Illa uppalinn ungstúfur slær í gegn

Andskoti er nú hann Sigurður Kári Kristjánsson skeleggur og klár stuttbuxnadrengur. Það er alveg með ólíkindum hvað ræst hefur úr þessum illa uppalda ungstúf. Og nú er hann búinn að semja lög, ásamt Helga Ásss LÍÚ-agent, sem slegið hafa í gegn. Aðalstöffið í lagasafni Sigurðar Kára og Ásss-LÍÚ, er tvímælalaust lagið: Guð refsi Englandi, sem er innblásið af heilagri reiði þeirra félaga úti Breta fyrir að hafa tekið, í fólskukasti, í lurginn á Íslendingum fyrir glæpaverk þeirra á Bretlandseyjum.

Fé til málshöfðunar

Þegar sendiherrar verða seldir til niðurrifs

Ósköp er meirihluti fjárlaganefndar smár í sniðum varðandi sölu á sendiherrahöllum Íslands erlendis. Bragð hefði verið að, ef fjárlaganefnd hefði auðnast að leggja til að allar sendiherrakompurnar yrðu seldar, að maður tali nú ekki um ef Alþingi myndi samþykkja slíka tillögu.

Nú, - þegar sendiráðshallirnar væru seldar, væri loks komið að því að selja sendiherrana sjálfa til niðurrifs; það ku vera þónokkur eftirspurn hjá mjölverksmiðjum í Pólandi og Ungverjalandi eftir ónýtum sendiherrum. 

Og þegar búið væri að klára sendiráðavandamálið farsællega, gætu ferðamálafrömuðir auglýst Ísland, ekki aðeins hreint og fagurt, heldur sendiherralaust líka.   

Sendaherrabústaðir verði seldir

Lítill drengur lagði í stríð

Nújá, - ber dönskum ungmennum einhver skylda til að stunda hernaðarskak austur í Afganistan?

Varla.

Það má afturámóti vel vera, að sálarlaust illþýði á valdastólum telji það skyldu sína að hætta lífi og limum æskumanna þjóðar sinna að tilefnislausu í fjarlægum löndum.Og þegar hinir ungustríðsmenn eru sprengdir í loft upp, óravegu frá ættjörð sinni, segja yfirboðarar þeirra, með skyldugum sorgarhreim í röddinni, að blessaðir drengirnir hafi fallið við skyldustörf! Ja, sér eru nú hver andskotans skyldustörfin. Eða eru valdamennirnir ef til vill að hæðast að hinum látnu með því að kalla ólán þeirra skyldustörf?

Lítill drengur lagði í stríð

og lennti þar í kúlnahríð,

ekki er að efa það.

Nú unir hann við englasöng

með orðu á brjósti dægrin löng.

Það er nú svo með það! 

Danskir hermenn féllu í sprengjuárás

Flokksbróðir sjálfstæðismanna

Mikið sver kallskrattinn han Mugabe sig í ætt við flokksbræður sína í Sjálfstæðisflokknum á Íslandi þegar hann segir: Ég á Simbave. En eins og kunnugt er segja sjálfstæðismenn á Íslandi: Við eigum Ísland. Og ekki efast ég eitt andartak að sjálfstæðismennirnir okkar og flokksbróðir þeirra í Simbabve meina innilega að þeir eigi löndin sín, - einir.

Og fleira eiga þeir sameiginlegt, sjálfstæðismenninrnir og Mugabe. Þeir neita algjörlega að pilla sig frá völdum þrátt fyrir að hafa valdið löndum sínum þungum búsifjum með ruddalegri og heimskulegri stjórnmálastefnu. En þessir kauðar eiga það líka sameiginlegt að verða hraktir frá völdum með skít og skömm. Og sagan mun minnast þeirra einhvern veginn á þá leið, að þar hafi farið gjörspilltir óráðsíupésar, ekki í húsum hæfir og smánarblettir þjóða sinna.

Fólk vill ekki skrílmenni sem telja að þeir eigi allt og megi allt. 

Mugabe: „Ég á Simbabve“

Skvettir hroða úr græðgisvæddum hlandkoppi framan í landa sína

Yfirstéttarglanspían og menntamálaráðherrann Torgerður Katrín Gunnarsdóttir sér barasta enga leið aðra útúr ógöngunum, sem hún frjálshyggjusystkyni hennar hafa komið þjóð sinn í, en að Íslendingar selji fullveldi sitt og heiður í hendur ESB-auðvaldinu. Það er aldeilis reisn yfir einum græðgisvæddum ráðherragarmi, eða hitt þá heldur, að skvetta slíkum hroða úr græðgisvæddum hlandkoppi sínum framan í landa sína, gegnum norska Klassekampen (Stéttabaráttuna). 

Ekkert annað hægt en sækja um aðild

Aumingja karlinn

Hann heldur það, aumingja karlinn hann Björn Bjarnason, að gæðastipill frá Birni Inga megi sín lítils innan Sjálfstæðisflokksins. Því miður vill svo illa til, og það veit Björn Bjarnason manna best, að Sjálfstæðisflokkurinn hans er stútfullur af litlum gjörspilltum hrafnsungum af sama kalíberi og Björn Ingi. 

