Gölle spreðar og spreðar, en hann skellti líka kaldastríðsbola og hvítvínspinséssunni

Gölle a. Þórðarson atvinnusjálfstæðisflokksmaður er helvíti harður þegar kemur að prófkjörum og allri þeirri sýndarmennsku og glansskitu sem þeim ósóma fylgir. Og Gölle er svo mikill maður að honum munar ekki um að spreða út mörgum millionum krona í prófkjörsgaldur, árslaunum tveggja, þriggja, fjögurra verkamanna með yfirvinnu og öllu saman. Já, hann hefir víst pénííínga eins og skít og glottir við tönnur sínar þá hann kastar skít í alþýðu manna og sleikir sig upp við þá sem veita honum auðvaldsstyrki. Um raunverulega poletik Gölle veit enginn maður, annað en það að hann heldur með Sjálfstæðisflokknum eins og dáleidd afsláttarhæna.

Fyrst munum við eftir Gölle á ungdómsaldri, þá hreif hann einfaldar sálir með því að iða allur af kæti og hoppa á öðrum fæti og smæla eins og fretrófa framan í gamlar kerlíngar. Nokkru síðar var hann kominn í borgarstjórn Reykjavíkur, þar sem hann varð frægastur fyrir að kvaka í sífellu: ,,lína net, lína net". En eins og áður sagði, þá veit enginn neitt um poletik Gölle a. Þórðarsonar, sumir segja að hún sé nákvæmlega engin, en aðrir segja að hún sé enn minni en það. Þó hefir hann skellt stærri nautum og íhaldsgránum en nokkur veit í sínum innantómu innanflokksslagsmálum og vindmyllubardögum.

Gölle hefir löngum haft storminn í fangið og barist við óvættir og illa anda. Hann skellti Engeyjardjásninu, Birnibjarna, svo hann hrökk í þúsundir mola, enda glumdi vel í þegar hinn mergjaði kaldastríðsfrömuður skall flatur í gaddfreðinn völlinn. Ennþá veit aunginn hvernig Gölli fór að þessu og sennilega verður aldrei upplýst neitt er hönd á festir um þetta hryllilega slys. Í vetur leið siguðu Engeyingar dulitilli hvítvínsprinséssu með lokkana ljósa á Gölle í prófkjöri og hugðust nú sprengja þessa loftblöðru í eitt skipti fyrir öll. En þessi áform runnu út í sandinn; Gölle spreðaði bara á tólftu million á prófkjörslýðinn og vann glæsilega. Síðan hefir hvítvínsprinséssan verið sárþjáð í annarri mjöðminni og haltrað um eins og þrífættur gamalhrútur.
Þegar Gölle í gogginn slær,
þá gólar hver einasta kérlíngin ær, -
og þegar hann treður þeim öllum um tær,
taglið upp lyftist og einhver það fær.

Framboð Guðlaugs kostaði 11,1 milljón

Og brátt étur hjörðin þá Gúnda og Glám og Glúmur svo fylgir þeim með

Hvort hljómar betur, svona áróðurslega og ímyndarlega fyrir kosningar, að tala um ,,Gúnda og Glúm", eða ,,Gúnda og Glám"? Falleg kosningaauglýsing um þá feðga gæti sem best verið á þessa leið: ,,Öll þjóðin elskar þá Gúnda og Glám og Gunnar á Enda og hundinn hans Sám". En ,,Gunnar á Enda" er að sjálfsögðu í þessu tilfelli Gunnar á Hlíðarenda, en hann átti hundinn Sám, sem morðingjar Gunnars myrtu á undan Gunnari sjálfum. Svo er loks komið upp úr dúrnum, að Gunnar á Hlíðarenda var skú ingen islandsmann, heldur írskur þræll, sem hafði lúmska unun af að reka montna Norsara í gegn með atgeiri sínum hljómfögrum.

