Skriðdrekar græðginnar

Það er ljóst að nú ætlar Sjálfstæðisflokkurinn að láta til skarar skríða svo um munar og ráðast með einkavæðingarskriðdrekum sínum á heilbrigðiskerfið í landinu. Það verður fróðlegt að sjá hvernig Samfylkingin bregst við þessum stríðsrekstri vina sinna í ríkisstjórninni. Eða er Samfylkingin kanske ekki minni einkavæðingarflokkur en Sjálfstæðisflokkurinn? Það vita allir að Sjálfstæðisflokkurinn er aumur og leggst lágt þegar einkavæðingar eru annarsvegar. Nú er bara að bíða og sjá hvort Samfylkingin er ekki enn aumari í þeim efnum. Til hvers var Samfylkingin annars stofnuð, man það einhver?

Spara má 390 milljónir í heilsugæslunni

Stórkostlegt útrásarverkefni innan seilingar

Nú, fyrst að rottuket er svona geysivinsælt á Taívan og Tailandi, já og ef til vill víðar, þá held ég sé ekki eftir neinu að bíða hjá íslenskum útrásarmógúlum að hefja stórfellda og stórbrotna rotturækt með útflutning á afurðum í huga. Síðan flyttu þeir náttúrlega starfsemina, þegar hún verður komin vel á legg, úr landi í hagræðingarskyni; kæmu upp útibúum hér og hvar um veröldina þar sem vinnuafl og annar slíkur leiðindahégómi er ódýr og þénanlegur. Og hæg eru heimatökin fyrir stórhuga útrásarista að koma sér upp stórum og öflugum nagdýrastofnum hér á landi með því að smala saman skólprottum í þúsundavís og færa þær til til eldis á búgörðum sínum því margir raunsæir og útsjónasamir athafnamenn og fjárfestar hafa í síðustu árum komið sér upp búgörðum í sveitum landsins. Þarna sýnist mér kominn ákjósanlegur framfaramöguleiki, fyrir rétta menn með fjármagn og hugrekki, sem er alls ekki síðri kostur en REI-útrásin sáluga, sem varð að engu sökum skilningsleysi og afturhalds miheppnaðra, að maður segi ekki, misviturra, stjórnmálamanna. Við skulum ekki láta slíkt slys gerast aftur, heldur hvetja okkar ástsælu athafnamenn til stórvirkja og dáða til að hasla sér völl í matvælaframleiðslu í Austurlöndum fjær. 

Rottukjöt vinsælt

Í klóm Plastpokamannsins

Ég er plastpokamaður og plastpoka söngla ég blús

og ég plata litlar dömur til að komast einhversstaðar í hús. (Megas)

Helvítis óþverragripur er þessi Sam Lufti að fara svona með grey-skarnið hana Brittneyju Spears. Það ætti að taka þennan mannaumingja og leggja hann í saltsýrubað í einsog hálfan mánuð og sjá síðan til hvort hann lætur ekki stúlkuna í friði eftirleiðis.

Lutfi sagður hafa deyft Britney með lyfjum

Blíðskaparveður í Ólafsvík

Í dag hefur verið hæglátt og bjart veður í Ólafsvík og það flokkum við hér vestra ekki undir leiðindaveður. Það er mér hinsvegar nokkur ráðgáta hvaðan mbl.is hefur þessar óveðursfréttir úr Ólafsvík því þó að blási stundum hressilega á okkur fáum við líka framúrskarandi góðviðrisdaga í bland. Að minnsta kosti er algjör óþarfi að skrökva uppá okkur ólsara, sem megum í engu vamm okkar vita og höfum ekkert til sakar unnið, leiðinindaveðri þegar vel viðrar í sveitinni.

Leiðindaveður í Ólafsvík

Ásdís Helga í stjórn VG Kóp

Það er gleðilegt að kjarnakonan unga, Ásdís Helga Jóhannesdóttir sé komin til starfa í félagi VG í Kópavogi. Ásdís er, eins og hún á kyn til, einarður, verkalýðssinni og sósíalisti. Ekki er að efa að það er mikill fengur fyrir VG í Kópavogi að fá þann liðstyrk i stjórn félagsins sem Ásdís er.

Mireya Samper endurkjörin formaður VG í Kópavogi

Andsetnir græðgiskálfar

Það þarf nú ekki að fara til Uganda til að hafa uppá andsetnu fólki. Í Kastljósþætti í gærkvöldi þar sem Guðni Ágústsson og Friðrik Arngrímsson LÍÚ-stjóri ræddu mannréttindabrot stjórnvalda í fisveiðistjórnunarmálum, kom glögglega í ljós að LÍÚ-stjórinn er heiftarlega andsetinn af drýsildjöflum kvótafíknarinnar á meðan Guðni virðist vera að losna undan sama sjúkdómi. Það er alvarlegt heilsufarsvandamál þegar heill hópur manna, í þessu tilfelli kvótaþrjótar LÍÚ, skuli haldnir illum öndum sem ekki einusinni Mannréttindanefnd Sameinuðuþjóðanna getur rekið út af þeim.

