kanta, einkum trekanta.

En Hákon prins kvað vera fjörugasti strákur, uppátækjasamur, lúmskur og ósvífinn. Í dag tók hann til dæmis stærðar brennivínsbokku upp úr bakpokanum og svalg úr henni hérum bil til háfs og sporðrenndi einum sex víagra-hjálparpillum með. Þegar hann hafði hresst sig, bauð litli íslenski forsetinn prinsinum íslenskt neftóbak sem prinsinn sogaði upp í nasaborurnar og slakaði sem svaraði einni matseið tóbaks í hvora vör. Að því búnu spurði hann eftir stelpunum.

Á eftir, þegar prinsinn mætti í loftslagsprumpið hjá félaga Ólafi Ragnari var piltur kominn í þvílíkt reginstuð og hljóp um salinn eins og hvur annar Ástarbrandur á eftir kvenfólkinu, sem hrökk undan eins og hænsnahópur sem hefir fengið óðan Husky-rakka í heimsókn í hænsnakofann. Svo fóru einhverjir góðgjarnir menn með prinsinn út í bæ, nánar til tekið heim til frú Ingveldar og Kolbeins Kolbeinssonar. Þar voru þá fyrir Máría Borgargagn, Indriði Handreður hennar ektakærasti, Brynjar Vondalykt og Óli Apaköttur með fótamein og mikil ör á þjóhnöppunum eftir stórbruna sem hann lenti eitt sinn í. Eru allir málsmetandi menn sammála um að prinsinn sé loks kominn á réttan stað, sem hæfir fullkomlega hans eldfjöruga kongablóði. Skömmu eftir að prinsinn var sestur í stofu frú Ingveldar, með Borgargagnið furðu fáklætt sér við hlið, dró Kolbeinn húsbóndi upp harmónikkuna og spilaði Nærbuxnavalsinn eftir nótum í útsetningu Fritz Weisshapel, og var gerður góður rómur að. Og svo hófst prinskongaskemmtunin að heimili frú Ingveldar og Kolbeins fyrir alvöru.  

Hvað var Hákon með í bakpokanum?

Nú eru mygluskólar orðnir auðleysanleg vandamál

Þetta vandamál ætti að vera auðleysanlegt fyrir stjórnvöld í Kópavogi. Þau taka bara þennan mygluskóla niður og láta einhvern bæjarstjóra Sjálfstæðisflokksins kaupa hann á viðráðanlegu verði, síðan mundi Sjálfstæðisflokksbæjarstjórinn flytja hann í sína heimabyggð og reisa hann þar sem dvalarheimili aldraðra eða tómstundahús fyrir blessuð litlu börnin.

Ekki alls fyrir löngu tóku kommissarar Sjálfstæðisflokksins í auðvaldsbarnasamfélagi úti á landi sig til og keyptu dýrum dómum niðurrifinn skúrfjanda af þekktri nýfrjálhyggjukélíngu, sem hafði verið tekinn úr umferð vegna fúkka og myglu. Sjálfstæðishetjurnar fluttu skúrræksnið heim og röðuðu honum þar upp. Að sjálfsögðu var þetta mesta andskotans hrófatildur, til lýta í þorpinu, sem orðið er nánast kvótalaust. Myglukot heitir það og nú gerir fólk frá öðrum stöðum sér ferð í þetta niðurlægða þorp til að hlæja að hörmunginni, sem eitt sinn var í eigu hinnar útbelgdu nýfrjálshyggjukérlíngar í Reykjavík.

Það er því aungin ástæða fyrir það á Kársnesinu í Kópavogi að örvænta; fljótlega mun bæjarstjóri utan af landi mæta á staðinn og flytja bévítis mygluskólann á braut. Þegar ég var smásveinn í sveitinni heyrði ég einstaka sinnum minnst á Kársnes í útvarpinu, og fannst mér alltaf eins og þulurinn segði ,,Kássness" og því dró ég þá ályktun, að annaðhvort væri allt í kássu á nesi þessu, ellegar að þar væri í stórum stíl búin til kássa úr ketafgöngum, svokallað kjötfars, en það samanstendur af ær- og kúajúgrum, nautspungum, svínainnyflum og ketinu af þeim þeim mávum sem falla til hjá meindýraeyðum. En þetta er auðvitað aukaatriði. Svo byggja Kársnesingar sér nýjan, ómyglaðan skóla undir börnin sín, og lífið á nesinu mun hafa sinn gang eins og ekkert hafi í skorist.

