Hr. Knallett hefir lurðast í hálfa öld á eftir huglausum ,,stjórnvöldum"

Ha? Það getur ekki verið að skipherra á íslensku herskipi, ígildi hershöfðingja til sjávar, sé óeigingjarn. Nei og aftur nei, það getur ekki verið. Ef Halldóri Bí. Knallett væri í raun óeigingjarn hefði hann fyrir lögnu skorist í yfirgang sægreifa gegn landinu og alþýðu þessi, og stökkt þeim alræmdu þorpurum á flótta með grimmilegri skothríð úr fallstykkjum herskipsins sem hann hefir stjórnað. En herra Halldóri Bí. Knallett er eigingjarn og vildi ekki fórna þægindum sínum með því að verja land og þjóð fyrir gripdeildum misyndismanna.

Og af hverju í fjáranum ætli íslensk stjórnvöld hafi ekki enn sent herskip sín og flugflota til Færeyja til að frelsa Færeyinga frá helvískum Hund-Danskinum? Ha? Eða herjað á Shetland og Orkneyjar og tekið þær ágætu eyjar af breska heimsveldinu? Það er erfitt að skilja slíka linkind og liðleskjuhátt; vinir okkar á úti í hafi, hér rétt fyrir sunnan okkar, búa við ógn og ófrelsi gamalla nýlenduböðla og við gjörum ekkert til að frelsa þá og taka þá upp að voru brjósti, ekki neitt. Þetta er náttúrulega til algerrar skammar!

Nú, hvurnig á annað að vera með önnur eins stjórnvöld og ríkt hafa alla tíð hér á landi. Vitanlega hafa svokölluð ,,stjórnvöld" á Íslandi verið skammarlega smá í sniðum, glíkust blauðum og sleikjulegum hundum með tunguna lafandi út úr sér niður í götu af undirgefni við helvíska nýlendukúgara og ójafnaðarfanta. Svo ætla einhverjir að bera á borð að herra Halldóri Bí. Knallett sér óeigingjarn, bara af því að hann hefir vappað á eftir liðónýtum og huglausum stjórnvöldum í hálfa öld eins og áburðartrunta í bandi. Nei, góðir hálsar, sonalagað er allra síst til þess fallið að skrá í annála.

 

Þakkað fyrir óeigingjarn starf í þágu þjóðar

Kannski embætti ríxlögreglustjóra verði rjúkandi rúst innan tíðar

Þetta líkar mér. Nú hefir Elísabet sett stefnuna á að gera út af við embætti ríxlögreglustjóra og linna ekki sókninni fyrr ríxlögreglustjóri verður kominn tryggilega bak við lás og slá. Ekki síst ætlar Elísabet að ganga frá þessum Rögnvaldi aðstoðarlögregluprjóni, enda telur hún það lítið verk, og flæma hann eins og hross til fjalla.

Eflaust mun Elísabet, en auðvitað heitir hún Elísabet, hvað annað, hafa í hyggju að taka langtum fleiri niður en ríxlögreglustjóra og Rögnvald lögregluprjón og verður áreiðanlega fróðlegt og hlálegt að horfa yfir valinn þegar Elísabet hefir lokið sinni rassassíu og embættin, stjórarnir og prjónarnir liggja öll í einni kös. Þegar því verki verður lokið fer Elísabet, sem sumir kalla nú orðið ,,ekkilækni", í framboð fyrir Miðflokkinn og tekur öll völd í þjóðfélaginu með Sigmundi Davíð og klausturkroppinbökunum.

Það eina sem gæti komið í veg fyrir stórsigur Elísabetar á ríxjukkinu er ef Gottfreð Gottfreðsson læknir næði á rassinn á henni með sprautunni og dældi hana fleytifulla af fjölstofna vírusvörnum. Gottfreð læknir veit vel hvað hann syngur og hann hefir efnablöndur, sem dugaða hafa ágætlega gegn framsóknarvírusnum, krataeðlinu og Tortólu-syndróminu. Það er til dæmis ekki langt síðan Gottfreð læknaði framsóknarmann sem kominn var yfir í Miðflokkinn með bleiklitri upplausn. Síðan hefir þessi maður mátt heyra minnst á Framsókn og Miðflokkinn, þá fer hann strax að gubba og grænar bólur birtast hér og hvar á líkama hans.

