Vatnsgreiddi jakkafatasteggurinn og OR

Auðvitað er fráleitt að Bjarni Ármannsson geti selt þennan svo kallaða hlut sinn í REI á einu verði eða öðru. Það sem Orkuveitan á absólút að gera í stöðunni, er að taka umræddan hlut af þessum vatnsgreidda jakkafatastegg því hann hefur ekkert, segi og skrifa: akkúrat ekkert við þennan hlut að gera, og leyfa honum að finna á eigin sarpi hvað græðgisbrask getur haft í för með sér. Óhætt er að fullyrða, að fólk er búið að fá nokkuð umfram nóg af umsvifum peningakrókódílanna, sem vaðið hafa um þjóðfélagið þvert og endilangt og gleypt í sig allt sem tönn á festir.   

Segja rangt að Bjarni geti selt hlut sinn í REI á sama verði

Bak við lás og slá

Ég veit ekki hvernig á því stendur, en alltaf þegar ég les fréttir um að mafíudólgar hafi verið handteknir, detta mér einlægt í hug stórkvótaeigandi sægreifar og nýríkir hlutabréfabraskarar. Ég sé meira að segja suma þessara karla fyrir mér, járnaða á höndum og fótum, veltast um á skítugu fangaklefagólfi. Og mikið verð ég glaður þann dag, sem þessir ónáttúrupésar verða komnir á bak við lás og slá, því þar eiga þeir svo sannrarlega heima.

11 félagar í mafíunni handteknir

Kominn heim frá Prag - Fréttatilkynning

Þá er ég, ásamt 32. manna sendinefnd, kominn heim frá Prag, eftir að hafa keypt ráðandi hlut í í hinni virtu samsteypu, Prostitution Energy Limited. Kaupin gengu hratt og vel fyrir sig eftir að valinkunir sómamenn höfðu sannreynt eignir og vörubirgðir fyrirtækisins. Áætlað er að Prostitution Energy Limited setji upp útstöð á Íslandi fyrir áramót. Ekki er enn ákveðið hvar útstöðin verður staðsett, en verið er að kanna aðstæður í Vogum á Vansleysuströnd eða jafnvel á Hellu á Rangárvöllum. Þá koma Kirkjubæjarklaustur og Suðureyri við Súgandafjörð vel til greina. Ekki er að efa, að þetta útrásarverkefni verður mikil lyftistöng fyrir atvinnulífið og hagkerfið á Íslandi. En fljótt á litið mun starfsemi þess skila um 3000 störfum á ársgrundvelli í framtíðinni.

Áríðandi tilkynning til lesenda minna á blogginu

Í fyrramálið, árla mjög, held ég, ásamt 32. manna sendinefnd úr atvinnulífinu, af landi brott og er förinni heitið til Prag í Tékklandi. Erindi sendinefndarinnar, er að kaupa ráðandi hlut í hinni virtu, alþjóðlegu samsteypu, Prostitution Energy Limited. Það er mín bjargföst skoðun, að íslenskt atvinnulíf eigi að leggja stund á útrásarverkefni á sem flestum sviðum; því ekki dugar að láta öll eggin í sömu körfuna. Ég er svo væntanlegur aftur til Íslands n.k. mánudag. Hafið það gott á meðan. 

Hryðjuverkamenn og söngkona

Flest er helvítis þorparanum Osama bin Laden til lista lagt. Ofana á að vera uppeldsisbróðir Géorgs Bush, er komið í ljós að helvítis melurinn ber í hatur í huga til hennar Bjarkar okkar, dóttur Guðmundar í Rafiðnaðarsambandinu. Og fyrst að Osama er svona illa þenkjandi gagnvart Björk, þá er næsta víst að fóstbróðirinn sé sama sinnis í hennar garð. Þó verður að segjast, að í vissum skilningi er það mikil upphefð fyrir hina íslensku söngkonu, að mestu hryðjuverkaberserkir heims skuli hata hana; það er nokkurskonar vottorð upp á að hún sé heilbrigð. Svo má fastlega gera ráð fyrir, að repúbíkana-armur Sjálfstæðisflokksins sé á sama máli og uppeldisbræðurnir Laden og Bush því sjaldan fara yrðlingarnir langt frá greninu.  

Osama bin Laden „hatar Björk“

Frjálhyggjuyrðlingarnir í Húsdýragarðinn

Þegar ég las fyrirsögnina ,,Fjölgun í Húsdýragarðinum" flaug mér strax í hug hvort Geir Haaarde og Vilhjálmur Þorn hefðu afhent Húdýragarðinum frjálshyggjuyrðlinga Sjálfstæðisflokksins til enduruppeldis. Þegar betur var að gáð, sá ég að svo ver ekki. Tilfellið var, að fæðst hafi rauður bolakálfur í Húsdýragarðinum, alls ekki frjálhyggjulegur á svipinn. Ég geri samt ráð fyrir, að það fjölgi í Húsdýragarðinum þegar líður á daginn, því viðbúið er, segja mér heimildamenn úr innsta hring Sjálfstæðisflokksins, að fulltrúaráð Varðar dæmi yrðlingana í dag til vistar innan um kýr og hænsn til loka kjörtímabils borgarstjórnar Reykjavíkur. Þó er enn óráðið hvað gert verður við andlega fóðurmeista yrðlinganna, en komið hefur til tals að gera þá vitavörðum á Hornbjargsvita. 

