Frelsarinn endurfæddur til að frelsa mannkynið frá kapítalismanum

Hvað á maður að halda um svona grátlega uppákomu hjá blessaðri nunnunni? Máske hefur einhver andi, þá væntanlega illur andi, yfirskyggt konugarminn og komið litlum strákpjakki fyir í maganum á henni, hver veit. Svo má vera að þarna hafi einhverskonar ragnheiðarbyskubsdótturdæmi verið í gangi; að minnsta kosti kom ljóð Megasar um Ragnheiði sálugu uppí hugan er ég las þessa undarlegu frétt.

Svo má vera, að Drottinn sjálfur standi á bak við meyfæðingu nunnunnar og oss sé Frelsarinn endurfæddur til að frelsa mannkynið frá kapítalismanum og fylgifiskum hans, græðginni og fasismanum. Ekki veitir af. Guð láti á gott vita. En því miður eru kapítalistanir, innblásnir af græðgi, fasisma og ótta, vísir til að krossfesta nýja frelsarann eins og þann gamla og setja út gott og gjöfullt stríð í kjölfarið.

Grunlaus nunna eignaðist son

Nú ætti að slökkva á öndunarvélunum sem halda Samfylkingu og Bjartri framtíð á lífi

Það er vandlega hulin ráðgáta hvernig á því stendur, að nokkur maður með sæmilegri rænu skuli nenna að standa í þeirri endemis vitleysu að gefa kost á sér í flokksprókjörsvali Samfylkingarinnar. En sennilega eru þessi grey sem gefa kost á sér ekki með sæmilega rænu, heldur svo rænulitlir að óráðið hefur tekið öll völd og ekkert annað en fullkomið meðvitundarleysi, dauðadormi, framundan.

Þá held ég séu litlar líkur á, að nokkur lifandi sála muni greiða atkvæði í þessu dauðadæmda flokksforvalsprófkjöri, einungis fáeinar dauðar sálir með taðið í buxunum munu mæta á kjörstað og kjósa útí loftið. Æjijá, Samfylkingin er á hraðri leið á vit feðra sinna, Altítuflokksins, Brandaralags jafningsmanna, Samtaka frjálslyndra Hanníbalista, eða hvað þau öll hétu þessi framliðnu kratagemlingaframboð, sem áttu það eitt erindi í stjórnmál að vinna fyrir og sleikja sér uppvið húsbændurna á Höfuðbólinu, sjálft Erkiíhaldið.

Auðvitað væri best að slökkva á öndunarvélinni sem Samfylkingin liggur í og stytta dauðastríð þessa örmagna fyrirbæris. Ennfremur ætti að höggva á súrefnisleiðslurnar sem halda því vitlausasta af öllu vitlausu, svokallaðri Bjartri framtíð, á lífi. Tómhyggja, tilgangsleysi og óskemmtileg reginheimska Bjartrar framtíðar er ekki til þess fallin að líftórunni sé haldið í henni.

Það er nóg komið af krataplati í henni veröld.

Frambjóðendur Samfylkingar í Reykjavík

Jómfrúinn og símdólgurinn

Satt að segja veit ég ekki hvernig fólk á að taka orðbragði aðstoðarmanns innanríkisráðherra. Aðstoðrmaðurinn fullyrðir nefnilega að nafgreindur kalldólgur, kominn yfir miðjan aldur, hafi hótað símleiðis að ,,fara í´ana." Þvílíkan munnsöfunuð eiga grandvarir menn eins og ég bágt með að hlusta á kinnroðalaust. Ja, hvílíkt orðbragð, hvílíkur munnsöfnuður!

Svo skilst mér að gamli símdólgurinn sé hinn brattasti og haldi til streitu að fara í blessaða ráðuneytisjómfrúna. Það þarf ekki frekar vitnanna við hvað átt er við. En gaman verður að fylgjast með framvindunni. Ég vona þó heitast, og tala eflaust fyrir munn margra, að jómfrúnni takist að verja meydóm sinn fyrir hinum argvítuga símdólgi og muni hrinda ásóknum hans hverri af annarri, svo lengi sem kallskrattinn lætur á sér kræla.

