Þeir vinirnir komnir í sóttkví og ekki að ástæðulausu

Ójá, það er tímabært að setja þá kompána, Halldór Benjamín og Ragnar Ingólfsson í sóttkví. Best væri að hafa þá í sóttkví til eilífðarnóns. H. Benjamín er náttúrlega illa upp alinn í auðvaldsfýsn og arðránsheilkennum og nú var búið að hnýta bindi á kauða og gera hann út til kjaftbrúks fyrir gráðugasta hluta atvinnurekenda og braskara á Íslandi. Hinn titturinn, Raggi Versló, er líka viðsjárverður fugl, sem virðist hafa í hyggju að reyna að breyta verkalýðshreyfingunni í stjórnmálaflokk til að koma honum sjálfum inn á þing. Það er ekki margt sem þeim tittunum dettur ekki í hug að þessum dögum uppskafningarinnar.

Það er auðvitað fróðlegt fyrir láglaunafólkið í VR að fá óvænt fréttir af því að trallinn þeirra, formenni VR, hafi verið að skíða sér í Austurríki með ekki minni manni er sjálfum hr. H. Benjamíni. Og nú hafa þeir vinirnir verið handteknir og þeim komið undir manna höndur í sóttkví, eins og mæðiveikihrútum í gamla daga. Í sóttkví geta menn lagt á ráðin saman í friði og gert hreinustu kraftaverk ef þeir eru nægjanlega upptendraðir. Það kæmi til dæmis ekki á óvart þótt þeir skíðifélagarnir hefðu bundið fastmælum, þegar þeim verður hleypt úr sóttkvínni, að H. Benjamín muni skipa fyrsta sæti á lista verkalýðshreyfingarinnar í Reykjavík suður á meðan Raggi Versló tæki að sér að leiða sambærilegan lista í Reykjavík norður.

Svo þegar þeir verða komnir í ríxstjórn og farnir að stunda skíðaskálana reglubundið í Austurríki og Týrólu og skemmtiferðaprammana í Karabíska, þá verður nú fyrst gaman að lifa fyrir tækifærissinnaða lukkutitti. Þá held ég vildi alveg eins gamla Íhaldið, Sjálfstæðisflokkinn frá 1965; það Íhald væri hugsa ég snöggtum skárra með Gunnsa Thór og Jóhanni Havstein en eitthvert Dögunar-núll og nix framboð á vegum VR og ASÍ með giljagaurum og labbakútum á borð við H. Benjamín og Ragga Versló. 

Halldór Benjamín og Ragnar Þór í sóttkví