Finnast 10 boðorð víðar en í Biflíunni og á Sikiley?

Það er nú gott og blessað að meðlimir mafíunnar eigi sér 10 boðorð, siðferðilegs eðlis, til að fara eftir. Það hefur svo sem verið vitað lengi, að sannir mafíósar eru miklir heiðursmenn sem standa við sitt og mega í engu vamm sitt vita. En svo við vendum okkar kvæði í kross og víkjum að allt öðru, sem er okkur nær: Má vera að sægreifarnir okkar, sjálfir kvótafíklarnir, eigi sér 10 boðorð? ... Og ef svo er, hvernig hljóða þau? Ef að umrædd sægreifaboðorð í 10 liðum fyrirfinnast í brjóstvösum innvígðra, er ég dálítið smeykur um að það séu hálfgerðar, ef ekki algerðar, buslubænir því kvótafíklum er margt betur gefið er andagift. En þó held ég að allir geti verið sammála um, að 1. boðorðið í opnberunarbók hina kvótafíknu gjafakvótaþega kunni að hljóða enhvernveginn á eftirfarandi hátt: Gjafakvótinn er Drottinn minn, Guð minn og heilög eign mín. Og fyrr skal ég dauður liggja en að láta hann af hendi ... En hvernig boðorðin 9 þar á eftir líta út veit ég ekki, en þeir sem hafa vitneskju um það, eru vinsamlegast beðnir að koma þeirri vitneskju á framfæri.

Lögreglan finnur 10 boðorð mafíunnar á Sikiley

Bílstjóri barði hjón á gatnamótum

Mikið óskapalega er alltaf hressandi að lesa fréttir af fólskuverkum geðvondra ökumanna. Þó er ekkert sem jafnast á við að horfs á vitstola ökumenn í hörkuslagsmálum á götuljósum, segjum t.d. á gatnamótum Miklubrautar og Kringlmýrarbrautar. Einusinni sá ég gráskeggjaðan vörubifreiðarstjóra með uppbrettar ermar þjarma af fullri hörku að vel kæddum hjónum á vígalegum 15 milljó króna jeppa á ofangreindum gatnamótum. Hápunkti náðu átökin þegar gráskeggur reif í einu handtaki megnið af fötunum utan af frúnni kastaði henni síðan eins og fífupoka út blómabeð, en þegar þar var komið sögu lá jeppakarlinn í öngviti aftan við bifreið sína. Það versta við þetta allt saman var, að hjónin sem rötuðu í þessa ógæfu, eru mikilsmetin kvótahjón af sérlega góðu standi, sem mega í engu vamm sitt vita. Meðal annars eru þau að góðu kunn fyrir að leigja kvótalitlum sjómönnum ókjör af óveiddum fiski í sjónum fyrir sanngjarnt verð, eða krónur 200 á þorskkílóið. En um heilladrjúga þjóðfélagsstöðu þessa góða fóks skeytti gráskeggjað illmennið ekkert og afgreiddi þau af miskunarlausri fólsku um miðjan dag í viðurvist fjölda fólks. 

Skapstyggir ökumenn grípa til ýmissa ráða

Skammarlegt athæfi RÚV

Mikil þó andskotans skömm er það fyrir Ríkisútvarpið að gera samkomuleg við orkurlánarann Björgólf Guðmundsson um að þiggja af honum 200-300 miljónir til innlendrar dagskrárgerðar. Það er eitthvað öfugsnúið við að fyrirtæki í eigu landsmanna allra þurfi að skríða eins og skítugur kleprahundur fyrir auðvaldspramma, sem eitt sinn var formaður SÁÁ, og auðgaðist á undra skömmum tíma, og á undaregan hátt, á áfengisbruggi í Rússlandi. Dettur Páli Magnússyni og auðvaldsþrælunum í stjórn Ríkisútvarpsins ekki í hug að fjömargir eigendur Ríkisútvarpsins hafa ógeð á svona aðförum og frábiðja sér allar gjafir úr kámugum klóm burgeisa, sem hafa komist til auðs og valda á siðlausan hátt.  

Björgólfur Guðmundsson leggur fram fé til framleiðslu sjónvarpmynda

Svandís og VG hækka leikskólagjöld, þvert ofan í gefin loforð

Ég veit ekki hvort það kemur á óvart þó nýr meirihluti í Rekjavíkurborg hækki leikskólagjöld um 2,5% frá og með 1. janúar 2008. Á hinn bóginn man ég ekki betur en VG, með Svandísi súperpúmu í broddi fylkingar, hafi lofað borgarbúum gjaldfrjálsum leikskóla. Og raunar hélt ég að það væri stefna flokksins. En svo bregðast krosstré sem aðrir raftar. Gjaldfrjálsi leikskólinn Svandísar og VG er greinilega fyrir bí og nú öslar súperpúman á 2,5 mílna ferð í gagnstæða átt, burt frá gjaldfrjálsa leikskólanum, án þess að barnaeigendur geti rönd ið reist. Það er því ekki nema von, að Stakteinar Moggans beri róttæka vinstrihöfðingjann Svandísi Svavarsdóttur á hödum sér með lofsöng og skjalli. 