Andsetnir nemendur í Úganda

Músin sem þegir meðan ránið fer fram

Aumast er þó hlutskipti Samfylkingarinnar, músarinnar sem þegir á meðan ranglæti er í frammi haft.

Allar líkur eru á að Samfylkingin grafi sig í fönn á meðan Sjálfstæðisflokkurinn gengur á milli bols og höfuðs á samfélagslegum rekstri Landspítalans og heilbrigðiskerfisins.

Ég geri ekki ráð fyrir að Össur Skarphéðinsson og hans loddaralið verði kalið á hjarta eftir þá einkavæðingu. Það er nefnilega að koma sífellt betur í ljós, með hverjum deginum sem líður, reyndar eins og mig grunaði frá upphafi, að málskrúð gáfnaljósanna um ,,nauðsynlega og langþráða sameiningu vinstrisinna og félagshyggjufólks" í Samfylkinguna, var og er innantómt froðusnakk hugsjónalausra tækifærissinna. Þvílíkir falshundar og skítapakk eru betur geymd, um aldur og ævi, á kafi í snjóskafli uppá reginjöklum í staðin fyrir að valsa um í gerilsneyddri sjálfumgleði og stunda  pólitískan subbuskap og spillingu við háborð íhaldsins með ráðherrastóla undir rassgatinu.   

Gróf sig í fönn

Afskræming lýðræðis í USA

Hvað er það sem er svona ofurpennandi við svokallaðar kosningar í Bandaríkjunum? Getur verið að fólk geri sér ekki enn grein fyrir, að í því mikla landi ríkir tveggja flokka auðvaldseinræði sem á lítið sem ekkert skylt við lýðræði? Enda er kosningaþátttaka í Bandaríkjunum svo ótrúlega lítil að það er blátt áfram hlægilegt að taka sér orðið ,,lýðræði" í munn í sömu andrá og þerra fáránlega kosningafyrirbrigði.

En þrátt fyrir augljóslegan fáránleika bandarískra forsetakosninga virðist fjöldi manns hér uppi á Íslandi lifa sig svo vandlega inní þessa afskræmingu lýðræðisins, svívirðuna og loddaraskapin, að það hikar ekki við að verða sér opinberlega til skammar hvenær sem færi gefst. Eða hver kannast t.d. ekki við gagnrýnislausan fábjánavaðal íslenskra fjölmiðlunga um kosningar í Bandaríkjunum? Það gerist æ oftar, þegar ég heyri í þessum brjóstumkennanlegu sendisveinum auðvaldseinræðisins í líki fréttamanna og fréttaritara, að ég fæ sterklega á tilfinninguna að þar fari auðnuleysingjar sem lent hafi í hafvillum á útsæ heimskunnar og eigi þaðan ekki afturkvæmt.      

Ofurspenna í 24 ríkjum

Hóruhúsaheimsóknir opinberra stafsmanna

Hóruhúsaheimsóknir opinberra starfsmanna, þegar þeir eru í vinnuferðum á erlendri grund, hjóta að vera orðnar að miklu vandamáli fyrst þingmenn hafa lagt fram þingsályktunartillögu þess efnis að þeir opiberu verði látnir skrifa uppá pappíra þar sem þeir lofa því að heimsækja ekki skemmtistaði með kvennaþjónustu þegar þeir fara í vinnuferðir til útlanda. Það sér náttúrlega hver maður að það er öldungis ófært að fólks sem hið opibera sendir í vinnuferðir skuli í ríkum mæli verða hórnum að bráð þegar út fyrir landsteinana er komið. Við svoleiðis óstjórn verður að bregðast og það gerir Kolbrún Halldórsdóttir með því að leggja fram tillögu sem tekur á þessu óhugnanlega máli.

 

Megi ekki kaupa vændi

Hristingur úr tréspíritusi og drottningarpissi

Hún er gamansöm stúlka hún Steinunn Valdís og framúrskarandi gríðarlegur stjórnmálaskörungur. Til marks um kæti hennar og skörungsskap er þingsályktunartillaga hennar um ,,breytt starfsheiti ráðherra sem bæði kynin geta borið." Annað dæmi um órabelgshátt hennar er að finna í meðfylgjandi frétt, en þar segir hún án þess að stökkva bros, að það sé við ,,hæfi" að málatilbúnaður hennar um starfsheiti ráðherra sé ræddur á Alþingi. Mér er þó nær að halda að kerlíngarólánið sé galið því ekki þarf hún að kvíða því að hún þurfi nokkurntímann að tilheyra þeirri hvimleiðu manntegund ráðherra. Þingmaður að nafninu til verður hennar hlutskipti pólitíska lífinu. 

Annars er svosem ekki við öðru að búast úr þessari átt: Einstaklingur sem er uppfullur af krataeðli og yfirstéttarfémínísma getur aðdrei orðið barn í brók. Það er svona álíka gáfuleg blanda og hristingur úr tréspíritusi og drottningarpissi.

Örlítill angi af kvennabaráttunni