„Þá færi hann í mig“

Frjálshyggjuskrukkan lætur gamminn gubba

Frjálshyggjuskrukkan Margrét Pála er helvíti góð í reyna að telja fólki trú um að hún sé rétt nýbúin að finna upp hjólið. Þessi furðulegi skólaspekingur hefur enda fengið að vafra um afturábak og áfram með þá draugasögu, að ,,Hjallastefnan" hennar sé afar merkilegt framlag til menntunar og skólamála án þess að það hafi verið krufið ofaní kjölinn af til þess bærum skoðunarmönnum. En rétt eins og að ekkert er nýtt undir sólinni er ekkert nýtt í svokallaðri ,,Hjallastefnu."; þar er aðeins um að ræða auðvirðilegt einkavæðingarbrask sem frjálshyggjufíflin hafa tekið uppá sína arma.

Um ,,sóknarfærið" í grunnskólastefnu á Íslandi, sem frjálshyggjudrottningin fær að fimbulfamba um í Morgunblaðinu, er fátt annað að segja annað en það, að fólk sem alltaf er að bögglast við að telja öðrum trú um að það sé rétt nýbúið að finna upp hjólið, nú eða rafurmagnið, er öldungis ómarktækt og raunar hættulegt að fyrir nokkurn mann að taka mark á því.

Í Hjallastefnunni birtist keisarinn á nýju fötunum í tærari mynd en við flest önnur tækifæri.

Við þurfum að auka frelsi skólanna

Þó það nú væri

Nú auðvitað á að ákæra þessa bövaða uppivöðsluseggi, sem höguðu sér eins og svín í Gálgahrauni síðast liðið haust. Þó það nú væri. Þessir kauðar hafa einungis gott af því að verða dæmdir vel og vandlega og fá að kynnast lífinu á Litla-Hrauni. Jafnvel þó að hinir ákærðu glæpamenn séu elliærir karlfauskar, þá eru þeir best geymdir á Hrauninu eftir öll þau ósköp sem þeir gerðu af sér í Gálgahrauni. Þeir mega líka þakka Gvöði fyrir að búið er að afleggja gálga og höggstokk fyrir alllöngu, þannig að Hraunið ætti að vera þeim kærkomin lausn frá afbrotum sínum.

Þrír ákærðir vegna mótmæla

Íllugi kann, skohh, að klæða alla frasana í viðeigandi mærðarvoð svo þeir gangi betur í varnarlausan lýðinn

Hann Íllugi okkar, skohh, hann lætur skohh ekki að sér hæða. Kann alla frasana, sem eru til þess ætlaðir að fegra ófélegt útlit, litla kunnáttu ig enn minna innihaldi. Svo sannarlega lætur Íllugi ekki að sér hæða.

Það er heldur enginn hégómi eða slor að geta veifað orðum eins og ,,bjartsýni", ,,sóknarfæri", og frösum á borð við ,,undirbúningur fyrir líf og störf á 21. öldinni", ,,laun kennara þyrftu að vera hærri" og hátíðarvaðli í sama dúr.

En Íllugi sýnir hér og sannar, að hann kann sletta frösum og sveipa þá í endalausa mærðarvoð þangað til að einhverjir fara að trúa holtaþokujafningnum án þess þó að skilja samt neitt í neinu.

Það þarf víst aungvann að undra þótt auðtrúa mannskapur, sem fellur fyrir frasamasi Ílluga og hans nóta, svæli í sig heilu magnesíumfjöllunum og sitji siðan dögum saman kjökrandi á salerninu með öfgafullan niðurgang með blóðspýtingi, uppköstum og viðeigandi ólykt.

Bjartsýnn og sér sóknarfæri víða

Þunnildið

Þessi listi samtakanna, sem af öfgafullri öfugmælaáráttu kenna sig við sjálfstæði, er tvímælalaust þynnsti þrettándi sem samtökin hafa boðið uppá í Reykjavík frá upphafi vega, algjört þunnildi af hornsíli, svo ekki sé meira sagt. Þessi ofuróhrjálegi framboðslisti er svo þunnur og ónýtur að hann jafnast á við framboðslista sem væri skipaður þeim Árna Páli Árnasyni og Guðmundi Steingrímssyni til skiptis í öll sæti listans.