Hluta Kársnesskóla lokað vegna myglu

Framsóknarsamherjar og Saleksdætur valdríkisins

Hverjum skal hafa dottið í hug gera framsóknarsamherjann Björn Snæbjörnsson á Akureyri að forseta Alþýðusambandsins? Ef það er rétt, að einhverjir á ASÍ þinginu séu svo veruleikafirrtir, að maður segi ekki innilega lausir við að vera verkalýðssinnar, að ætla sér að gera framsóknarsamherjann að forseta, þá væri þeim hinum sömu alveg eins trúandi til að reyna gera Þorstein Má, eða kaupfélagsstjórann mikla á Sauðárkróki, að forsetum Alþýðusambandsins. Eða er þetta bara grín einhverra spaugara sem langar til að draga upp fáránleka þess að framsóknarsamherjar og Saleksdætur fari með öll æðstu embætti í verkalýðshreyfingunni?

En þetta er allt í lagi. Alþýðusamband framsóknarsamherjanna, kratanna, íhaldsins og auðvaldsþjóðskipulagsins er hvort eð er komið að fótum fram og Björn Snæbjörnsson, Halldóra Saleksdóttir ásamt hjálparkokkum frá krataframsóknaríhaldinu eru þegar lögð af stað með hræið á ruslahauga sögunnar. Á ruslahaugum sögunnar munu hinir undirförulu varðhundar auðvalds og óbreyttrar stéttaskiptingar og óbreytts þjóðskipulags, sem lengi hafa ráðið lögum og lofum innan íslenskrar verkalýðshreyfingar, una sér vel við leik og starf á ruslahaugunum og falla eins og flís við rassgat inn í hrjóstrugt og einkennilega lyktandi umhverfi haugana, innan um annað sorp.

Já, félagar, það er alveg sama hvað undirlægjur valdsins í verkalýðshreyfingunni taka sér fyrir hendur héðan af, það verður ekki tekið meira mark á þeim en skítugum og grimmum flækingshundum, sem hafa lífsviðurværi sitt af því að bíta fé bænda og laumast inn í hænsnakofa gamalla kvenna og drepa fyrir þeim hænurnar. Já, Björn Snæbjörnsson framsóknarsamherji að norðan og þínir sálufélagar í undirförulum verkalýðsrekstri, við þekkjum rýtinginn sem þú og þínir rákuð í bakið á Birni Grétar formanni Verkamannasambandsins; og við vitum líka þið hafið í áratugi verið vakandi og sofandi við að lauma þessu bitjárni ykkar í bakið á öllum, sem þið hafið talið að ykkur og auðvaldinu, sem á ykkur, stafi ógn af. Íslensk alþýða verðskuldar ekki að hafa lítilmótleg lubbamenni á borð við ykkur á launum hjá sér, launum sem þið hafið komist upp á lag með að skammta ykkur ríflega á síðari árum. 

 

Hyggst ekki gefa kost á sér í embætti forseta

Söngur afturfótafiðrildana á Eyri

Víst munum vér hengja þorskinn upp á sporðinum og vinþurrka hann,
en vér verðum að muna að taka hann niður áður en flugan fer að verpa.

Ofar skýjunum leyfist eitt og annað sem ekki þolir dagljósið;
klám í hæstu hæðum, svívirðingar og landráðabrigsl.

Hvað verður um sagnarandann þegar öll vötn verða þornuð á heiðinni?

Og kvenprestur lét sig hafa að kalla síra Baldvin klæðskipting og kynskipting.

Frillur og nornir! Skerið upp herör gegn óréttlætinu
og hakkið hagfræðingana og skítapakkið.

Kolbeinn Kolbeinsson, hvar ert þú?
Buxnalaus í miðstöðvarkompunni með Handreðinn við fætur þér?

Nú er verið að vinna í því að Morgunblaðið og Útvarp Saga fái friðarverðlaun Nóbels,
verði Nóbélsfriðarar, Nóbélsskáld.
Eða er verið að tala um frygðarverðlaunin þeim til handa?
Já. Jomm.

Hlandsteinsgular eru hugsanir yðar,
fémínístar í ruglinu.

En afturfótafiðrildin á Eyri syngja haustljóðin sín 
í skugga háfjallamera og heimsvaldasinna.

