Tittlingsbruni veldur þunglyndi.

Heimilisfresskötturinn minn, Brandur Jónsson, er búinn að liggja fyrir í óyndi síðan ég sagði honum af atburðinum þegar konan brenndi typpalinginn af fyrrum eignmanni sínum. Brandur minn Jónsson er nefnilega á þeirri skoðun, að þessi voveiflegi atburður sé engu síðri hvað óhugnað snertir en atburður sá er kenndur er við 11. september. Og nú bíður hann nær lamaður milli vonar og ótta eftir fréttum af heisufari kynbróður síns austrí Moskvu.

Ólán og slysfarir.

Með óvöldu orðbragði hrakti kvendjöfullinn eiginmann sinn nauðugan upp á þak til að mála. Vitaskuld varð honum fótaskortur þar upp og valt fram af þakbrúninni og skall niður í blómabeð og málningarfatan á eftir. Sem hann lá þar stórslasaður í beðinu, óð kvendjöfullinn að honum, gjörsamlega tryllt af bræði, sparkaði í hann og dró hann síðan burt úr beðinu þegar henni þótti útséð að honum tækist að druslast þaðan af sjálfsdáðum. Viku síðar heimsókti kvendjöfullinn mann sinn á sjúkrahúsið. Og er hún sá hann þar í rúminu gifsaðann og spelkaðann, umhverfðist hún einn ganginn enn. - Heðurðú helvítis djöfullinn þinn, hóf hún máls, - að þú gétir legið hér eins og ekkert hafi gerst? Eyðilagðir málninguna, blómabeðið og fötin sem þú varst í og missir svo af vinnu Guð má vita hve lengi. Hvílíkur andskotns auðnuleysingi ! Og henn rann svo í skap á þessu upphafna augnarbliki, að hún missti allt tímaskyn og sá rautt. Hún tók á rás yfir gólf sjúkrastofunnar og hafði ekkert kristilegt í huga. En þar sem hún var orðið stjórnlaus af geggjun og sá þar að auki aðeins rautt fór hún rúmavillt og tók manninn í næsta rúmi svoleiðis í karphúsið, að hann mátti liggja í tíu klukkustundir á skurðarborðinu á meðan læknarnir voru að tjasla honum saman, og höfðu þeir þó nokkrum dögum áður þurft að smíða hann upp, nánast frá grunni, eftir ógnar snarpa bílveltu.  

Holl lesning fyrir þvagleggssinna.

Ég er viss um að viðtalið við Sigurbjörn Sveinsson er bæði nauðsynleg og holl lesning fyrir allt það fólk fylltist sannri þórðargleði yfir þvagleggsmeðferðinni, sem konan sem tekin var af skósveinum stjörnusýslumannsins í Árnessýslu mátti þola. Verst er að þeir sem þarna áttu hlut að máli skuli ekki kunna að skammast sín og viðurkenna að þeim hafi orðið á í þvagleggsmessunni. 

Konan beitt ofbeldi

Einbeittur brotavilji - eða sjálfsagður hlutur?

Þingflokkur VG fer fram á úttekt Ríkisendurskoðunar v. samnings um vatnsréttindi í Þjórsá

22.8.2007

Þann 9. maí 2007 gerði íslenska ríkið samkomulag um yfirtöku Landsvirkjunar á vatnsréttindum í neðri hluta Þjórsár. Samkomulagið er gert milli þriggja ráðherra og forstjóra Landsvirkjunar; fjármálaráðherra, fv. iðnaðarráðherra og fv. landbúnaðarráðherra fyrir hönd íslenska ríkisins og undirritað án fyrirvara. Samkomulagið var undirritað þrem dögum fyrir kosningar, án minnstu vitundar Alþingis, landeigenda, sveitastjórna á svæðinu eða  almennings og hefur verið haldið leyndu fram að þessu.

