Í Sánkti Pétursborg hefir einlægt verðið leiðindaveður

Bölvað ekkisins óáran er þetta á þeim þarna í Sánkti Pétursborg. Þetta minnir hálfparinn á þegar íhaldið á Vesturlöndum gerði Hitler og nasistapúnganan hans út til að drepa Rússa, en þó einkum og sér í lagi Jósef Kremlarbónda. Jú, nasistasægurinn drap fullt af Rússum, ekki vantaði neitt upp á það, en Jósef gamla náðu þeir ekki. Að lokum tóks kommúnistum Kremlarbóndans að snú taflinu við og reka þýskaraskrílinn eins og vankarollur til síns heima. Og daginn sem kommúnistar frá Sovét drógu rauða fánann að hún í Berlín, stakk Hitler af og hefir ekki sést síðan svo vitað sé með vissu. Reyndar þóttust þeir í Suður Amríku hafa rekist á karlinn, endrum og sinnum, í Argentínu og Paragvæ, og hafi hann þá verið orðinn barnakennari og kennt myndlist og þýsku.

Annars er Sánkti Pétursborg leiðindasamfélag; var sögusvið Glæps og refsingar eftir Dostojevskí og, ef ég man rétt sem ég man, þá voru íslenskir bruggarar þar á ferð fyrir allnokkrum árum að undirbúa Hrunið okkar góða 2008. Að vísu rofaði til þarna meðan borgin hét Leníngrad, en svo fór allt í sama farið og þessi hráslagalegi staður varð á nýjan leik vettvangur glæpa og refsinga, einkum þó glæpa.

Þegar frú Ingveldur og Kolbeinn eiginmaður hennar dvöldu um hríð í Sánkti Pétursborg höfðu þau fjóra lífverði um sig, sem fylgdu þeim hvert fótmál. Þetta voru afar þykkir rumar, ljótir og sérlega heimskir. Daginn sem frú Ingveldur og Kolbeinn reistu burt frá Sánkti Pétursborg fundust lífverðir þeirra, allir fjórir með tölu, steindauðir niðri í kjallara hotélsins er þau gistu að. Allir vóru þeir með kúlugat milli augnanna og skornir á háls eins og gert er við griðunga í sláturhúsum. Þar ofan í kaupið hafði einhver haft fyrir því að hífa tuddamennin fjögur upp í loft á afturlöppunum. Um kveldið vóru lík fjórmenninganna horfin úr kjallaranum eftir að menn á vegum Segeis Búskatofts kjötvinnslueigenda hafðu komið við á hotélinu. Síðan hefir ekki verið á þetta mál minnst, fyrr en nú.

Önnur sprengja á annarri stöð

Athugasemdir

[Aztec, 3.4.2017 kl. 17:32]

Það er ekki rétt, að enginn hafi lýst ábyrgð. ISIS, hryðjuverkahópurinn sem Hillary kom á laggirnar, hafa fagnað þessum verknaði sínum.

https://www.jihadwatch.org/2017/04/islamic-state-celebrates-st-petersburg-attack-a-metro-to-hell-for-the-worshipers-of-the-cross

Og fyrst þú ert að skrifa um nazisma, þá voru Múslímar helztu bandamenn nazistanna í seinni styrjöld. Islam og Nazismi ganga hönd í hönd, hvort tveggja er hugmyndafræði kúgunar.

En ég þykist vita, að Putin muni ekki sitja hjá eins og þessir huglausu leiðtogar Vesturlanda hafa gert. Það getur verið að það sé jafn mikil spilling í Rússlandi og er innan ESB, en ólíkt ESB hafa rússnesk yfirvöld ekkert umburðarlyndi gagnvart hinum óumburðarlyndu.

- Pétur D.