Hysterískir auðnuleysingjar

Alveg er dásamlegt að fylgjast með skrifum áhangenda Davíðs Oddssonar þessa dagana, undirlægjuhættinum, heimskunni og hræsninni sem þessir auðnuleysingjar virðast búa yfir í ríkum mæli. Að reyna að efna til hysterískrar samúðar með Davíð Oddssyni er þar á ofan ósvífni af síðustu sort. Hver var það annars sem stóð í fylkingarbrjósti við að ryðja frjálshyggjubrautina, sem kom landinu á vonarvöl? Var það ekki þessi brjóstumkennanlegi Davíð, með Hannes Hólmstein og Halldór Ásgrímsson sér við hlið? Mig minnir það. Það getur varla verið að vitibornu fólki sé alvara með því að skaðvaldurinn Davíð Oddsson eigi að sitja eins og ekkert hafi í skorist í Seðlabankanum.

 

 

Mótmælt við Seðlabankann

Björn hæðist að Davíð Oddssyni

Samkvæmt Birni Bjarnasyni hefði Jóhanna forsætisráðherra átt að senda Davíð bréf með vel duldum hótunum en ekki lítt duldum. Og Björn karlinn veit vel hvað hann syngur, einkum þegar hann vitnar í sjálfann sig, máli sínu til stuðnings. Ég held, að mergurinn málsins sé sá, að Björn Bjarnason sé með skrifum sínum fyrist og fremst að hæðast á lævísan hátt að Davíð Oddssyni og snautlegum póiltískum örlögum hans.

Björn: Réttmæt ábending Davíðs

Frjálshyggjumaður enn á ferð

Enn og aftur hefur frjálshyggjumaður með víkingablóð í æðum gert starndhögg í nafni frelsisins. Nú var borið niður í Lyfju og greipar látnar sópa um helstu stöffhillunar. Frjálshyggjumenn þurfa eins og kunnugt er sitt dóp til að toppa sína hákapítalísku trúarvissu. Og fátt er fegurra en útúrspíttaður frjálshyggjumaður á sönnu útrásarflippi; þar fer allt í senn kjarkur, áræðni og þor ... og verkin látin tala.

Ræningi í Lyfju vopnaður öxi

Féll fyrst fyrir ljósastaur og síðan Árna Johnsen

Það er eins gott að einhver bölvaður ljósastaur bindi ekki enda á þá spennuþrungnu frægaðaför sem Eyþór Arnalds er um það bil að leggja upp í. Og þó svo að ljósastaur verði ekki á vegi hr. E. Arnalds og fordjarfi reiðskjótan hans, er sem ég sjái þennan 101-menningarfrömuð sporðrenna Árna okkar Johnsen eins og hverju öðru skítseyði. Okkar á milli sagt, þá grunar mig að fyrrgreindur Árni verði sá faratálmi sem E. Arnalds mun ekki komast yfir né undir eða framhjá. Og í starfsframabók Sjálfstæðisflokksins verði skráð við nafnið Eyþór Arnalds: Féll fyrir ljósastaur í fyrra sinnið er hann reyndi fyrir sér, en fyrir Árna Johnsen úr Vestmannaeyjum í hið síðara. Fór í úreldingu og var tekinn af skrá þann 15. mars 2009.

Sjálfstæðismenn með prófkjör í Suðurkjördæmi

Siðbótarmaður skítur í kassann sinn

Þegar menn hafa komið sjálfs sín hlutum þannig fyrir að þeir eru ekki einusinni gjaldgengir til að gegna embætti ráðherra er það á góðri íslensku kallað, að hafa skitið í kassann sinn" eða ,,sósuna sína."

Nú er orðið heyrinkunnugt að hinn kratíski siðbótarmaður Lúði Bergwinc kom ekki til greina sem ráðherra í ríkisstjórn Jóhönnu og Steingríms J. af því hann hafði fyrr á lísleiðinni gert sér hægt um vik og skitið í kassann sinn, já og víst sósuna líka.

Það má heita dálagleg hneysa fyrir einn sperrtan siðabæti á besta aldri, sem oft á umliðnum árum hefur margsinnis beinlínis ljómað af vandlætingu í garð spilltra manna og kvenna, að sitja í súpunni, eða sósunni, stimplaður í bak og fyrir sem viðskiptalífsmaður og þar með öldungis óhæfur til að sinna nokkru verkefni fyrir íslensku ríkisstjórnina.

Úr því sem komið er, er víst fátt í spilunum fyrir falsspámanninn L. Bergwinc annað, eftir að þingstörfum líkur síðar í vetur, en að gerast pólitískur umrenningur og utangarðslimur ásamt fleiri núverandi þingmönnum sem einnig munu þurfa að hrökklast út á eyðimörkina.      

Fjármál Lúðvíks komu í veg fyrir ráðherrastól

Hver er sannleikurinn um deCodebramboltið?

