Óheiðarleg og óskammfeilin yfirlýsing nýrrar fígúru í útstillingarglugganum

Það kemur ekki mikið á óvart að nýr formaður Framsóknarflokksins lýsi því yfir að nú eigi að færa framsóknarhrófatildrið frá hægri og eitthvað til vinstri. Eftir að hafa djöflast lengst til hægri í mörg ár með þeim ágæta árangri að stetja þjóðarbúið nánast á hausinn og tapa fylgi í stórum stíl ætlar Framsókn að reyna að ná fyrri stöðu með því að elta fólkið sem er á hraðri leið til vinstri. Auðvitað eru svona vinnubrögð mjög óheiðarleg og óskammfeilin, en um leið afar lýsandi fyrir framsóknarmennskuna.

Það er full ástæða að vara fólk við Framsóknarflokknum og þeim blekkingartrixum sem hann hyggst beita kjósendur á næstunni. Framsóknarfokkurinn er ekki að skipta um eðli þó skipt hafi verið um fígúrur í útstillingarglugganum. Það má heldur enginn gleyma því að þessi óþverrastjórnmálaflokkur hefur einskis iðrast eftir að hafa farið ránshendi landið með últra-frjáshyggjustefnu að leiðarljósi. 

Vill færa flokkinn frá hægri

Aðför að bændum

Að sendisveinar stjörnusýslumannsins Stones skuli leggjast svo lágt að ráðast á bláfátæka bændur er forkastanlegra en orð fá lýst. Að banna mönnum að bjarga sér, eins og í þessu tilfelli, er hreinn ríkisrekin aðför að íslenskum landbúnaði. Víngerð til sveita getur reynst þeim sem leggja stund á slíkt mikill búhnykkur og getur jafnvel getið af sé afleidd störf þegar vel tekst til. Það á að hlúa vel að þessum reksti en ekki siga lögreglunni á hann.

Landaverksmiðju lokað

Neydd til þess með illu

Það er satt að segja stórundarlegt að stjórnendur og helstu eigendur bankanna skuli ekki hafa verið hnepptir, allir sem einn, í gæsluvarðhald þegar á fyrsta degi bankahrunsins og allar eigur þeirra frystar. Með því að láta þessa hundingja ganga lausa gerðust stjórnvöld sek um alvarlegan glæp gegn þjóðinni.

Það er dagljóst að stór meirhluti landsmanna kærir sig ekkert um að búa í þjófa- og glæpamannasamfélagi stundinni lengur. Þó að ríkisstjórnin geri sitt besta til að bjarga gæðingum sínum svo að spillingin geti haldið áfram og slá um leið ryki í augu almennings undir því yfirskyni að hún sé að vinna björgunarstörf, þá mun hún vera sett af. Byltingin liggur í loftinu, undan henni munu siðlausir stjórnmálamenn og forhertir fjárglæpamenn ekki sleppa. Það er því ekki eftir neinu að bíða fyrir ríkisstjórnina að segja af sér. Geri hún það ekki með góðu verður hún neydd til þess með illu. 

Hundruð milljarða millifærðir á reikninga erlendra félaga

Amy á að fá sér íslenskan sjómann til bólfara

Það þarf mikinn karakter til að skilja við Amy Winehouse og feykna sjálfsafneitun. Nú er ljóst að eiginmaður Amyar hefur til að bera sálrstyrk í hæstu hæðum því hann vill víst ólmur losna við þann glaðsinna kvenkost sem hann kvæntist af einni saman ást, ásamt óbilandi trú á fagurt mannlíf. Auðvitað vill Amy ekki skilja við svo kostum prýddann mann og blæs eins og fýsibelgur á fangelsisóra Bleik Fílder, sem ku sitja í steininum um þessar mundir.

Mín skoðun á þessu máli er ljós: Amy á að láta helvískan tukthúsliminn Bleik Fílder lönd og leið og fá sér öflugan íslenskan sjómann til að sinna holdlegum hvötum sínum. Íslenskir sjómenn eru sem kunnugt er snjöllustu og úthaldsbestu bólfélagar sem fyrirfinnast í veröldinni. Beri Amy gæfu til að ná sér í einn slíkann er eins víst að þeim manni takist að ríða sönkonunni góða að fullu á undraskömmum tíma. 

Vill ekki skilja

Nú hækka hlutabréfin deCODE loks svo um munar

Það hlýtur að fara að hylla undir að hlutabréfin góðu í deCODE (díkód) fari að hækka svo um munar þannig að eigendur þeirra fari loks að sjá þann ógurlega gróða sem þeim var heitið þegar þeir keyptu bréfin. Ég man þá tíð þegar bankastjórar stóðu úti á miðjum götum og buðu þeim sem leið áttu hjá lán til að kaupa gróðapappírana í Díkódi Kára Stefánssonar og Davíðs Oddssonar.