En svo afur sé vikið að Gúnda og Glúmi, þá eru þeir skemmtanavandir í betra lagi og þeim géðjast ekki að ruddafengnum pólverjabröndurum, sem ekki er von. Nú hafa þeir líka gjört sér lítið fyrir og fordæmt gamanmál frambjóðanda Fokks Fólsins í Norðvesturkjördæmi. Ekki veit ég, fremur en aðrir íbúar Norðvesturkjördæmis, hver þessi svokallaði Eyjólfur oddviti Fokks Fólsins er, en mér segir þó svo hugur um, að þar fari lítill sæmdarmaður. Enda höfum vér Vestlendingar ekki haft spurnir af öðru eins fúlmenni í vorum landsfjórðungi síðan Frans Mongóli sté á land í Ólafsvík fyrir hart nær eitthundrað og tuttugu árum og fór um Snæfellsnes með fáheyrðum ójöfnuði.

Loks er ekki úr vegi að geta þess að þeir gárungar, Gúndi og Glúmur, eru náfrændur Jón Gláms gítarleikara, sem var upp á sitt besta á síðasta þriðjungi síðustu aldar. Jón Glámur gítarleikari ærði fjölda manns með gígjuslætti sínum, uns dómur féll í Hæstarétti þess efnis, að Jóni Glámi gítarleikara væri með öllu óheimilt að halda hljóðfæri af nokkru tagi í eigu sinni. Og heyrðist til hans halda hljómleik í heyranda viðurvist varðaði það lífstíðarfangelsi fyrir hann. Þá dómur hafði fallið yfir Jóni Glámi hélt hann með leynd til norðurhéraða Indlands og síðar til Bangladesh og lék þar listir sínar á gítarinn og féllu margir nærstaddir í dá, en aðrir gengu af göflunum, gjörðust Talíbanar eða efldust svo af frjósemisdýrkun að til vandræða horfði. Var Jón Glámur gítarleikari brottrækur ger úr þessum löndum og hefir hann síðan verið hataður þar um slóðir.     

Glúmur og Guðmundur fordæma brandarann

Örlög manns sem hrækti í andlit Hálfdáns Varðstjóra

Fyrir einum fimm eða sex árum gjörðist það, að maður nokkur hafði samband við Hálfdán Varðstjóra og sagði sínar farir ekki sléttar. Þannig háttaði  til, að maður þessi hafði komið að eiginkonu sinni í örmum annars manns og vildi nú fá Hálfdán Varðstjóra til að halda uppi réttlæti fyrir sig. Hálfdán mætti á svæðið og komst fljótt að raun um hverskyns var. Maðurinn, sem setti sig í samband við Varðstjórann, hafi lokað konu sína og friðil hennar inni í hjónaherberginu, sem staðsett er á fimmtu hæð, þannig að útilokað var fyrir friðilinn að flýja út um gluggann, því það hefði orðið hans bani.

Er nú ekki að orðlengja, að Hálfdán Varðstjóri rífur upp dyrnar hjónaherbergis mannsins og blasir þá við heldur óhugguleg sjón: Þar lá eiginkonan í rúminu á klámfenginn hátt og hafði ekki einusinni borið við að fara í nærbuxur, en við hlið henni Kolbeinn Kolbeinsson skrifstofustjóri og framsóknarmaður, ofurölvi með tillann eins og bandprjón út í loftið. Það var ekki örgrunnt um að uppstilling hinna bersyndugu í hjónarúminu konunnar hleypti illu blóði í Hálfdán Varðstjóra, því hann rak upp ógurlegt öskur um leið og hann stökk á hjúin í bælinu. Eiginmaður konunnar ætlaði að trítla á eftir Varðstjóranum inn í herbergið, en Hálfdán stökk upp og skellti á nefið á karlinum og læsti að sér með Kolbeini og hórkonunni. Þegar herbergisdyrnar upp lukust á nýjan leik, gjörði sá kokkálaði manngarmur sér lítið fyrir og hrækti framan í Hálfdán Varðstjóra, en það hefði hann átt að láta eiga sig.

