Og öll séu fífl á skíðum

Í ljóðinu ,,Borgin á bjarginu" eftir rithöfundinn og skáldið Þórberg Þórðarson frá Hala í Suðursveit standa þessar átakanlegur línur: ,,þó alltaf snjói endalaust / og öll séu fífl á skiðum." Í dag, daginn eftir að félagi Ólafur Ragnar Grímsson kunngerði þjóð sinni að hann ætlaði ekki að gefa kost á sér til endurkjörs, er aungvu líkara en að flest fíflin, þó ekki öll, hafi tekið fram skíðin sín og þeytist eins og Fjandinn sjálfur niður harðfennisbrekkur fjölmiðlanna í forsetaframboðshugleiðingum. Og eins og nærri má geta eru margir nefndir til sögunnar, sumir að lýsa yfir framboði sínu, aðrir að hugsa málið og enn aðrir að tilnefa hin og þessi finngálkn sem æskilega frambjóðendur. Öll er þessi umræða þunn og vitlaus, alveg eins og áður nefnd finngálkn.

Um einn mjög æskilegan frambjóðanda til forsetaembættisins hefur þó ekkert verið fjallað, ekki á hann minnst femur en hann væri ekki til. Þessi æskilegi frambjóðandi, sem álitsgjafar í fjölmiðlum hafa hundsað og þagað yfir eins og mannsmorði, er að sjálfsögðu frú Ingveldur, eiginkona Kolbeins Kolbeinssonar. Frú Ingveldi prýðir allt sem einn sannan og stórgáfaðan Íslending má prýða: Hún er frammákona í Sjálfstæðiflokknum, að því að henni líkar svo vel við sjálfstæðisstefnuna; framkvæmdasöm og áræðin svo af ber; höfðingi heim að sækja, gestrisin, eigingjörn og slóttug; afskaplega virk á kynferðissviðinu, drykkfelld, dópgjörn og nærbuxnalaus. 

Jóla- og áramótagleði hefir nú stanlaust staðið að heimili frú Ingveldar í nákvæmlega hálfan mánuð og er veislugnýrinn síst minni í dag en á fyrsta degi og engann bilbug að finna á húsmóðurinni, frú Ingveldi, en hún hefir líknað gestum og gangandi dag og nótt með afréttara þegar þeir hafa um það bil verið að rakna úr rotinu, hjálpa þeim að pissa, þrifið upp þegar þeir hafa kúkað framhjá salernisskálinni og síðast en ekki síst tekið Máríu Borgargagn með sér inní fataskáp til að leyfa henni að njóta ásta með sér. Þó að fátt sé hér til tekið af gullfallegum mannkostum og hæfileikum frú Ingveldar, þá ætti það sem nefnt er hér að nægja til fleyta henni á rennireið kjósenda beint inná Bessastaði og verða þar hvort tveggja í senn húsbóndi og húsmóðir um ókomin ár.

Ástþór vongóður í þetta skiptið

Meðfærilegt gluggaskraut að Bessastöðum

Katrín Jakobsdóttir er afar mikil og glögg spákona, enda spámannlega vaxin og galdrakallsleg í fasi og tjáningu. Ekki vantar það. Það er til dæmis alveg milljón, ef ekki milljarður, að hún hafi kunngert spá sína varðandi forsetaframboð félaga Ólafs í gær og spáin hennar hafi ræst strax í dag svo nákvæmlega að ekki skeikaði svo mikið sem broti úr millímeter.

Og fyrst það er nú fram komið að Katrín Jakk(afata)er svona andsvíti getspök þá væri fróðlegt að vita hvort hún spáði því fyrir að Vinstrigrænir myndu svíkja öll gefin loforð varðandi ESB umsóknina daginn eftir að þeim tókst að komast í ríkisstjórn með hinum kratadindlunum. Þessi grófu svik, og víst fáein til viðbótar, urðu nefnilega þess valdandi að þingflokkur VG sprakk í loft upp á miðju kjörtímabili. Það er svosem ekkert stórmál þó að ein flokksnefna tætist í sundur svo að ekkert verði efir af honum annað en skjátan ein, ekki síst vegna þess að umrædd samtök voru í grunninn byggð á undirferli, óheiðarleik, lygum og loddarahætti, farið hefir fé betra. En að þeir sem stóðu fyrir svikunum væru eins kostulega óskynsamir, ef ekki blátt áfram heimskir, kom mörgum ansans ári mikið á óvart.

