Umræðufundur um verkalýðsmál í kvöld

Umræðuhópur sósíalista innan VG efnir til opins umræðufundar um verkalýðs- og kjaramál og stöðuna á vinnumarkaði miðvikudagskvöld 4. nóvember klukkan 20:00, Suðurgötu 4.

Ræðumenn verða: Ögmundur Jónasson alþingismaður og Aðalsteinn Baldursson, formaður Framsýnar stéttarfélags á Húsavík.

Allir velkomnir.

Skattar fari ekki úr hófi

Gamla Ísland mun rísa úr rústunum áður en langt um líður

Það er nú hálfnöturlegt fyrir þennan svokallaða síbrotamann, sem sagt er frá í fréttinni á mbl.is, að mega þola dóm ofaní dóm svo tugum skiptir og fangelsisvist í samræmi við það, meðan margfalt hættulegri síbrotamenn, sumir sannkallaðir stórglæpamenn, geta valsað um óáreyttir og lifað við gjálífi í hæsta gæðaflokki. Það er eitthvað mikið brogað við þjóðfélag þar sem svona viðbjóður fær að viðgangast eins og ekkert sé sjálfsagðara. Að forkóflar efnahagshrunsins skuli ekki hafa verið settir í gæsluvarðhald umsvifalaust í fyrrahaust, þegar sýnt var hvað verða vildi, er með öllu óskiljanlegt. Aðeins það eitt, að yfirvöld brugðust ekki við á viðeigandi hátt, er í sjálfu sér glæpsamlegt gagnvart þjóðinni.

Að framansögðu má ljóst vera, að mikil hætta er á að uppúr hruninu mikla rísi ekki nýtt Íslandm heldur muni gamla Ísland gægjast áður en langt um líður uppúr rústunum í öllu sína gjörspillta veldi. Það er áríðandi að almenningur sé vel á verði gagnvart þróuninni á næstunni og taki í taumana ef með þarf. 

Síbrotamaður áfram í gæsluvarðhaldi

Einn öflugan ríkisbanka, takk

,,Sigrún sagði að með einkavæðingu bankanna hefðu margir vonast eftir að það myndi losna um gömul sambönd sem hefðu byggst á flokkstengslum og kunningsskap. Þetta hefði ekki gerst."

Hvernig gat nokkrum manni dottið í hug, að með einkavæðingu bankanna myndi ,,losna um gömul sambönd sem heðfu byggst á flokkstengslum og kunningsskap"? Það sáu allir, sem á annað borð höfðu augu í hausnum, að einkavæðing bankanna gerði ekkert annað en herða hreðjatök stórauðvaldsins og þar með Sjálfstæðisflokksins í samvinnu við Framsóknarflokkinn á þjóðfélaginu. Við einkavæðingu bankanna varð spillingin algjör, eins og við var að búast; þá töldu auðvaldsöflin, sem að langmestu leyti eru til heimilis í Sjálfstæðisflokknum, að þau hefðu alla þræði í sínum höndum og gætu leikið lausum hala að vild án þess að spyrja kóng eða prest. Enda lét árangurinn ekki á sér standa.

Á Íslandi á einungis að vera einn öflugur ríkisbanki, sem hefur velferð og þjónustu við fólkið í landinu að markmiði en ekki hámarksgróða. Aðrar fjármálastofnanir eru með öllu óþarfar og til óþurftar.

Hafa hreðjatök á bönkunum

Þó er enn dapurlegra að ...

Víst eru barnalánin dapurlegur vitnisburður um græðgina sem tröllreið þjóðfélaginu um margra ára skeið. Urædd grægi var holdgert afkvæmi frjálshyggjukapítalismans, sem var upphaf og endir allra stjórnmálaumsvifa Sjálfstæðisflokksins öll þau 18 ár sem hann réði lögum og lofum í Stjórnarráðinu (1991-2009); enda var ein vinsælasta kennisetning frú Margrétar Thatcher eitthvað á þá leið, að nauðsynlegt væri að virkja græðgina. En Margrét þessi hefur lengi verið mjög í hávegum höfð hjá hugmyndafræðingum Sjálfstæðisflokknum þar sem Hannes nokkur Hólmsteinn hefur farið fremstur í flokki.

