Afdrifarík mistök

Þegar ég las hina fólskulegu árás Landsambands kvenna í Frjálslynda flokknum á Margréti Sverrisdóttur, datt mér í hug smá-vers, sem greinir frá skelfilegum mistökum konu nokkurrar:

,,Hún Mánga gamla var að baka brauð,

en brenndi sig, og gerði skyssu slíka,

að þegar hún var borin í burtu dauð

var brauðið ónýtt líka. 

Vantrausti lýst á Margréti Sverrisdóttur

Drullusokksháttur Samfylkingarinnar

Alveg má það heita furðulegur fjandi hve illa Samfylkingarfólki gegur að standa í lappirnir gagnvart ásælni auvaldsaflanna við að komast yfir sameignir landsmanna, hvort heldur um er að ræða auðlindir, fyrirtæki eða stofnanir. Ágætt dæmi um þennan drullusokkshátt Samfylkingarinnar, kemur ágætlega fram í málflutningi Katrínar Júlíusdóttur á mbl.is. Ekki er annað að skilja á þingmanninum, en hún sé þess albúin að veita fjárplógsmönnum stuðning sinn í baráttu þeirra við alþýðuna í landinu um sameiginlegar auðlindir almennings í raforku- og jarðvarmaframleislu. Það er alveg ótrúlegt, hve Samfylkingunni er illa treystandi á flestum sviðum. Það virðist engan vegin vera hægt að sjá í hvora löppina þessi alræmdi leiðindaflokkur ætlar að stíga í það og það skiptið - en hann kiknar alltaf í hnjáliðunum þegar auðvaldsvargarnir klappar honum á hægri öxlina.

Mikilvægt að efla traust milli opinberra aðila og einkaaðila á raforkumarkaði

Herra Gizurarson skotspónn öfundar

Ljótur karl þessi Ragnar H. Hall, sem lætur renna undan rifjum sínum ljóta ávirðingu um stétterbróðir sinn herra S. Gizurarson þess efnis að herra Gizurarson hafi hagað sér eins og hani í mannaskít í þrotbúi Frjálsrar fjölmiðlunar og nær gert umrætt þrotabú gjaldþrota. Auðvitað tekur Ragnar þessi H. Hall ekkert tillit til þess að Gizurarson hefur starfrækt heilann vinnustað árum, ef ekki ártugum saman, sem hefur haft það verkefni eitt að greiða úr flækjum þrotabús Frjálsar fjölmilunar kröfuhöfum til ávinnings og heilla. Á þessu sést, að vanþakklæti heimsins ríður hels aldrei við einteyming og dulegir menn fá sjaldan að njóta sín fyrir öfundarnaggi sér minni manna.  

Málið runnið undan rifjum Ragnars H. Hall

Minnisglöp er hræðilegur kvilli

Alveg var það voðalegt að horfa uppá Vilhjálm Þorn Rei og Bjarna Ármanns Rei í Kastljósi sjónvarpsins í kvöld. Hinn nýríki auðmaður, náhvítur og sléttgreiddur, gerði ítrekaðar tilraunir til að veifa pappírssnifsi, sem hann kallaði minnisblað, framan í Vilhjálm, en án árangurs. Því miður var auðsjánlegt, að afstaða Vilhjálms er óbetranleg því hann undirgekkst ekki pappír hins nýríka fremur en notað skeinisblað. Svo er annað sem fyllir mann heiðarlegri sorg, en það sú harmræna staðreynd, að þeir öðlingarnir Vilhjálmur Þorn, Bjarni Rei og Haukur Leósson virðast muna eitthvað óglöggt eftir ágætum fundi, sem þeir áttu að heimili Vilhjálms í Breiðholtinu,svo stappar nærri blakkáti. Minnisglöp af þessu tagi er hræðilegur kvilli, sem erfitt er að ráða bót á svo vel sé. Vera má, að gáfaður dáleiðslumeistari gæti greitt eitthvað úr svörtu blettunum í minnin umræddra heiðursmanna, en þar er samt ekki á vísan að róa eins og allt er í pottinn búið.

Minnist þess ekki að hafa séð minnisblaðið

Læknismáttur laxerolíu er ótvíræður

Það geðþekka framtak nokkurra nemenda Brekkubæjarskóla á Akranesi, að byrla skólasystkyninum sínum laxerolíu í samlokum, er afar lofsvert og mikið í það varið. Ég geri ráð fyrir að laxerolíuinngjöfin hafi verið óeigingjarnt hugsjónastarf einstaklinga, sem bera hag og framtíðahorfur meðbræðra sinna fyrst og fremst fyrir brjósti. Það er t.d. fyrir löngu vísindalega sannað, að sumu fólki veitir ekkert af því að fá góða innvortis hreinsun annað slagið. Enn fremur er einnig sannað, með hjálp vísindana, að læknisaðgerðir þar sem laxerolía, stólpípur og magadælur koma við sögu, skila ávallt mjög miklum árangri. T.d. hafa sjúkdómar, allt frá kvefi og upp í svæsnustu krabbamein verið læknuð með slíkum aðferðum. Það er því augljóst, að hið efnilega unga fólk í Brekkubæjarskóla er á réttri leið í viðleitni sinni að efla lýheilsu í sínu nánasta umhverfi. 

