Kristilegar konur skulu ala börn sín í fjárhúsum um jólin.

Það er mín bjargföst skoðun, að konur sem þurfa að ala börn um jólin eigi að gera það í fjárhúsum, annað er ekki kristilegt. Þetta gerði Sigurveig Pálsdóttir í hitteðfyrra, enda er hún sannkristin kona; hún ól dreng í fjárhúsjötunni að Syðri-Betlivöllum, vafði hann að fæðingu lokinni inní reyfi af hrútnum Kolskegg. En Kolskeggur þessi stundaði um þær mundir ákaft kvennafar með rollunum í fjárhúsinu því fengitíminn stóð þá sem hæst þar í húsunum.

Það ætti ekki að þurfa að taka fram, að kristilegar fjárhúsfæðingar kvenna myndu spara hinu opinbera háar fjárhæðir og létta að sama skapi áalginu að ljósmæðrum og öðru fæðingastarfsfólki um hátíðarnar. 

Jólabörn á fæðingardeild

Athugasemdir

[Níels A. Ársælsson., 24.12.2009 kl. 10:39]

Vel mælt.

Haleljúla !

Kolskeggur er af sauðfjárætt Tálknakyns, er það ekki ?