Fjölgun í Húsdýragarðinum

Snillingurinn Gunnar I. í Kópavogi

Ekki botna ég hætishót í Starfsmannafélaginu í Kópavogi. Nú ætlar þetta fólk að taka Gunnar I. Birgisson bæjarstjóra á orðinu af því að hann mismælti sig. Starfsmannafélagið heldur því nefnilega fram, að Gunnar I. hafi sagt eitthvað á þá leið, að ekki fáist hæft fólk til stafa hjá Kópavogsbæ á þeim launatöxtum sem þar gilda og vill fólkið í Starfsmannafélaginu með því meina að bæjarstjórinn eigi að hækka taxtana og helst svo um munar. En nú er Gunnar I. búinn að leiðrétta misskilninginn og hefur lýst yfir, að margt hæft ágætisfók sé á launaskrá hjá Kópavogsbæ. Þá grípur Starfsmannafélagið til þess óyndisúrræðis að heimta hærri taxta af því á þeirri forsendu að Gunnar bæjarstjóri hafi ráðið kunningja sinn til starfa á sæmilegu kaupi. Auðvitað er ekki hægt að ansa svona óraunhæfri vitleysu. Þó að Gunnar I. fái kunningja sínum ábyrgðarmikið emætti þýðir það, að sjálfsögu, ekki konur sem ráðnar hafa verið til að sitja yfir smákrökkum fái hærra kaup. Ja sér er nú hver bölvuð vitleysan.

Ekki góð laun í Kópavogi

Heigulmennið Hanez Holmstone

Af hverju í fjandanum bauð Hanez Holmstone sig ekki fram í síðustu borgarstjórnarkosningum? Þá hefði hann sjálfur getað borið fram sínar heimskulegu bókanir í stað þess að láta einhverja stagkálfa á sínum vegum gera það. Það að Hanez þessi skuli aldrei hafa þorað að bjóða sig fram, sýnir best hve hugrakkur hann er, eða öllu heldur hverskonar heigull þessi hlálegi neðanjarðar prjálshyggjupáfi er. Að lokum legg ég til að fjálhyggjupólitíkin verði lögð í rúst á Íslandi.

Ný borgarstjórn sökuð um heigulshátt

Auðvaldspúkarnir í REI-svínastíunni

Þar kom það sem mig grunaði: Það voru nefnilega ekki réttu auðvaldspúkarnir sem fengu að gambla í REI-svínastíunni, að mati Hanezar Gizurarsonar og Davíðs í Seðlabankanum, svo þeir siguðu frjálhyggjuæskunni á Vilhjálm karlgreyið, með mun stórkostlegri árangri en þá vísu menn gat nokkurn tímann grunað. Svo er bara að bíða þangað til Samfylkingin varpar Sjálfstæðisflokknum á dyr í stjórnarráðinu. Þegar það verður um garð gengið, verður Sjálfstæðisflokksræfillinn svo gott sem valdalaus í hinu opinbera stjórnkerfi.

Gísli Marteinn: Milljarðar renna til manna sem stýrðu Framsóknarflokknum

Órabelgurinn Hanna Birna fór á kostum

Hún bregst ekki, þegar gamanmál eru annarsvegar, hún Hanna Birna þarna hjá frjálhyggjuæskunni í Sjálfstæðisflokknum. Nú segja fjölmiðlar af því, að þessi óborganlegi órabelgur hafi brugðið á leik á borgarstjórnarfundi í dag og verið jafnvel venju fremur spaugsöm. Í skemmtidagskrá Hönnu Birnu kom m.a. í ljós, að minni frjálshyggjuæskunnar nær ekki nema aftur til annars október 2007, en fram að því virðast læsrisveinar Hannesar Gizurarsonar og Davíðs í Svörtuloftum hafa verið í einu svartnættis blakkáti, a.m.k. hvað varðar Orkuveituna, REI-ið og GGE-ið. Þá sagði skemmtikrafturinn Hanna Birna frá því með miklum tilþrifum, að frjálhyggjuæskan væri uppfull af stuðningi við Vilhjálm Þorn og líka á móti honum. En eftir að þau höfðu tugtað karlskrjóðinn ærlega til með fulltingi lærimeistarana og klagað hann fyrir Geir Haaarde, hefði hann haft vit á að  leggja niður skottið og skriðið í volandi í fangið á þeim.

Hanna Birna upplýsti um hvers vegna borgarstjórnarsamstarfið brast