Nú er það von allra ráðvilltra manna og kvenna að spávísa galdrakallskerlingin í VG tilkynni innan tíðar að hún sækist eftir að verða forseti Íslands í næstu forsetakosningum því það fer að bráðvanta meðfærilegt gluggaskraut á Bessastöðum innan tíðar. Eða eins og galdrakallinn með brotna töfrasprotann sagði: Fyrr má nú skrauta en gluggaskrauta ...

Spáði brotthvarfi Ólafs í gær

Áður voru ræningjar hengdir á kross en núna eru krossar hengdir á ræningja.

Einhvern tíma sagði góður maður í tilefni af orðuveitingum, að áður fyrr hefðu ræningjar verið hengdir á kross en nú væru krossar hengdir á ræningja. Vart þarf að taka fram að sé er lét þessi orð falla fékk bágt fyrir, ekki síst hjá innstu koppum í búri borgarastéttarinnar. Síðan þetta gerðist hafa margar krossfestingar farið fram á stofugólfinu á Bessastöðum. Til að mynda hafa sæmdarhjónin frú Ingveldur og Kolbeinn Kolbeinsson bæði fengið stórriddarakrossinn í barminn og frú Ingveldur svo rækilega að nælan gekk inní geirvörtuna sem aftur leiddi til þess að frú Ingveldur frelsaði fyrrnefnda geirvörtu þar á miðju gólfinu við góðar undirtektir viðstaddra.

Í orðuveitingu dagsins í dag ber hæst riddarakross félaga Hjörleifs Guttormssonar, en hann er kanski sá eini í hópnum sem á skilið að bera þennan virðingarvott. Um aðra orðuhafa ætla ég að hafa sem fæst orð, en alltaf þykir mér þó heldur hlálegt þegar forsetinn heiðrar útsmogna arðræningja með nútímakrossfestingu.

En það voru fleiri en ræningjar hengdir á kross til forna. Eins og frægt er orðið þá tóku yfirvöld sig til fyrir um það bil 2000 árum og krossfestu einn mannkynsfrelsara, honum til varnaðar og öðrum til viðvörunnar. En þar eð fátt er um mannkynsfrelsara á Íslandi til að krossfesta ákvað Guðni Ágústsson og orðunefndin hans, að í stað mannkynsfrelsara væri gráupplagt að krossa Geirmund Valtýsson og Yrsu Sigurðardóttir. Ekki fer neinum sögum af því, að minnsta kosti ekki ennþá, að félaga Ólafi forseta hafa tekist jafn slysalega til þegar hann brá orðunálinni í Yrsu þegar hann nálaði frú Ingveldi á sínum tíma.  

Ellefu fengu fálkaorðuna

Gleðjast nú smámennin á hjáleigunni og höfuðbólinu

Þá er fram komið að félagi Ólafur Ragnar ætlar ekki að bjóða sig fram við næstu forsetakosningar. Má ætla að þessi ákvörðun forsetans espi enn frekar upp sjúkdómseinkenni þeirra lítilmenna sem haldin eru hinu hvimleiða, að ég segi ekki alræmda, krataeðli og að þessari stundu öskri þeir og veini ,,gaman gaman" í hinni óhrjálegu falsettu sem þeir eru kunnir fyrir. Vart þar að efa, kratagægsnin munu nú leggja mikið kapp á að ljúga inná þjóðina forsetaræfli sem væri allt í senn: smámenni, ESB-sinni, Icesave vinur og auðvaldssinni.

Ekki síður er viðbúið að auðvaldströllin í Hrunflokkunum sem kenna sig við sjálfstæði og framsókn kætist líka þegar í sjónmáli er að losni við félaga Ólaf og hefji dauðaleit að einhverju áferðarfallegu gerpi til að planta niður á Bessastöðum.

Það er því allt útlit fyrir að íslenska þjóðin fái galli blandaða kosningabaráttu milli forsetaefna tveggja auðvaldssinnaðara stjórnmálaklíkublokka þar sem annar verður ESB-innlimunarsinni en hinn andstæðingur ESB innlimunar. Svo verða tínd til fáein atriði í viðbót til að sýna fram á tilhlýðilegan lágmarksmun á frambjóðendunum, sem verða þó báðir mjög hjartanlega sammála um að elska og virða hið kapítalíska þjóðskipulag; með öðrum orðum, tvær illgresisplöntur í sama blómavasanum. 

Býður sig ekki fram til endurkjörs