Frú Swandees leyfir rjúpnamorð - rjúpnavinir munu grípa til vopna

Ekki er annað að sjá en að frú Swandees Sendiherrans ætli að vera býsna stórtennt varðandi rjúpnamorð í haust. Í staðinn fyrir að afvopna þá vesalings ógæfumenn, sem telja sér til sæmdar að ráðast á smáfuglakvikindi af hænsnfuglaætt með skotvopnum, ætlar ráðherrann að ganga í lið með vörgunum og leyfa þeim að fara enn á ný með stríð á hendur rjúpunni. Fyrst svona er í pottinn búið, eru rjúpnavinir nauðbeygðir til að grípa til vopna, sínum fugli til varnar. Mér þykir einsýnt að nú verði háð stríð á heiðum uppi í haust. Það má því búast við að á næstu mánuðum verði ekki einungis veiddar rjúpur með bysshólkum á afviknum stöðum heldur og verði rjúpnaveiðimenn einnig jagaðir á sama hátt. Það verður allavega nógu andskoti gaman að fá fréttir af því þegar slóttugir rjúpnamorðingar kasta frá sér vopnum sínum og flýja stjórnlaust og hágrenjandi og með blautan botninn útí buskann með kúlnaregnið úr vopnum rjúpnavina á eftir sér. 

Breytingar gerðar á veiðitímabili

Ætlaði að heimsækja kvenmann en fór húsavillt

Ekki efa ég að fólki líði hræðilega að þurfa að búa við hliðina á mönnum sem heita Wernersson, Welding, Ármannsson eða Gissurarson. Það segir sig sjálft að nágrannar slíkra manna fá sjálfkrafa óorð á sig, af ástæðum sem mér eru að vísu ókunnar. Þá væri ekki beint geðslegt fyrir nágrannana ef skemmdarvargarnir með málninguna færu húsavillt og djöfluðu og rauðu og svörtu uppá veggi hjá bráðsaklausu fólki; ég get bara ekki hugsað þá hugsun til enda ógrátandi.

Einusinni kom það fyrir í Laugarneshverfinu, að maður, sem ætlaði að heimsækja kvenmann um hánótt, fór húsavillt. Hann skreið innum gluggann á hjónaherberginu í næsta húsi og tókst áður en yfir lauk að vinna þar hræðileg spjöll, svo sem eiginmanni konunnar í því húsi ætti að vera best kunnugt um. Það var nefnilega ekki nóg með að villumaðurinn tæki feil á húsum þessa nótt, heldur fór hann kynjavillt þegar inn var komið og tók áðurnefndan eiginmann, sem lá í fasta svefni við hlið konu sinnar, svo ærlega í bakaríið að hann vissi ekki á hvorum endanaum hann ætti að standa í tvo sólarhringa á eftir. Af þessu má sjá að mistök geta verið dýrkeypt og menn ættu að einsetja sér, sem boðorð eitt, tvö og þrjú, á undan þessum 10 boðorðum í Biflíunni, að gera aldrei mistök.

Svo er náttúrlega einn möguleiki í þessu málnigarmáli öllu, sem Geir Jón lögregluforingi ætti að rannsaka sérstaklega, en það er hvort þessir werners- og weldingssynir allir saman hafi ekki sjálfir verið að dunda sér við að mála húsin sín á síðkvöldum og að næturþeli. Það er t.d. alþekkt að sumt fólk á það til að ganga í svefni og taka sér, undir þeim kringumstæðum, eitt og annað smáskrítið fyrir hendur. 

Nágrönnum auðmanna líður illa

Djöfullegt innræti og tvíelleft skemmdarvargafýsn

Það þarf meira en djöfullegt innræti og tvíellftan skammt af skemmdarvargafýsn að leggjast svo lágt að ráðast að hýbýlum guðsengla eins og Wernersbræðra og útata allt og fordjarfa með rauðri málningu, máske skipalakki eða botnfarva. Guðsenglar á borð við bræðurnar Wernersson eiga annað og betra skilið af almúgahyskinu, sem þeir af einstakri fórnfýsi hafa reynt hvað þeir geta að gera bjargálna.

