Torgerður framsóknarkona

Déskoti argvítug íhaldsskessa hún Torgerður Ka, og munar ekki um að fimbulfamba innihaldslausan þvætting yfir flokkssystkynum sínum. Sennilega er hún framsóknarkona þegar allt kemur til alls, a.m.k. tók hún sig undurvel út í ríkisstjórn með Valgerði Sverr og Kvóta-Dóra á sínum tíma.

Framsóknarmenn allra flokka sameinist!

Hefur áhyggjur af borgarmálum

Óþjóðalýður við eiturnautn og lauslæti

Mikið dáist ég af skagamönnum fyrir að ætla að stemma stigu við að óþjóðalýður allrahanda undir 23 ára aldri setjist upp hjá þeim á Írskum dögum við eiturnautn og lauslæti. Það er ekkert gamanmál fyrir lítið, snoturt bæjarfélag, sem í engu má vamm sitt vita, að fá yfir sig þúsundafjöld uppivöðsluseggja, öfugugga, misyndismanna og níðinga á einu og sama brettinu. Svo get ég trúað ukkur fyrir því, kæru lesendur, að þessi sorafénaður lætur sér ekki næja að valsa um berjandi, nauðgandi og stelandi, heldur kúkar hann á lóðir saklauss fólks, stéttir þess og tröppur, fyrir nú utan að eðla sig á sömu stöðum.

Yngri en 23 ára bannað að tjalda nema í fylgd með fullorðnum

Rigtig god knald

Það er naumast að helvískur Pitturinn hefur knallað Angelínu ærlega fyrst hún ber tvo unga undir belti eftir hann. Ég hefi alltaf verið þeirrar skoðunar að Brad Pittur væri karskur náungi og karl í krapinu, a.m.k. á hvíta tjaldinu, en að hann myndi sanna garpsskap sinn gagnvart Angelínu með þeim hætti sem orðinn er hafði mér aldrei dottið í hug, ekki síst þegar haft er í huga að enginn hefir hingað til riðið feitum hesti frá því að fara undir stélið á Angelínu. Með þessu afreki sínu hefir Pitturinn sannað á snilldarlegan hátt, að hann er ekki aðeins góð kynbótatrunta, heldur og framúrskarandi samræðishrókur með fallbyssu í hreðja stað.  

Angelina og Brad eiga von á tvíburum

Glitnir að andast úr kapítalískri skitupest

Það mætti segja mér að selskapurinn Glitnir rambi nú þegar á barmi glötunar, þrátt fyrir frísklega okurmeðferð á almenningi. Og verði Glitnirinn borinn til grafar bráðlega, má um það segja, að farið hafi fé betra.

Þá væri ekki verra ef Björgólfsbankinn og Framsóknardýrabankinn dræpust úr kapítalískri skitupest, sem væri auðvitað rökrétt út frá hinu sjálfvirka réttlætislögmáli náttúrunnar. 

Og þó að einkavinavæddu okurbúllurnar kunni að skrimta eitthvað áfram, á samt skilyrðislaust að taka þær af pjökkunum sem þar hafa stundað peningalegan ólifnað og samfélagsvæða þær, þ.e. endurreisa ríkisbankana á rústum einkavinavæðingarinnar sem var frá upphafi einn vaðandi sóðaskapur.   

88 sagt upp hjá Glitni

Trúðslæti en ekki stjórnmál

Aumingja kallinn hann Vilhjálmur Þ. Vilhjálmsson, hann gerir sér ekki grein fyrir að athafnir borgarstjórnarflokks Sjálfstæðisflokksins minna háttvirta kjósendur meir á trúðslæti en stjórnmál. Það dugar víst sorglega skammt fyrir hann og félaga hans að kenna öðrum um að þeir hafi pissað í buxurnar að hætti ungbarna. 

Umræðan Sjálfstæðisflokknum afar erfið

Blóðgrimmt illfygli tekur land

Það lítur helst út fyrir að það sé einhverjum skrýtnum sálum sérstakt gleðiefni að krían, þetta alræmda illfygli, sé komin til landsins.