Með reglulegu millibili tilkynnir Kári Stefánsson, fyrir hönd Íslenskrar erfðagreiningar, um nýjustu uppgötvanir stofnunarinnar og lætur þá jafnan að því liggja brátt verði hinir og þessir kvilla, sem hrjá mannkynið, úr sögunni. Þessar tilkynningar deCode-meistarnas éta fjölmiðlar hráar án þess svo mikið sem gera tilraun til að melta þær. Ekki man ég í hve mörg ár erfðagreiningin hans Kára hefur starfað, en þau eru orðið þó nokkur. Ekki man ég heldur til þess að hið stórbrotna erfðagreiningarbrambolt hafi læknað nokkurn einasta mann, eða lyf verið brugguð á grundvelli þess. Hinsvegar var fjöldi saklausra einstaklinga gabbaðir til að kaupa hlutabréf í hinu alræmda díkódi Kára Stefánssonar með lokkandi fyrirheitum um skjófenginn ofsagróða. Reyndin varð auðvitað allt önnur: fyrr en varði sátu fórnarlömbin uppi með skjótfengið ofsatap og hlutabréf sem voru álíka verðmæt og notaður salernispappír.

Það hlýtur að fara að verða tímabært, að almenningur verði upplýstur um allan sannleikann varðandi Íslenska erfðagreiningu. Fólk á orðið kröfu á að vita hvort þarna sé um raunhæfa starfsemi að ræða eða innantómt prump, sjónhverfingar, loddaraleik.  

ÍE varpar ljósi á krabbamein

Þegar blásturinn einn er eftir

Þá bévítis grísirnir höfðu lokað sig inni, blés úlfurinn húsakynnum þeirra um koll og át þá. En þegar úlfurinn heimsótti grísinn í steinhúsinu dugðu engir blástrar, hvæs og fnæs, kumbaldinn bifaðist ekki hvernig sem úlfurinn blés og blés.

Nú er að vona að ekki fari fyrir Jóhönnu okkar eins og úlfinum og henni takist að blása grísunum þremur útúr steinkastalanum við Kalkofnsveg.

Blæs á tal um pólitískar hreinsanir

Áframhaldandi flæði af pappakössum

Skondinn göltur þessi Sigmundur Ernir Rúnarsson; ætlar í framboð og inn á þing eftir að hafa legið í auðvaldspækli peningageðsjúklinganna á Stöð 2 í nær tvo áratugi. Og auðvitað velur Sigmundur Ernir baugsflokkinn Samfylkingu til að starfa fyrir, hvað annað? Það er náttúrlega ærlegur búhnykkur og hvalreki fyrir Samfylkinguna og Ísland allt að fá slíkann hugsjónablesa til óeigingjarnra starfa í fremstu víglínu. Annars er Sigmundur Ernir varla verri en hver annar; hann getur eflaust kvakað eins og páfagaukur uppúr sér þeim hljóðum sem húsbændurnir setja honum fyrir, í því hefur hann æfinguna. Það er semsé allt útlit áframhaldandi flæði af pappakössum inná Alþingi, Guði sé lof. 

Sigmundur Ernir í pólitíkina

Iðrunarheftir apakettir og siðvillt fingálkn

Ekki kunna eingnirnar í Sjálfstæðisflokknum að skammast sín fremur en við var að búast. Það flökrar að þessum fingálknum og apaköttum að þeim beri að sæta ábyrgð vondra verka sinna í einu eða neinu; en eitt af einkennum siðleysingja er nú einusinni það að hafa ekki hæfileika til að iðrast. Skrækjunum í þessum auðvirðilegu náhundum á ekki að svara með orðum, enda skilja þeir ekki orð, heldur með glæsilegri flengingu í svipuðum stíl og óþekkir sveinstaular uppskera stundum fyrir að fara yfir strikið.  

Hörð gagnrýni á seðlabankafrumvarp

Glæpsamleg afglöp og einbeitt heimska

Það er heldur seint að grípa fyrir rassinn þegar skíturinn er kominn í buxurnar, herra seðlabankastjóri. En það breytir því þó ekki að það var pólitísk stefna Davíðs Oddssonar og hans legáta sem keyrði þjóðina út í kviksyndið sem líklega mun taka nokkrar kynslóðir að komast uppúr.

Pólitísk stefna valdhafa getur auðveldlega verið glæpsamleg og siðlaus, það sýnir 18 ára slímuseta Sjálfstæðisflokksins í 18 ár svo ekki verður um villst. Þeir sem reyna að mæla bót stjórnarstefnu, sem endaði með algjöru skipbroti, niðurlægingu og fjöldagjaldþrotum, gera það annaðhvort gegn betri vitund eða eru einfaldlega svo undur heimskir að hætta stafar af.

Þess er krafist af stjórnvöldum, að seðlabankastjórunum og stjórn Seðlabankans verði vikið frá strax í dag; langlundargeð landsmanna gagnvart þessum þorpurum og afglöpum er á enda runnið. Þér að segja.

Örlög bankanna réðust með falli Lehman Brothers