Græðgi og hroki lækna er alvarlegur sjúkdómur

Samkvæmt viðtalinu við Elvar, er engu líkara en hann hafi leitað sér lækninga á bifreiðaverkstæði en ekki hjá lækningastofnun hér á landi. Það að hann hafi litla sem enga ráðgjöf fengið um hvaða aðgerðir væru í boði og því síður að hann væri upplýstur um réttindi sín bendir til að læknar, ásamt öðru heilsubótarfólki á Íslandi, séu of uppteknir við að þjóna eigin hroka og peningagræðgi að þeim detti í hug að lina þjáningar sjúklinga nema rétt undir meðallagi. Reyndar er ég þeirrar skoðunar að peningagræðgi lækna á Íslandi sé alvarlegur sjúkdómur sem þurfi tafarlaust meðferðar við. Það gengur ekki að þessi villilýður fái að komast upp með að eyðileggja heilbrigðiskerfið með græðgi sinni og einkavæðingarsótt. Þessháttar niðurrifs- og glæpastarfsemi verður að stöðva með öllum tiltækum ráðum.   

Vill fá kostnað bættan

Myrtir í gamni utanlands ...

Þeim hefur löngum verið tamt hinum friðelskandi frelsisunnendum kapítalismans að leggja konur og börn að velli sér til gamans. Það væri nógu fróðlegt að vita hvað hinn siðmenntaði heimur auðvaldsins hefur drepið mikið af fólki með umsvifum sínum síðustu 100-150 árin. Tölur yfir það mannfall eru vissulega enginn hégómi uppá fáeinar hræður, heldur stærð sem ekki verður skráð með minna en 9-10 tölustöfum.

Börn og konur féllu í árás NATO í Afganistan

Mun fá eldflaug í afturendann

Hún hlýtur að hafa verið mígandi dópuð og draugfull déskotans Merkel-kerlingin þegar það rann uppúr henni eins og forarvilpa, að Georgía gæti bara alveg gengið í NATO. Þvílíkt þvaður úr munni einnar hálfnasískrar auðvaldsgyltu er þesskonar ógeð að manni verður flökurt, samfara því að trúin á vitræna þróun mannkynsins dofnar. Því miður minnir orðræða frú Merkel óneitanlega á talanda ónefndrar íslenskrar stjórnmálakonu sem aldrei hefur þótt reiða vitið í þverpokum og ávallt er kölluð til þegar skortur er á upplífgandi heimsku og vitleysu í fjölmiðlunum. Ef Merkel-kerlingin ætlar halda svona áfram endar það með því að Pútín sendir dulitla eldflaug með sprengjuoddi í afturendann á henni og þar með mun málinu ljúka á farsælan hátt eins og í góðu ævintýri.

„Georgía getur gengið í NATO"

Sungu útfararsálma við Ráðhúsið

Það var svo sem viðbúið, að borgarbúar myndu halda uppá nýjan borgarstjórnarmeirihluta af þróttmikilli gleði um helgina enda kom það á daginn. Stór hópur drukkins fólks kom til að mynda saman fyrir framan Ráðhúsið og söng þekkta útfararsálma til heiðurs Hönnu Birnu og Óskari Bergssyni. Fyrir utan ,,Alt eins og blómstrið eina" söng fólkið lagið um manninn sem sat ofurölvi á knæpunni meðan Villi litli var að andast, ennfremur ,,Ólafur reið með björgum fram," ,,Fjallaskauðaforinginn," ,,Komdu og skoðaðu í kistuna mína" eftir Megas og ,,Ærnar renna eina slóð, eftir sjónum breiðum." Þá voru nokkrir velklæddir Heimdallsdrengir kaghýddir í Fichersundi af tveimur kvótalausum sjómönnum, en það skipti sér enginn af því.

Meðfylgjand mynd er af eina Framsóknarmanninum sem var á ferli í miðborginni í nótt.

Mikil ölvun í miðborginni

Þeim sem Herrann refsar er hyggilega refsað

Mikið djöfull öfunda ég þennan þorpara sem vann í lottóinu í kvöld. Þetta eru, hvorki meira né minna, er verstu fréttir sem ég hefi fengið í háa herrans tíð. Einusinni vann ógeðfellt manntetur, sem ég kannaðist lítillega við, svona vinning. Þegar karltuskan ætlaði að sæka vinninginn vildi svo vel til að Guð Almáttugur tók í taumana og lét bifreið aka yfir hinn peningasjúka vinningshafa. Svona getur Drottinn verið réttlátur þegar hann vill það við hafa. Og ekki þarf að efast um, að þeim sem Herrann refsar er hyggilega refsað - það þarf ekki að hafa fleiri orð um það.

Vann tæpar 66 milljónir

Tók að sér að flengja börn gegn gjaldi

Á árunum kringum 1970 kannaðist ég við mann, sem tók að sér gegn þóknun, að flengja krakka fyrir foreldra þeirra í eitt skipti fyrir öll. Það voru víst rúmlega 20 óknyttabörn sem fengu þessa meðferð og það merkilega er, sem er þó ekkert merkilegt, að allir einstaklingarnir sem í hlut áttu urðu meiriháttar fyrirmyndarborgarar, sérlega vandir að virðingu sinni, dugnaðarfólk í fremstu röð, sannkallaður sómi lands og þjóðar. Ekki veit ég hvort höfuðpaurar Héraðsdóms Norðurland eystra hafa haft árangurinn af ofangreindri flengingarmeðferð í huga þegar þeir sýknuðu mann af líkamsárásarkæru fyrir að hafa rassskellt ungsveina. Hinsvegar er ljóst að Héraðsdómararnir gera sér vel grein fyrir uppbyggilegum uppeldisáhrifum vel meintra flenginga og er það vel.

