Heljarkvendið og óforskömmuðu undanrennuungarnir

Þeir hafa heldur betur verið í stuði helvískir undanrennuungarnir í stjórn Ungra vinstrigrænna þegar þeir voru að sóða saman lofgerðarkássunni um háttvirta frú Swandeesy Sendiherrans. Ef eitthvað er að marka frétt mbl.is af umræddri lofgerð, þá er ekki annað að sjá en hinir ungu vinstrigrænu séu að gera narr að frú Swandeesy með óduldu oflofi. Hvernig undanrennuungunum hefur komið til hugar að skensa umhverfisráherrann á svo ruddalegan hátt og raun ber vitni er flestum sem til þekkja hulin ráðgáta. Sumir eru að geta sér þess til, að undanrennukjúklingarnir hafi verið mjög ölvaðir þegar þeir settu hina megjuðu ályktun saman eða þá að þar fari hópur af götuskríl sem sé forhertur í alskonar skrípamennsku og afkáraskap. Það verður ekki annað séð en að formaður VG, sjálfur Steingrímur J., verði að skerast í leikinn og setja hina hvatvísu og óforskömmuðu stjórn Ungra vinstrigrænna af áður en dagur verður að kveldi kominn á morgun. Svona bölvuð dólgslæti ganga náttúrulega alls ekki.

Svandís Svavarsdóttir heljarmenni

Athugasemdir

[Ólafur Björn Ólafsson, 22.10.2009 kl. 22:57]

Hehehe...

Hafði gaman af því að rifja upp við lestur pistilsins hjá þér að það voru aðallega glasabörn sem voru í sjálfstæðisflokknum...

Glasabörnin eru/voru þau börn sem voru að komast á kostningaaldurinn og voru plötuð til fylgilags við sjálfstæðisflokkinn með fullum glösum af áfengum drykkjum...

Man ekki eftir að hafa séð svoleiðis hjá hinum flokkunum...

Kveðja

Kaldi

[Eyjólfur Jónsson, 23.10.2009 kl. 00:28]

Þú röflar. Vertu ins og kolkrabbinn á þínum bestu árum. Það voru daaaaagarvinur minnI

Wolfang

[Sigurður Sveinsson, 23.10.2009 kl. 06:56]

Steingrímur er alltaf að hækka brennivínið svo fleiri krónur komi í sparibauk ríkissjóðs. Ungliðarnir í flokknum fylgja foringjanum og verða að hella í sig sem aldrei fyrr. Þetta kemur þessari afarduglegu smáborgaradóttur vel. Segi ekki meira í bili því ég þarf að flýta mér í ríkið.