Íhaldsbarnaháskólinn í Reykjavík kánterstrækar

Það verður að segjast eins og er, að keppni í tölvuleikjum er ákaflega við hæfi íhaldsbarna sem stefna að prófgráðu frá hinum svokallaða ,,Háskóla Reykjavíkur." Þessir innatómu kjúklingar verða náttúrlega aldrei menntað fólk, einungis prófgráðuhafar, en þessháttar pírumpár á ekkert skylt við menntun hafi einhverjum dottið það í hug. Best væri, ef hin litlu jakkafataklæddu auðvaldsskinn bæru gæfu til að halda sig við tölvuleikinn counterstrike frá morgni til kvölds allt til æviloka því þá eru minni líkur á að þau geri eitthvað alvarlegt af sér þegar fram líða stundir. Það er ljóst öllu vitibornu og góðviljuðu fólki, að t.d. stjórnmálaþátttaka ómenntaðra prófgráðuspjátrunga frá Íhaldsbarnaháskólanum í Reykjavík getur aldrei endað nema á einn veg: með slysi og það harkalegu. Eða dettur einhverjum í hug að Íslendingar þurfi fleiri stjórnmálamenn af sama kalíberi og Siggi Kári, Guðlaugur Þór, Katrín Jakobs, Birgir Ármanns, Ágúst Ólafur og Valgerður Sverrisdóttir frá Lómatjörn? Guð forði okkur öllum frá slíkum munaði.

Spila tölvuleiki alla helgina

Pólitísk fullnæging undirmálssénía

Látum vera þó eitt kallrassgat í Hongkong gilji æfingabekk sér til gleði og úrlausnar. Öllu verra þykir mér framferði undirmálsstjórnmálamanna sem svífast einskis til að fá pólitíska fullnægingu; þessháttar pervertar eru mun ógeðfeldari er bekkjargraddinn austur í Asíu.

Ýmislegt reynt til þess að fá fullnægingu

Einelti er ofbeldisglæpur sem Ólafur F. verður að vísa til lögreglu.

Það var aldrei að Ólafur F. lenti í sínum elsku vinum, Sjálfstæðismönnum. Nú kemur uppúr dúrnum, seint og síðarmeir, að villidýrahjörð Sjálfstæðisflokksins misbrúkaði svívirti Ólaf F. á afar grófan og svívirðilegan hátt. Ekki er nóg með fyrrum stórvinir og flokksfélagar læknisins hafi gert sér að leik að svíkja hann trekk í trekk, heldur beittu þeir hann einelti, sem er glæpsamlegt athæfi og varðar við landsins lög. Úr því framkoma Sjálfstæðisflokkshjarðarinnar var með þessum hætti, liggur í augum uppi að Ólafur F. Magnússon verður að kæra eineltið til lögreglunnar. Eftir að kæran hefur verið lögð fram mun lögreglan eflaust taka hina ákærðu og setja þá í gæsluvaðrhald meðan rannsókn fer fram. Kæri Ólafur F. ekki ofbeldisruddana, sem brutu á honum með níðingslegu einelti, er hann að bregðast fólkinu í landinu og baráttunni gegn ofbeldi og lögbrotum, og sendir í leiðinni út skilaboð þess efnis að einelti sé sjálfsagður hlutur sem ekki þarf að gera veður útaf.   

Borgarstjóri mætir í Ráðhúsið

Munum líka eftir framsóknarþuklinu í Reykjavík

Á meðan Strandamenn undirbúa kynferðislegt áreiti við hrúta heima hjá sér á Ströndum bauka Sjálfstæðismenn við framsóknarþukl í Reykjavík. Þessa stundina er framsóknarhrúturinn Óskar Bergsson mældur og vegin, þreifaður og strokinn frá toppi til táar af Hönnu Birnu og Vilhjálmi stjórnmálaskörungi. Þá ku Guðni Ágústsson vera að fara í gegnum samskonar meðhöndlun. Af þessu sést, að það á að vanda til verka við undirbúning væntanlegrar kistulagningar Framsóknarflokksins. Og brátt munum við heyra svohjóðandi tilkynningu í dánarfregnum útvarpsins: ,,Athöfnin hefst með húskveðju að heimili hinnar látnu, jarðarförin fer fram frá KB-banka og jarðsett verður í heimagrafreit Sambands Íslenskra Samvinnufélaga. Séra Finnur Ingólfsson mun annast útförina og flytja líkræðu, en séra Halldór Ásgrímsson þjóna fyrir altari. Í sameiningu munu þeir félagar síðan moka yfir hina látnu." 