Svo kallaði Hálfdán í lögreglumenn sína, sem biðu úti í lögregluvagninum, og bauð þeim að járna eiginmanninn og konu hans ásamt Kolbeini Kolbeinssyni framsóknarmanni og bera þau í vagninn. Það er í minnum haft, hvað brotafólkið öskraði mikið og blótaði meðan lögregluprjónarnir voru að halda á þeim út í bíl. En á stöðinni varð mikið um dýrðir þegar búið var að koma fólkinu í yfirheyrsluklefann Hálfdáns Varðstjóra. Og áður en Hálfdán vóð inn í klefann, á bláröndóttri sundskýlu einni klæða, hafði hann skotið á sig stinnum hálfslítra ákavítis, sem hann á ætíð í handraðanum til að nota við krefjandi yfirheyrslur. Eftir á var Kolbeinn, eiginmaður frú Ingveldar, skrifstofustjóri og framsóknarmaður mállaus í þrjár vikur, svo nærri gekk Hálfdán Varðstjóri honum til að fá hann til að meðganga. En maðurinn, sem olli öllum látunum með því að hringja í Varðstjórann og klaga konu sína fyrir hórlifnað og hafði auk þess hrækt í andlit Hálfdáns, var dæmdur í átta ára fangelsi fyrir svívirðilega framkomu við valdstjórnina og lausmælgi varðandi einkamál Kolbeins Kolbeinssonar og konu þeirrar, sem var í þessum tímapunkti eiginkona hinnar hrækjandi klöguskjóðu.   

Hrækti á lögreglu

Að hann reisi skálkum skjól er viðbjóðslegur rógburður

Hvurnig í ósköpunum gat það flögrað að Persónuvernd að leggjast svo lágt að rógbera þann Drotins krossbera, Kristján Júlíusson sjávar- og landbúnaðarráðherra? Þetta athæfi Persónuverndar er eitthvað svo andstyggilega pervisalegt og fáu er við að jafna. Ráðherrann Kristján Mór Júlíusson er kunnur af frómu og viðkunnanlegu hugarfari, hann er kirkjurækinn og hefir dálæti á síra Hallgrími sáluga Péturssyni; einnig er hann frægur samherji þeirra sem eiga um sárt að binda og sannur vinur ísfirskra útgerða.

En Persónuvernd er ill og óvönd að virðingu sinni og veitist að ráðherranum Kristjáni Mó, bara af því hann er samherji samherja sinna og hefir reynt sitt til að varna því að öfundsjúkir aumingjar og hnýsnar forvitnisbeljur komist með óhreinar klaufirnar í einkamál samherja ráðherrans. Svona er nú Kristján Mór heiðarligur og vænn. Að Kristján, þessi heiðvirði seggur, sé í því reisa skálkum skjól yfir græðgi og aðrar ódyggðir vafasamra manna, er satt að segja fáheyrð lýgi; þessháttar fjanda mundi Kristján mór aldregi gjöra, ekki einusinni þókt klípa ætti hann með glóandi töngum vítt og breitt um líkamann.

Frú Ingveldur hefir verið Kristjáni Mó betri en aungin, stappað í hann stálinu og tekið í lurginn á vissum persónum, sem hafa viljað honum íllt með rógburði og öðrum miður góðum tiltektum í hans garð. Einn rógberan heimsókti frú Ingveldur sjálf og veitti honum verðuga ráðningu; það vesalmenni fannst froðufellandi í hnipri á gólfinu heima hjá sér, sturlaður af hræðslu. Hann hefir aldrei náð sér og hefir verið geymdur í einsmannsklefa síðan. Nú gjöra menn sér góðar vonir um að frú Ingveldur fari á fund Persónuverndar og handfjatli hana þannig, að hún steinhætti að rógbera Kristján ráðherra. 

