Góður piltur Gwöðne þó sumir kunni ekki að meta hann

Assgoti er hann nú góður piltur hann Gwöðne á Bessastöðum, hann sendir út svona fína samúðarkveðju þrátt fyrir að stunda okurleigu á húsnæðismarkaði. Honum er bara ekki fisjað saman. Að rísa upp eins og Þorgeirsboli forðum og færa vinum sínum samúðarkveðju er algert met, eftir að hafa legið stöðugt í mörg dægur undir ofstækisárásum Bandaríkja-Sollu, hvers hreiður er í alþýðuhöll Eflingar.

Nú ætti Gwöðni að láta slag standa og fylgja gagnsókn sinni eftir með því að fara með skóflu út á lóð á Bessastöðum og grafa út svarholið, sem Jón Hreggviðsson var geymdur í meðan hann beið öxarinnar. Þegar hann verður kominn niður á botn á hann að láta sækja Bandaríkja-Sollu og leggja hana í járn niðri í svartholinu og geyma hana þar til næstu páska. Þegar Gwöðne býður þrælum sínum að daga Sollu upp verður hún komin með hanakamb, eldrauðan, og gerðarlegar stélfjaðrir, en þessháttar instrúment fara svo vel gaggið í henni.

En Gwöðne á fleiri óvini en Bandaríkja-Sollu. Ójá. Það er nú það. Píratar, eða það litla sem eftir er af þeim sértrúarsöfnuði, hefir í undirbúningi, í tilefni væntanlegra alþingiskosninga, að gjöra heiftarlega aðför í lýðskrumsskyni að Gwöðna, forsetaembættinu og Bessastöðum. Þeir telja sem sé að Gwöðne liggi undurvel við höggi út af okurleigunni og almennu snobbi, tilgerð og algerðu tilgangsleysi. Píratarnir trúa því vís orðið, að ef þeim tekst að flæma Gwöðne eins og sakamann af Álftanesi fyrir kosningar og selja Bessastaði í höndur byggingaverktaka til rífa kofana sem fyrir eru og byggja stórt og myndarlegt fjölbýlishús handa tíuþúsund Íslendingum, muni þeim græðast fjölmörg prósent af fylgi á kjördag. Sniðugir paurarnir þarna í Pírötunum þótt þeir séu bæði mökkaðir og vankaðir úr hófi fram; síðast fréttist af Pírötum þegar þeir voru að samþykkja að kalla Gwöðne héðan í frá aldrei annað en ,,Bessastaðabósa.". 

Sendi forseta Ísraels samúðarkveðju