Svona skemmdarvarga, sem vaða um borg og bý og eyðileggja eignir góðra manna, að verður að uppræta og í eldsofninn kasta, svo notað sé hákristilegt orðalag úr sjálfri Biflíunni. Ég man eftir drenghelvíti einu, þrettán ára gömlu, sem tók uppá þeim ljóta sið að dæla tjöru úr einhverskonar vatnsbyssu, sem faðir hans hafði keypt í útlöndum og gefið honum, innum glugga hjá saklausu fólki, einkum innum svefnherbergisglugga að næturþeli. Þessi drengur var upprættur. Og það var til þess tekið að hvað sóknarprestinum var ljúft að jarðsyngja þennan pilt - enda var talið að sóknarpresturinn sjálfur hafi átt hvað drýgstan þátt í að uppræta óbermið.

Ég legg að minnsta kosti til, svo að ég leggi nú eitthvað til, að Stjörnusýslumanninum Stones á Selfossi og hans vösku varðsveit verði falið að leggja til atlögu við hina málningarglöðu skemmdarvarga og ganga milli bols og höfuðs á þeim áður en þeir hætta að láta sér nægja að útsvína veggi góðra manna og fara að mála Wernersbræður sjálfa uppúr hárauðu vélarlakki. 

Hús Wernerssona máluð

Þegar Geiri gamli lumbraði á kerruþjófnum

Andskoti er að heyra þetta með búðarþjófana ofaná allrar fréttirnar af bankaræningjunum. En þetta grunaði mig alltaf. Við búum í þjófafélagi en ekki þjóðfélagi. Og nú eru þeir farnir að mæta á jeppum af Nissan Patrol gerð og hafa á brott með sér kerrur uppá eina og hálfa milljón per stykkið og það um hábjartan dag. Það er ekki nema von að heiðurspiltinum Drésa Magg hjá Samtökum verslunar og þjónustu fallist höndur andspænis þessháttar óganarbíræfni.

Ef mér skjátlast ekki því meir, þá hafa þessir þarna á Nissan Patrólnum verið allt í senn: frjálshyggjumenn, súsarar og heimdellingar, því þeirra höfuðdyggð er nú einusinni að fara um á jeppum og stela kerrum, hvernig sem á því stendur. Það er ekki lengra síðan en í fyrra að Geiri gamli í Tungu lumbraði eftirminnilega á svona heimdellingssúsara sem ætlaði að stela traktorskerru frá honum. Sú barsmíð kostaði Geira gamla þriggja ára fangelsisvist að Litla-Hrauni auk þess að greiða heimdellingssúsaranaum 12 milljónir í skaðabætur fyrir líkamstjón sem ófétið þóttist hafa orðið fyrir. 

Bíræfnir búðarþjófar

Örlög Kjartans grábrókar háskólastúdents

Ekki verður annað sagt en háskólatúdentarnir sem sviku milljónir á milljónir ofan útúr Atvinnuleysistryggingasjóði séu einstaklega vel heppnaðir einstaklingar og stórefnilegir framtíðarembættismenn. Það er áreiðanlega mörgum tilhlökkunarefni að geta sagt um sóknarprestinn sinn: ,,Hann er einn af þessum sem rændu aurum af atvinnulausum þegar hann var að læra."

Svo er líka spurning hvar andskotans börnin lærðu að haga sér með þessum hætti þegar þau voru farin að nema fræði við æðstu menntastofnanir. Ég gæti best trúað, að svona ungar komi af vel græðgisvæddum íhalds- og fframsóknarheimilum og á þeim sannist hið fornkveðna, ,,að eftir höfðinu dansi limirnir."

Í gamla daga þekktum við félagarnir Kjartan grábrók háskólastúdent. Ég vil taka það fram að hann var ekki vinur okkar í neinum skilningi þó að við þekktum kauða ágætlega. Kjartan grábrók var undan vellríkum og gráðugum foreldrum, sem bæði hafa, áratugum saman, verið frammáfólk í Sjálfstæðisflokknum. Sjálfur var Kjartan í Heimdalli og talaði sjaldnast um annað auðvirðilegt gróðabrall, sem hann kallaði samkvæmt innræti sínu ,,eftirsóknarvert frelsi í viðskiptum." Hluti af þessu margumtalaða eftirsóknarverða frelsi í viðskiptum Kjartans grábrókar fólst m.a. í því að selja rosknum konum, sem hann hitti í danshúsinu Glæsibæ, blíðu sína. Talið var að minnsta kosti fimm svona kerlingar hafi verið fastakúnnar hjá Kjartani á námsárum hans. Og auðvitað gerðist Kjartan grábrók mikill höfðingi að háskólanámi loknu; sigldi bókstaflega með himinskautum á sviði farsældar og auðlegðar. 