Sakar Persónuvernd um rógburð

Nú er leitað að hálshoggnu fólki

Ekki veit ég hvaða frambjóðandi, né hverjum flokki hann heyrir til, þessi náungi sem vafraði um höfuðborgina í morgun með blóðugt lagjárn í lúkunum. Þetta var víst ekki venjulegur hnífur sem karlinn otaði framan í samborgara sína, heldur var um að ræða flugbeitta sveðju, sem alla jafna er ekki brúkuð til annarra hluta en að hausa þorskfiska. En er ekki vitað hvaðan blóðtaumarnir eru, sem láku af sveðjunni og sveðjumanninum, en leit að afhausuðu fólki stendur yfir og er mikill viðbúnaður í höfuðvígstöðvum lögreglunnar og ríxlögreglustjórinn kominn á vettvang í fullum skrúða.

Það var Hálfdán Varðstjóri sem gekk á hólm við blóðugan varginn, snöri hann niður, afvopnaði og tók hann undir hendina eins og hvolp og tróð honum inn í lögregluvagninn, þar sem kauði var umsvifalaust lagður í járn. Þá Hálfdán hafði yfirheyrt fangann á lögreglustöðinni setti hann manngarminn í gamla gapastokkinn frammi á stigapalli framan við varðstofuna og bauð lögregluprjónunum að hreyta ónotum í hann.

Eftir hádegi fór fjölmenn sveit lögreglumanna, ásamt Hálfdáni Varðstjóra, að leita myrtra manna, hálshogginna, og fóru hús úr húsi. Niður á Granda fundu þeir þrjá hauslausa máva, en í hænsnakofa að húsabaki vestur í bæ, lágu níu varphænur, sem greinilega höfðu mátt sæta því hafa verið gerðar höfðinu styttri. Já. Húsráðendur, illilegt fólk og geðstirt, spurðu Hálfdán Varðstjóra hvern fjandann honum kæmi hænsnin þeirra við og hvaða hann varðaði um hvort púturnar væru með hausinn á eða ekki. Nú, Hálfdán snöggreiddist ókurteisi hjónanna og hófst þegar handa við að berja þau þarna í anddyrinu. Nú sitja þau í fangaklefanum, hágrátandi, og sleikja sár sín. 

Blóðugur maður með hníf í miðbænum

Ég gef líka kost á mér til ritarastarfsins, enda hefi ég allt það sem til þarf

Því miður hafði alveg farir fram hjá mér að sá eðla stjórnmálaflokkur, VG, væri með landsfund um þessa helgi. Það var ekki fyrr en ég sá fréttina um að tvær vellagaðar heiðursjómfrúr ætli að bjóða sig fram til ritara á fundinum, að ég rankaði við mér og sá strax að hér var komið kærkomið tækifæri upp í höndurnar á mér, að láta að mér kveða á uppbyggilegan hátt. Ég ákvað því þegar í stað að gefa kost á mér líka til ritara VG, enda er ég kostum hlaðinn til að takast á við slíkt starf.

Kostir mínir eru þeir helstir, að ég er þokkalegur í að rita íslenskt mál, en það er auðvitað frumskilyrði þegar ritari stjórnmálaflokks er ráðinn. Ótvíræðri ritarahæfni minni til viðbótar, er ég ágætlega jaðarsettur og raungerður minnihlutamaður með afbrigðum. Ég er sextíu og sjö ára og heyri því orðið öldungum til, en þeir eru jaðarhópur; einnig er ég handónýtur í skrokknum, hreinn öskuhaugamatur, og kolvitlaus í hausnum, það þýðir að minnsta kosti tveir jaðarhópar; þá er ég, með guðsblessun, þorstaheftur og vitanáttúrulaus og passa því vel inn í flokk umhverfissinna og náttúruhugsuða. Síðast en ekki síst, þá er ég karlamaður, en soleiðis menn eru útskúfaður jaðarhópur vegna þeirrar svörtu ónáttúru sem þeir eru haldnir; það jaðrar jafnvel við lög að ráða þessi kvikindi í vinnu eða fá þeim sæti á poletiskum framboðslistum. Þetta lítur allt mjög vel út hjá mér varðandi ritarastarfið, ég uppfylli öll skilyrði og hlakka ákaflega til að hefja skriftir hjá VG.

