Skýrt dæmi um þykka heilaþoku

Mikið óskaplega er farið að slá útí hjá kerlingaranganum henni Jóhönnu. Nú heldur hún að Ísland sé gengið í ESB og mikið sé gert með það innan sambandsins sem samfylkingin hefur til málana að leggja. Ef fram heldur sem horfir verður koma blessaðri konunni fyrir á Hrafnistu, dvalarheimili aldraðra sjómanna, um leið og hún kemur frá Svíþjóð.

Glöp Jóhönnu eru þeim mun broslegri þegar haft er í huga að íslenska þjóðin mun aldrei samþykkja inngöngu í ESB þegar kosið verður um málið. Raunar virðist einhver illvíg höfuðsótt herja á meðlimi Samfylkingarinnar því öll þau undur og býsn sem velta uppúr því fólki eru með þeim hætti, að vandséð er að það gangi heilt til skógar. Skýrt dæmi um krankleika samfylkingarlima er fimbulfamb ASÍ-Gylfa og hans meðreiðardrauga. Þá eru eilífar hótanir Jóhönnu og kó um stjórnarslit út af öllu mögulegu ekkert slor, en bera því miður í leiðinni glöggt merki um þykka heilaþoku og sjálfsagt fleiri hvimleiðar bilanir í taugakerfinu.

En einhverntímann kemur að því að Samfylkingunni verður rekið á kjaftinn svo um munar. Það mun verða dásamlegt rothögg.

Aukið samstarf smærri aðildarríkja mikilvægt

Bjarni Ben gerir sér til skammar erlendis

Mikill kappi þessi Bjarni Ben,. svo mikill kappi að fulltrúar hinna Norðurlandanna á þingi Norðurlandaráðs hafa hrist hausinn í forundran þegar þeir sátu undir kjaftabullinu í manninum. Það vill nefnilega þannig til að fólk í Norðurlandaráði veit hvernig ,,hvirfilbylurinn," sem Bjarni var að blaðra um, er til kominn. Þeir vita að efnahagshrunið á Íslandi varð vegna frjálshyggjuofstækis Sjálfstæðisflokksins og stórkostlegrar spillingar sem fékk að grasséra í skjóli hans. Í kjölfarið á hroðalegum lokakafla á hrunadansi Sjálfstæðisflokksins flögraði að ýmsum ráðamönnum erlendis að það væri mikið vafamál hvort Ísland ætti skilið að vera sjálfstæð þjóð framvegis.

Svo mikið er víst að forystuskríll Sjálfstæðisflokksins hefur engin efni á að standa upp og steyta görn á opinberum vettvandi, hvorki hérlendis né erlendis. Sjálfstæðisflokkurinn er þess eðlis, að starfsemi hans ætti að banna eins og gert er við öfga-hægriflokka erlendis. Því virðast flestir gera sér grein fyrir, nema hinir svokölluðu ,,sjálfstæðismenn." Og þetta vita fulltrúar á þingi Norðurlandaráðs.

Ísland stóð eitt í hvirfilbylnum

Uppreisn gegn forystu ASÍ nauðsynleg

Það gerir víst lítið til þó þungt sé yfir Vilhjálmi Egilssyni og Gylfa Arnbjörnssyni, fulltúum sérhagsmuna og auðvaldshyggju. Þessir garmar geta farið moka yfir drullumallið sitt, sem þeim, af botnlausu hyggjuviti sínu, kalla ,,stöðugleikasáttmála." Auðvitað dettur ríkisstjórninni ekki í hug að ansa svona fjarstæðubulli.

Meðal gersema í stöðugleikasafni Vilhjálms Gylfa mun vera að finna kröfu um að engar breytingar verði gerðar á hinu alræmda kvótakerfi í sjávarútvegi, einni af helstu uppsprettum spillingar og efnahagshruns. Hvaðan úr andskotanum kemur Gylfa Arnbjörnssyni, Kristjáni í Keflavík, Skúla Thor og Ingibjörgu Err umboð til að krefjast í nafni verkalýðshreyfingarinnar að kvótakerfinu verði ekki breytt á nokkurn hátt? Ég efast um að þetta fólk hafi hugmynd um hvernig þetta kerfi hefur leikið fólk og byggðarlög víðsvegar um land. Eða eru þessi aumkunarverðu skoffín ef til vill fyrst og síðast strengjabrúður og þjónar Samherja, Granda og annarra stórkapítalískra stórfyrirtækja, þrátt fyrir að þau sækji launin sín í vasa fátæks verkafólks?

Það er orðin full ástæða til að hvetja almennt launafólk innan ASÍ til uppreisnar gegn forystu samtakanna. Þessu skrifstofusjakalahyski verður sparka öfugu út af kontórum alþýðuhreyfingarinnar án nokkurrar miskunar.