En fyrir tæpu ári síðan steytti veraldarfley Kjartans á einu ægilegu blindskeri. Það var eins og karlgarmurinn hefði keyrt á þúsundfaldan vegg; hræðilegur leki kom að fjárhirslum hans og allt fór óforvandis útum læri og maga eins og sagt er. Síðan þá hefur Kjartan grábrók verið í felum og á flótta undan öllu og öllum, utan hvað hann hefur komið tvisvar eða þrisvar fram í fjölmiðlum til lýsa því yfir að hann sé alsaklaus af bankahruninu og þjóðargjaldþrotinu. Nú segja mér vísir menn, að aðeins kraftaverk geti komið í veg fyrir að Kjartan okkar grábrók, og ýmsir fleiri af hans sauðahúsi, lendi í fangelsi til margra ára fyrir hluti sem hann þó hefur svarið oftar en einusinni af sér fyrir framan alþjóð.

Það má me sanni segja, að það hafi verið ógæfa Kjartans að: 1.) fæðast með gullskeið í trantinum. 2.) læra ,,eftirsóknarvert frelsi í viðskiptum" sem æðri vísindi við háskóla. 3.) éta yfir sig af frjálshyggjukjaftæði framreiddu af H. H. Gissurarsyni prófessor.

Skoða frekari bótasvik námsmanna

Glæpajurtirnar eru lúsiðnar og unna sér engrar hvíldar

Hinar sjúku glæpajurtir, illgresið mikla í Sjálfstæðisflokknum, Framsóknarklíkunni, - já, og Samfylkingunni, sem sótt hafa næringu sína fyrst og fremst í dauníllt frjálshyggjuskólpið sem runnið hefur frá samfélagsfjandsamlegum eiturpöddum eins og Miltóni Fríedman og öðrum ámóta skítakleprum, eru ennþá að í íslensku samfélagi.

Þrátt fyrir að hafa hrundið af stað þjóðargjaldþroti með herfilegum uppátækjum sínum, halda frjálshyggjuómennin áfram hvað þau geta að grafa undan samfélaginu, sjálfstæði þess og framtíð. Nú skal öllu til kostað í að svíkja sameign þjóðarinnar sem felst í orkulindum landsins í hendur einkaaðila og það meira að segja erlendra einkaaðila.

Framganga af þessu tagi er ekki aðeins framúrskarandi lítilmennska heldur fyrst og fremst forhert glæpamennska af síðustu sort. Hvað verðskulda þær aumu persónur sem hafa dregið allt sem hönd á festir á Íslandi ofan í svaðið? Af hverju eru þessar skepnur ekki stoppaðar af í eitt skipti fyrir öll? Af hverju eru illkynja meinvörp eins og Sjálfstæðisflokkurinn og Framsóknarflokkurinn ekki bannaðir með lögum eins og hverjar aðrar hættulegar glæpaklíkur? Íslendingum stafar nefnilega ógn af fleiri glæpasamtökum en Hells Angels og öðrum þvíumlíkum.

Endurskoðendur í svaðið?

Með hvaða líkamsparti er Margrét vön að anda?

Hún ætlar að anda með nefinu, þingskörungurinn Margrét Tryggvadóttir, áður en hún segir af eða á með hvort hún segir óbreyttum dátum í Borgarahreyfingunni að fara til andskotans eða ekki. Þessi áhugaverða afstaða þingskörungsins vekur upp þá áleitnu spurningu hvort hann sé vanur að anda með einhverjum öðrum líkamsparti en nefinu og þá nákvæmlega hvaða líkamsparti. Það má svo sem vera að stjórnmálaljónynjan Margrét hafi vanið sig á að anda með munninum, jafnvel frá frumbernsku, og standi þá gjarnan á öndinni, másandi og blásandi útum munnsöfnuðinn með tunguna útúr og augun í kross. Slíkur framgangsmáti er ekki þingmanni sæmandi, svo mikið er víst. En hvað sem því líður, hefi ég samt illan og ísmeygilegan grun um að öndunarmál þingskörunga Borgaraflokksins séu í argasta ólestri og fari hvorki fram um munn eða nef. Enda er andi þessara merku borgara ekki þess eðlis að hann fari fram um hefðbundin öndunarfæri. Ónei, þar eru einhver önnur lögmál í gangi en gengur og gerist.

Eina ráðið sem ég get gefið borgarflokksþingmönnum er að hætta öllum fíflagangi og drífa sig strax heim í Framsóknar- og Sjálfstæðisflokkinn og hafa Þráinn með sér. Og það vill saman sem saman á og við því er ekkert að gera.