Fyrir skömmu frétti ég að Stenngrimur nokkur Johoð væri hættur á þingi, honum hefði verið mismunað út úr húsum hjá VG og lýstur óalandi og óferjandi innan flokks og utan og þar með bannfærður. Einnig var mér gert kunnugt, að mikill hrumleiki herjaði á Flokkseigendafélagið og væru meðlimir þess langflestir á leið inn á hjúkrunarheimili, þ.e. ef eitthvert þessháttar heimili vill taka við þeim. Hann Hjálmar heitinn frá Bólu tók út sína hjúkrunarheimilisvist í fjárhúsi fyrir norðan land og andaðist þar í hrútastíunni. Flokkseigandafélag VG þarf varla skárri traktéringar í ellinni en Hjálmar og mörg fjárhús standa ónotuð og tóm út um sveitir landsins. Allt þetta, brottrekstur Stenngrims og nær því útafdautt Flokkseigendafélag, gefur fögur fyrirheit um, að nú geti Eyjólfur farið að hressast svo um munar og Vinstri grænir verði loks endurheimtir eftir langa og skammarlega vist í tröllahöndum. 

Tvær vilja verða ritari VG

Báðir eru þeir vellandi lýðskrumsflokkar og vel mannaðir af hálfvitlausu fólki

Ekki er á klausturábótann Sigmund Davíð logið, að hann á sér fáa jafningja í vitleysunni. Karlgreyið er einhverskonar klunnaleg útgáfa af bleyjubarni með gullskít í munninum og ruglaðir miðaldavofu. Þá er stráktuskan öndvegis lýðskrumari og jafningi Gunnarssmára í þeim efnum. Sennilega færi best á að Sigmundur og Smárarörið mundu sameina Miðfótungaflokkinn og Ekkisósíalistaflokkinn, því þessi tvö apparöt eiga sitt hvað sameiginlegt, því fyrir utan lýðskrumið eru þessi tvö flokksbrot þéttskipuð hálfvitlausu fólki; til dæmis er til þess tekið að drottning Miðfótunga og príórína, frú Vigdíshauks, og Gunnarsmári nota bæði sama póletiska tungumálið, þ.e. öskra og æpa að fólki og saka það um allra handa spillingu og lúmska stórglæpi, og skiptir þá litlu þótt aungin innistæða sé fyrir stóryrðunum og hávaðanum.

Og ekki er nóg með að Miðfótungar og Gunnarssmáraklíkan vel mönnuð af hálfvitlausu fólki, því þarna gefur að líta lukkuriddara og poletiska loddara í tonnavís, allt frá herra Þ. Saarý til Beggós í skrokknum. Ja, þetta eru nú ekki flokkar á flæðiskeri; báðir vellandi lýðskrumsflokkar, annar undir sauðargæru nýuppfundins sosialisma Gunnarssmara, hinn eins og skrímsli, monster, með hálsbindi og pípuhatt. Vel mætti og bæta Pírataskektinu við miðfótungssosialismus Sigmundar og Gonnsósmára til að úr mundi verða fyrirmyndar vitfirringasamkoma.

Það sem af er ágústmánuði hefir frú Ingveldur kvalist af innanmeini eftir að hafa drukkið volkablöndu við þorsta, en Kolbeinn maður hennar hafði áður laumað arseniki í volkann, því hann var staðráðinn í að koma eiginkonu sinni fyrir kattarnef,taka hana af lífi og myrða. Vissulega varð frú Ingveldur fárveik af eitrinu og spjó gríðarlega. Samt varð hún ekki svo máttfarin að hún gæti ekki veitt Kolbeini verðskuldaða ráðningu; hann liggur nú eins og hlandauli, mjög reifaður með súrefnisgrímu og ranghvolfandi augunum á Landspítalanum og syngur stanslaus milli þess sem hann gerir í rúmið af einskærri bölvun og mannvonsku. Þessar hörmulegu hrakfarir þeirra hjóna koma afskaplega illa niður á kosningaundirbúningi Sjálfstæðisflokksins og Framsóknar. Frú Ingveldur hafði áætlað að blása kröftugum lífsanda í nasir Íhaldskérlínga og láta þær vaða eins og vitstola um víðan völl að boða arðræningjaguðspjallið. Nú er fram komið að ekkert verður úr þeim áformum og Íhaldskérlíngarnar munu sitja fram yfir kosningar með skuplur á höfði og hnussa ofan í gaupnir sér. Kolbeinn hefir um árabil stjórnað öllu sem orð er á gerandi, fyrir hönd gömlu geggjuðu Maddömunnar, á bak við tjöldin í Framsóknarfjósinu. Eins og gefur að skilja verður lítið um stjórn á kosningabaráttu húskarla og griðkvenna Maddömunnar að þessu sinni, því Kolbeinn ætlar ekki að láta sér batna fyrr en af kosningum afstöðnum.    