Ætlar að sækja ríkislögreglustjóra til saka

Hvað eftir annað hafa þær mátt undirgangast áfallahjálp eftir aðför þjálfarans

Þá eru þeir búnir að stampa hinum andfémíníska fanti sem þeir réðu til að þjálfa kvennalandsliðið í knattspyrnu. Af fréttum að dæma var hinn brottrekni mesta fól og illur við vín. Til marks um vonsku og kvenfyrirlitningu þjálfarans eru óbótaskammir, sem hann orgaði eins og naut yfir blessaðar litlu dollý-telpurnar svo að sálirnar þeirra hlupu í hnút, svo alvarlega, að þær hafa mátt undirgangast áfallahjálp hvað eftir annað eftir aðför þjálfarans að þeim í drykkjuhófi.

Sem stendur höfum vér Íslendingar engan landsliðsþjálfara, hvorki í flokki karla né kvenna. En vér þurfum samt ekki að örvænta, elsku vinir, því brátt verður Lars okkar Lagerbakur gjörður að þjálfara karlalandsliðsins og hann mun og taka að sér þjálfun kvennalandsliðsins í hjáverkum. Trúlega verða telpurnar okkar frumur óánægðar með að fá Lars, því þær vilja þjálfa sig sjálfar og velja sjálfar í landsliðið og stilla sjálfar upp byrjunarliði sínu. En agi verður að vera og telpurnar vera að undirgangast karllæga þjálfun, sem miðar sennilega að því að gera þær að körlum.

Aðalmálið er auðvitað, að tekist hefir að snúa hinn andfémíníska og drykkjuilla hrotta niður og flæma hann á brott frá hinum viðkvæmu boltatelpum, þannig að hann verður að beina óbótaskömmum sínum og dónaskap að einhverjum öðrum en þeim þegar hann dettur í það næst. Svona karlar eins og hann hefðu kannski verið brúklegir á síðutogara og vertíðarbáta fyrir hálfri öld en að hafa hann innan um telpugrey árið 2020 er auðvitað alger firra. Þó skal reikna þjálfaranum til málsbóta, að úrslitadrykkjuhófið var úti í Ungverjalandi og má telja víst, að hið görótta ungverska brennivín og hinn lævísi ungverski andi hafi haft sitt að segja þegar hann ákvað að freta skammar- fólskuhryglunum framan í den lille pige.   

KSÍ staðfestir brotthvarf landsliðsþjálfarans

Ætlar að halda áfram í poletik þótt aungin sé eftirspurnin, hahaha ...

Skohh þá löngu, sú ætlar ekki að gera það endasleppt og ætlar að halda áfram í poletik þó aunginn annar hafi minnsta á huga á að hún haldi fíflagangnum áfram. Svo er einhver misskilningur í gangi hjá aumingja kerlingunni með það að hún hafi verið í poletik, en það hefir hún einmitt ekki verið. Þessi uppástöndugheit og rassaköst frú Andersen, sem við höfum orðið vitni að, hafa verið störf að landlægri spillingu innan Sjálfstæðisflokksins með þeim dólgshætti sem heyrir slíku starfi til.

Já já, og enn veður hin heillanga nýfrjálshyggjufrauka elginn og hefir um skeið helgað dýrmætum tíma sínum einkar sérkennilegri og fágætri baráttu gegn mannskæðum heimsfaraldri, sjálfum kóvíði nítjánda. Aðferð frúarinnar, sem ,,ætlar að halda áfram í poletik" gegn drepsóttinni er að hvetja fólk til að haga sér eins og fífl og bjóða vírusnum birginn í nafni ,,frelsis og mannréttinda!" Svona skemmtileg barátta er oft og iðulega kölluð ,,að berjast við vindmyllur" eða ,,berja höfðinu við steininn" og er skjaldan talin til göfugra andlegra afurða eða vitsmunalífs á sæmilega háu stigi. Nei, aldeilis ekki.

Öll vitum vér, að sú langa á langt og erfitt ferðalag fyrir höndum, það er að segja, ef henni er alvara að klöngrast eftir politik, þótt aunginn vilji hana í poletik og eftirspurn eftir henni nákvæmlega aungin til raunverulegra poletiskra verka. Sumum sperrileggjum nægir oft að velta sér upp úr gagnslausu og skammarlegu fúski og segjast vera í poletik. Sem betur fer er soddan stjórnmálastarf lítilfjörlegt og allir láta sér fátt um finnast. En svo gjörist það endrum og sinnum, að eðlislægum fúskurum er fyrir mistök falin stærri poletisk verk, en þau enda einatt með ósköpum og fyrir alþjóðlegum yfirdeildum mannréttindadómstóla vítt og breitt um veröldina. 