 

Tíðinda að vænta í vikunni

Ættu að finna upp lyf gegn öðrum og verri óþverrapestum

Það má vel vera að einn skammtur af GlaxóSmithKline bóluefni drepi niður svínaflensu og geri jafnvel örgustu fola vita náttúrulausa í leiðinni. Ég held ég muni nú þegar Villi vinur minn, sem var ærður af ást til allra kvenna, lét sprauta sig við inflúensunni hér um árið; hann missti ekki bara getuna til kvenna, heldur umpólaðist hann gjörsamlega og varð jafn elskur að karlmönnum og hann var ástfanginn af konum áður enn hann fékk sprautuna.

Hinsvegar ættu þeir hjá GlaxóSmithKline og öðrum stöffbruggsfabikkum, að hunskast til að einhenda sér í að finna upp bóluefni gegn óþverrapestum eins og framsóknarmennsku og sjálfstæðisflokksmeinvörpum, sem eru, eins og alþjóð veit, þjóðarógæfa íslendinga. Það væri mikið kærleiksverk og mannúðarmál af hálfu lyfjafyrirtækja ef þau sæju sér fært að framleiða sterka lyfjablöndu sem virkaði á fyrrnefnda sjúkdóma áður en þeir ná að verða að heimsfaraldri með tilheyrandi skakkaföllum fyrir allt mannkyn. 

Einn skammtur af bóluefni nóg

Fikt með últratón rafmagn er ekkert grín

Aumingja blessaðar manneskjurnar orðnar leiðar á að vera heima! Það er merkilegur andskoti hvað sumt fólk er blint á hvar það sé best geymt. Og hvað var svona herfilega leiðinlegt heima hjá þessum vesaling konum? Uppvaskið? ... ryksugan? ... skúringafatan? Og hver fjandinn sjálfur er þetta sem þær kalla ,,ultratone rafbylgjumeðferð? Er það máske einhverskonar nýmóðins BDSM-dæmi? Það muna víst flestir hvernig fór þegar kerlingin tengdi rafgeymi úr toyota landcruiser bifreið þeirra hjóna við rassinn á eiginmanni sínum. Það sprakk allt í loft upp, hjónaherbergið, hjónarúmið og hjónin sjálf, að ógleymdum geyminum sem þoldi engann veginn að komast í beint samband við bláendann á hinum óhamingjusama eiginmanni.

Mín skoðun er sú, að frænkurnar, Margrét og Erla Hanna, eigi að halda sig í eldhúskróknum heima hjá sér því að þá eru minnstar líkur á að þær geri eitthvað af sér. Fikt með últratón rafmagn er ekkert grín í höndunum á svona kerlingum. Þessháttar spaug getur auðveldlega endað með stórslysi, jafnvel tvíburaturnasprengingu ef þannig háttar til.

Orðnar leiðar á að vera heima

Óráðskallinn Askinaski mærir yfirspenntan snobbismaviðbjóð

Helvítis rugludallur getur þessi ekkisens Askinaski verið, segist hafa fengið ,,innblástur" við að tipla um um hið afkáralega minnismerki um vitfirringu frjálshyggjugræðgisáranna í Austurhöfn Reykjavíkur, tónlistarhöllina miklu sem til stendur að henda meira en 30 milljörðum í áður en yfir lýkur. Það væri gaman að vita hverskonar trekkvindur það var sem blés anda sínum inní rörið á Askinaski. Þó að Askinaski sé þrautseigur píanóglamrari og víðfrægur sem slíkur á Íslandi, þá er ekki þar með sagt að fjölmiðlar eigi birta óráðshjalið í karlskepnunni ómelt.

Að mæla með tugmilljarða tónlistarhúsi á sama tíma og þjóðin liggur hryggbrotin í blóði sínu eftir aðfarir allrahanda frjálshyggjubrjálæðinga er raun og sannleika ekkert annað últrafáránlegt óráðshjal. Það er með algjörum endemum að Ríkið og Reykjavíkurborg séu látin ausa ótrúlegum fjárhæðum í slíkan yfirspenntan snobbismaviðbjóð. Það etur andskotann ekki annað verið, en að þeir sem standa fyrir þessum ósköpum eigi við alvarleg geðræn vandamál að stríða, sennilega geðkrabba eða stökkbreytt geðfár. 

Agndofa og þakklátur