Og þó barnalánin séu dapurleg staðreynd , þá er samt enn dapurlegara að Sjálfstæðisflokkurinn skuli enn eiga allnokkra fulltrúa á Alþingi íslendinga. Miðað við afleiðingarnar af stjórnmálastefnu þessa hættulega Flokks, hefði verið rökrétt að hann hefði þurkast útaf þingi í síðustu kosningum. En því miður var þjóðin ekki nægilega vel upplýst til að svo gæti orðið. 

Dapurlegasta dæmið um græðgina

Lína/net - Hugsuður og snilldarmenni

Það verður aldrei af G. Þ. Þórðarsyni skafið að hann sé mikill hugsuður og snilldarmenni. Í mörghundruð skipti hefur herra Þórðarson sýnt það og sannað að hann er líklega eini maðurinn í heiminum sem leitt getur Ísland útúr hörmungum efnahagshruns og kreppu. Við munum eins og gerst hafi í gær baráttu hans um Línu/net, en það var hjartansmál þessa skörungs um árabil. Á þeim tíma kom hann aldrei í fram í fjölmiðlum öðruvísi en að orðin ,,Lína/net" kæmu a.m.k. fyrir annarri hvorri setningu hjá honum. Það var mikið afrek. Og svo forframaðist herra Þórðarson á staglinu um Línu/net að hann var gerður að heilbrigðisráðherra. Því miður endaði ráðherratíð Þórðarsonar ansi snautlega, því þegar Flokkurinn hans hafði skotið landið í kaf með frjálshyggju, sparkaði fólkið á götunni honum og flokkssystkynum hans eins og myglaðru kartöflu útúr Stjórnarráðinu. Þrátt fyrir það stendur G. Þ. Þórðarson fyrir sínu og rúmlega það, a.m.k. þegar kemur að frjálsyggju og línu/neti.

Má ekki refsa vel reknum fyrirtækjum

Grísalappalísa, Flokkseigandinn og Stjáni Páls

Það var naumast að kellíngarrassgatið, Álfheiður flokkseigandi og fiskeldisdrottning, réði sér aðstoðarmann. Þrautreyndur kosningarstjóri úr dekurdýrahjörð flokkseigendafélags VG er vafalaust snilldarkostur í að aðstoða frú Álfheiði í Heilbrigðisráðuneytinu. Og ekki ætti að skemma ef þessi aðstoðandi Grísalappalísa ráðherrans hefur farið nokkrum sinnum til læknis á ævinni.

En mest kemur mér á óvart að Álfheiður flokkseigandi skuli ekki hafa ráðið stórvin sinn Kristján Pálsson, fyrrverandi alþingismann, sem aðstoðarmann. En eins og sumir vita, stunduðu Álfheiður og Kristján fiskeldi saman á árum áður með góðum árangri. Þessi merka fiskeldisstöð þeirra skötuhjúana átti að vera starfrækt í Ólafsvík en hafnaði í Straumsvík og dagaði þar uppi. 

Ráðin aðstoðarmaður heilbrigðisráðherra

Duglegla veiðimenn á að verðlauna í stað þess að hreyta í þá ónotum

Ekki veit ég hvern fjandann sjálfann er verið að amast við duglegum mönnum og kappsömum sem kunna að bjarga sér, eins og skotmönnunum vígreifu, sem þeytasta yfir holt og hæðir, hóla og urðir til að fella rjúpur og annann smáfénað. Nær væri að verðlauna þessháttar menn á einhvern sómasamlegan hátt í stað þess að klaga þá í fjölmiðla og jafnvel sekta og svipta veiðileyfi og skotfærum þegar lögregluforsmáninni tekst að hafa höndur í hári þeirra. Eða halda menn ef til vill, að það sé þægilegt að elta blóðstygga fugla á tveimur jafnfljótum, sem kanske eru orðnir fúnir og útbíaðir í æðahnútum? Í slíkum tilfellum eru fjórhjól einstakt þarfaþing og rjúpurnar hafa gott af því að vera skotnar af veiðmanni á fjórhjóli, það er margsannað.