Ætlar að halda áfram í pólitík

Hálfdán Varðstjóri hefir verið virkjaður og mun leggja hana í járn þegar kallið berst

Þegar lögreglan verður búin að skoða mál Elísabetar lýtalæknis mun lögreglan eflaust leggja lækninn í járn og hafa hann með sér til dýflissunnar. Nú þegar hafa lögregluyfirvöld virkjað Hálfdán Varðstjóra til sækja lýtalækninn um leið og kallið berst. Og rétt í þessu greindu fjölmiðlar frá því, að frú Elísabet er ekki á skrá þeirra sem hafa lækningaleyfi á Íslandi. Ef frúin hefir ekki leyfi til að titla sig lækni þá fer aldeilis að kárna gamanið hjá henni og halla svo grimmt undan fæti að hún missir fótfestuna og steypast niður í salarkynni hinna fordæmdu.

Svo má vera, að þegar Hálfdán Varðstjóra ber að garði Elísabetar þá hafi hún væðst haglabyssu og bíði þess við stofuglugga sinn að Varðstjórinn komi í skotfæri. Það væri svo sem eftir öðru, að hinn frækni lögregluþjónn, Hálfdán Varðstjóri, verði felldur með haglabyssu eins og rjúpa eða þúfutittlingur. Ef hlutirnir verkast með þeim hætti, að Hálfdán Varðstjóri liggi sundurskotinn á bílastæði út í bæ, mun þjóðin leggjast í óbugandi sorg, því ef einhver hefir veitt þessari þjóð öryggiskennd og yl þá er það Hálfdán Varðstjóri.

Já, kæru samlandar, lýtalæknar og rafrettulæknar, eða rafrottulæknar eins og þeir eru kallaðir, eru varasamt fólk og eins gott að halda þeim frá sér með öllum ráðum. Og auðvitað heitir hún Elísabet, hvað annað? Næstu klukkustundir skera svo úr hvort Hálfdáni Varðstjóra tekst að koma böndum á kerlinguna og leiða hana fyrir Gottfreð lækni Gottfreðsson og sprauturnar hans. En Hálfdán verður að fara varlega, því þókt hugsunin um haglabyssuna bak við stofugardínurnar sé hræðileg ein og sér, þá er hættan á að frú Elísabet sé útbíuð í kóvíði nítjánda enn hroðalegri. Það væri alltso laglegur andskoti ef svo illa tækist til að Hálfdán Varðstjóri og Gottfreð Gottfreðsson læknir féllu báðir í valinn, af því að þeir hefðu smitast af kóvíði nítjánda við skyldustörf sín í þágu almennings og heilbrigðis hans.  

Lögreglan skoðar mál Elísabetar

Nú fór herra G. Zógga alveg með sig og verður að segja sig til skógar

Hvort er betra að farsóttin skilji eftir ,,ákveðin sár" eða ,,óákveðin sár"? Þessu verður hagspekingurinn atarna að svara elligar veður hann dæmdur ómerkur og ekki í húsum hæfur og allra síst kirkjugræfur. Karlkjökrið getur svo sem reynt að gjöra bragarbót, en vér getum lofað honum strax, að þesskonar tilfæringar munu allar fara í handaskolum hjá honum og út um læri og maga alla virka daga. Þetta er alveg eins og þegar vitfirringur hleypur út í kviksyndi og situr þar fastur, en fólkið stendur á bakkanum og hlær að honum.

Eftir þetta vindspark herra G. Zógga er honum nauðugur einn kostur, sem sé að segja sig til skógar, gjörast skógargangsmaður og fara huldu höfði með fjöld óvina á hælunum. Gott ráð væri hjá herra G. Zógga, að fela sig upp til hlíða fram yfir jól og slást svo í hóp jólasveinanna, þegar þeir ráfa til sín, og gjörast jólasveinn. Grýla mun eflaust vígja gemlinginn formlega til jólasveins upp úr áramótunum og láta hann sofa hjá sér fram yfir þorra. Eftir það mun herra G. Zógga hlotnast það ótrúlega lán að fá, eins og aðrir nýjólasveinar, að klappa og kyssa Jólakettinum og liggja hjá honum á nóttinni.

Það er náttúrulega sorglegra en tárum taki að verða vitni að enn einu óráðsfálminu hjá hagfræðilærðum greyjum. Það er ekki nóg að tileinka sér gáfumanntal um ,,péníngastefnunefnd" og aðra fordild í þeim dúr, ef sá er brúkar þessháttar hjal kann ekki muninn á ,,ákveðnu" og ,,óákveðnu". Af heimskupörum af því tagi leiðir ekkert annað en ógæfa á hæsta stigi. Það er því best fyrir hr. Zógga að gyrða sig undir eins og í brók og drífa sig út og láta hríðina geyma sig þar til hann kemst með jólasveinum upp í óbyggðir.