Keppt í hrútaþukli

Það mun steindrepa hina helsjúku maddömu

Endastöð hvað? Ég sé ekki betur en Sjálfstæðismenn í Reykjavík ætli að haldi sinni vonlausu eyðimerkurgöngu áfram af fullum krafti með svipuna úr Seðlabankanum hvínandi yfir sér. Eins og staðan er í augnablikinu bendir flest til að Sjáfstæðishetjunum takist, með harmkvælum, að murka líftóruna úr Ólafi F., Jakobi Stöðmanni og Gunnari Smára. En þar með er ekki kálið sopið þó í ausuna sé komið. Næsti leikur íhaldnaggana undir frískri og öruggri stjórn Seðlabankans er síðan að drösla Óskari Bergs uppí Valhallarbælið. Ef Sjálfstæðisflokknum tekst það ætlunarverk sitt þarf ekki að binda meir um skeinur Framsóknarmaddömunnar því meirihlutamyndun í borgarstjórn Reykjavíkur með Sjálfstæðisflokknum mun steindrepa hina virðulegu en helsjúku maddömu fyrir fullt og allt.

Samstarfið á „endastað"

Hroðaöskur úr Seðlabankanum

Það er dálaglegt að fylgjast með hinn stórbrotnu borgarstjórn Reykjavíkur þessa dagana sem endranær. Það er sem sé skollin á stjórnarkreppa í Ráðhúsinu einn ganginn enn þar sem Ólafur F. berst einn af frábærri hetjulund á móti villidýrahjörð Sjálfstæðisflokksins, sem hann er þó í innilegu og ástríku samstafi við. Auðvitað botnar enginn í þessum síðsumars darraðardansi í Ráðhúsi Reykjavíkur, fólk er bara undrandi á öllu því lífi og fjöri sem þar dafnar innan veggja. Reyndar hef ég sannfrétt að öflugasta bensínið á meirhlutaeld borgarstjórnar að þessu sinni heiti Gunnar Smári Egilsson. Þegar spurðist út að Ólafur F. hefði ráðið nefndan Gunnar Smára sér til halds og trausts sem sérlegan ráðunaut, kvað víst við þvílíkt hroðaöskur í Seðlabankanum, að hinir merku borgarfulltrúar Sjálfstæðisflokksins lömuðust allir sem einn af skelfingu, urðu blátt áfram stjarfir eins og hjartveikir apakettir. Þegar eignirnar náðu loks andanum hjóluðu þær með oforsi á borgarstjórann sinn og þar með var allt komið á fulla ferð.  

 

Borgarfulltrúar segja fátt

Jósef svívirðir Eið og Íslensku þjóðina

Það má ljóst vera að þorparinn Jósef Gardíjóla ætlar sér að níðast á Eiði okkar Guðjóhnsen ekki síður en þokkapilturinn Fránk Ræjkharð. Það var vægast sagt hræðilegt að horfa uppá hvernig Ræjkharð niðurlægði Eið í gríð og erg með því að hafa hann á bekknum eða hafa hann ekki á bekknum en alls ekki inni á vellinum, leik eftir leik. Nú ætlar óþokkinn Gardíjóla að taka upp þráðinn þar sem Ræjkharð hvarf frá honum og halda áfram að svívirða Eið Smára og þar með gjörvalla Íslensku þjóðina. Svona hraksmánarlegt háttarlag getur stolt þjóð og frjáls ekki látið við gangast til lengdar. Það er einfaldlega nóg komið.

