Geir stöðvar ekki þjóðfélagslega þróun

,,Svo sem fyrr var sýnt, hefur mannfélagið hvílt til þessa á andstæðum kúgaðra og drottnandi stétta. En til þess að stétt verði kúguð, verður að tryggja henni slík kjör að hú geti dregið fram lífið í ánauð sinni."

,,Eitt helsta skilyrði fyrir tilveru og drottnun borgarastéttarinnar er auðsöfnun á hendur einstaklingum, sköpun auðmagnsins og ávöxtun, en lífsskilyrði auðmagnsins er launavinnan."

,,Borgarastéttin skapar fyrst og fremst sinn eigin höfuðbana. Fall hennar er jafn óhjákvæmilegt og sigur öreigalýðsins."

,,Loks þegar úrslitahríð stéttarbaráttunnar nálgast, verður upplausnin innan drottnandi stéttar svo æðisgengin og ferleg, að lítill hluti yfirstéttarinnar segir sig úr lögum við hana og gengur á hönd byltingarstéttinni."

,,Af öllum þeim stéttum, sem standa andspænis borgarastéttinni, er öreigalýðurinn ein byltingarsinnuð stétt í raun og sannleika. Aðrar stéttir hrörna og líða undir lok í rás iðjuþróunarinnar, er öreigalýðurinn er holdgetið afkvæmi hennar."

Karl Marx og Friðrik Engels

Mesta hættan liðin hjá

Svo mæla Karl og Friðrik

,,Fyrir augum vorum fer nú líku fram. Framleiðslu- og viðskiptahættir borgarastéttarinnar, eignahagsskipan hennar, hið borgaralega þjóðfélag, sem töfrað hefur fram svo risavaxin framleiðslu- og samgöngutæki, líkist nú þeim galdrameistara, er fær ekki lengur ráðið við anda undirdjúpanna, er hann hefur vakið upp. Um áratugi hefur saga iðnaðar og verslunar ekki verið neitt annað en sagan um uppreisn framleiðsluafla nútímans gegn framleiðsluháttum nútímans, gegn þeirri eignahagsskipan, sem er lífsstofn borgarastéttarinnar og drottnunar hennar. Það nægir að minna á verslunarkreppurnar, sem steðja að, með jöfnu millibili, æ voveiflegri, og tefla allri tilveru hins borgaralega þjóðfélags í tvísýnu. Í verslunarkreppum eru ekki aðeins miklar afurðir eyðilagðar, heldur eru framleiðsluöfl, sem fyrir eru, að engu ger. Í kreppunum gýs upp þjóðfélagsleg farsótt, er öllum fyrri öldum hefði virst ganga brjálæði næst - farsótt offramleiðslunnar. Þjóðfélagið er snögglega hrapað aftur niður á villimennskustig um stundarsakir."

,,Hvernig vinnur borgarastéttin bug á kreppunum? Annars vegar með því að ónýta framleiðsluöfl í stórum stíl. Hins vegar með því að afla sér nýrra markaða og nýta gerr hina gömlu. En hvað leiðir af þessum aðgerðum? Hún undirbýr margþættari og háskalegri kreppur í framtíðinni, en úrræði hennar til að afstýra þeim verða að sama skapi æ færri."

,,Vopnin, sem borgarastéttin bar til vígs, er hún lagði lénsveldið að velli, eru nú munduð að henni sjálfri."

Karl Marx og Friðrik Engels

Einhver erfiðasta vika í seinni tíð

Ritskoðun í boði Sjálfstæðisflokksins

Ætli Gjeir Haaarde hafi nokkra hugmynd um hvort íslenska ríkið verður gjaldþrota eða ekki; maðurinn er einfaldlega ekki það spámannlega vaxinn að hann viti í fleiri heima en þennan frjálhyggjuheim sem hann hefur lifað og hrærst í alla sína ævi.