Farsóttin mun skilja eftir „ákveðin sár“

Þá Yrsa Þöll lækningastúdent storkaði örlögunum með ferlegu framferði

Já, framferði E. Gúðmúndsen, doktórs í lýta- og inflúenzulækningum, er ekkert einsdæmi hér, ef út í það er farið. Samtímis dr. Gottfreði Gottfreðssyni lækni var konan Yrsa Þöll Brunnfelth, ættuð af Vestfjörðum. Á síðasta ári í læknadeildinni, undir vor, og þau áttu að útskrifast örfáum vikum seinna, gjörðist Yrsa Þöll svo stórtennt að hún gleypti í sig bólusóttarvírus, því henni var í mun að sanna að bólusóttin, sem sagt var að hefði gjört nær alla íslensku þjóðina útdauða, væri eins og hvur önnur þvættingsfirra.

Fám dögum síðar var læknaneminn Yrsa Þöll orðin eins og útspörkuð svínastía í framan af bólum og búkurinn var svo viðbjóðslegur að hinir læknastúdentarnir gubbuðu, magnstola af viðbjóði, og sögðu eitthvað ljótt um hana hvurjir við aðra. Gottfreð Gottfreðsson var þar viðstaddur og gubbaði hann mest og drakk mörg glös af sóttvarnarkogara á eftir til forðast smit. Nú, það var skipaður rannsóknarréttur til að komast að því hvað væri að Yrsu Þöll. Og þegar réttarlæknannir komust að hinu sanna, fluttu þeir bólusóttarsjúklinginn upp til sveit og komu honum fyrir í djúpri súheyisgryfju, sem bændur voru löngu hættir að nota, og þar fékk Yrsa Þöll að afplána sóttkvíareinangrun meðan bólurnar voru að hjaðna.

Þegar Yrsa Þöll hafði náð sér af bólusóttinni og önnur atvik lágu fyrir, þókti ekki annað forsvaranlegt en að koma henni fyrir á vitfirringahælinu, því augljóst var að manneskjan var brjáluð og vís með að hrinda af stað hættulegum farsóttum ef hún gengi laus. Svo fékk hún leyfi af hælinu og fór til Kaupmannahafnar, skömmu síðar braust út miltisbrandsfaraldur í Danmörku, sem varð bæði þarlendum mönnum og nautgripum að fjörtjóni. Af framansögðu ætti sumum að skiljast, að ekki er við hæfi að storka örlögunum í formi kóvíðs nítjánda.    

Beint á mótmæli daginn eftir heimkomu

Yfirvofandi málaferli fyrir Landsrétti um einkaleyfi á píkunni og grindarbotninum

Djöfull er hörmulegt að sjá hvurnig þetta leiðindalið skautar frá hjá þeirri staðreynd að það var frú Ingveldur sem fann upp píkuæfingarnar að sterkari píku. En burtséð frá því, þá notaði frú Ingveldur eiginmann sinn, Kolbein Kolbeinsson, til að þróa og sannreyna æfingarnar uns kallauminginn fékk bullandi legsig og hellti sér yfir frú Ingveldi með nautslegum sóðamunnsöfnuði, en frú Ingveldur svaraði honum með því að kalla hann bölvaða láfu og sló með flötum lófa á botninn á karlinum, nægilega fast til að hann fékk óbragð í munninn sem entist langt fram eftir degi til að japla á.

Það eru auðvitað þrjátíu ár síðan frú Ingveldur uppgötvaði grindarbotninn, fyrst manna og kvenna í heiminum, og fékk fljótlega einkaleyfi á henni. Uppgötvun sinni fylgdi frú Ingveldur eftir með metsölubókinni ,,Láfan mín og láfan þín - æfingar fyrir fullorðna", sem síðan hefir verið biflía láfuunnenda, bæði nær og fjær. Já, þannig var það og er. Af þessum sökum er hjartaskerandi að sjá bráðunga og efnilega frauku valsa fram á sjónarsviðið og halda því fram að hún hafi fundið píkuna upp og allar þær góðu æfingar sem gjöra píku að sannri píku.