Það vekur líka athygli, að enn einusinni hefur uppstillingarnefnd þynnkusamtakanna komið sér hjá því að skipa frú Ingveldi á lista. En sem kunnugt er, er frú Ingveldur sá einstaklingur sem kemst næst því að vera holdgerfingur Sjálfstæðisflokksins.

Listi Sjálfstæðisflokks samþykktur

Áfram, áfram Sóley Tomm og farið nú að breyta nafni VG

Um að gera fyrir VG að hafa Sóley Tomm áfram í fyrsta sæti flokksins til borgarstjórnarkosninga í Reykjavík, það flýtir ótvírætt fyrir löngu tímabæru andláti þessa auma flokks blekkinga, svika, búrtíka, undanrennuaðals og ómennsku.

Það er satt að segja kaldhæðnislegt og um leið mjög óheiðarlegt, að flokkur Sóleyjar, Katrínar, Álfheiðar, Sendiherrafeðginanna og Steingríms skuli enn kalla sig ,,Vinstrihreyfinguna grænt framboð" þar sem þetta fyrirbrigði er vel hægrisinnað og flokksfólkið kann best við sig við hið kapítalíska rúllettuborð. Það er því ekki til mikils ætlast til af eigendum VG að þeir vinsamlegast breyti nafni flokksins til samræmis við innihald hans, til dæmis í Efrimilllistéttarfémínístahreyfingin kapítalískt framboð (EMFk/f). Það er fyrir löngu orðið óásættanlegt að þetta ormsmogna lið sé enn þann dag í dag að klæmast á hugtakinu vinstri í pólitík og eigni sér það eins og hvern annan spilapening og noti kinnroðalaust við rúllettuboð kapítalismans.

Sóley vill leiða lista VG í Reykjavík

Slepjulegir hundaklyfberar yfirstéttarinnar í hanaslag

Það setur velgju að öllu venjulegu alþýðufólki þegar slepjulegir hundklyfberar borgarastéttarinnar hefja málaferli gegn hverjum öðrum vegna þess sem þeir kalla ,,ærumeiðingar" og eða ,,mannorðsmeiðingar" og heimt að eitthvert bölvað kjaftæði sé dæmt dautt og ómerkt. Þessi íþrótt mektarmanna borgarastéttarinnar er í senn rammfölsk og innihaldslaus, enda er svokallað mannorð einungis pípuhattur skinhelginnar og ekki brúklegt öðrum en sjálfumglöðum yfirstéttarmórum.

Að dómstólar skuli þurfa að taka slíkar vífilengjur, hártoganir og prum fyrir  sem dómsmál er auðvitað fyrir neðan allar hellur. Ef hundaklyfberar yfirstéttarinnar telja sig eiga eitthvað sökótt hverjir við aðra, ættu þeir að útkljá sín einskisnýtu deiluefni með hnefunum eða skora hverja aðra á hólm í pístólueinvígi. En einvígi silkihúfuhottintotta hafa þann kost, að ef annar hólmgöngumanna fellur er það ágóði fyrir þjóðfélagið og helmingi meiri ágóði ef báðir falla með skömm, en slíkir hólmgöngu menn falla undantekningarlaust með skömm.

Sannleikskorn og sandkorn DV

Það mun renna upp fyrir aumingja blessaðri manneskjunni.

Að aumingja blessuð manneskjan, Margrét Friðriksdóttir skólameistari, skuli láta frú Ingveldi, Máríu Borgargagn og Indriða Handreð etja sér í slag við Manna smábæjarstjóra, er sannarlega þyngra að horfa uppá en tárum taki. Þeim, sem ana að undirlagi forhertra eiginhagsmunaseggja út í blint foraðið, er allsekki sjálfrátt, það vita allis þeir sem bein hafa í nefinu. Og að ein háborgaraleg glimmerpía ætli að ata sig aur og öðrum óþrifnaði í pólitísku plotti, er í raun og sannleika eitthvað sem hægt er að hlægja endalaust að.

En verði frú Margréti að góðu, hennar er valið hversu sem það er galið. Og þegar hún verður dregin hálfdauð uppúr forarvilpunni, með slitna brynju og sundrað sverð og útmökuð af sjálfstæðisflokksseyru, mun það renna upp fyrir henni að betra er að vera bara skólameistari en lítilsigldur bæjarstjóri í Kópavogi.

Sækist eftir bæjarstjórastólnum í Kópavogi