Halda Eurovision í Liverpool

Voðinn er vís ef hættunni er boðið heim

Það er stórhættulegt að leyfa rússneskum hafrannsóknarskipum að valsa átölulaust um landhelgina okkar. Rússnesk hafrannsóknarskip eru með allar lestar stútfullar af gríðarlegum fallbyssum, eldflaugum, kjarnaoddum og kjarnorkusprengjum, fyrir utan óteljandi önnur hryllileg drápstól. Að leyfa þessum andskotum að fara um landhelgina okkar er ógnar mikill slóðaskapur af hálfu stjórnvalda okkar, svo mikill reyndar að réttast væri að setja þau af fyrir vikið.

En við getum líka verið Rússum þakklát fyrir að rannsaka hafið innan íslensku lögsögunnar, því ekki gera aðrir það. Að vísu höfum við einhverskonar fálkalega Hafrannsóknarstofu, en hún gerir nú ekkert annað en að leigja stórhýsi á morð fjár í Hafnarfirði af valinkunnum pénígaspámanni, leita dauðaleit að loðnu fyrir útgerðarauðvaldsrassana og stunda einskisnýtt netarall á vorin í fjáröflunarskyni, svo þeir eigi fyrir olíu á rannsóknarskipin sín þegar þeir fara að leita að loðnunni sem útgerðarauðvaldsrassarnir eru alveg við að útrýma.

En hvað mundu stjórnvöld okkar segja ef rússnesku hafrannsóknarskipin mundi allt í einu ösla inn Eyjafjörð og Skagafjörð og taka Samherja og gifturíka kaupfélagsstjórann og hans hafurtask á Sauðárkróki traustataki? Eða skjóta Hornbjarg niður með einum vel löguðum kjarnaoddi? Þá þýddi nú lítið fyrir Katrínu, Bjarnaben og ráðsmann Framsóknarmaddömunnar að gera í buxurnar og kvaka eins og skottbrotnir hvolpar.

 

 

 

 

Heimilt að vísa erlendum „rannsóknarskipum“ frá

Móðgun við íslenska alþýðu - og hver samdi buslubænina fyrir paurana 12?

Jæja, svo Saleksbandalag Bjarnaben, frú Halldóru Saleksdóttur, Drífu, Katrínar Jakkó og Höllu Gunnars, Samfylkingarinnar og VG, framsóknarsnatanna í Eyjafirði og Skagafirði, samherjanna og auðvaldsins hafði ekki neitt bitastæðara en Ólöfu Helgu til að bjóða fram á móti Ragnari Ingólfssyni í embætti forseta Alþýðusambandsins. Ja, aumt er það og vesælt. Það ætti hreinlega að varða við lög að etja einfeldningi, eins og þessari Ólöfu, til þess að fremja skrípalæti eins og að sækjast eftir því að verða forseti ASÍ, - og raunar er þetta asnaspark Salekssamfélagsins stórkostleg móðgun við íslenska alþýðu.

Það vill svo skemmtilega til, að daginn áður en frú Saleksdóttir, fröken Snædal og Halla Gunnars hrintu Ólöfu Helgu út í foraðið til að gera sér enn meir til skammar, varð þessi sama Ólöf Helga uppvís, ásamt Agníesku nokkurri sem er gildur limur í ,,verkalýðsmálaráði Samfylkingarinnar" með gömlu frú Saleksdóttur, að hafa vaðið á ólögmætan hátt inn í tölvupósthólf Sólveigar Önnu hjá Eflingu, að henni fjarstaddri, sennilega í þeim tilgangi einum að reyna að snuðra eitthvað bragðbætandi upp, sem þær gætu haft á Sólveigu og gert út af við verkalýðsbaráttu hennar. En upp komst um strákinn Tuma og Ólöf Helga kjaftaði af sér á stjórnafundi í Eflingu, þannig að tölvupóstsinnbrotið lá ljóst fyrir. 

Þá var ekki síður hlægileg buslubænin sem tólf ,,verkalýðs"höfðingjar skrifuðu undir. Það er álitamál hvaða endemi það voru sem sömdu þennan bænalestur. Þar koma auðvitað helst til greina fröken Snædal og Halla framkvæmdastjóri hennar. Hinsvegar er næsta ótrúlegt, að undanrennugemlingarnir sem skrifuðu undir hafi getað klórað sig fram úr skáldskapnum frá upphafi til enda, enda þarf til þess sæmilegri lestrarkunnáttu en kyndugar salekskjóður eru þekktar fyrir. Það stefnir því allt í glens og gaman á alþýðusambandsþinginu sem hefst eftir helgi, sem nær hámarki þegar hinu undirförula og öfgafulla Saleksgengi verður í heilu lagi í ruslatunnuna.