Þessi ósköp fara áreiðanlega fyrir rétt, Landsrétt, enda er ekkert gamanmál að taka patent, sem er eign frú Ingveldar, ekkert gamanmál. Og þar eð um er að ræða grindarbotn  og heimsfrægar æfingar á láfunni, sem frú Ingveldur neyddi mann sinn með harðri hendi að æfa og tileinka sér þar til hann stóð á þambi, þá má reikna með að þurfi að endurskipa Landsrétt með tilliti til þess að núverandi dómarar þar á bæ eru allir tengdir málsaðilum á einn og annan hátt. Það held ég verði þrifalegur andskoti fyrir dómsmálaráðherra og sérlegan aðstoðarmann hennar og ráðgjafa, Stjörnusýslumanninn Stones, að þefa uppi nýja dómara í Landsrétt, sem einnig hafa yfirgripsmikla þekkingu á píkum, láfum og grindarbotnum. 

Meðfylgjandi mynd er af frú Ingveldi og lögmanni hennar. 

Fáðu sterkari píku með Píkusporti

Frægur feitisklepri í rotþró auðvaldssamfélagsins. Er það eftirsóknarvert hlutskipti?

Hvaða ómenni ætli það hafi verið sem göbbuðu veslings barnið til að glamra hjá kjaftaskjóðunum hjá Sameinuðu þjóðunum? Svo gapir þetta grey framan í glottandi smettin á þeim hjá Sameinuðu þjóðunum og kvakar, reynir að tala tungum um eitthvert kjaftæði sem henni hefir verið sagt að tala um. Hún veit ekki, þessi smjörlíkisskörungur að jafnrétti þýðir annað og meira en innantómur og einskisverður kynjametingur á Íslandi. Að minnsta kosti talaði hún ekki um óréttlætið, ójöfnuðinn og glæpina í heiminum, sem eru svo stórir að fólk sem alist hefir upp í bómullarkassa á háskólalóðinni hefir ekki getu til að sjá þá og skilja.

En auðvitað geta allir, sem lyst hafa á, gluggaskrautast og leikið sig einhverskonar bölvuð skoffín og prumphænsni framan í lostugt trýnið á hinum kapítalíska heimi, sem telur sig auðvitað eiga meirihluta hlutabréfa í Sameinuðu þjóðunum. Hitt er svo alvarlegra mál, að það, að etja einfeldningum og fíflum á forað forheimskunnar í heiminum, er mikið óhæfuverk sem ólíklegt er að nokkur geti fyrirgefið, allra síst Guð.

Það eru döpur  eftirmæli, líklega þau döprustu og auvirðilegustu sem hægt er að hugsa sér, að hafa verið eins og feitisklepri í rotþró auðvaldssamfélagsins og flotið um rænulaus til lokadags. Auðvita reyna allar ærlegar persónur að komast hjá slíku hlutskipti. En sumum er bara ekki viðbjargandi, þeim er ekki sjálfrátt, bugast fyrir hégómanum og kjósa fremur að vera þekktur klepri í soranum en óþekkt og af hjarta hógvær manneskja á æðra sviði mannheima.   

„Alltaf tími fyrir jafnrétti kynjanna“

Hvur flutti inn málsháttinn ,,oft veltir dópaður ökumaður lítilli hlussu"?

Ekki höfum vér neina vissu fyrir hvaðan úr veröldinni hinn frægi málsháttur ,,oft veltir dópaður ökumaður lítilli hlussu" er ættaður. Nú, böndin berast að útlöndum, því ekki búum vér Íslendingar til óþverra málshætti til að niðurlægja, smána og uppnefna samborgara okkar. Hjá háskólanum fengum vér þær upplýsingar, að fyrrgreindur málsháttur hafi á sínum tíma borist til landsins með illmennum á vöruflutningaskipi eða togara eða öðru fiskiskipi, sem hafði verið í fisksöluerindum erlendis.

Auðvitað verður að leita að þrælnum, eða þrælunum, smygluðu þessum meinlega og illkvittna málshætti til landsins, og láta þá taka út sína refsingu. Kunnugir telja að viss hætta sé á, að teknu tilliti til aldurs málsháttarins, að einhver þrælmennanna sé nú þegar dauður, jafnvel allir, og verði því ekki sóktir til saka hér í heimi, en með aðstoð sálrænna miðla megi hafa höndur á hári þessara misyndismanna þókt dauðir séu.

Hér verður aungvum getgátum að því leitt hvur sé dópaði ökumaðurinn, sem málshátturinn beinist að, eða hvur sé sú hlussa sem valt um koll. Og ef einhverjum þykir sóma sínum best borgið með því að hnýsast eftir hvur séu eiturlyfjabílstjórinn og hlussan, þá gjörir sá hinn sami það upp á eigin spýtur og tekur afleiðingunum.

Dópaður bílstjóri og Mannréttindadómstóllinn