Vill skila afgangi úr ríkissjóði til almennings

Af Tjónvaldi Þorn, bersyndugu konunni og síra Baldvini

Tjónvaldur er sem kunnugt er eiginnafn, náskylt nafninu Þorvaldur og beygist eins. Til að mynda stóð til að skíra hægriruddann og sjónhverfingaloddarann Þorvald Gylfaþornsson Gíslason upp af gefnu tilefni og láta hann heita einfaldlega eftirleiðis Tjónvald Þornson. Því miður var aunginn til þess bær maður fáanlegur til að framkvæma uppskýringuna og varð því ekkert af henni að sinni.

En mikið var það Tjónvaldi líkt að gera tvívegis á sama degi aðsúg að einni og sömu bifreiðinni. Svona framkoma flokkast vissulega undir þráhyggju af heldur óhrjálegri tegund og getur orðið hættuleg öðru fólki. Í ofanálag hafa svo nokkrir frambjóðendur stjórnmálaflokkanna gjörst berir að gripdeildum og óspektum upp á síðkastið og einn þeirra var næstum búinn að drepa mann af einskærri vangá þegar hann var að gæsaveiðum upp til sveita. En áður en frambjóðandanum tókst að fremja morð féll hann sjálfur fyrir byssu eins bóndans í sveitinni, sem séð hafði til frambjóðandans og þókt fas hans og tilburðir aumkunarverðir.

Og í morgun, árla mjök, sáu árrisulir menn í sókn síra Baldvins hvar mannvera hékk niður úr trjágrein með bandspotta um hálsinn. Fyrstu viðbrögð voru á þá leið að talið var víst að veslingurinn svorni hefði hengt sig. Svo fóru að renna tvær grímur á þá er að komu, því ýmis konar verksummerki bentu til að hér hefði aftaka farið fram. Hið hangandi hold hafði í lifanda lífi verið kona bersyndug, drykkfelld og nærbuxnalaus með afbrigðum. Síra Baldvin hafði hafði margsinnis aðvarað hana og nú síðast bannfært konugarminn. En konan lét ekki segjast og hélt áfram ósiðlegu líferni. Lík hennar var tekið niður og grafið utangarðs án yfirsöngs og blessunarorða. Síra Baldvin lét sig þó ekki vanta við hina smánarlegu greftrun konunnar, því hann mætti hempuklæddur á staðinn og fól Sathani sál konunnar með þeim fyrirmælum, að svona kerlu ætti að pína við brennistein og gaddavír frá eilífð til eilífðar. Já, vinir mínir, svona fer fyrir ósiðlegu, lostafullu brókarsóttarfólki í prófastdæmi síra Baldvins. 

Tvisvar keyrt á sömu bifreið

Alræmdir skólamyglufjandar, sí-löðrandi í krataeðlisfeiti, vilja Fossvogsskóla feigan

Er virkilega til sá öfuguggi sem hefur géð í sér að taka Holu-Hjall eða Daginn í bólinu? Væti ekki skömminni skárra fyrir hann að taka þá í einhverjum drullupollinum í miðbænum? Ég hefði haldið það. Svo flækti djöfsi sig í lakinu með Hjalli og Deginum! Ljóti bévítis vibbinn þetta.Og nú eru þessir þokkapiltar, sí-löðrandi til margra ára í krataeðlisfeiti, orðnir alræmdir skólaeyðingargarpar og skólamyglufjandar. Af hverju rífa borgarbúar þessa ólánsgripi ekki upp á rassinum og mismuna þeim út í Reykjavíkurtjörn?