Útfrá þjóðhagsvísindalegum forsendum ætti Kári Stefáns að einhenda Dókódinu sínu í að finna erfðagenin sem stjórna spillingarhegðun, lygaáráttu og peningagræðgisfíkn hjá fólki. Það er máske eina leiðin til að finna lækningu við þessum hættulegu kvillum, sem samkvæmt læknisfræðinni teljast til krabbameina. 

Mikilvægur áfangi á sviði krabbameinsrannsókna

Sæunn leyst af básnum með spörkum og framsóknarbölvi

Á stríðstímum er allt fallvaltleikanum háð. Það sannaðist á kynbótakvígunni Sæunni Sæmundsdóttur þegar hún var leyst af básnum og rekin með spörkum og bölvi út á Guð og Gadd Framsóknar.

Eygló Harðardóttir ritari

Forréttindi fjarri djöfulskap ómennskunnar

Á meðan illþýðið í Ísrael stundar  morð og eyðileggingu á Gaza og húskarlar og kerlingar Framsóknar stóðu í stympingum í ljóslausu haughúsi sínu, brá ég mér í gönguferð ásamt einni af bestu vinkonum mínum. Svona gönguferðir eru víst ekki mögulegar á Gaza, hvað þá í haughúsinu undir Framsóknarfjósinu.

Það eru mikil forréttindi að búa í Ólafsvík, fjarri firringu heimsins.

Olmert: Herinn fari fljótt

Mikill drykkjuskapur geysaði á þinginu

Þrátt fyrir allt geta framsóknarmenn verið grínaktugir á góðri stund, þrátt landlæga spillingu hirðarinnar og Maddömuna sjálfa samasem dauða í fleti sínu. Þetta sannaðist þegar þeir slógu eðalsamkomu sinni uppí glens og gaman og kusu Birkir Jón til varaformanns.

Án gríns, þá er augljóst að mikill drykkjuskapur hefur geysað á landsþingi framsóknarmanna, annars hefði hinn fípússaði undirmálsrass ekki verið gerður að varaformanni. Önnur skýring er, að meirihluti þingheims hafi gengið gjörsamlega af vitinu sökum örvæntingar útaf botnlausu heilsufari Maddömunnar.

Birkir Jón Jónsson nýr varaformaður

Yfirfjósameistari á hrörlegu búi deyjandi Maddömu

Jæja, þá eru þeir búnir að gera Kögunarstrákinn að yfirfjósameistara á hrörlegu búi Framsóknarmaddömunnar. Ekki er búist við að heilsufar Maddömunnar sjálfrar breytist hæstishót til hins betra þó nýr fjósameistari fari að búverka í rústunum, en sem kunnugt er liggur gamla hróið fyrir dauðanum og verður ekki bjargað úr því sem komið er. Þá eru sumir þeirrar skoðunnar að í skipan nýs fjósameistara felist óvinsamleg yfirtaka, en svoleiðis tittlingaskítur skiptir auðvitað engu máli því vitað er að fjósið verður lagt af innan skamms tíma.

Þangað til að Framsóknarmaddaman deyr lögformlega með dánarvottorði og öðru tilheyrandi munu húskarlarnir og griðkonurnar í fjósinu stunda skítkast af veikum mætti. 

Sigmundur kjörinn formaður

Listin að ögra þjóðinni

Það mega framsóknarmenn eiga, að þeir kunna flestum betur þá list að skemmta sér við að ögra almennigi með því að glenna framan í hann löngutöng, gefa þjóð sinni fokkmerki, eins og ekkert sé sjálfsagðara.

Að verðlauna Valgerði Sverrisdóttur í bak og fyrir er ekkert annað ögrun við þá þjóð sem Valgerður þessi tók af fullum þunga þátt í að koma á vonarvöl. Með þessari ósmekklegu verlaunaveitingu er Framsóknarflokkurinn að leggja blessun sína yfir einkavinavæðingu liðinna ára, frjálshyggjustefnuna og óstjórnina sem endaði með algjöru skipbroti. Að halda því fram að virkjunarsjúk frjálshyggjupersóna sé jafnréttissinnum góð fyrirmynd ber vott um ótrúlega spillt hugafar.

Það er ljóst að Framsóknarflokkurinn kann ekki að iðrast, enda iðrast henn einskis, bætir einungis gráu ofaná svart.

Það er ekki nema von að gömlu Framsóknamaddömunni sé banalegan erfið. En hún mun þó sem betur fer andast að lokum. Þingið í fjósinu mun flýta fyrir burtsofnun þeirrar gömlu og er það vel.  

Valgerður fær jafnréttisverðlaun