Það er raunar stókostlegt að ekki sé búið að víkja bæði Gjeir forsætisráðherra og Davíð seðlabankastóra úr embættum, ásamt gjörvöllum Sjálfstæðisflokknum. Það er ljóst að stjórnmálastefna Sjálfstæðisflokksins hefur beðið slíkt afhroð að það er fullkomlega óeðlilegt að fulltrúar þessara endemis samtaka séu að kákla utan brunarústirnar sem hann hefur skilið eftir.

Þá er næsta ógeðfellt að horfa uppá hvernig pótentátar Sjálfstæðisflokksins einoka fjölmiðlana um þessar mundir. Er skollin á massív ritskoðun hér á landi, eða hvað? Ég þarf svo sem ekki að spyrja svona spurningar því ég veit ósköp vel að svarið við henni er vitaskuld, já. Svo heimta þessir auðvaldsvargar, sem kynntu hvað þeir gátu undir frjálshyggjukapítalismanum og hvöttu útrásarófreskjuna lögeggjan til dáða, að þjóðin sýni stillingu og samstöðu. Og biðja svo í þokkbót Guð að blessa Ísland! Þvíkur viðbjóðu. Þvík hræsni.

Ég hvet fólk eindregið til að sýna þessum óþjóðalýð enga samstöðu í einu eða neinu. Samstaða fólksins ætti að vera í því fólgin að steypa auðvaldinu af stóli og þar með Sjálfstæðisflokknum!

 

Ekki lengur hætta á þjóðargjaldþroti

Jarðvegur raunverulegarar þjóðfélagsbyltingar að skapast

Fyrst fjöldi fólks hefur safnast saman til mótmælasamkomu á Austurvelli, þá verður maður að vona að múgurinn stígi skrefið til fulls, sameini kraftana og hreinsi út bæði í Stjórnarráðinu og Seðlabankanum. Það er í hæsta máta ósmekklegt, og raunar ólíðandi, að rumpulýðurinn sem vaðið hefur fram og aftur um þjóðfélagið ljúgandi og rænandi, sitji áfram eins og ekkert hafi í skorist. 

Það gengur enginn að því gruflandi, að Ísland stefnir hraðbyri inn í byltingarástand; jarðvegur fyrir þjóðfélagsbyltingu er að skapast, um það verður ekki deilt. Þetta vita Davíð Oddsson, Gjeir Haaarde og peningageðsjúklingar frjáslhyggjunar. Þessu liði á ekki að fyrirgefa afglöp þeirra og axarsköft. Þessu liði á heldur ekki að haldast uppi með orðagjálfur eins og nú verði allir að standa saman, allir séu á sama skipi. Það sem þessi gerpi eru að fara framá er einfaldlega að fólk, alþýðan í landinu, standi með þeim, brennuvörgunum, og veiti þeim framhaldslíf við kjötkatlana.

Rétt áðan var ég að lesa á jonas.is, að athafnaskáldin rómuðu, Bjöggarnir, væru flúnir úr landi. Nú veit ég svo sem ekkert um sannleiksgildi þeirra orða. En ef Bjöggarnir eru horfnir af landi brott, kanske fyrir fullt og fast, ætti brennuvargaliðið að sjá sóma sinn í því að fara að dæmi þeirra. Það mun enginn sakana þessara ólánsgemlinga.    

Fjöldi fólks á mótmælasamkomu Bubba

Pálmi Haraldsson á fund viðskiptanefndar ásamt Gunnari í K

Það hefið ekki verið með öllu ónýtt fyrir viðskiptanefnd Alþingis að fá fjámálasnillinginn Pálma Haraldsson, FLgrúppufrömuð og kraftaverkamann, til fundar í kvöld. Hann hefði án minnsta vafa getað leitt sauðheimska viðskiptarnefnadarmenn í allann sanleikann um æðri fjármálavísindi, bjargráð og endurreisn. Þá hefði verið mjög viðkunnanlegt ef viðskiptanefnd hefði hugkvæmst að boða Gunnsa í Krossinum til sín til skrafs og ráðagerða, en Gunnsi er sem kunnugt er peningamaður góður og prýðilegur nirfill og kann, ekki síður en Gjeir Haaarde, að fara með Guðs orð.

