Margfalt ógeðfelldari iðja en sú er innbrotsþjófar stunda

Þeim er ekki við bjargandi þessum endemis einkavæðingaraumingjum Sjálfstæðisflokksins. Áfram skal haldið, hvað sem tautar og raular, þrátt fyrir að ljóst sé að einkavæðing skili engu nema dýrari og verri þjónustu. Það má vel vera að skítseyðum frjálshyggjunnar þyki mannborulegt að velta sér uppúr fræðum peningagræðginnar eins og páfagaukar og hrinda þeim í framkvæmd þegar þau hafa aðstöðu til. Alþýða landsins kann aftur á móti frjálshyggjuskrípunum engar þakkir fyrir einkavæðinguna og fjárglæfrarnar. Og skal engan undra. Það líta nefnilega mun fleiri en margan grunar á einkavæðingu sem sérstaka tegund þjófnaðar, lævísan ránsskap, margfalt ógeðfelldari iðju en þá sem innbrotsþjófar stunda.   

Ruslakarlar öskureiðir

Athugasemdir

[Guðrún Þóra Hjaltadóttir, 20.8.2008 kl. 17:56]

Þetta endar vonandi ekki eins og á ítalíu, þar sem sorpið þakti stræti borganna.

Sjálfstæðismenn eru svo prógrammeraðir að þeir geta ekki séð hlutina í réttu ljósi, þeir sjá það bara í "sínu ljósi".

[Landfari, 20.8.2008 kl. 20:10]

Jóhannes og Jack, hvað hafið þið eiginlega á móti þeim sem vinstra megin við miðjuna eru og gagnrýna sjálfstæðismenn. Svona orðaval og öfund út í unglegt útlit Gísla lýsir ekki bara ykkur meir en sjálfstæðismönnum, heldur kemur slæmu orði á aðra þá sem gagnrýna, jafnvel þó málefnalegir séu. Einn skemmdur ávöxtur skemmir út frá sér, hvað þá tveir eða fleiri.

[Jóhannes Ragnarsson, 20.8.2008 kl. 20:43]

Ég botna fjandakornið ekkert í hvert þú ert að fara Landfari minn. Ég hef t.d. aldrei nefnt Gísla Martein á nafn á blogginu og frábið mér að vera bendlaður við það. Ég skil að vísu umhyggju þína fyrir einhverjum ótilgreindum plat-vinstrimönnum, en á slíkum hef ég meiri skömm en heiðarlegum frjálshyggjumönnum.

[Landfari, 20.8.2008 kl. 21:40]

Jóhannes, það er nú sjálfsögð kurteisi síðueiganda að lesa athugasemdir sem skrifaðar eru á hana úr því þær eru leifðar á annað borð.

Svona svo þú skiljir mig betur þá skrifar Jack um Gísla og ég er að ávarpa ykkur báða. Þetta var nú ekki flókið að skýra.

Svo eru það plat-vinstrimennirnir sem þú kýst að kalla þá sem eru málefnalegir í gagnrýni sinni á frjálshyggjuna. Það er greinilegt að þú hefur ekki mikið álit á vinstrimönnum ef þú heldur að sannur vinstri maður sé ómálefnalegur ruddi með sóðakjaft. Hinir séu bara plat. Það verður að vísu að viðurkennast að það eru til menn sem hafa náð frama í vinstri hreifingum sem eru eins og þú telur þá vera og frægastur þar var náttúrulega forseti vor með sitt "skítlega eðli" en þeir eru mun fleiri sem kunna að hafa stjórn á tungu sinni eins og Margrét Frímannsdóttir og Hjórleifur Guttormsson svo einhverjir séu nefndir.

Það er mikill misskilningur hjá þér ef þú heldur að þú vinnir vinstrisinnuðum eitthvert gang með því kasta drullu í allar áttir.

Það er, akkúrat öfugt við það sem þú virðist halda, þeir sem eru málefnalegir og rökfastir sem geta unnið málstaðnum gagn. Að kalla það plat-vinstrimenn er svolítið sérstakur skilningur á íslenskri tungu en það er nú frekar þitt vandamál en mitt.

[Jóhannes Ragnarsson, 20.8.2008 kl. 22:14]

Það voru þá ,,vinstrimennirnir" sem Landfari tínir til sem fagurt dæmi um settlega pólitíkusa. Margrét Frímanns og Hjölli Gutt!!! ... það liggur nú við að maður brosi í kampinn, enda ástæða til. Við plat-sósíalistana er óþarfi að gera gælur eða hampa á nokkurn hátt, þetta er óheiðarlegt fólk sem meinar yfirleitt lítið með því sem það segir en er þeim mun duglegra að stunda klíkuskap og undirferli; með öðrum orðum: gangandi ruslahaugar á kjólfötum og með pípuhatt.  

[Níels A. Ársælsson., 21.8.2008 kl. 11:33]

Gargandi góður ! 

"Gangandi ruslahaugar á kjólfötum og með pípuhatt".  

Þessi orð ætla ég að leyfa mér að gera að mínum ef ég má.............

[Jóhannes Ragnarsson, 21.8.2008 kl. 12:04]

Gjörðu svo vel, Nilli, að gera orðin um gangandi ruslahaugana að þínum ...