BURT MEÐ FORYSTU ASÍ - STRAX

Það er þungt yfir

Hranalegt atriði í barnaleikriti

Svo ku nokkrir veðsettir kvótafiskar á vegum LÍÚ leika í barnaleikritinu Sindra silfurfiski. Sagt er að þessi nýstárlega viðbót í leikarahópnum gefi leikritinu fullhranalegt yfirbragð, sérstaklega í atriðinu þegar Þorsteinn Már og Friðrik Jón kvótasetja alla hina fiskana og éta þá síðan sjálfir.

Svamlandi sjávarfang á sviðinu

Niðurlæging samtaka launafólks er alvarlegt mál

Það hefur vægast sagt verið hörmulegt að fylgjast með niðurlægingu samtaka launafólks á almennum markaði síðustu ár. Það er engu líkara en svokallaðir forystumenn þessara samtaka, með örfáum undantekningum, hafi komið sér saman um að fjarlægjast fólkið sem heldur þeim uppi eins mikið og mögulegt er. Þessum auðvirðilega forystulýð virðist yfir höfuð fjandans sama um kaup og kjör launafólks og þá einkum og sérílagi laun þeirra lægst launuðu, verkafólksins. Úrkynjun og sjálftökuhyggja verkalýðsleiðtoga er alvarlegt mál, svo alvarlegt að við svo búið má ekki standa studinni lengur. Þegar svo er komið að örfáar manneskjur hafa tekið sér öll völd í hreyfingu, sem tugir þúsunda félaga greiða félagsgjöld til, og fara með þau að eigin geðþótta er nóg komið. Það er sannast sagna viðbjóðslegt að horfa uppá sleikjuskap og undirgefni Gylfa ASÍ-forstjóra og húskarla hans við atvinnurekendur og fulltrúa kapítalismans. Hvað á að segja um hálaunaða verkalýðshöfðingja, sem ákveða uppá sitt einsdæmi að fella niður áður umsamdar launahækkanir láglaunafólks? Eru svoleiðis kláðagemlingar yfirleitt á vetur setjandi? Og hvað kemur þessu liði til að haga sér á þennan hátt?

Og hvernig stendur á því að ólánsgaarmarnir Gylfi Arnbjörnsson, Kristján í Keflavík og Skúli Thoroddsen lögðust í skítlegan kafbátahernað til að bola Aðalsteini Baldurssyni úr embætti formanns matvælasviðs Starfsgreinasambandsins og komust upp með það? Ástæðan fyrir aðför fyrrnefndra þremenninga á hendur Aðalsteini liggur svo sem í augum uppi: Aðalsteinn er einn af sárafáum forystumönnum í almennu verkalýðshreyfingunni sem hægt er að kalla sannan verkalýðssinna og að sama skapi sjálfum sér samkvæmur, heiðarlegur og fylginn sér. Þessháttar persónu geta skrifstofusjakalarnir á kontórum ASÍ og Starfsgreinasambandsins ekki umborið, því skal hún lögð í einelti og gert útaf við hana.

Hvort almennum félagsmönnum verkalýðshreyfingarinnar tekst að vakna svo til vitundar að þeim auðnist að reka Gylfa Arnbjörnsson og hans hirð af höndum sér veit ég ekki. En hitt veit ég að verði þessum ódámum ekki komið fyrir kattarnef mun úrkynjun og niðurlæging hreyfingarinnar halda áfram og taka stærri og dýpri dýfur í framtíðinni.

Ef heldur fram sem horfir verður hreinlega að stofna samtök gegn Gylfa Arnbjörns, Kristjáni í Keflavík, Skúla Thoroddsen og þeirra líkum innan verkalýðshreyfingarinnar. 

Stöðugleikasáttmálinn í hættu

Svínsinflúensa herjar líka á sjálfstæðisbúin Hvöt og Heimdall

Við svínaflensuna á svínabúinu er því að bæta, að svæsinn svínsinflúensa hefur skotið sér niður í sjálfstæðisflokksfélögunum Hvöt og Heimdalli. Hafa margir sjúklingar úr umræddum félögum fengið óráð og farið að tala tungum í þeim mæli að öðrum heimilsmönnum hefur ofboðið. ,,Hún hefur ekki verið í húsum hæf í fulla fimm sólarhringa" sagði þreyttur húsbóndi á sínu heimili um eiginkonu sína, sem er æstur félagi í Hvöt. Þessi maður lét flytja konuna á gjörgæsludeild í Valhöll í fyrradag.