Annars held ég að Pétur Blöndal sé í viðskiptanefnd og það ætti að vera andskotans nóg.

Guð blessi Mammon.

Margir á fund viðskiptanefndar

Silkihanskarnir, Kaupþing og menntamálaráðherrann

Ójá, hann var býsna góður með sig, eftir atvikum, gullkálfurinn Sigurður Einarsson, stjórnarformaður Kaupþings, í Kastljósinu í kvöld enda vel í holdum eftir alla bónusana sem hann hefur verðlaunað sjálfan sig með fyrir frábæran árangur í fjármálabralli. Og fréttamannssniptirnar sem sátu andspænis þessum mikla manni voru aldeilis með á nótunum og gerðu allt sem var í þeirra valdi stóð til að styggja ekki höfðingjann með óviðeigandi spurningum. Eitt af því sem víst er í veröldinni þessa stundina er, að holdgerfingar græðgisvæðingarinnar eiga ekki nokkurn skapaðann hlut inni sem kalla á að tekið sé á þeim með silkihöndum, hvorki af fréttamönnum né alþýðu manna á götunni. Þess vegna er ekki hægt annað en að spyrja hvernig á því stóð, að Sigmar og Jóhanna í Kastljósinu voru eins og skömmustuleg pelabörn andspænis einum að þeim drengjum sem hvað drýgsta ábyrgð ber á efnahagshruninu á Íslandi.

Niður á Alþingi tók Helgi Seljan kastljóssviðtal við frú Þorgerði Katrínu Gunnarsdóttur menntamálaráðherra. Það vakti dálitla furðu (og þó ekki) hvað frú menntamálaráðherra tók spurningu Helga um fyirgreiðslu Seðlabankans við Kaupþing í dag illa upp. Frúin bókstaflega sneri uppá sig með hroka og derringi eins og fyrirgreiðslan við Kaupþing snerti hana á einhvern leiðinlegan hátt. Því vakanar spurningin: Er menntamálaráðherrann eitthvað tengd Kaupþingi og þá hvernig? 

Staða Kaupþings býsna góð

Líkræða séra Gjeirs yfir frjálshyggjunni

Hún var falleg líkræðan sem séra Gjeir Haaarde flutti á öldum ljósvakans áðan. Þó var sá galli á ræðunni, að ekki var beinlínis hægt að henda reiður á af hverjum líkið er, sem séra Gjeir var að jarðsyngja; hann sýndi nefnilega ekki ofan í kistuna. Þó má vel geta sér til um líkræðan hafi verið ætluð nýfjálshyggjunni sem riðið hefur húsum á Íslandi um árabil eins og hortugur draugur. Svo getur líka veið að Gjeir hafi fyrst og fremst verið að kistuleggja einhverja bankaskratta sem búnir eru að liggja heiladauðir um hríð.

Á næstu mínútum mun séra Gjeir opna kistuna og leyfa aðstandendum að líta hræið sem í henni liggur, vonandi í hinsta sinn.

Neyðarlög sett í dag

Geðslegur kvintett syngur ESB söngva fyrir Gjeir

Það er nú enginn hégómi fyrir Gjeir forsætisráðherra og hans slóðalið, að fá á einu bretti í heimsókn kvintettinn góðkunna sem skipaður er þeim Vilhjálmi Egilssyni, Grétari Þorsteinssyni, Þór Sigfússyni, Gylfa Arnbörnssyni og frú Ingibjörgu R. Það skemmtilegasta við þennan kvintett er, að hve ljúflega homum hefur tekist að samstilla sig í hinum vinsælu EBS söngvum. Þá er ekki síður ánægjuleg, að Grétar, Gylfi og frú Ingibjörg R. skuli öll vera komin SA megin við borðið, enda bara hlægilegt í hæsta máta að vera bendlaður við eitthvert alþýðusamband.