Rjúpnaskyttur sem kunna sig ekki

Sjóræningjar á leið til Íslands

Fyrst sómalíusjóræningjarir eru farnir að skjóta á noersk herskip, er varla langt að bíða þess, að hinir vösku sjóræningjar frá Afríku komi stormandi á íslandsmið þeirra erinda að ræna sægreifa vora skipum og afla. Þó væri verst ef ruddamennin frá Sómalíu rændu sægreifunum sjálfum og gerðu þá að þrælum og leiguliðum heima hjá sér. Missir sægreifanna væri fimmfalt verri fyrir þjóðina en Móðuharðindin og Stórabóla til samans. Hugsið ykkur viss stórmenni í kvótamálum í snjáðri mittisskýlu einni fata að moka hænsnataði í 40 stiga hita. Tilhugsunin ein skelfir mig meir en hægt er að tjá með orðum. Guð veri sægreifum vorum líknsamur í bráð og lengd.

Skotið á norskt herskip

Þegar Jón L. skreið innum glugga einbýlishúss

Best gæti ég trúað að umræddur köttur á þakinu hafi verið á kvennafari ásamt húsbónda sínum. Sennilega hefur bölvuðu fressinu tekist að smjúga inn kátrar læðu þar í húsinu, en eigendur læðunnar komið að þegar hæst stóð í stönginni og fleygt blessuðu dýrinu út á þak.

En hvað um eiganda fressins hefur orðið má fjandinn vita. Annaðhvort hefur hann hrapað ofan af þakinu og farið í klessu bak við hús (ég veit ekki til að búið sé að leita að honum þar) eða hann hefur komist innum opinn glugga og farið að gamna sér með þeirri eða þeim sem þar voru fyrir. Annað eins hefur nú gerst.

Jón leðurböllur komst eitt sinn í krappan við svona aðstæður. Hann skreið innum glugga á stóru einbýlishúsi á höfuðborgarsvæðinu og lenti þar í klónum á harðskeyttum hjónum, sem voru með höfuð sín bókstaflega fleytifull af ógeðslegum hugsunum. Þarna var Jóni leðurbelli haldið í vægast sagt öfuguggalegri ánauð í hálfan mánuð. Þegar karlanginn slapp úr prísundinn og gat vafrað heim til sín, allur skakkur og skældur, höfðu hans nánustu talið hann af; héldu að nú hefði hann loksins farið sér blessunarlega að voða í annarlegu ástandi. 

Bílvelta og köttur í vanda

Viðurstyggilegt draugamor að Háleitisbraut 1.

Ég er að velta fyrir mér hvort þessir dönsku særingamenn geti ekki kveðið niður subbuleg stjórnmálasamtök eins og Sjálfstæðisflokkinn. Ef þeir treysta sér til slíkra verka er ekki eftir neinu að bíða með að fá þá hingað til lands og koma hinni alræmdu dónahreyfingu, Sjálfstæðisflokknum, fyrir á góðum stað eins og hverju öðru draugamori sem óþrifnaður stafar af. Það er ekki minnsti vafi á að íslensku þjóðinni stafar veruleg hætta af títtnefndum Sjálfstæðisflokki. Í skoðanakönnun, sem gerð var á dögunum, sögðust 33% þeirra sem afstöðu tóku vera reiðubúnir til að láta Sjálfstæðisflokkinn leggja landið í rúst eins ferðina enn.

Svo þarf af umhverfisástæðum að fara með jarðýtu á Framsóknarfjósið og jafna það við jörðu.

Nóg að gera hjá dönskum særingamönnum