Siðblindumessa frú Brím í pungaprófsháskólanum

Siðblindu má vissulega finna í bönkum og fjármálafyrirtæknum, en einkum og sérílagi er hana að finna í Sjálfstæðisflokknum. Í þeim myrkrasamtökum virðist mönnum siðblinda og siðvilla í blóð borin því þar flóa þessir fráhrindandi eiginleikar yfir alla barma eins og hlandfor úr haughúsi.

Ef að frú Nanna Brím geðlæknir einskorðaði siðblindurannsóknir sínar við nefndan Sjálfstæðisflokk myndu henni eflaust fallast hendur ekki ólíkt þeim manni sem falið væri að grafa tíu kílómetra langan skurð, fimm metra breiðan og sex metra djúpan, með teskeið.

Ekki þykir mér útilokað að fyrirlestur geðlæknisins um siðblindu hafi farið fyrir ofan garð og neðan hjá nemendum og kennurum pungaprófsháskólans í Reykjavík. En skólanefna þessi er sem kunnugt er ömurleg tímaskekkja frá hinu myrka frjálshyggjutímabili íslandssögunnar, sem lauk fyrir 16 mánuðum síðan með þjóðarhruni. Varla þarf að taka fram að siðblinda er önnur grunnstoðin í framkvæmd frjálshyggjunnar, hin er græðgin.

Siðblinda finnst allsstaðar

Athugasemdir

[Sveinn hinn Ungi (IP-tala skráð) 3.2.2010 kl. 18:19]

Þegar hún taldi upp einkenni siðblindu fannst mér hún vera að lýsa tilteknum ónefndum manni. Siðblindir hafa persónusjarma, eru duglegir að ljúga og finnst þeir ekkert hafa gert rangt. Passar ansi vel við suma.

[Níels A. Ársælsson., 3.2.2010 kl. 22:29]

Ha ha ha ha ha ha...........................

Þessi færsla slær öll fyrri met.

[Flosi Kristjánsson, 4.2.2010 kl. 21:37]

Var hún að lýsa Ögmundi Jónassyni? Steingrími Sigfússyni?

Eina tilvikið sem ég hef heyrt greint kemur úr flokki vinstri grænna og fékk greininguna "rjúkandi psykkópati" hjá flokksbróður sínum sem bast þessari fylkingu traustum böndum fyrir nokkrum árum.