Kunnur læknir í smitsjúkdómum lét hafa eftir sér í dag, að ekki kæmi á óvart þó svínsflensa herjaði með svipuðum hætti á svín í svínastíum og flokksbundna sjálfstæðismenn; eini munurinn á þessum dýrategundum væri að önnur þeirra væri æt en hin óæt, eiginlega hálfeitruð.

Grunur um að svín séu sýkt af svínaflensu

Vilhjálmur Gylfi skeggræðir við sjálfann sig um stóriðju og ESB

Já, ætli fari ekki best á að Vilhjálmur og Gylfi, sem heita einu nafni Vilhjálmur Gylfi Egilsson, láti sér nægja að gjamma hvor uppí annann um stóriðjurugl, ESB og hvernig þeir geti sem best þjónað auðvaldinu og sérhagsmunaaðlinum.

Annars er Gylfi andskotans ósköp knár karl og hraustur, sem á góðum dögum kallar sjálfann sig (og Vilhjálm vin sinn og bróður) Verkalýðshreyfinguna. Enda standa fáir að þessari sérkennilegu verkalýðshreyfingu ASÍ-höfðingjans fyrir utan Gylfa og Vilhjálm.

Fundað um yfirlýsingu

Hækkuðu þeir ekki líka kaupið hjá fólkinu?

Það væri gaman að vita hvort Jón Ásbjörnsson og sonur borgi verkafólkinu sem vinnur hjá þeim í ,,nýju fullkomnu fiskvinnslunni" mannsæmandi kaup. Eða láta þeir sér sæma að sletta hungurlús, samkvæmt taxta Vilhjálms Gylfa Egilssonar og Kristjáns í Keflavík, í liðið? Ég trú ekki öðru en Jón og sonur hafi látið kné fylgja kviði, rifið sig uppúr smáninni, og hækkað kaupið hjá fólkinu sínu uppí 250 þúsun krónur á mánuði miðað við 40 stunda vinnuviku.

En mikið andskoti væri gaman að fylgjast með verkalýðshetjunum á Starfsgreinasambandskontórnum, þeim Kristjáni í Keflavík og Skúla Thoroddsen, reyna að pluma sig í lífinu á dagvinnukaupi fiskverkafólks. Ég er hræddur um að það yrði brátt um blessaða kappana að búa við slíka auðlegð.

Reistu stórglæsilega fiskvinnslu í miðri kreppunni

Menningarlegur viðsnúningur

Ansi eru það góð tíðindi að drullumallararnir frá McDónalds séu horfnir á braut. Hingað til hefur það þótt óbrigðult merki um hnignadi menningu hvers þjófélags þegar ljósaskilti með McDónalds hafa farið sjást og menninguni hnignað þaðan í frá með hverju nýju auglýsingaskilti. Það verður því að teljast allnokkur menningarlegur viðsnúningu í jákvæða átt að Ísland hreinsist af hakkijukkinu frá amrísku Donnunum. Ef að kókakóla færi sömu leið og McDónalds þá færi landið loks að rísa af einhverju marki uppúr öldudal hinnar menningarsnauðu ómennsku.

Um bragðgæði McDónaldshamborgara þarf ekki að fjölyrða: öðru eins bölvuðu trosi hefur aldrei, hvorki fyrr né síðar, verið haldið að íslendingum. Og ekki kæmi mér á óvart þó ég fengi óyggjandi upplýsingar um að tættum dagblaðapappír væri blandað saman við hakkið í þessari einkar bragðvondu og fráhrindandi matvöru, ef matvöru skyldi kalla. 

McDonald's hættir - Metro tekur við

Vilhjálmur Gylfi Egilsson framkvæmdaforseti ASSÍA

Óskaplega held ég hann sé hvimleiður maður þessi Vilhjálmur Gylfi Egilsson frakvæmdaforseti ASÍSA. Svona náunga á að geyma í skepnuheldri girðingu, innan um sína líka, eins og aðra nautgripi. Þó tekur út yfir allan þjófabálk þegar Vilhjálmur þessi Gylfi lætur sig hafa að ganga fyrir ráðherra til að leika hirðfífl, enda hlægja ráðherrarnir víst ótæpilega í hvert skipti þegar karlskjóðan er horfin á braut. 

Og hver ætli kæri sig svo sem um heimsókn lítils hrunakarls, jafnvel þó hann þykist vera framkvæmdaforseti ASÍSA eða ASSÍA? Ekki nokkur maður, geri ég ráð fyrir. Það þarf enginn að verða hissa þó að ráðherrarnir kalli á lögregluna næst þegar Vilhjálm Gylfa ber að garði og láti fjarlægja skepnuna; leiðinlegt trúðgerpi verður nefnilega því leiðinlegra sem maður sér það oftar.

„Þetta mjakast áfram“