Því er svo við að bæta, að svokallaðar ,,morgunrassskellingar" hafa fyrir löngu sannað gildi sitt, hvað svo sem Braga Gvuðbrandssyni dettur í hug að þvaðra í aðrar áttir. Með morgunrassskellingum er átt við, að börn séu hýdd á hverjum morgni þegar þau vakna, til að þau akti skynsamlega það sem eftir lifir dags. Þessi aðferð hefur gefist ágætlega og í mörgum tilfellum dásamlega.  

Er í lagi að refsa börnum líkamlega?

Súperpúman röknuð úr rotinu

Það má vissulega með sanni segja, að allur andskotinn skjóti upp kollinum þessa dagana. Eitt með öðru er sá súrrealíski atburður, að sjálf Súperpúma litlu ljótu VG-klíkunnar er skyndilega röknuð úr rotinu og farin að tala tungum. Raunar virðist púman með fullkomnu óráði, ef marka má meðfylgjandi frétt mbl.is, en það veður hún elginn um einhverja sátt og REI og sátt Framsóknar og Sjálfstæðisflokks í REI og REI í 100% Rey ... En til allrar guðslukku er Súperpúman ekki komin til þeirrar meðvitundar að muna að hún sjálf hefur sofið á REI-sáttinni í marga-marga mánuði án þess að rumska. Trúlega hefur Súperpúmunni dreymt marga, djúpa og mergjaða framsóknardrauma meðan hún lá afvelta á REI-sáttinni og þar með er komin skýringin á tungutali hennar í svefnrofunum. 

REI tekið úr sáttafarvegi?

Hvernig verður skjöldótt mjólkurkýr að hrossi?

Nú þykir mér þeir hafa verið heldur betur fullir þarna í Húnavatnssýslunni, að þekkja ekki nautgrip frá hrossi. Kunningi minn einn, grandvar, sannleikselskandi og þekktur fyrir að hafa aldrei bragðað neitt sterkara en blávatn, sem var svo heppinn að verða vitni að þessu atviki sem mbl.is fjallar um, sagði mér í morgun, að skepnan sem stangaði manninn við Vatnsdalshóla hafi svo sannarlega ekki verið af neinu góðhestakyni heldur skjöldótt mjólkurkýr í afleitu skapi. Kunningja mínum er að sjálfsögðu gjörsamlega hulið hvernig á því stendur að dýrafræðikunnáttu fólks hefur hrakað eins og raun ber vitni, en hann er gamall barnakennari og hefur starfað að menntamálum samfleytt í hálfa öld. 

Hestur hljóp á mann

Metfé af eðalstofni

Hann er greinilega metfé af eðalstofni þessi Óskar Bergsson og verðugur arftaki Ólafs F. sem hækja fyrir stórbrotinn borgarstjórnarflokk Sjálfstæðismanna í Reykjavík. Það er ekki ónýtt fyrir Sjálfstæðisflokkinn að eiga slíkar hækjur vísar eins og hverja aðra varahluti þegar á þarf að halda. Og ekki er nóg með að Íhaldið í Reykjavík, svo heilsulaust sem það er, hökti við framsóknarhækju því handan við Fossvoginn, í Kópavogi, haltrar ástmögur steinsteypunnar, sjálfur Gunnar I., um gráar götur, studdur af samskonar amboði og félagar hans í Reykjavík. Nú er það svo, að Framsóknarflokkurinn er kominn í sömu stöðu og geirfuglastofninn sem íhaldsmenn sinnar tíðar útrýmdu fyrir fullt og allt með lurkum og grjótkasti. Þessa válegu stöðu er Framsóknarmönnum fyrirmunað að skilja, líkt og geirfuglinum forðum, og er nú svo komið að fátt getur komið í veg fyrir að útför þessa fyrrverandi félagshyggju- og samvinnuflokks verði auglýst formlega innan tíðar.  

Samfylkingin hafnaði nýjum Reykjavíkurlista

Ungstirni nær króknuð í Péééníngagjá

Ég hef fyrir satt, að ungstirnin í Heimdalli hafi fyrir skemmstu lagt land undir fót og baðað sig í hraungjótu þeirri sem kölluð er Peningagjá á Þingvöllum, en ungstirnin munu hafa fengið þá flugu í höfuðið að Peningagjá væri einstök heilsubótarlind fyrir peningahyggjufólk. Skipti engum togum, að ekki voru ungstirnin fyrr komin ofaní heilsulindina en þau fengu bullandi kuldakrampa svo flestum þeirra lá við króknun eftir innan við tveggja mínútna busl í gjá peningana. Af þessari lífsreynslu drógu ungstirnin þá greindarlegu ályktun, að farsælast væri að flytja helvítis peningagjána frá Þingvöllum og koma henni fyrir á þægilegu jarðhitasvæði.

Ungstirni í Bláa lóninu