Með samkomulaginu er verulegum verðmætum afsalað úr hendi ríkisins til Landsvirkjunar án nokkurrar heimildar í lögum. Þá vakna óhjákvæmilega spurningar um slíka afhendingu til eins fyrirtækis sem nú á að heita að starfi í samkeppnisumhverfi.

Hluti af samkomulaginu felur í sér að landbúnaðarráðherra sem forráðaaðili ríkisjarðarinnar Þjótanda í Flóahreppi skuldbindur sig til samningaviðræðna við Landsvirkjun um að hún fái jörðina í þágu fyrirhugaðra virkjunarframkvæmda. Þetta er gert án heimildar í fjárlögum og án þess að jörðin hafi verið auglýst. Nú hefur bæst við að Flóahreppi hefur verið synjað um að neyta lögvarins forkaupsréttar á jörðinni með vísan til ofangreinds samkomulags.

Þingflokkur Vinstrihreyfingarinnar –græns framboðs fordæmir þessi vinnubrögð og telur gerð samkomulagsins, með leynd rétt fyrir kosningar siðleysi og afar ólíklegt að það fái staðist í lagalegu tilliti. Þingflokkurinn hefur samþykkt að leita álits Ríkisendurskoðunar á þessum gerningi.

Er eftirsóknarvert að lifa í ánauð hjá ,,vinsælum" auðkýfingum?

Hvað þýðir það að yfirdráttarlán séu í sögulegu hámarki,gengisbundin lán heimila vaxi og vextir íbúðarkaupalána fari sífellt vaxandi? Segir þetta ekki, að eitthvað sé ekki með felldu hjá þjóðinni? Getur verið að fólk sé sífellt að hespa sig fastar og fastar í þrældómsánauð fjármagnsaflanna sem öllu ráða, auðvaldinu sem hvað mest er prísað í öllum fjölmiðlum? Er ef til vill eftirsóknarvert, að vera í fjárhagslegri ánauð hjá ,,vinsælum" auðkýfingum eins og Björgólfi eða Hreiðari Má?

Spyr sá er ekki veit.   

Yfirdráttarlán í sögulegu hámarki og gengisbundin lán heimila vaxa

Kveikti í sköndli fyrrum eiginmanns síns.

Ég hefi aldrei heyrt áður að kona hafi lagt eld að brandi karlmanns með þeim árangri að hann, það er að segja, brandurinn, stolt mannsins, hafi staðið í ljósum logum. En þetta á samt að hafa gerst í Moskvu og ástæðan fyrir ofbeldinu er sögð vera að karlinn hafi setið löngum stundum berrassaður fyrir framan sjónvarp, dreypandi á stalínískum vokda sér hressingar og gottgjörelsis. Svona femínísmi er náttúrlega gjörsamlega óboðlegur nokkrum manni eða nokkurri konu. Meira að segja stjörnufémínístinn Sóley Tomm fílí bomm-bomm-bomm myndi aldrei láta sér detta í hug að grípa til svona róttækra aðgerða gegn karkyninu, jafnvel þó það ætti það skilið. Ég er viss um að svona lagað hefði aldrei gerst í Moskvu meðan þar ríkti hinn sósíalismi.

Bar eld að viðkvæmum stað

Uggvænleg predikun um áfengisbölið.

Þegar þar kom í predíkun síra Baldvins að hann beindi orðum sínum að áfengisbölinu, sagði hann meðal annars: - Þeir sem leita sáluhjálpar í áfengum drykkjum og  öðru þvíumlíku fara villir vega. Dettur ef til vill einhverjum í hug, að Drottinn sé í felum oní brennivínsflösku? ... Það mætti halda það. En ég segi: Þeir sem það halda, slíkir eru íllgrési þjóðanna og skulu upprættir verða og á bál bornir. Því sannleikurinn er sá, að Drottni er illa við vínsvelgi. Meinilla. Og bregður fyrir þá fæti hvað og hvunær sem honum gefst tækifæri til. Við að heyra þessi orð í prédíkun síra Baldvins, stóð Eggert upp og gekk með þjósti á dyr. - Ég læt sko ekki þennann helvítis gaur útata mig í lýgi og skepnuskap, hvíslaði hann að manni nokkrum á aftasta bekk, um leið og hann skellti kirkjuhurðinni dáyndisfast á eftir sér. En Eggert komst ekki langt, því honum varð óforvandis fótaskortur á pallinum framan við dyrnar og steyptist út af kirkjutröppunum og ofan í forina þar fyrir neðan.