Laxerolía í samlokum í Brekkubæjarskóla á Akranesi

Sumarhúsaeigendur eru húðarselir og kláðagemlingar

Ég hef alltaf haft illan bifur á sumarhúsaeigendum og kemur þar af leiðandi ekki á óvart, að þeir verði uppvísir af þjófnaði á heitu vatni. Ég þekkti einu sinni sumarhúsaeiganda, sem var þessháttar húðarselur og kláðagenlingur, að hann vílaði ekki fyrir sér fara þjófshöndum um alla sumarhúsabyggðina þar sem hann hafði holað sínu húsi niður. Og hann lét ekki þar við sitja, heldur áreytti hann eiginmenn byggarinnar með því að fá konur þeirra til að gera ósæmilega hluti með sér. Að lokum fannst hann drukknaður í ánni, sem rennur þar um, með buxurnar á hælunum og þar með var gamanið búið. Það er því ekki nema von, að maður treysti sumarhúsaeigendum ekki nema rétt í tæpu meðallagi.

Heitavatnsstuldur rannsakaður

Notalegur og hressandi grátur ungbarna

Það er ósköp notalegt og hressandi, að því hversu mjög sjálfstæðisungarnir grenja undan Birni Inga þessa dagana. Nú er það Illugi Gunnarsson, sem bregður á leik með harmavæli og snökti. Samkvæmt yfirlýsingu Illuga vegna orða Björns Inga í Silfri Egils í gær, er ekki annað að sjá en að hann sé sár og svekktur yfir því, að ríkið skuli ekki hafa selt Björgólfi og Landsbankanum Landsvirkjun í heilu lagi. Eða hvernig ber að skilja orð fyrrumaðstoðarmanns Davíðs: ,,Hvað varðar eignarhald ríkisins á Landsvirkjun og rekstur þess fyrirtækis sem nær allur er áhættustarfsemi í stóriðju vill undirritaður taka fram að hann hefur margsinnis lagt það til að hafist verði handa við að losa ríkið út úr rekstri þess fyrirtækis." 

Yfirlýsing Illuga Gunnarssonar vegna ummæla Björns Inga

Frábært afrek hjá 15 ára pilti

Út af fyrir sig er það frábært afrek hjá 15 ára pilti, að geta keyrt blindfullur eins og fjandinn sjálfur út um allar trissur með sprungið á einu. Ég er á því að þessi drengur eigi framtíðina fyrir sér í akstursíþróttum, það er að segja, ef það rennur einhverntíman af honum. Þó má vera, að aksturshæfni hans komi betur fram þegar hann er í góðum brennivínsrús em í alsgáðu ástandi. Ef svo er, verður að sækja um undanþágu fyrir hann að keyra fullur í kappökstrum og öðrum ökuleikniskeppnum. En sem sagt: þarna er greinilega mikið efni á ferðinni, sem ástæða er til að fylgjast með í framtíðinni. 

Fimmtán ára ökumaður á felgunni á Selfossi

Faðir allra byltingarmanna lifi !

Lifi félagi Castro, faðir allra byltingarmanna !

 

Kastró hringdi í sjónvarpsþátt Chavez

Nauðsynlegt að vakta nýmyrta hunda

Það fer auðvitað ekki á milli mála, að það er að ýmsu að hyggja eftir að búið er að lóga hundi, hvað þá hundum. Til dæmis er mjög áríðandi að standa vakt, að minnsta kosti í 12 klst., yfir jarðneskum leyfum nýmyrtra hunda. Það hefur nefnilega oft gerst, að hundar, sem fengið hafa lausnina af mannvöldum, hafa gert sér lítið fyrir og gengið aftur og valdið spjöllum. Sum þessara kvikinda hafa gerst hvimleiðar ættarfylgjur, aðrar látið sér sæma að verða varúlfar eða baskervillhundar. Þegar hundar ganga aftur, byrjar slíkt alltaf á fyrstu 12 klukkustundunum eftir andlát þeirra. Þess vegna ríður á að haft sé eftirlit með aflífuðum hundum í hálfan sólarhring eftir brottför þeirra úr þessu jarðlífi.   

Tók gjald fyrir eftirlit með aflífuðum hundum