Ólöf vill verða forseti ASÍ

Vinkonurnar Drífa Snædal, Katrín Jakobs og Halla Gunnarsdóttir

Ómerkilegt hundsspott Halla Gunnarsdóttir, sem Katrín Jakobsdóttir sendi Drífu vinkonu sinni á kontór ASÍ til að berjast gegn verkalýðssinnunum í alþýðusambandinu og fyrir Salek svikamyllunni. Við munum sum eftir því þegar efrimillistéttarfémínístinn, Drífa Snædal, lét að því liggja að hún væri hætt í VG af því hún þóktist ekki vilja éta skít með þeim flokki meðan hann væri í ríkisstjórn með Sjálfstæðisflokknum. Auðvitað fór fröken Snædal aldrei úr VG og hélt ótrauð áfram í fæði hjá Katrínu vinkonu sinni, að minnsta kosti hafa aldrei sést nein sönnunargögn um að Drífa hafi í raun yfirgefið VG. En svo fékk hún Höllu vinkonu sína hjá Katrínu Jakkó vinkonu sinni og réði hana sem framkvæmdastjóra ASÍ án auglýsingar! Mikið fjandi eru þessar vinkonur lágkúrulegar og óheiðarlegar í alla staði. Ojbara. Og nú stendur upp á hinn hámenntaða efrimillistéttarfémínísta og skoðanaleysingja í forsætisráðuneytinu, fyrrnefnda Katrínu Jakkó, að koma vinkonum sínum, Drífu og Höllu, til hjálpar eftir að þær sturtuðu sjálfum sér niður hjá ASÍ og finna þeim vel launuð jobb. Vér bíðum öll spennt eftir því hvar þessar óþrifatuðrur birtast næst á framagosa- og spillingarferðalagi þeirra eftir að róttæk alþýðan gef þeim verðskuldað spark í rassgatið.

En gefum næst Sólveigu Önnu Jónsdóttur orðið, en hún hefur allnokkra reynslu orðið af  vinkonunum sem hér hefir verið á minnst:

,,Halla segist ekki skilja umræðuna um endurvakningu Salek. Það er stórundarlegt ef rétt er. Halla ætti framar flestum að þekkja þá einbeittu vinnu sem að fór í gang hjá forsætisráðuneytinu með mikilli aðkomu ASÍ undir stjórn Drífu Snædal í því að útbúa svokallaða Grænbók um kjarasamninga og vinnumarkaðsmál (undirbúningsvinna við að innleiða Salek-kerfið, undir öðru nafni). Halla var pólitískur ráðgjafi og nánasti samstarfsmaður forseta ASÍ. Hún útbjó t.d. með forsetanum gagna-pakka til að senda Grænbókar-nefndinni en sá pakki innihélt að mestu skjöl og gögn frá tíð Gylfa Arnbjörnssonar, algjörlega eins og þau komu af kúnni. Þótti Höllu þetta fullsæmandi pólitískt innlegg frá forystu ASÍ, og þetta hefði verið sent nema fyrir andstöðu mína og Ragnars Þórs, formanns VR (um þetta má lesa í grein minni Með Salek á sjálfstýringu: Kreppa íslensku verkalýðshreyfingarinnar II).

Halla segir að innan ASÍ séu stofnanir þar sem að takast eigi á um málefni. Hún telur upp þing ASÍ, miðstjórn, formannafundi og málefnanefndir. Þetta er rétt hjá Höllu og á nákvæmlega þessum vettvöngum hef ég ítrekað komið skoðunum mínum á framfæri, krafist svara um ýmis mál, lagt fram gögn máli mínu til stuðnings o.s.frv. Ég hef að öllu leiti virt lýðræðislega vettvanga ASÍ en það sama er ekki hægt að segja um nánasta stuðningsfólk Drífu Snædal; þau hafa haldið leynifundi, og svo auðvitað fyrst og fremst ástundað kviksögur og rógburð í auðvirðilegum tilraunum sínum til að grafa undan málflutningi mínum, og annarra sem að þeim eru ekki þóknanlegir. Jafnvel gengið svo langt að útbúa sérstaka kvenna-póstlista þar sem að starfsfólk ASÍ, forseti og aðrir sem að starfa innan vébanda ASÍ hafa komið saman til að ræða persónu mína og hvernig hægt sé að beita sér í baráttunni gegn forystu minni í Eflingu.