Eiður kom ekkert við sögu í 4:0 sigri Barcelona

Karlskröggur hleypur undir stætisvagn sér til heilsubótar

Það sem er tvímælalaust merkilegast við þessa skemmtilegu frétt er, hvað þessi eldri skröggur var að gera með að hlaupa eins og blindur hani fyrir strætisvagn. Enda koma á daginn, að hann hafði ekkert útúr því annað en að verða undir strætisvagninum og stórslasa sig. Þáttur læknisins er ekki síður aumkunarverður. Sá góði maður á fulla sök á að bílnum var stolið af honum því hann lét undir höfuð leggjast að taka lyklana með sér þegar hann hljóp til að snuðra utaní gamla skrögginn, sem hreyfði sig ekki par eftir að strætisvagninn hafði afgreitt hann. Eini maðurinn sem var með fullu viti á staðnum var náttúrlega sé er stal bílnum; það er sko drengur sem kann að hugsa rökrétt og brást hárrétt við á ögurstundu. Og hvað átti hann annað að gera þegar hann sá læknisflónið hlaupa í brott frá bifreiðinni eins og hann væri með ErkiDjöfulinn á hælunum? 

Stal bíl læknis sem hlúði að slösuðum vegfaranda

Kvenfrelsisbarátta Ásdísar Ránar ber árangur í útlöndum

Það eru aldeilis fréttirnar af þessari Ásdísi Rán Gunnarsdóttur og ekki verður annað sagt en innlegg hennar til kvennabaráttunnar, fémínísmans, sé stórbrotið, um það bera óeigingjörn störf hennar og frami fagurt vitni. Og ekki er nóg með að raunverleikaþáttur sé handan við húshorn Ásdísar, heldur sigraði trýnið á henni keppnina um snjáldur steinkvatnsins Rai Saxx, sem er einn sérlega heillandi þefur til daglegra og rómantískra nota. Þá mun hinni þrítugu þriggja barna móður hafa hlotist sá eftirsóknarverði heiður, að fá að heimsækja Playboy-búgarð Hugh Hefners berrassínubónda og kvennamanns, sem eins og kunnugt er hefur árum saman verið í miklum hávegum hafður af baráttusamtökum fémínísta um allan heim. Á búgarði Hugh bónda, var Ásdísi Rán boðið að gjörast ,,leikfélagi" - hvað sem það nú þýðir. En frami Ásdísar er sannlega geisimikill og öfundsverður öðru kvenfólki, um það verður ekki deilt, og megi sem flestar Íslenskar dúkkulísugelgjur feta í fótspor hennar og bera hróður Íslands út yfir höfin til fjarlægra landa.

Ekki í Playboy strax

Sængaði með Sakasvíla? - var það ekki allt og sumt?

Varaði Sakasvíla við að reita Rússa til reiði ? ... og snæddi með honum ,,óopinberan" kvöldverð ??? Hvaða andskotans ekkesens stagkálfi skal hafa dottið í hug að framleiða svona endemis lygasögu um stríðsláfuna Condomlessu Ræs? Það þarf að minnsta kosti drjúgan skerf af ósvífinni andagift að uppdikta slíkan þvætting og koma honum á framfæri. Og hvað gerðist svo eftir óopinbera kvöldverðinn? Ætli Condomlessa hafi ekki skriðið inn í svefnherbergi Sakasvíla og sængað með honum? - nú, eða kerlingunni hans? Við það tækifæri hefur Condomlessa áreiðanlega sagt Sakasvíla, að hann þyrfti ekkert að hafa fyrir að beita valdi, bara að þassa uppá að reita hana ekki til reiði því þá gætu bólfarir þeirra farið útum þúfur. Úr þessu áfengismettaða svefherbergisrugli Condomlessu og Sakasvíla er svo samin sagnfræði og tengd stríðsbrölti Rússa og Georgíumanna. Fyrr má nú vera meiri andskotans ófyrirleitnin.

Rice varaði Saakashvili við