Eftir langvarandi fúsk kynlegra krataeðliskvista lítur Reykjavíkurborg út eins og holdsveikur og vanskapaður fáráðlingur. Hvort henni auðnast að ná heilsu aftur er öldungis óvíst og raunar svo ólíklegt að fyrr mun allt frjósa fast í Helvíti en Reykjavík braggist eftir aðför krataeðlisins að henni. Og hvað gjörir Sathan þá, ef frostbylur fer að næða um ríki hans svo að frýs í kömrum og krönum Helvítis? Það er ekki gott að segja.

Síðustu fréttir úr Fossvogsskóla herma að nú séu Hjallur og Dagurinn farnir að senda griðkonur sínar, þær Líf og Lukkunnar úr Viðreisn og Píróflokknum, daglega í Fossvogsskólann til að sækja myglu, sem þeir síðan hræra saman við smurost þar til hann verður dökkgrænn mygluostur. Þennan ost étur svo ráðhúsklíkan með rauðvíni og rommi. En á meðan Fossvogskólinn grotnar niður af myglu, fúa og hlandfýlu verða börnin að standa langar vetrarnætur úti í veðri og vindum eins og útigangsfolöld, og bíða þess að Dögum Víns og Rósa linni í ráðhúsinu og krataeðlisslepjan hverfi í niðurföllin og teppi þau ...  

Segir borgina enn flækta í lakinu

Bölvað Íhaldið hefir og líka komið sér upp eðjótabælum úti í bæ

Hvað ætli þessi Áslaug Arna sé að gera í poletik? Ekki er hún lærð í sóttvörnum og heilbrigðri skynsemi svo mikið er víst. Og aldrei höfum vér heyrt hana segja segja orð af viti um nokkurn skapaðan hlut; Áslaug Arna er sem sé, með öðrum orðum, á andlegu pari við ráðherratelpuna með langa nafnið og Bjarnaben. Æjijá, það er hálfgerð hörmung að verða andlegur öreigi með belginn fullan af humri og hvítvíni.

Nú, í tilefni kosninganna, er Sjálfstæðisflokkurinn kominn með nýtt hliðarsjálf, þar sem er afkvæmi hans, þ.e. sótsvarta krataeðlisslepjan hans Gunnarssmára. Þessi Gunnarssmáraframkvæmd er fullkomin hliðstæða við Miðflokkinn í afkáralegheitum og vitfirringshætti. Það er voða sniðugt hjá bölvuðu Íhaldinu að koma sér upp eðjótasetrum úti í bæ til að sýna kjósendum fram á að til séu vitlausari endemi fingralangar íhaldssálir.

En því miður fyrir Sjálfstæðisflokkinn, þá fer óþokki kjósenda vaxandi á honum vegna ásóknar og þráhyggju talsmanna hans í að fá að hleypa lífshættulegum drepsóttarfaraldri, kóvíð nítjánda, á landsmenn, að því er virðist í grisjunarskyni. Þetta gerir að verkum að hópar hálfvitlausra manna og enn vitlausari kvenna, svo sem eins og krataeðlissosíið Gunnarssmára, Miðfótungar af Klaustri og fáráðlingasamkoma Pírata fá heilmikið hrafl af atkvæðum, sem annars hefðu farið til höfuðstöðvanna í Valhöll. En það er allt í lagi, því Gunnarismára, Sigmund ábóta í Klaustrinu, og Píratagalskapinn, þyrstir mjög í að komast í hlýjan faðm Sjálfstæðisflokksins, jafnvel og þrátt fyrir einkennilega óhugnanlegan áhuga smátelpna og drengja Sjálfstæðisflokksins á að siga kóvíðnum, baneitruðum, á landsmenn.

Áslaug vill slaka verulega gagnvart sóttkví