Þó er mála sannast að enginn fugl á byggðu bóli er eins hlaðin mannhatri og þetta blóðgrimma kvikindi. Er skemmst að minnast, að þá ég var ungsveinn lennti ég margsinnis í útstöðum við þennan illgjarna ,,vorboða" eins og heimskt fólk kallra kríuna. Í hundraðatali, eða þúsunda, réðust kríurnar á mig og blóðguðu á mér höfuðið með goggum sínum og skitu á mig í þokkabót. Það hefi ég aldrei getað fyrirgefið þessum fljúgandi rottum. Síðar útvegaði ég mér tvíhleypta haglabyssu og svaraði kríunum í sömu mynnt. Með því móti tókst mér eitt vorið að útrýma heilu kríuvarpi svo rækilega að þar hefir aungin kría sést síðan.

Svo leyfir fólk sér að kalla þennan óþverra ,,vorboða!" Allur andskotinn er nú til.

Krían komin á Nesið

Óskiljanlegur stuðningur við flokksleysur

Ég er mest hissa á að flokksnefnurnar og flokksleysurnar sem eiga fulltrúa í borgarstjórn Reykjavíkur skuli yfirleitt fá einhvern stuðning í umræddri skoðanakönnun.

Þessi óvænti stuðningur hlýtur að liggja í einhverskonar óskhyggju þátttakenda þess efnis að flokksnefnurnar skipti um alla frambjóðendur á listum sínum þegar næst verður kosið, sem verður að telja afar ólíklegt.

Það er almennt mál manna, að borgarstjórn sú er nú situr í Ráðhúsi Reykjavíkur sé í algjörum sérflokki, umfram aðrar sem þar hafa búverkað, hvað afglapahátt og heimskupör varðar. Er nú svo komið að borgarstjórn Reykjavíkur, flaggskip sveitastjórna á Íslandi, er höfð að háði og spotti út um allar þorpagrundir og tilefni gamanmála. Meira að segja menn sem eru alkunnir fyrir húmorsleysi og durtshátt eru farnir að slá um sig með klunnalegum bröndurum um Ólaf F., Villa Vill, Svandísi Sendiherrans og Dag Ekkerts. Dýpra getur ein borgarstjórn ekki sokkið í drullufeni stjórnmálanna. 

Fylgi Sjálfstæðisflokks minnkar mikið í Reykjavík

Lauslæti og kynferðisvilla

Það hvarflar að mér að Cindý þessi Crawford sé hin versta dræsa fyrir lauslætissakir og kynferðisvillu. Það dansar aungin sómakær kona uppi á borði fyrir karlinn sinn og hans félaga nema argvítugasrta meri. Og hvað gerir svo þessi dónafrauka á eftir með eiginmanni sínum og vinum hans? Hefst þá hroðalegt stóðlífi eða hvað? Ég er andskoti hræddur um það.

Svona kerlingu, og aðrar hennar líkar, á að loka inni á vitlausraspítala og hleypa þeim aldrei þaðan út aftur. Svona óþrifnaður getur nefnilega auðveldlega smitað frá sér og valdið miklum usla á heiðvirðum heimilum.

 

Dansar uppi á borði fyrir manninn sinn og vini hans

Mínir menn !

Loks var smiðshöggið rekið og Manchester United þar með enskur meistari og ég komin í rauðu treyjuna ...

Manchester United er enskur meistari 2008

Hræsnisraus fyrrum hitlersdáta

Hann er býsna spaugsamur þessa dagana karlhrossið hann Benedikt XVI. Fyrir skemmstu flaug hann í ofboði til USA þeirra erinda að kyssa Georg Bush á nauðaberan rassinn, líklega Guði þeirra kumpána til dýrðar. Í morgun fréttist svo að hans heilagleiki hafi stokkið eins og spörfugl útá torg sánkti Péturs í Rómaborg og skipað líbanonfólki að hunskast til að hætta að rífast og drepa hvert annað. Auðvitað veit gamli hitlersæskuunginn hvað hann syngur þegar stríðslæti eru annarsvegar. Enda hafa fáir páfar getað státað sig af því að hafa barist undir merkjum Adólfs sáluga meðan hann var og hét. Að vísu þykist stórvinur Bush, Benedikt XVI, hafa stokið úr her Hitlers á ögurstund, en það sögðust líka allir hafa gert eftir að stríðið var tapað þó að þeir hafi barsist blóðugir uppað eyrum fram á síðustu stundu.

Friðarhjal ódáma á borð við Benedikt XVI, Georg Bush, Kondomlessu Ræs og annarra af sama sauðahúsi, er í senn ógeðfellt og hræsnisfullt með afbrigðum og álíka trúverðugt og að halda því fram fálkinn sé hættur að éta rjúpur en þess í stað farinn að vernda þann saklausa fugl með kjafti og klóm.

Páfi hvetur til friðar í Líbanon