Söngur framsóknarmauranna um axlir og ábygð.

Hvað ætli pínulitlu framsóknarmaurarnir í stjórn Sambands ungra framsóknarmanna eigi við þegar þeir tala um að ráðherrar Sjálfstæðisflokksins ,,axli ábyrgð sína" í Grímseyjarferjumálinu góða? Ætli þeir eigi við að viðkomandi ráðherrar segi af sér sem ráðherrar og þingmenn? Eða vilja maurarnir sækja hina ólánssömu ráðherra til saka og láta þá taka út ábyrgð sína í tugthúsi upp á vatn og brauð? Annars er mín skoðun sú að allt kjaftæði um að stjórnmálamenn ,,axli" einhverja ,,ábyrgð" sé ósköp innihalds- og merkingarlaust þjark sem enginn hlustar á. Þar fyrir utan hefur Framsóknarflokkurinn engin efni á að vera derra sig með þessum hætti eins og sjálfumglaður hani galandi uppi á skítahaug. Pínulitlu framsóknarmaurunum í SÚF væri áreiðanlega nær að gaumgæfa ill verk og axarsköft sinna eigin ráðherra, þó ekki væri nema 20-25 ár aftur í tímann, en þeim efnum er sannarleg af nógu að taka.

Ungir framsóknarmenn gagnrýna ráðherra

Að falla í ævilanga ánauð útrásarkappanna.

Það er ekki að sjá að fólkið sem er að koma sér þaki yfir höfuðið njóti góðs af hinum stórkostlegu útrásarævintýrum viðskiptabankanna. Þvert á móti verður þetta fólk að neyðast til að láta það yfir sig ganga að vera hneppt í ánauð bankanna, ævilangt.  Á meðan líður varla sá dagur að fjölmiðlar séu ekki uppfullir af dekri og aðdáunarskrifum um hetjurnar miklu, sem sagt er að séu að sækja gull í greipar Mammons á erlendri grund hvern einasta dag og hafi enda upp úr krafsinu, hver og einn, laun sem nægja til að framfleyta heilu sjávarplássunum í a.m.k. mat og drykk. Það er því í meira lagi himihrópandi þversögn í öllum þessum kraftaverkaumsvifum bankasnillinganna, að bankavextir hér á landi skuli aðeins hækka og hækka. Ef þessum einstöku lukkuriddurum útrásarinnar væru borguð laun í samræmi við frammistöðu bankanna í vaxtamálum innanlands, er hætt við að blessaðir drengirnir ættu ekki til hnífs og skeiðar og væru sennilega komnir í bullandi samkeppni við útigangsmennina um það litla sem  kann að finnast nýtilegt í sorptunnum almennings. 

Íbúðalánavextir hafa hækkað um 43%

Arðræningi handtekinn ...

Hvenær ætli sá gleðilegi dagur renni þegar búast má við fjölmiðlafrétt sem bæri fyrirsögnina: Arðræningi handtekinn. Í fréttinni væri síðan útskýrt í hverju auðgunarbrot viðkomandi arðræningja lægi og hver viðurlög væru við brotinu. Því miður erum við órafjarri þeim veruleika sem að framan greinir því staðeyndin er sú að á okkur sannast hið fornkveðna, að við íslendingar búum í þjófafélagi en ekki þjóðfélagi.

Þjófur handtekinn í Kópavogi