Hanna Birna verður flott með Stjána Júl

Nú dugar ekkert hik né hangs, Hanna Birna á ekkert með að íhuga nokkurn skapann hlut; hún á að einhenda sér í varaformanninn og taka hann með trompi. Þau vera gífurlega áhugavert og framsækið í forustupar í brúnni á Sjálfstæðisflokknum þau Stjáni Júl og Hanna Birna, uppfull af ferskleika, hugmyndum og útbólgnum hugsjónum; hann samherji, hún af valhallarkontórnum hjá Kjartani Gunnarssyni.

Á meðan ég man: Stjáni Júl mun afgreiða Bjarna Ben, núverandi formann, með hælkrók að hætti samherja, á landsfundi óreiðusamtakanna sem eru svo óforskömmuð að kenna sig við sjálfstæði. Og eftirleikurinn verður auðveldur: Eftir valdatökuna mun Stjáni sigla íhaldsjaktinni rakleiðis til Akureyrar, rétt eins og samherjar brunuðu með ísfirsku Guðbjörgina frá Ísafirði til Akureyrar, sællar minningar. Og Hanna Birna mun blíva sem ein sérdeilis siðleg og prúð skipsjómfrú í brúnni með Stjána, en Gulli, Bjarni Ben, Illugi og Torgerður Katrín verða að láta sér lynda að hvíla lúin bein og útbrunnar taugar í lestinni innanum drukkna menn, krankar konur og skran.

Íhugar varaformannsframboð

Athugasemdir

[Ingibjörg Friðriksdóttir, 6.6.2010 kl. 09:18]

Nei nei. þetta er ekki rétt hjá þér.  Það er búið að plotta þetta.  Lifandis einfeldningur sem þú getur verið.  Bjarni Ben mun vinna prófkjörið, það er búið að ákveða það.  Síðan er plottið að hann mun segja af sér og varaformaðurinn taka við.  Þetta veit ég og það mun ganga eftir. 

Sjálfgræðgisflokkurinn hefur alla tíð unnið þannig eða hvað?

Það verður engin Samherji í brúnni.  Bara einvalalið úr VALHÖLL