Eitt af fyrstu verkum Höllu Gunnarsdóttur sem framkvæmdastjóra ASÍ var að útbúa sérstakan sérfræðingahóp heildasamtaka launafólks. Hún gerði sjálfa sig að yfir-sérfræðing sérfræðingahópsins. Um það var engin umræða á lýðræðislegum vettvöngum ASÍ. Hún bauð svo til starfa með sér í hópnum hinum og þessum sérfræðingum (frá BSRB, BHM, VR, ásamt öðrum) en gætti þess að bjóða fulltrúa frá Eflingu ekki þátttöku í starfi hópsins. Það var ekki fyrr en ég gerði alvarlegar athugasemdir við það að Efling, stærsta félag verka og láglaunafólks á landinu, væri sniðgengið (á fundi þar sem að framkvæmdastjóri ASÍ skammaði mig fullum hálsi fyrir að dirfast að hafa skoðun, ekki í fyrsta og ekki í síðasta skipti) að forseti ASÍ bauð fulltrúa Eflingar þátttöku í hópnum".

„Mig langar ekki með barnið mitt þarna inn“

Hr. M. Oz er einkennilega illa ættaður og líkur Gottfreði lækni

Fyrir þá sem eru fáfróðir og ekkert vita, þá er frambjóðandinn og vísindamaðurinn Mehmet Oz sonur Galdrakarlsins í Oz og hefir hann því ekki langt að sækja það að vera brögðóttur. En að karlfjandinn sé sadisti og dýraníðingur kemur á óvart, þar eð faðir hans hefir orð á sér að vera vænn viðskepnur; trúlega hefir Mehmet frambjóðandi þessa ónáttúru úr móðurætt sinni, en kona Galdrakarlsins í Oz er sem kunnugt ef af viðsjárverðri og illa þokkaðri nornaætt; kerlingin er með rauð augu, að hætti nornaættbálksins. Því er svo við að bæta að frægasta formóðir Mehmets var nornin sem afvegaleiddi systkinin Hans og Grétu og ætlaði að matreiða þau sér til gottgjörelsis.

Svo kemur fram að Mehmet Oz er repúblíkani, svona eins og næsti formaður Samfylkingarinnar og Dagur borgmeistari í Reykjavík. Já, og Gottfreð Gottfreðsson læknir. Sömuleiðis, eins og Mehmet, er Gottfreð mikill vísindamaður og hefir meðal annars fundið framsóknarvírusinn í fólk, sem og mótefni gegn þeim hættulega vírusi. Þá greindi Gottfreð læknir fyrstur manna krataeðlið eftir ströngustu reglum vísindanna og var tilnefndur til Nóbelsverðlauna fyrir. Nú, Gottfreð gerði skemmtilegar tilraunir, og gerir enn, með uppgötvanir sínar, til dæmis dældi hann framsóknarvírusum í eiturgrænni upplausn í píratadreng. Það fór illa, píratasveinninn var brjálaður og eftir að hafa engst sundur og saman í tvo sólarhringa samfleytt spýttist höfuðið af honum eins og tappi úr kampavínsbokku. Einnig sprautaði hann fáeina krataeðlisdrauga með nefndum framsóknarvírusum, en það hafði þau áhrif á kratana að þeir urðu ennþá lýgnari og vitlausari en þeir voru fyrir, og var víst ekki á þau ósköp bætandi, að sögn kunnugra manna.

Svo munum við öll þegar Gottfreð læknir var kallaður til Máríu Borgargagns þegar hún hélt heilu hverfi vakandi með ævintýralega trylltum lostaveinum og klámfengnum upphrópunum. Gottfreð var ekkert að tvítóla neitt við læknisaðgerðir sínar að þessu sinni, heldu vóð inn til Borgargagnsins og sprautaði hana með ókenndum vökva eins og villta antílópu í nárann og fleygði henni svo nakinni í baðkarið og fyllti það af jökulköldu vatni. Það er sagt að Máría Borgargagn hafi hugsað sig tvisvar um þegar hún fékk tækifæri til að hrína upp yfir sig af frygð.

Frambjóðandi repúblikana sakaður um dýraníð