Dekurdýr borgarastéttarinnar

Alla tíð hefur borgarastéttin, þá ekki síst hin Íslenska, haft sérlegt dálæti á ,,listamönnum" á borð við við alheimssöngvarann Garðar Hólm, sem heillaði meðal annars páfann í Róm og fleiri stórhöfðingja með dýrðarrómi sínum í sönglögum eins og ,,Austan kaldinn á oss blés" og ,,Kindur jarma í kofunum." Síðan Garðar Hólm andaðist á almenningsklósettinu í Reykjavík hefur hann endurfæðst hvað eftir annað. Nú síðast virðist þessi margdáni útrásarlistamaður hafa upprisið í Ólafi nokkrum Elíassyni, sem nú um stundir ber hróður Íslands hvað hæst í listinni á veraldarvísu.

Það fer ekki á milli mála að fíflagangurinn í Ólafi þessum nær innað innstu listrænu hjartarótum hinnar úrkynjuðu Íslensku borgarastéttar, afkomendum Gúðmúndsen sáluga hver mestur var góðgerðarmaður Garðars Hólm um hans hástemmdu daga.  

Fossar vígðir á fimmtudag

Athugasemdir

[Ingibjörg Friðriksdóttir, 21.6.2008 kl. 22:47]

Ertu Ólsari Jóhannes?

[Jóhannes Ragnarsson, 21.6.2008 kl. 23:09]

Auðvitað er ég Ólsari, en einkum þó og sérílagi Fróðhreppingur, en það skilja allir sem eitthvað þekkja til milli Búlandshöfða og Ólafsvíkurennis.

En hvað kemur það Garðari Hólm og hans aðdáendum við, að ég sé Fróðhreppingur og Ólsari, Ingibjörg?

[Ingibjörg Friðriksdóttir, 21.6.2008 kl. 23:41]

Kannski miklu og kannski litlu, ég er bara alltaf að spá í, úr hverju þú sért gerður. Járni, stáli, timbri eða bara gulli.

[Þórdís Bára Hannesdóttir, 22.6.2008 kl. 13:38]

ekki gulli, fjandakornið, einhver blanda vafalaust.

[Jóhannes Ragnarsson, 22.6.2008 kl. 23:10]

Ég sé mig knúin til, í ljósi athugasemda hér fyrir ofan, að hvorki er ég gull og gersemi né heldur járnbentur hrímþursi.