Björn Bjarnason: Það er ekki unnt að útiloka neitt!

Aðför byggð á yfirstéttarhræsni og ómennsku

Það varð heldur en ekki handagangur í hræsnaraöskjunni í gær útaf bréfinu sem Þorleifur Gunnlaugsson borgarfulltrúi VG sendi á fjölmiðla varðandi árás borgaryfirvalda í Reykjavík á þjónustustarfsemi við unglinga. Af því að Þorleifi hafði orðið á að strika ekki út á einum stað nafn stúlku, sem hlut á að máli, þótti veraldarskoffínum og undimálsgerpum allrahanda bera vel í veiði og heimtuðu að Þorleifur segði strax af sér sem borgarfulltrúi. Að sama skapi var skoffínunum og gerpunum sama hvoru megin hryggjar unglingaheimilin Stígur og Tröð lentu.

Nú mætti ætla að bitvargurinn sem sótt hefur að Þorleifi væru engöngu málaliðar hægriflokkanna, þ.e. Samfylkingar, Stjálfstæðis- og Framsóknarflokks. En málið er bara ekki svo einfalt. Það vill svo til, að ég hef upplýsingar um að hægriarmurinn í VG tók ágætan þátt í að reyna að grafa undan Þorleifi og knýja hann til að segja af sér. Til dæmis mun varaborgarfulltrúinn Sóley Tomm hafa stokkið þrefalda hæð sína í loft upp þegar hún þóttist sjá hylla undir að hún yrði aðalborgarfulltrúi, eftir að Þorleifur væri horfinn af vettvangi. Og frú Svandís Svavarsdóttir mun hafa hlegið líka ásamt fleirum af því suðarhúsi.

Sem betur fer fór aðförin að félaga Þorleifi út um þúfur, þar eð hún var byggð á sandi yfirstéttarhræsni og ómennsku. En Þorleifur stendur sterkari eftir, sem ötull og sannur baráttumaður fyrir hagsmunum þeirra sem eiga undir högg að sækja.

 

Álasa ekki Þorleifi fyrir bréfið

Hælismaturinn Arinbjörn

Við sem þurftum að ganga gegnum þá raun að umgangst Arinbjörn Arinbjörnsson á sínum tíma, vissum sem var, að Arinbjörn var fullkominn hælismatur; spurningin var aðeins hvaða hæli hentaði best fyrir þetta furðulega eintak. Flestir voru á því að drengstaulinn væri of heimskur fyrir vistheimili þroskaheftra. Ekki þótti heldur vitlegt að koma honum fyrir á geðveikrahæli og síður en svo væri verjandi að vista gerpið á Sædýrasafninu né öðrum gripahúsum. Niðurstaðan varð auðvitað sú að Arinbirni var ekki komið fyrir á neinu hæli og fékk að ganga laus þrátt fyrir að öllum væri ljóst að slíkt væri gjörsamlega ábyrgðarlaust.

Með árunum tókum við, sem þekktum Arinbjörn, eftir að hann var síður en svo einstakt fyrirbæri af þessari manntegund sem hann heyðri til. Á síðustu árum hefur svo keyrt um þverbak; fram á sjónarsviðið hafa stokkið Arinbirnir í kippum, svo hrikalegir að engu tali tekur. Enda hafa afleiðingarnar ekkki látið standa á sér. Þær endurspeglast víst sérlega vel í fjárlögum Alþingis fyrir árið 2009.

Tillögur um mikinn niðurskurð

Frímerki á rassinn á hr. Ásgrímsson

Þrátt fyrir að hafa ekki lesið skýrslu herra Ottóssons sendiherra, þá segir mér svo hugur um, að þar sé að finna tillögu um að frímerki verði límt á rassinn á herra H. Ásgrímsson framkvæmdastjóra og hann sendur til Írak. H. Ásgrímsson fýsti á sínum tíma mjög til strísláta í Írak og því tímabært að hann fái sjálfur að taka þátt í nokkrum bardögum þar eystra til að sýna heiminum hver stríðsmaður hann er í raun og veru.

Leggja til fækkun funda og færri fundarmenn

Góðar fréttir fyrir fémínísta

Um þessi jól munu fémínístar, einkum efri-millistéttar- og yfirstéttarfémínístar, kætast svo um munar því ákveðið hefur verið að senda jafnmarga kvenjólasveina og karljólasveina til byggða að þessu sinni. Fyrsti konujólasveinninn, Tíkarláfa, er væntanleg til Reykjavíkur aðfaranótt 11. desember ásamt naglanum Stekkjastaur og jólakettinum, sem líka er kvenkyns. 

Þá ku Grýla gamla halda fyrirlestur um kyjafræði við Háskóla Íslands milli jóla og nýárs og ber erindi hennar yfirskriftina, ,,Gagnkynhneigð og samkynhneigð meðal jólasveina af báðum kynjum."

Á þolláksmessukvöld er fyrirhugað að jólasveinninn Fýlufemma, sem er kvenkyns, stigi á stokk á Austurvelli og syngi ríkisstjórninni og dómkirkuprestinum Frjálshyggju-Hjálmari lofgjörð og biðji því fólki öllu blessunar. 

 

Jólasveinar valda deilum