Fundi lokið með SA og ASÍ

Ungir vinstrigrænir á pöbbarölti og róttækir eftir því

Það var aldrei að ungir vinstri grænir funduðu um helgina. Og ekki virðast ályktanir þeirra á fundinum vera af verri endanum:

,,Meðal ályktana fundarins er krafa Ungra vnstri grænna um að mynduð verði ,,þjóðstjórn (???!!!)" með aðkomu allra stjórnmálaflokka. Ríkisstjórnin undir forystu Gjeirs Haaarde sé rúin trausti þjóðarinnar og því sé þörf á nýjum forystumönnum."

 Með leyfi að spyrja: Hvaða bjargræði halda vinstrigrænu ungliðarnir að felist í þjóðstjórn? Ég get ekki betur sé, en að blessuð börnin séu fyrst og fremst að reyna með veikum mætti þjónusta Steingrím J. með svona kjánaályktun og sleikja sér dulítið upp við kálfana á honum í leiðinni. Og hvaða nýja forystufólk ætli ungliðarnir eigi við í ályktun sinni? Það væri fróðlegt að vita. Hafa þau kanske í huga ráðherrastól undir ópólitíska og óvinstrsinnaða rassinn á Katrínu Jakobsdóttur? Ég hélt að nú þegar gengdu nægilega mörg póltísk viðrini ráðherradómi og væri þar engan veginn á bætandi.

"Þá telja ungir vinstrigrænir að þeir harmi hvernig hin óhefti og ómannúðlegi heimskapítalismi skuli bitna á þeim sem síst skyldi ... ennfremur eru þeir þeirrar skoðunnar að einsýnt sé að dagar þessa óhefta heimskapítalisma séu senn taldir." 

Jahérna. Það verður gaman að sjá hina ungu vinstrigrænu stjórnvitringa kveða heimskapítalismann niður með þjóðstjórn. Annað hvort hafa krakkagemlingarnir verið draugfull, eða enginn fullorðinn verið nærstaddur þegar þeir settu þessa sérkennilega byltingarsinnuðu vitleysu niður á blað.

Ójá, það getur stundum verið gaman að lifa, meira að segja á tímum efnahagshruns, ekki síst þegar ungir ,,vinstriróttæklingar" sleppa fram af sér beislinu í leikaraskap.

Nýr formaður UVG

Frjálshyggjuhaughús Davíðs, Halldórs, Jóhönnu og Hannesar

Að framlengja kjarasamninga við þessar aðstæður sem nú eru uppi, þýðir á mannamáli, að samið verði um mikla kjaraskerðingu, sem harðast mun bitna á verkafólki. Semsé: að lagður verði frjálshyggjuskattur á launafólk til að mæta einhverjum af þeim búsifjum sem græðgisstóðið hefur valdið. Og því má aldrei gleyma að undir þessa hroðalegu peningageðsjúklinga hafa ríkisstjórnir síðustu 17 ára hlaðið undir sem mest þær hafa mátt og borið á höndum sér. 

Í fréttum RÚV áðað var haft eftir Davíð okkar Oddssyni, að honum þyki í alla staði eðlilegt kvótaætan, Þorsteinn Már Baldvinsson haldi áfram sem stjórnarformaður Glitnis. Er mönnum ekki sjálfrátt? Ekki einu sinni þegar allt er farið til Andskotans? Snýst leikurinn einungis um að bjarga auðvaldshyskinu uppúr haughúsinu sem frjálshyggja Davíðs, Halldórs, Jóhönnu Sigurðardóttur og Hannesar Hólmsteins leiddi það?

Nú er fyrst og fremst byltingar þörf - sósíalískrar byltingar. Allt tal um annað er ósvífinn krypplingsháttur andlegra auðnuleysingja. Og hananú.  

Æskilegt að framlengja kjarasamninga