Leikskólagjöld hækka um 2,5%

Kommúnistaflokkur Kína yfirtekur Háskóla Íslands.

Ja hver röndóttur. Er ekki nema kínerski kommúnistaflokkurinn kominn með Háskóla Íslands á öngulinn. Næst á dagskrá hinna kínverku, er auðvitað að draga fenginn að landi. Ef allt fer sem horfir, verður allur Háskólinn kominn undir Kommúnistaflokk kínverska alþýðulýðveldisin innan tíu ára og er það vel. Samhliða þessu ágæta verkefni þeirra kínversku, munu þeir eflaust snúa fúsk-háskólana, þ.e. Háskólann í Reykjavík og auðvaldsskólann að Bifröst, úr hálsliðnum. Veita þeim endanlegu lausnina, eins og það er kallað. Auðvitað bjóðum við kínverka kommúnistaflokkinn velkominn til landsins og greiðum götu hans um alla afkima þjóðfélags vors. En best verður, þegar við afhendum kínverskum ráðamönnum alla okkar sægreifa og kvótafíkla á einu bretti, með þeirri ófrávíkjanlegu kvöð, að þeir verði látnir starfa sem óbreyttir verkamenn í fiskiðjum í Kína næstu 10-15 árin, að minnsta kosti. Ég er aldeilis brandsjúr á, að  þar munu starfskraftar þeirr nýtast afar vel, og mun betur en ef þeir hefðu fengið að stunda kvótastörf sín óáreittir hér heima við.

Háskóli Íslands eflir samstarf sitt við kínverska háskóla

Hinir úrkynjuðu melrakkar ASÍ

Ekki ætla ég á þessu stigi málsins, að ætla mér þá dul að hafa skoðun á hver hafi á réttu að standa, Sigursteinn Másson formaður Öryrkjabandalagsins eða furðufyrirbærin hjá ASÍ. Hitt þykist ég vita, að melrökkunum sem skipa foystusveit hinnar almennu verkalýðshreyfingar, er ekki treystandi fyrir næsta húshorn. Úrkynjunin í verkalýðsforustunni er slík, að þessum gemlingum er meir en vel trúandi til að standa að hugmyndum um einkavæðingu velferðarkerfisins.   

Öryrkjabandalagið lýsir furðu á yfirlýsingu ASÍ

Efnilegur guðsmaður

Svo er að sjá, að sóknarpresturinn í Bostonprestakalli sé nokkuð röskur sálusorgari. Þó verður að segjast, að nokkur sé það galli á ráði hans, að hafa ekki enn komist í almennilegt návígi við  skepnuna Conor og handfjatlað hann á viðeigandi hátt, Drotni til dýrðar. Eingu að síður er klerkurinn í Boston býsna efnlegur og það svo, að hann kemur vel til greina sem fríkirkjuprestur á Íslandi, eða jafnvel eftírmaður sjálfs síra Gjeirs Waaage í Reykholti.

Prestur handtekinn fyrir að ásækja Conan O'Brien

Handalögmál á aðalfundi

Eins og við var að búast, endaði aðafundur Íbúasamtaka Laugardals með handalögmálum. Það sem einkum kom á óvart, var hvað átökin voru hörð og miskunarlaus. Ekki er enn vitað hve margir eru fallnir og sárir, en sjónarvottur segir, að flestir sem voru á fundinum hafi fallið í valinn. Sigurður Karl Karlsson sagnfræðingur, segir að ef upplýsingar af fundinum séu réttar, sé þetta best heppnaði fundur íslandssögunnar síðan Flugumýrarbardagi var háður.

Fundað um skipulagsmál í Laugardalnum

Eiður Smári niðurlægur og smáður af Spánskum ómennum

Helvíts bölvaður ódráttur er þessi Fránk Rijkard, þjálfari Barceóna. Meðferð hans á okkar manni, Eiði Smára Guðjohnsen, er með slíkum endemum, að Ísland ætti að slíta stjórnmálasambandi við Spán og það hið snarasta. Spánverjar hafa alla tíð verið gallagripir og húðarselir og nú fer að líða að skuldardögunum við þessa leiðndapésa. Ef Eiður fer ekki að vera fastur liður í byrjunarliði Barcelóna skulu helvískar lyddurnar á Spáni fá að kljást við enn verri andskota en ETA-samtökin. Fyrr á öldum kunnu íslendingar réttu tökin á spánverjum og við kunnum þau enn, ef á þarf að halda.

Eiður Smári byrjar á bekknum

Ruddalegur akstursmáti kvenna

Í þess frétt vantar tilfinnanlega hárrétta tölulega skilgreining á skiptingu hinna brotlegu ökumanna eftir kynjum. Á fréttinni má skilja, að viðkomandi glæpamenn hafi allir verið karlkyns því þar er alltaf jagast á orðinu ,,ökumenn.  Sem sannur karlmaður mótmæli ég svona ónákvæmum fréttaflutningi, ekki síst þar sem hann vegur á ómálefnalegan hátt á karlmönnum. Við þetta er svo að bæta, að kvenmenn eru engir eftirbátar karla í ruddalegum og lögbrotalegum aksturmáta.

Átta úti að aka án réttinda