Gömlum sósíalista bent, - nýsósíalista kennt ...

Nú varð hinum gamla sósíalista, Kára Stefánssyni, örlítið á í messunni í dag, ef rétt er eftir honum haft, að hafi haldið því fram að SÁÁ sé einkarekið fyrirtæki. Ég hefi að vísu heyrt nautheimska frjálshyggjubósa halda þessu fram í sínu venjulega blekkingaati í þeim tilgangi að stela sér fjöðrum. SÁÁ er nefnilega ekki einkarekið fyrirtæki, ríkið greiðir verulegan hluta rekstursins, enginn arður er greiddur út til eigenda enda fyrirfinnast engir einkaeigendur og engir fjárfestar, ekki einusinni fagfjárfestar og kjölfestufjárfestar, geta keypt stofnunina, hvorki með froðupéníngum né aflandseyjaþýfi, því að SÁÁ er sjálfseignarstofnun, sem fyrir sína parta er mjög róttækt sósíalískt fyrirkomulag. En þetta skilja blásvartir frjálshyggjuaular eða íhaldsdólgar ekki, og ekki einusinni gamli sósíalistinn Kári og því síður undanrennusósíalistinn Katrín Jakobsdóttir.

Hitt skil ég vel að Kári verði reiður og noti ljótt orðbragð þegar honum verður hugsað til stjórnmála síðusta aldarfjórðunginn. Reyndar er óviðeigandi að tala um stjórnmál í þessu sambandi, því að leikurinn hefir gengið undantekningarlítið út á að býsna lítill hluti þjóðarinnar hrifsi til sín með öllum ráðum, löglegum sem ólöglegum, allt sem þeir geta af þjóðarauðnum af fullkominni siðblindu, siðvillu og siðferðiskrabba. Daglega eru við minnt á að við búum í þjófafélagi en ekki þjóðfélagi, óstjórnin og yfirgagnurinn vellur út um öll samskeyti eins úldinn fasismi frá fjórða tug síðustu aldar.

En allt að einu, þá get ég huggað gamla sósíalistann Kára Stefánsson, sem mér skilst að sé orðinn sósíalisti aftur eftir að hafa gengið í björg auðvaldsins um tíma, að sjálfeignarfyrirkomulag í rekstri er ágæta sósíalískur í eðli sínu og á ekki neitt skylt við einkarekstur eða annað ósiðlegt kapítalískt brask. Og það er varla hægt annað en að taka ofan fyrir manni sem er í senn gamall sósíalisti og ný-sósíalisti. Þá er annað og öllu lakara uppi á teningnum hjá gömlu íhaldshjössunum sem á síðustu dögum hafa gerst nýfrjálshyggjumenn, nýrasistar, nýfasistar og nýnasistar, það er ógeðfelldur drullupottur og samfélagseyðileggjandi.   

Dómgreindarleysi er stundum viðurkennt

Athugasemdir

[Aztec, 2.10.2017 kl. 20:13]

Jóhannes, vinsamlegast gerðu grein fyrir því hvaða íhaldshjassa þú ert að kalla rasista, fasista og nazista. Þetta eru hugtök sem gengdarlaust eru notuð af vinstrihjörðum hingað og þangað og í munni þeirra verða þessi hugtök merkingarlaus. T.d. eru meðlimir Antifa ótíndir fasistar, og múslímar, sem vinstrimenn vilja faðma og kyssa hlýða hugmyndafræði sem á meira skylt við nazisma en nokkuð annað. Í von um skjót svör, en mig grunar, að þú þurfir tíma til að hugsa þig um.

- Pétur D.

[Jóhannes Ragnarsson, 2.10.2017 kl. 20:28]

Ég þarf varla að hugsa mig um í langan tíma, æti ein sekúnda dugi mér ekki. Hinsvegar ætla ég ekki nefna nein nöfn.